اقرؤو قصتي ارجوكم وافيدوني انا بحاجتكم

[imane mina]

اخوتي الكرام ارجوكم قبل ان ابدا قصي ساعدوني انا محتاجة لكم ساعدوني ولو بفكرة فانا متزوجي ولي طفلين وانا الان في فترة النفاس رزقت بمولودي التاني ولم اعرف كيف افؤح به لاني وبكل اختصار وصراحة لاعرف ان كنت استطيع ان اتدبر مستلزماته ام لا والله العظيم انا اتالم كل يوم وكل دقيقة زوجي بدون عمل وهو الان في فترة لايحسد عليها اصبح صامتل حزينا انا قلبي يتقطع عليه والله حاول وبحت عن عمل لكن مامن فائدة كل شيء بالمعرفة حتى ولو عمل بسيط اتعرفون شيء كل يوم ينهض صباحا يخدم 10 او 15 خبزة تاع بز الدار ويوح يبيعهم باه يجيب مصروف الاطفال حليب وحفاظات و.... والله كي نشوفو رايح بالقفة تاع الخبز نموت ونتقطع من الداخل تكنيت يخدم ويتعب على الصح ويدخل مصوف كي كامل الرجال ماشي على جال 10 الاف من 4 تاع الصباح وهو واقف والله اني نتعدب على زوجي واطفالي وربي شاهد اني نافسة ومازال قبري مفتوح ويحاسبني ربي على كلامي انا على طاولة الولادة ابكي وادعي ان يرزقه الله بعمل نسترزقو منو ونخلصو الديون اللي علينا صعيب بزاف الاحساس اللي رانا نعيشوه كل يوم هو نفسيتو تعبانة بزاف وديما يحس فس روحو مقصر اتجاهنا رغم اني ديما نفهمو انننا واقفين معاه لانو والله مابيدو حيلة حاول 1000 مرة لكن دون جدوى انا زوجة ونتمنى من كل زوجة تقرا رسالتي تحط روحها في باصي تشوفي راجلك الحزن في عينيه ويتعب من الصباح على جال 10 الاف و20 اثف وابنك لابس البسة تاع اولاد عمو وخالو ممزقين عليه باه ماتشريلوش والله اني نموت كليوم ارجوكم انصحوني ولو بفكرة واش ندير ارجوكم ودعواتي لكم عن ظهر غيب وجزاكم الله خيرا

[مراد سابقا6]

رجلك فنيان يا اختي

يروح للشونطي

راهم يخدموا ي 1000 دج للمونفيريا

[لينة71]

لا حول ولا قوة الا يااختي ربي يكون معاك وخلي روحك شجاعة ومتينة وشدي حيلك وشجعيه بالعمل وملازمش تحزني

[imane mina]

رجلك فنيان يا اختي

يروح للشونطي

راهم يخدموا ي 1000 دج للمونفيريا

شكرا لك اخي الكريم احترم رايك لكن لو عرفته وعرفت حكايتنا لما قلت هدا اقسم لك انه حاول ان يخدم مونيفري لكن لم يجد في رايك خبز الدار يخدمو ويبعو ومونيفري لا لا كون حتى لقاها برك

[imane mina]

لا حول ولا قوة الا يااختي ربي يكون معاك وخلي روحك شجاعة ومتينة وشدي حيلك وشجعيه بالعمل وملازمش تحزني

شكرا لكي اختي على ردك انا مهما احزن وابكي لا اريه دلك لكن صعب جدا مااعيشه من اجله لدلك حاولت ان اتواصل معكم لعلكم تفيدوني بفكرة عن العمل متلا كيف يبيع الخضر باختصار كيف البدايه لاي عمل ولو بسيط ودلك عن طريق تجاربكم انتم

[om mohamed 1960]

يااختى الله يقومك بالسلامة.اولا ثانيا بيع الخبز مش عيب العيب فى الانسان لبصحتو وميخدمش.لكان يبحث عند بائعى الجملة يلقا ولا فى مخبزا وحتى فى الحمام وحتى فى المزارع.مش عيب والله نعرف ناس شطار يعملو كل يوم فى مكان وشبان ماشاالله عليهم ويقولك خير من ماكاش.شوفى الصحابة رضوان الله عليهم عملو بيديهم حرف نصحاقوها اليوم .وشوى صبر متعرفيش منغدا واش يرزقك ربى انا الله مع الصابرين.قومى الليل ودعى الله انه القريب المجيب سبحانه وتعالى.

[imane mina]

يااختى الله يقومك بالسلامة.اولا ثانيا بيع الخبز مش عيب العيب فى الانسان لبصحتو وميخدمش.لكان يبحث عند بائعى الجملة يلقا ولا فى مخبزا وحتى فى الحمام وحتى فى المزارع.مش عيب والله نعرف ناس شطار يعملو كل يوم فى مكان وشبان ماشاالله عليهم ويقولك خير من ماكاش.شوفى الصحابة رضوان الله عليهم عملو بيديهم حرف نصحاقوها اليوم .وشوى صبر متعرفيش منغدا واش يرزقك ربى انا الله مع الصابرين.قومى الليل ودعى الله انه القريب المجيب سبحانه وتعالى.

بارك الله فيك اختي الكريمة على ردك زوجي يخدم خبز الدار وانا كنت نخدم معاه وانا حامل ونقولها بكل فخر بصح انا متمنيتلو عمل احسن من هدا لكن لااعرف البداية اريد ان انصحه وان اجعله يتفائل خاصة واني انا ايضا يئست مؤخرا بعد المحاولات العديدة

[سجل أنا جزائري]

أختي هل هو مسجل في أنام ؟؟ حسب علمي راهم كل يوم يحط خدمة خاصة لماعندوش مستوى كيما مونفريا و و و

يروح يبكر صباح بكر و يستنى ثم كاش يجيو اللي يسحقو الخدامة

صح مش دائمة بصح يقدر يعاون روحو خير من يبع الخبر 10 ألاف برك

كاين قهاوي يشوف ثمة مش يعفش

تلقاهم طفل يقرى في سيام في صيف يدبرو خدمة حتى و قليل بصح خير مكش

المهم ربي يفرج عليكم ان شاء الله و يرزقكم من غير ما تحتسبون

[om mohamed 1960]

نحكيلك قصة لوحدا من قارباتى زوجا مرض وتوقف عن العمل اليومى دخلت هى التكوين المهنى للماكتات فى البيت تعلمش شوى خدما من بعد راحت للجمعية طلبت على مكينة الخياطة عطاولها وحدا بدات تخدم حوايج خفاف عجارات بوانت الحمام كياسات حبايل الحمام هو يديهم فسوق ولا لحوانت .يبيعولاه .حوايج هادوك الان راهى خياطة شاطرة .وتعلم لبنات .راه طرع شهرية كاملة...'(واش رايك؟)

[imane mina]

أختي هل هو مسجل في أنام ؟؟ حسب علمي راهم كل يوم يحط خدمة خاصة لماعندوش مستوى كيما مونفريا و و و

يروح يبكر صباح بكر و يستنى ثم كاش يجيو اللي يسحقو الخدامة

صح مش دائمة بصح يقدر يعاون روحو خير من يبع الخبر 10 ألاف برك

كاين قهاوي يشوف ثمة مش يعفش

تلقاهم طفل يقرى في سيام في صيف يدبرو خدمة حتى و قليل بصح خير مكش

المهم ربي يفرج عليكم ان شاء الله و يرزقكم من غير ما تحتسبون

شكرا اخي الكريم على ردك

[الاء هبة الرحمان]

ربى يفرج عليكم ويرزقكم من واسع فضله العمل فى بيع الخبز ماشى عيب يتوكل على ربى وباذن الله يرزقو بعمل افضل وانتى تقدرى تساعديه كى ترتاحى بالخياطة او الكروشى او اى عمل يدوى المهم تسعاى ومتبقايش برك تبكى هذا ابتلاء من عند الله فاصبرى حتى ياتى فرج الله

[imane mina]

نحكيلك قصة لوحدا من قارباتى زوجا مرض وتوقف عن العمل اليومى دخلت هى التكوين المهنى للماكتات فى البيت تعلمش شوى خدما من بعد راحت للجمعية طلبت على مكينة الخياطة عطاولها وحدا بدات تخدم حوايج خفاف عجارات بوانت الحمام كياسات حبايل الحمام هو يديهم فسوق ولا لحوانت .يبيعولاه .حوايج هادوك الان راهى خياطة شاطرة .وتعلم لبنات .راه طرع شهرية كاملة...'(واش رايك؟)

اختي الكريمة انا لايهمني نوعية العمل انا اكتر شيء المني نفسية زوجي لو ترين عندما يجد طريق لعمل ما كم يفرح ويتحمس لتعرفين مادا كان يعمل كان يعمل في مخبزة تم في طعم وايضا عمل كماصو واشياء كتيرة وكان سعيد جدا والان حط ملف في جيجل على سونلغاز وزعمة وصاو عليه جماعة وكان متفاءل بزاف بصح كي راح ماقيموهش خلاص وقالو مكانش مناصب كعون امن ووقاية بالمختصر المفيد ماعندوش معرفة صحيحة والله انا رايحة نولد وانانبكي عليه

[imane mina]

ربى يفرج عليكم ويرزقكم من واسع فضله العمل فى بيع الخبز ماشى عيب يتوكل على ربى وباذن الله يرزقو بعمل افضل وانتى تقدرى تساعديه كى ترتاحى بالخياطة او الكروشى او اى عمل يدوى المهم تسعاى ومتبقايش برك تبكى هذا ابتلاء من عند الله فاصبرى حتى ياتى فرج الله

شكرا اختي على النصيحة

[om mohamed 1960]

دموعك غلية حببتى والله والله حسيت بيك وكانك اختى يحس يك لى كيفك نقولك حاجة هدا امتحان من عند ربى برك ماتسوخطيش كل يوم قولى الحمد الله والشكر لالله شوفى لاقل منك.الصحة هى المهم قوليلاه كلام حلوو متزعفيش وماتشكيش قدامو .راه رافد هم كثير.

[HADIL2044]

ربي يكون معاكم اختي
ان بعد العسر يسرا

[ام ملاك.]

ربي يفرج عليكم اختي ماكانش منا للي مافاتتش على هاذ الطريق
لحقت انا في وقت مالقيتش باش نشري حليب لبنتي ورحت نبيع خاتمي ثم راجلي لوكان جا مرا راه بكى ومالقينا حتى واحد مع انو عائلتو قع لاباس بيهم وعمو ملياردير بصح راجلي ماحب يطيح بروحو لحتى واحد مزية جا قافز وانا مزية خدامة لانام الحمدلله على كل حال
وفرجت غير بالصبر ودعوة ربي
بصح نسقسك اختي بلا حساسية حالتكم صعبة علاش ماتحبسيش الانترنت ودراهم خلاصها انت وولادك اولى بيها؟

[melissa lola]

اختي راكي نافسة البكا و الزعاف ماشي مليح تخافي ينشفلك الحليب وتحصلي في وليدك واش ترضعيه عن تجربه بعد العسر ياتي اليسر كامل فتنا باوقات تكون فيها قلة الشي مي الانسان يحمد ربي على نعمة الصحة ونعمة الذرية انتي براي برك وتقدري تخدمي مطلوع محاجب معارك كعك حلوة الطابع وتبيعي للقهاوي تخدمي في دارك وماتحتاجش راس مال كبير ارفدي السلعة كريدي وخلصي كي يفتح ربي وعن راجلك لازم يدور ويسقسي ويحوس على الخدمة الروسوفور التالي يدي 1000دج في النهار ربي يفرج وماتحشميش بخدمة راجلك بالعكس خدام الرجال سيدهم واختي ماكاش اللي راهو مهني في هاذ الدنيا كل واحد همو من طبع انا نقول لوكان ربي يرزقني غير الذرية الصالحة برك و الحمد لله وانتي وليدك في حجرك وراكي تبكي لالا اختي ديري الكوراج واحمدي ربي راكي في نعمة تجيك في الدراهم وماتجيكش في صحتك ولا راجلك ولا وليداتك ربي يشدلك وان شاء الله نسمعو عليك خبر الخير

[كلنا راحلون]

اختي مبروك عليكم مزيود وراح يجيب رزقو معاه


صح مايحس بلجمرة غير لي كواتو


زوجك يقدر يفتح كروسة ويبيع فيها كرانتيكا ويمر على شونطيات مدراس جامعة وادا كان غير مسموح قصدي تسكنو في ولاية كبيرة يروح للقرى بي لا ما شد روحو



والله يرزقكم

[اياد حياتي]

اختي ربي معاك ويفرج عليك والله غير حسيت بيك ومعاناتك انا نقولك خليه يشري الكوكاو وماييز ويبيعو قدام مدرسة ابتدائية والله غير اولاد يشرو هذو الاشياء حتى ربي يفرج سمحيلي كانت مجرد فكرة بسيطة من عندي نتمنى افدتك اذا كان قادر يديرها

[anissa90]

يا اختي الله اكون معكم اراني مقدر الوضيعة لي راكم عيشينها بيع الخبز ولا تعملي منظفة عند ناس مش عيب بالعكس ولكن راكي واعية ا راكي شيفا الوضعية تعكم زوجك الله غالب ازيد نفسية تعبنة علاه تزيدي في الاطفال علاه فهميني حرام عليكم انتما الاولياء تولدو اتقلو معندناش ا تشكوا واحد يكفي حتى افرج ربي حبوب منع الحمل امدوهم باطل في كل المراكز الاستشفائية ربي يهديكم اخرتها الاطفال هما الضحية

[oum imane83]

ربي يفرج كربتك عليك اختي .. هده هي حال الدنيا كل واحد وين وجعاته مكانش الي مرتاح ..كي يكون الراجل مايخدمش و بدراري ربي يعينكم ان شاء الله
بعد كل عسر يسر خلي ثقتك في ربي سبحانه و ادعي بزاف

[imane mina]

اهلا اخوتي شكرا لكم جزيلا لكل من اعطى اهتمام لقصتي وكتب لي نصيحة وراي لقد قرات كل ردودكم وفعهلا اشكركم على دعمكم لكن ارضت فقط ان اوضح شيء انا كتبت قصتي والمي لكي تساندوني وتعطوني تجاربكم في الحياة انا وزوجي نريد ان نيدا من جديد لكن كيف نبدا لا نعرف انا مازلت احتفظ بقطعة دهبية قلت لها بيعها لتبدا بشيء ولو صغير وان شاء الله سنناقش اقتراحاتكم وشكرا لكم من كل اعماق قلبي احبكم في الله

[imane mina]

نسيت ان اقول لام ملاك اني لا اخلص فاتورة الانترنيت للتوضيح فقط لانو مدي خيط من سيبار جنب منزلي وانا عندي الكمبيوتر بدل التلفاز وكم من مرة قلت لزوجي بيعه لكن هو لم يقبل لانه وكما قلت ليس لدي تلفاز عموما هدا للتوضيح فقط وانا طلبت رايكم ونصحكم وخبرتكم فافيدوني وقدرو ظروفي

[زرقـآء اليمآمـة]

السلام عليكم ........... اختي زوجك ليس الوحيد الذي ليس له عمل مستقر ...... بعض الازواج يبكروا على الرابعة تع الصباح ويجري طول النهار لكي يوفر الخبزة لاولاده ....... وباي طريقة حلال ...... اختي الخدمة كاين لمن يبحث عنها ........ عليه ان يتكل على روحه اكثر فالعمل موجود والانسان المحتاج يعمل وما يخيّرش ....... لانه بعض الرجال لا يحبون الاعمال المتعبة ........... هذه الحياة لازم تتعب حتى تاكل وتوكل ...... وعلى كل حال ربي يفرج .......... والله المستعان

[maiar]

ربي يفرج عليكم و يرزق زوجك بعمل فالقريب العاجل يارب ماعليش بعد العسر يسرا

[السي محمد]

يا اختي الله يعلم و على حساب علمي

ماكاش شونطي ما يقبلش مونيفري

حتى لو كان مريض

انا عندي شيوخ فوق 62 سنة و ناس عنجهم باركنسون و ناس عندهم عمليات جراحية

و يخدمو عادي

نعطيهم خدمة على حساب قدرتهم

قوليلو يروح لشونطي يخدم

و إذا يسكن في شلف يجي يخدم معايا

[Fatima fato]

ربي يكون معاك حبيبة انتي جربي خيطي حوايج و بيعيهم ولا خدمي قاطو المهم بلاما ربي فرج علي راجلك

[naamane3]

تأملى جيدا قوله تعالى :
{ ولا تقتلوا أولادكم خشية إملاق نحن نرزقهم وإياكم إن قتلهم كان خطئا كبيرا }
الاملاق هنا هو الفقر الشديد
قالك رب العالمين هنا نحن نرزقهم يعني الاولاد
يعني ما تخافي ما والو ربي هو اللي يتكفل بيه
لكن يجب ان يكون ايمانك بالله قوي

[orchid violet]

ربي يفرج عليك اختي

[ايهان]

ربي معاك حبيبتي
ان شاء لله يرزقك الله انتي وزوجك برزق عاجل غير اجل

[متمنية]

ترى الاستغفار وان شاء الله ربى يرزقكم تانى نعطيك حل بالك ينفعك اخدمى الحلويات الموسم راها ماتقطعش عاونى روح والراجل تخلق باش يحوس على رزقه وانت ماتقلكيش روحك ان شاء الله ربى يفرجها عليك

[*سيرتا *]

سامحيني اختي بصح اعلاش تزيدو في الطفل التاني و وهو بلا عمل .. قوليلو يبحث برك و يتوكل على الله قادر يلقى في شانتيي ان كنتي من ولاية قسنطينة بالاك نقدر نعاونك

[imane mina]

سامحيني اختي بصح اعلاش تزيدو في الطفل التاني و وهو بلا عمل .. قوليلو يبحث برك و يتوكل على الله قادر يلقى في شانتيي ان كنتي من ولاية قسنطينة بالاك نقدر نعاونك

اختي الكريمة انا من ولاية سكيكدة ادا كنت فعلا تستطيعي مساعدتي فارجوكي لا تبخلي علي وارجو ان تردي علي في اقرب وقت