انا اتعس مخطوبة 2

[مشكلتي]

شكرا اخوتي على ردودكم جميعا
بالنسبة للاخ الي قال انو ممكن عرفت واحد اخر وحبيت ننب ونتحب ...... راك غالط يا خويا الحمد لله ماشي هادي هي اخلاقي والله لا يوجد أي شخص اخر لا في فكري لا في حياتي بغيرو .....
كاين ناس بانلهم ماكان حتى مشكل لكن صدقوني تبدلت بعد ماتخطبت .....نقص وزني بشكل ملحوظ ...اصبحت احب العزلة ....اشعر باختناق دائم.....وان فكرت في الفراق ارتاح نفسيا ولا ادري لمادا ......انا ثاني حابة نرتاح ونتهنى في خطوبتي لكن والله ماقدرت
حابة نستراااااح ونريح
للعلم انا ادرس سنة اولى جامعي ومجرد ملحوظة صغيرة تحصلت على عامي الجامعي بمعدل 15 ذكرت هدا ليس للتفاخر او شيء من هدا القبيل
لكني احب دراستي ولدي طموحات اود تحقيقها واعتقد ان زواجي ينقص من حظوظي كثيرا
واظن ان والداي هما الملام الاكبر في القصة لانهما لم يستمعا الي فقدت صرحت برفضي في بداية القصة لكنهما عفسو على رايي وعلى قراري وحطما حياتي وحياة ولد الناس ....وانا كي نتفكر بلي هدا الزواج كان ماشي برضاي وماشي عن قناعه نبكي بحرقة
كيفاه والديا حيين وفي 2 قاريين ونتزوج بالسيف عليا .....ولوكان راني كبيرة ماعليش قال في صلاحي هدا وين راني في بداية ال 20 ......
انا مشكلتي الان مع والدي لا غير حطوني في موقف الي حطمني وكسرني دخلاني وخلا مني انسان ضعيف
ومشكلتي الاخرى اني ماقدرتش نقولو صاي او لد الناس ....هنا يحبس كلش
حابة نطرح سؤال وحدة خطبها واحد مسقم بالصح هي رفضت خاطر مازلت ماهيش حابة تتزوج ومازلت ماهيش قادرة على المسؤوولية
هل هدا عيب ؟ هل هدا حرام ؟؟ ياخي لا يكلف الله نفسا الا وسعها .الزواج رضا كيما يقولو
وفي الاخير نقول يا ربي ادا عاد هو مكتوبي رضيني بيه يا رب ......وادا كان ماهوش مكتوبي بعدني عليه يا رب

[عطر الجوري]

شوفي اختي صدقيني ارضاي بواش كتبلك ربي تتهناي ادعي اللهم رضني بقضائك وبارك لي فيما قدر لي حتي لا احب تعجيل مااخرت ولا تأخير ماعجلت و
اسمحيلي ماتلقيش اللوم علي والديك لأنك انتي قبلتي بيه ودرتي أنا رأيي لازم يجئ لداركم تتلاقاي بيه وتتفاهمو علي الدراسة واكتبيها شرط في العقد اذا حب هاكي تضربي عصفورين بحجر واذا ماحبش راح ترتاحي مؤقتا لأنك كي تكبري تندمي لأنو الرجال نتاع الصح ولاو عملة نادرة كي تكبري تفهمي ولوكان تعيطيلو تقوليلو بطلت هاكا برك ممكن يشك فيك ويقول عندها واحد كيما ناس بزاف تخمم ربي يقدملك الي فيه الخير وقوليلنا أخبارك

[لمسة ابداع]

واش رايحة نقولك يا اختي روحي ارقي
وصلي صلاة استخارة وحاولي تحكي مع ماماك بلعقيلة وقوليلها بلي مازلت صغيرة وحابة تقراي ومن بعد يجي الزواج حاولي تفهميها بلي ماكيش قادرة على المسؤؤؤلية قوليلها نفكها ذرك خير من نروح ونعاود نولي
المهم في الاخير نقولك ري يقدمك لللشيئ اللي فيه خيييييييير

[azzedine055]

السلام عليكم و رحمة الله و بركاته يا اختي من اتاكم من ترضون دينه و خلقه فزوجوه هذا وصية الرسول الكريم صلى الله عليه و سلم أختي ا1ذا كان ذا دين و خلق لا تتسرعي برده صلي صلاة الإستخارة و اسال عنه فان كان ذا دين و خلق و ارتحت في صلاتك لا ترديه و اذ الإشكال انك تريدين الدراسة فلا بأس شاوريه فلعه يقبل . و انصحك ان لا تتسرعي كما قيل في الردود الرجال عملة نادرة اذا كانوا ذوا دين و خلق

[كلنا راحلون]

4444444444444444444

[nasser26]

واش نقولك مدامك مصرة ملازمش تكملي اتخذي موقف صارم

ومتنسايش تكملي طموحاتك كااااااااااامل ومن بعد فكري فالزواج

20 سنة مزالك صغيرة مام كي تكملي طموحاتك السن ميهمش المهم تحقي احلامك ومن بدا الزواج ساهل كما قلتي

مي عندك تندمي على رايك ؟؟؟؟؟؟؟؟؟؟؟

[naamane3]

لم تكلمينا عن الاستخارة
ولا ادري لماذا

[sarl02]

علاه راكي تجبدي لروحك فالاعذار باش اتحبسي؟هذا الشيء من حقك ..لكن لازم تعرفي بلي بزلتيها كي انت كي داركم وراح تلعبو بالمخلوق هذا الي طيحو ربي بين يديكم...قراي ولا طيري فالسماء ..ماكيش حابة تزوجي ما تلعبيش بالرجال حتى واحد ما غصبك...انت زعمة راكي اتحوسي علينا انقولولك بطلي ولا جناح عليك يعني كانك ما درتي والو ....مستحيل هذا الشيء ...ووفقك الله في قادم الايام.

[cherinou]

اختي انا قريت موضوعك هذا برك
نوصيك تصلي صلاة الاستخاره حتی لو كل وقت
وشدي في ربي وادعيه الا الراجل هذا
فيه الخير ربي يجمعكم ولا مافيهش راكي تسلكي
منه وربي حنين كريم يفرج عليك ويفرحك ان شاءالله

[زرقـآء اليمآمـة]

السلام عليكم........... اخبري خطيبك بما تشعرين وتحملي نتيجة قراره فيما بعد .......... اما وان كنت متمسكة به كعريس لقطة مثلا ......... اطلبي منه ان يصبر عليك لتكملي دراستك وتحقيق طموحك ....... ثم الزواج .........في الاصل انت غير مقتنعة بمسألة الزواج ......... وتريه حملا ثقيلا عليك .........موفقة اختي

[اربعاء]

شكرا اخوتي على ردودكم جميعا
بالنسبة للاخ الي قال انو ممكن عرفت واحد اخر وحبيت ننب ونتحب ...... راك غالط يا خويا الحمد لله ماشي هادي هي اخلاقي والله لا يوجد أي شخص اخر لا في فكري لا في حياتي بغيرو .....
كاين ناس بانلهم ماكان حتى مشكل لكن صدقوني تبدلت بعد ماتخطبت .....نقص وزني بشكل ملحوظ ...اصبحت احب العزلة ....اشعر باختناق دائم.....وان فكرت في الفراق ارتاح نفسيا ولا ادري لمادا ......انا ثاني حابة نرتاح ونتهنى في خطوبتي لكن والله ماقدرت
حابة نستراااااح ونريح
للعلم انا ادرس سنة اولى جامعي ومجرد ملحوظة صغيرة تحصلت على عامي الجامعي بمعدل 15 ذكرت هدا ليس للتفاخر او شيء من هدا القبيل
لكني احب دراستي ولدي طموحات اود تحقيقها واعتقد ان زواجي ينقص من حظوظي كثيرا
واظن ان والداي هما الملام الاكبر في القصة لانهما لم يستمعا الي فقدت صرحت برفضي في بداية القصة لكنهما عفسو على رايي وعلى قراري وحطما حياتي وحياة ولد الناس ....وانا كي نتفكر بلي هدا الزواج كان ماشي برضاي وماشي عن قناعه نبكي بحرقة
كيفاه والديا حيين وفي 2 قاريين ونتزوج بالسيف عليا .....ولوكان راني كبيرة ماعليش قال في صلاحي هدا وين راني في بداية ال 20 ......
انا مشكلتي الان مع والدي لا غير حطوني في موقف الي حطمني وكسرني دخلاني وخلا مني انسان ضعيف
ومشكلتي الاخرى اني ماقدرتش نقولو صاي او لد الناس ....هنا يحبس كلش
حابة نطرح سؤال وحدة خطبها واحد مسقم بالصح هي رفضت خاطر مازلت ماهيش حابة تتزوج ومازلت ماهيش قادرة على المسؤوولية
هل هدا عيب ؟ هل هدا حرام ؟؟ ياخي لا يكلف الله نفسا الا وسعها .الزواج رضا كيما يقولو
وفي الاخير نقول يا ربي ادا عاد هو مكتوبي رضيني بيه يا رب ......وادا كان ماهوش مكتوبي بعدني عليه يا رب



انا انقك حاجة صارحيه احسن لكن روحي معاه بلعقل .. مهما كانت النتيجة لان الصراحة احسن . لانو مش والديك اللي راهم رايحين ايعيشو معاه . خرمن ما تكرهيلو حياتو.من بعد....واداشايفة الك حابة تقراي قليلو مانتزوجش حتى نسلك قرايتي. . القرار في الاخير راه في يدك . مكاش اللي يقدر ياخد القرار غيرك. فهمت وانت الملامةعلى كل شي مش والديك...... كنت في الاول تخمي مليييح وترجعيلو لخبر.. وانشاء الله يحن قلبك ليه ويتفهمك هو تاني وتكمليقرايتك. وتعيشو مع بعض

[لجين امنيتي]

السلام عليكم
اختي انا قريت موضوعك الاول والثاني
اختي انت قلتي بلي راهو انسان مليح بزاف ويخاف ربي وفي وقتنا هذا قلو الناس الي يخافو ربي وانتي رزقك ربي بانسان كيما هذا
انا خايفة عليك ترفضيه وتندمي والندامة هي الاخيرة وفي هاديك الساعة ماتنفعكش الندامة
لهذا اختي الحبيبة انا ننصحك تنحي من بالك فكرة انك تبطلي عليه درك تقدري تتقبلي فكرة خطوبتك وادعي ربي يكملك ويهنيك بيه وتاكدي اذا كان هو مكتوبك ديري وش ديري يبقى هو الي كاتبلك وربي يفرج عليك ادعي ربي واستخيري ورقي وسلمي امرك لرب الخلق ربي معاك اختي

[الجليس الصلح]

السلام عليكم ورحمة الله
مازلت صغيرة أختي الكريمة وما زلت طالبة ونجيبة والحمد للله
عليك بالإستخارة والدعاء للله وعدم اليأس والقلق
موفقة بحول الله

[شرشورة2]

مادمت حاسة روحك ماراكيش قد المسؤولية ما تروحيش تدفني روحك الزواج لي بلا قناعة عواقبه وخيمة انا اختي تزوجت باش ترضي الناس جابت توام و جات راهي حاصلة بيهم

[dabour1]

طولي ولى تقصري آخرتها زواج ودارة وعيلة.......................خممي مليح نصيحة أخ.

[aya911]

عادي كما قبلت به أول مرة صارحيه و أخبريه بأنك تسرعت أو أرفضيه و انتهى
كل شيء كيف غير المحبة ماشي بالسيف.

أو راهوا عاجبك و ماكيش حابة تضيعيه و راكي هنا تتباكاي زعما لاعباها محقورة.

[Algam]

دكرتيني بقصتي انا ثاني كنت مغصوبة على زواج من احد افراد العائلة هو في الحقيقة انسسان مدين وطيب ولكن عمري ما تصورتو يكون زوجي وما داخلش في خاطري وماما حبتهولي بزاف هذا كان في عمري 22سنة قعد عام وانا مخطوبة وكارهة حياتي كلما نقول لماما ما نتزوجش بيه تصرخ في وجهي وانو لوكان ما نديهش ماكانش اللي يديني ههه تهدد فيا مع اني الحمد لله حاجة ما ناقصتني وخطبوني بزاف من بعده ماشاء الله لكن المكتوب ما كتبش والآن في عمري 26سنة ورانا نستنوا في فتح من الله
امالا اختي هاديك الفترة حسيت روحي ضعيفة بزااف وسوفريت حتى انفجت وحد المرة وقنعت ماما انو هدا الانسان مستحيل يكون زوجي ونعيش معاه والحمد لله ربي وفق وماما ندمت من بعد لأنو لقاتي مع حق اكتاشفت أشياء تدل على انه غير مناسب وصراولي حوايج بزاف من بعد وقصص كثيرة مع خطابة لكن يقولوا الضرببة اللي ما تقتلش تقويك الحمد لله بضربة على ضربة ولينا بفضل الله واقفين على رجلينا والواحد مادامه عايش ديما يستنى السعادة ماشي التعاسة وربي كيما يبلي العبد هو وحدوا اللي يرفع عنه البلاء صدقيني راني عزباء وغير مخطوبة وفي سن 26 افضل بكثيييييييييير من ان أكون مخطوبة وغير راضية وراها عاد كيف صراتلي قصة اخرى مع خطيب قرا عليا الفاتحة وقريب نعقد معاه لكن اكتشفته انو مخادع ومايستاهلنيش وبطلت مع انو الصالة تع العرس وكانت خالصة اختي قرار الزواج مصيري
فكري وعاودي ربما تكون فرصة مليحة ليك ما تتكررش الدراسة خليها على جنب وفكري مليح الدراسة ما تعوضش الزوج المناسب
صلي واستخيري وادعي والله يوفقك اختي

[dabour1]

الندم على الزواج اصعب من الصبر على مشاكله...

[بوزيدة 86]

أختى العزيزة انتي مسحورة انصحك بالرقية الشرعيةالله يجيب الشفاء

[ام نهوله]

نصيحتي ليك صلي صلاه الاستخاره و ربي يقدم اللى فيه الخير

[أم عروة]

انا تزوجت في سنك والان ام لطفل
مع العلم انني تحصلت على شهادة البكالوريا بمعدل جيد جدا
وعملت اختصاص طب
ولكني الان ماكثة في البيت والحمد لله
واشعر انني اسعد فتاة امراة وزوجة وام على هذه الارض والحمد لله
والخيارة فيما اختاره الله
ربي يجيبلك الخير