كيفاش ندير

[اياد حياتي]

السلام عليكم والله ما قدرت على اخت راجلي كيفاش ندير معاها راني حاسة راهي حابة تطلقني من خوها دير وحد التصرفات معلباليش اذا راهي شايفتني مرانيش نهدر تقول غلبتها وانا اتخذت قراري بلي والله ما تسمع كلمة مني تخيلو قدام خوها تقول الملاك الطاهر وكي نكونو وحدنا وحد الكلام ومعاني نضريت حتى ماهوش حاب يصدقني هذي الي غاضتني دار الي عايشة فيها جاية على الطريق يعني الي طالع وهابط يفوت عليها وانا كي نكون نسيق تروح وتحل الباب كامل وتبقى تشوف وانا مكانش كيفاش ندير ما تقول مرت خويا منخليش رجال يشوفوها بحار حتى رجال الي تعرفهم تبقى تهدر معاهم عند الباب والله ماني نقول لراجلي حاجة بصح كي وصلت تخلي رجال يشوفوني ومتخليش حرمة الدار قوتلو كأنو ما صدقني انا حسيت هكذا انا ما قوتلوش يروح يقولها علبالي بلي راح تقولو مرتك قاتلك كون جا وشاف بعينو لخطارش مكانش بعيد على الدار بصح والله معبرني حسيت ماني والو بيناتهم حتى قوتلو ابنيلي لفوق يارب هذا حقي منيش نقولك روح وخرج بقى معاهم بصح ابنيلي لفوق منا للقدام وتبقى معاهم حتى ابسط حقوقي مكانش قالي نقعد هنا يارب لفوق مازلنا في دار وحدة وهي قالت نبقى هنا حتى نموت ومانزوجش خلاص نبقى طول حياتي نسمع معاني وهو بحكم عملو وحاكمة وقتو ما يقدر يحكم عليها والو ونحس بلي ما يصدقنيش مليت حتى راني نخمم في الطلاق معلباليش راني مشوشة :sdf: نفسيتي تعبت مقدرتش لمن نحكي ويفهمني مليح ممكن هذا كلام تفهموه عكس راني نكتب بسيف لا تؤاخذني على بعض الكلمات لاني كتبت الي في قلبي رجاء

[مريم الصابرة]

السلام عليكم اختي
راني تبعت مشكلتك من الأول وممكن زعفت مني المرة اللي فاتت لكن المرة هذي إذا راهي دير واش راكي تقولي لالا ماشي حق عليها وراهب كثرتها بزاف وأكيد راحين المشاكل يكبرو ويقعدو هوما هوما إمالا راجلك لازم يدي قرار لازم يفصلكم هكذا هي تبقى في دار اهلها ودبر راسها تفتح الباب او دخلهم الداخل لو حبت ربي يسهل عليها وإنت لازم يبنيلك من فوق كي كاين ليتساع يا اختي إطا ما قبلش لازم تقرر تخليلو الدار ايام يالعاني برك هناك يدي قرار ضرك هي ماراحش تخليك ترونكيل وأحسن للجميع إنو تعيشي بعيد عليها ربي يهديها هذا واش نقولو

[كلنا راحلون]

السلام عليكم والله ما قدرت على اخت راجلي كيفاش ندير معاها راني حاسة راهي حابة تطلقني......................فعلوها من قبلك عدو المرأة المرأة................... من خوها دير وحد التصرفات معلباليش اذا راهي شايفتني مرانيش نهدر تقول غلبتها وانا اتخذت قراري بلي والله ما تسمع كلمة مني تخيلو قدام خوها تقول الملاك الطاهر................هاد سر عند نساء ............. وكي نكونو وحدنا وحد الكلام ومعاني...............يخرب بيتها ........... نضريت حتى ماهوش حاب يصدقني هذي الي غاضتني دار الي عايشة فيها جاية على الطريق يعني الي طالع وهابط يفوت عليها وانا كي نكون نسيق تروح وتحل الباب كامل وتبقى تشوف وانا مكانش كيفاش ندير ما تقول مرت خويا منخليش رجال يشوفوها بحار حتى رجال الي تعرفهم تبقى تهدر معاهم عند الباب..................معنتها عزباء(1) .............. والله ماني نقول لراجلي حاجة ................نقطة ضعفها ارتكزي عليها ............بصح كي وصلت تخلي رجال يشوفوني ومتخليش حرمة الدار قوتلو كأنو ما صدقني.............راح يصدقك (2) انا حسيت هكذا انا ما قوتلوش يروح يقولها علبالي بلي راح تقولو مرتك قاتلك كون جا وشاف بعينو لخطارش مكانش بعيد على الدار بصح والله معبرني حسيت ماني والو بيناتهم حتى قوتلو ابنيلي لفوق يارب هذا حقي منيش نقولك روح وخرج بقى معاهم بصح ابنيلي لفوق منا للقدام وتبقى معاهم حتى ابسط حقوقي مكانش قالي نقعد هنا يارب لفوق مازلنا في دار وحدة وهي قالت نبقى هنا حتى نموت ومانزوجش خلاص............كذبت عليك ......... نبقى طول حياتي نسمع معاني وهو بحكم عملو وحاكمة وقتو ما يقدر يحكم عليها والو ونحس بلي ما يصدقنيش مليت حتى راني نخمم في الطلاق معلباليش راني مشوشة.........مشكلتكم نساء مشكلة بسيطة طلاق واش فايدة(3) :sdf: نفسيتي تعبت مقدرتش لمن نحكي ويفهمني مليح ممكن هذا كلام تفهموه عكس راني نكتب بسيف لا تؤاخذني على بعض الكلمات لاني كتبت الي في قلبي رجاء............معليش كوكب جلفون شخصيا ديت منه بزاف معلومات في حياتي

الى الحلول وطبقيها




(1)....................ساعديها قصدي شوفيلها رجل يتزوجها و وتأكدي راح تنساك وتبقى عند زوجها تتهناي في راسك



(2)....................صوريها بلهاتف او مسجلة وحذاري تخبري نساء راح تخسري مشروع(1)........وتكلمي عليها فلخير من اجل مصلحتك تتحقق (1)



(3)..............خاسر اكبر انتي و اولاد



هدفك آن هو تزويجها بأي طريقة وموفقة اختي

[ailemak]

أونغوجيستخيها يا أختي ٠ غير بالبورتابل و ما تتلقيش ;هذا الحل الوحيد, في حالة ما إذا دارتلك المشاكل يكون عندك الدليل باش تويريه لراجلك

[ailemak]

الى الحلول وطبقيها




(1)....................ساعديها قصدي شوفيلها رجل يتزوجها و وتأكدي راح تنساك وتبقى عند زوجها تتهناي في راسك



(2)....................صوريها بلهاتف او مسجلة وحذاري تخبري نساء راح تخسري مشروع(1)........وتكلمي عليها فلخير من اجل مصلحتك تتحقق (1)



(3)..............خاسر اكبر انتي و اولاد



هدفك آن هو تزويجها بأي طريقة وموفقة اختي


والله ماقريت تعليقك قبل ما نكتب و لقيت كتبنا نفس الحل :19:
واش عدوة الشيخ شمس الدين لحقاتك في توقيعك هههههه :19::1:

[جمعي البشاري]

رنا في 2014 كل شيء متوفر ...سجلي
وﻻ تكثري على زوجك بمشاكل اخته الا في اوقات المناسبة...الرجل بطبعه ﻻ يتحمل اكثر من مشكلة ...قد يظن انك تريدينا مشاكل
+++
وهي تجاهليها ...الدير حاجة ماتعجبكش خلي كل شيء وروحي لبيتك عادي
بعدها الراجل يعرف واش يدير

[كلنا راحلون]

والله ماقريت تعليقك قبل ما نكتب و لقيت كتبنا نفس الحل :19:
واش عدوة الشيخ شمس الدين لحقاتك في توقيعك هههههه :19::1:


اختي وعلاه حليف كاين تشابه افكار في هاد موضوع ولي مادخل في عقلي مرأة تتسرع في مشكلة طلاق طلاق طلاق وهل حل هو طلاق .

توقيع هههههههه يبدو اعراض سكاتة بانت عليا ليوم الدليل تغيبت على عملي صباحا ههههه

[اياد حياتي]

والله العظيم دايمن نكون مهمومة وكي نكتب ونلقى شكون يسمعني ويمدلي رايو نريح وانا صادقة في كلامي والله حتى انا وخممت ماشي نصورها ندير كاميرا مراقبة وتراقبها ما تضحكوش عليا يعطيكم الصحة المشكل جاو ليها شحال من خاطب ورفضت وهما لاباس بيهم تقول منخليهاش تتهناي في الدار وحدها على حساب حياتها

[loufa]

الى الحلول وطبقيها




(1)....................ساعديها قصدي شوفيلها رجل يتزوجها و وتأكدي راح تنساك وتبقى عند زوجها تتهناي في راسك



(2)....................صوريها بلهاتف او مسجلة وحذاري تخبري نساء راح تخسري مشروع(1)........وتكلمي عليها فلخير من اجل مصلحتك تتحقق (1)



(3)..............خاسر اكبر انتي و اولاد



هدفك آن هو تزويجها بأي طريقة وموفقة اختي


نعم نعم الرأي وأضيف لاني تابعت قصتك وفيما مضى نصحتك ولكن يبدو أنك أنت اللي حاطتها فرأسك واتقي الله في سمعتها لانك مرأة مثلها وتوقفي عن رسم صورة المظلومة وأنها لا تريد الزواج مكانش منها رأهي ملقاتش نفس مومنة وليس معناه انها رفضت عرسان من قبل انها لا تريد وكلمة نقعد لك ومانتزوجش غير تدافع بها على نفسها أمامك
عاودي آقرأي نصائحي اللي فات ولن تخسري

[loufa]

والله العظيم دايمن نكون مهمومة وكي نكتب ونلقى شكون يسمعني ويمدلي رايو نريح وانا صادقة في كلامي والله حتى انا وخممت ماشي نصورها ندير كاميرا مراقبة وتراقبها ما تضحكوش عليا يعطيكم الصحة المشكل جاو ليها شحال من خاطب ورفضت وهما لاباس بيهم تقول منخليهاش تتهناي في الدار وحدها على حساب حياتها

الخطاب في نظرك انت ملاح لأنك تريدين التخلص منها
لو صاحبتيها وتقربت لها لقبلت نصحتك
وطبعا اخاها لن يصدق فهو عرضه


انت تبالغين

[loufa]

تقولين في بداية موضوعك انها تريد تطليقك وفي النهاية تريدين طلب الطلاق يعني تديري السبة بيها

ولماذا لا تخبري أهلك ؟؟؟؟؟؟ بما انك تنوي عل الطلاق
ومكان لاه وتحطي موضوع كامل باسمي لاني رايحة نروح نسخ كل ردودي ونصايحي ونحطهملك كرد



قولي حابة دار وحدي نقول عندك حق تعيش بحرية فيها أما وزوجك رافض لانو جاتو كبيرة قدام الناس تعملي بيها الأسباب
أيضا هي لو نسمعولها عندها ما تقول

[اياد حياتي]

نصائحك اختي كما قلت سابقا طبقتها ورحت ليها في العيد وأدارت وجهها نروح نبوسلها رجلها واش هي يماه حتى نحللها والله مانطيح بنيفي ويا أختي قولي واش تحبي انا لاخطارش مانيش نمتسكن راني نقول في الصح ماشي أنا ظالمة ونجي نكتب ونفرغ في قلبي وماتعرفينيش ولا تعرفيها حتى نتلاعب وتحكمي عليا حنونة
نعم راني معاك راني حابة دار وحدي راكي عارفة علاه
1/ انا نهار الي خطبني ما فتحتلوش اصلا سكن وحدي وكنت راضية نعيش معاهم طول حياتي ونكون الام ليهم
2/ انا لي درت نية معاهم ونهار كان يزعف منهم نشدو من يدو ونقولو معليش خاوتك واختك كبيرة وساعفها
3/ وجي كامل هذا الشيء دارتني منيش مليحة وتتهمني بأشياء
4/ حابة ندير داري وحدي عارفة علاه خسرت على الدار كثر ماجبت واش نلبس كي جيت عروسة واش جبت لفراش وفرشت كامل في الدار واش دخل القش تروح كامل ترفدو وتفرش فراش القديم وينتة ندير صوالحي ايه حابة ندير دار وحدي باه نصيب استقلالية
5/ اختي معلباليش اذا كنت متزوجة ولا لا نهار اذا زوجتي تفهم مليحة متزوجات واذا كنت متزوجة الحمد لله راكي هانية والله يهديك ويهدينا
6/ تقربيلها وانصحيها نهار إلي كنت معاها عادي وجاها عريس خوها قالي روحي قوليلها وكي قوتلها على نيتي كنت منعرفش عقليتها وتخمامها قاتلي راكي حابة تريحي مني حلفت بلي والله ماندخل وفاتو ليام وجا خاطب أخر وكي بداو يهدرو انا كنت ساكتة قاتلي متقوليش رايك ولا ماكيش حابة نتزوج حابة نربيك ولادك انا حرت
قولي حنونـــــــــــــــــــــــــــــــــــــــــة واش حابة نقولك أكثر
أه نسيت معلباليش وين تسكني كون ديت نيميرو تلفون تاعك باه نمدولها بطريقة غير مباشرة ونخليها تحكيلك على مرت خوها الشريـــــــــــــــــــــــــــــــــــــــــرة.

[الألماسة]

مشكل صح
الحل الوحيد هو تحكمي عليها دليل و رانا في عصر كل شي موجود
استعملي ذكاءك

[اياد حياتي]

ونزيدك حاجة أخرى يا لحنونة راجلي تعب وخسر واش عندو دراهم حتى مدرتدش عرس على جال كملهم على لبنيان وجي تقولي مادار والو وماهيش دارو دار يما ايه راني معاها دار يماها بصح خوها فنا حياتو عليهم خدم عليهم وعمرو 14 سنة ونهار مقالتش خويا تعب على جالنا دايمن تعاير فيه وانا نقول علاه تشكر غي في خاوتها لخرين لدايمن مشبعينها بالكلام وهو ماهو منحيلها حاجة وكي يهدر غير شوية تقولو نخليلك الدار راني عاضرة راجلي وحاسة بيه
الدار لي تقول دار يما تحافظ عليها ماشي تبقى تخرب متحافظ عليها وأولاد اختها يخربو فيها ويكسرو وراجلي يصنع ومتهدرش معاهم علاه هذه الخسارة يخربو وراجلي يصنع ويخسر في دراهمو منيش نفرق بيناتهم قلت لفوق يا لو كان زوج ديار
ندير داري ونتهانا ونحافظ عليها

[loufa]

شوفي يا ام اياد
ربما كنت قاسية بزاف معاك واللي فيك يكفيك
راني وضحتلك من قبل وقلت اذا حابة دارك وحدك نتفهم ومن حقك
لكن انت كثرت الشكوى وأحيانا حوايج تافهة مثل ماتغسلش كويزينيار
انا لما شفت ماتسمعيش النصائح وغير تشكي قلت انك تبالغين
ارجعي لنصايحي من قبل قلتلك كوني ذكية غير أصبر شوية
ومسألة انك تقولي لزوجك اختك تحل الباب وووو رآه مايتقبلهاش يعني كانك تقوليلو مراكش راجل وتحكم فيها بالعكس خليه دليل ضدها وبينكم حتى تعملي لها الشونطاج
تقولي راجل فنا عمرو عليهم واحد ماحتمو وارجو على الله
فراشك واشياءك التي درتيها على جالهم أيضا مكي ملزومة متبقايش ضرك تقولي درت وعملت
نصيحة أخرى رغم انك متحبيش النصائح
انت عاملة خبي دراهمك وبالشوية ومع الوقت تقدري تعملي حاجة مع راجلك
دير سكن تساهمي الدنيا دوارة وتلقايه لما يقسم الدار
القاضي مايحكمش حتى يسمع الطرفين لهذا قلت لك حتى هي عندها ما تقول ولم اتهم بأنك شريرة
ديري العقل وكبري بالك برك تكوني الرابحة قدام ربي إقدام راجلك اما الباقي مأيهمكش
تعاملي شوي بالصماطة واذا تهدر وتمعني عليك خليها صدقيني رايحة تخرج كل مافي قلبها وبعد تقعد تتساءل واش رأي تخممي
أخيرا حتى ولو ظلماتك كما تقولي وكما يقول أي شخص تحكي معاه فالدنيا ساعفيها المرأة لحقت أربعين ماتزوجتش وفرص الإنجاب تقل كانت هي كل شيء فالدار راهي تشوف فيك منافس يعني تزووجتي ولك ولد ماشاء الله وصغيرة وخدامة الله يبارك وزيد اقسمتي معاها الدار هي اكيد هكذا تخممي

[loufa]

الله وحدو عارف اني لم أقصد أن اجرحك لكن كنت قاسية معك
نعم قلت بلاك تفيقي أو تلقي حل بسرعة ولا تستمر في العيش في هذه الدوامة

أما تساءلك أن كنت متزوجة أو لا أو هانيا لهذا أفكر هكذا في غير محله لأنك هنا لتسمعي مانقدم لك من النصح ومالزمش يغيضك الحال وكوني متأكدة انك لن تلقي كل الردود معك فهناك من ضدك ومن معك
ختاما أدعو لك من كل قلبي انو ربي يفرج عليك وعليها

[loufa]

ربي يصلح النفوس ويهدي الجميع

[اياد حياتي]

يا الله على النصح لازم تعرفي أختي حاجة الانسان عندما يقدم نصيحة ماشي بهدا الأسلوب وأنا لو كنت متأكدة ولو درة اني مخطئة في حقها لما كتبت في هدا القسم وكنت قادرة نكتب في قسم مشكلتي ولا واحد راح يعرف شخصيتي لكن اردت ان أظهرها
وانا باقية حائرة تجرحو بكلام ثمتقولو مكوناش قاصدين كما سبق ان ردت اخت كون جيت مكانها كون زوجت امرأة ثانية ثم تطلب الاعتدار في رأيك كاس لما يتكسر هل يتصلح انا حكيت مشكلتي باه تعطوني نصح وانا من يتبع النصائح بعض ردود من الاخوات أقسم بالله خلاتني أهدأ وأستغفر وصراحة جابت نتيجة وأنا هده المرة ماقلت ما بينتلها حتى شيء ولما قلت لزوجي قلت بكل هداوة انا قلت عندي اخوة في هدا المنتدى وهوما ينصحوني وما نقول حتى واحد حتى يما كي تسقسيني نقولها راني الحمد لله راني معاك تكون بعض ردود ضدي لكن انا ما ارتكبتش دنب حتى هدا الكلام ولما تقولي نصحتك واش جابت نتيجة نصحك ألم أقل انها لا تتكلم معي واش راكي حابة ندير

[اياد حياتي]

وشيء اخر يا اختي كلامك بعد الرد الاول كان رائعا ياريت طرحتيه من قبل لكان انسب نصح قدمتيه
فيما يخص انك قلت انت كثيرة الشكوى حبيت نفضض مع اخواتي وينصحوني ويقولو ارائهم السديدة بحكم خبراتهم في الحياة انا مازالت مع عشت في مشاكل على جال هكدا راني كل مرة نكتب ونقولك حاجة ادا رأيتي موضوع باسمي قوليلي مكيش مرى صح راح نرد على مواضيع لكن والله متشوفي موضوع في اسمي ممكن راني نخربط في الكلام
وكاين حاجة اخرى انا ماقلت راهي حابة تطلقني قلت راني حاسة احساسي كاين فرق
والله راكي هبتيلي معنوياتي كانت مع رد الاخ رجعت نضحك علابالي راح ندير فيلم يا اخي شكرا لك

[ام ملاك.]

يااختي صاحبة المشكلة نصيحة من عندي كاين بنات ربي يهديهم واللي حبت تقدم نصيحة تقدمها بطريقة لبقة
واللي تشوفيها تدافع اعرفي بللي مزال ماتزوجتش ماجربتش
يعني اللي عايش في الوسع مش كيما اللي عايش في الضيق
انت تجنبيها قد اللي تقدري مانحاوريها ماتناقشيها الا بحضور زوجك اما وحدكم تجنبيها نهائيا باش ماتطيحيش معاها في مشاكل ولا ترفد عليك كلام وتنشرو بين خاوتها
الله يهديها ةيبعثلها وليد الحلال
وانت ربي يفرج عليك
اما ضربة الباب وتفتح فيها كي تكوني تسيقي صوريها وقوليها لراجلك لانو حرام عليها تفضحك بين الرجال اذا هي مش خايفة على روحها انت راكي مرت راجل ومش مليح الهدرة تجي عليك
ربي يكون معاك ان شالله وتلقاي حل ورانا كي خياتك هنا احكي وفرغي قلبك كيما حبيتي ووقت ماحبيتي المنتدى للجميع اللي ماحبش يرد ولا ماعجباتوش المشكلة مايرد مايجرح صاحب الموضوع يكفيه اللي فيه

[loufa]

يبدو اني سادخل في نقاشات حادة وكبيرة مع جميع الاعضاء بسبب هذه المشكلة
يا ام ملاك
ماهو الشيء غير لبق في نصيحتي وهل تعرفين قصة حياتي لتحكم عني هكذا
انا متزوجة ولي ثلاث اطفال وأهل زوجي يهدر وا عليا فكل مكان غير بالخير وحتى انا مريت بهكذا نوع من المشاكل ووالله لولا الصبر والتعقل لطلقت من سنين لكن الإنسان لازم يستعمل عقلو وانا غير معصومة من الخطا
والمرة الجاية وجهي لي الحديث مباشرة ولا تتحدث بصفىة عامة

شفتي يا ام اياد دخلت نقدم نصيحة رجعت في حل واربط مع الأعضاء

[loufa]

لم أجب بعد يا ام اياد
قلت لم اقصد أن اجرحك وانا لم اعتذر لاني لم أخطء
أعلم حالتك النفسية الصعبة لما ماتكونيش مرتاحة فدارك لكن
من ردودك تردي وترجعي الصرف هل هكذا مع أخت زوجك أيضا



هيا وسعي خاطرك وكبريه وكوني ذكية وراجعي كل النصائح ويوم تستقلي ديري قهوة واعرضيني