غاضتني دموع يما ...

[مشكلتي]

السلام عليكم
قد تكون كلامي غريب و لكني فضفضة و طلب دعاءكم

انا كان والديا كل حياتي كانت امنيتي والدي نهار يشوف تخرجي و شهادتي فقدت والدي و ما شافش فرحتي و خلاها حسرة بقلبي

و فاتت و الحمد الله قدرت نستمر

امي دايما تقولي نتهنى عليك هذا واش باغية من الدنيا خطبني رجل عادي قلت يما مسكينة راح تفرح و كانت فارحة و تبكي و دون اسباب قاللنا بطلت و عادي راح

انا رفضت بعدو عدة عرسان لاسباب نفسية خلفهالي الم الاول

اليوم انا في 34 امي تشوف مع العرايس و تبكي و تقولي يا رب يهنيك و يرزقك حسيت روحي ظلمتها مي و الله فوق يدي كنت تعبانة و مجروحة

خايفة امي تموت و ما يتحققش حلمها
ندعي ربي يفرحها هي بقدر ما بكات في ســبتي

نحس بحسرتها تحرقني
خوفها عليا حطمني

للاسف كاين اللي يتقدم و لما يعرف اني كنت مخطوبة يبطل
انا واش ذنبي هو راح و الله دون اسباب
امي واش ذنبها تتحسر و انا نتحرق بحسرتها

راني كل ما نشوف خوفها عليا نبكي و ندعي برك ربي سبحانه يفرحها
و يا ربي لا تحرمها من شوفة ولادي
يما رفدت ولاد ولادها بين يديها و امنيتها برك تتهنى عليا و امنتي يا رب نشوف ولادي رافدتهم يما

خايفة عليها خايفة ما نقدرش نفرحها و ان كان ماشي بيدي و ربي العالم شحال حاستها مكوية

ماشي على جال زوج ليا و خلاص لا يما تحرقت معايا لما ظلمني خطيبي الاول و خلاني حضرت كلشي للزفاف حتى الناس عرفو الموعد و حشمها و حشمني

يا ربي دموعها مازالو بين عينيا و كل ما تشوف عروسة نلقاها تنظر معايا بالسرقة و تتحسر

الحكاية ماشي حكاية زواج .. اليتم و زيد ليه الظلم و الحكاية اكبر و تفاصيلها كثيرة

يا ربي و ان كنت لا استحق ان يجاب لي دعاء فانت اعظم من ان ترد دعائي
ربي ارحم ضعف امي و دموعها و حسرتها
و فرحها فرحة تنسيها كل العذاب

يا الله ليس لي سواك
استغفرك ربي و اتوب
لا اله الا انت سبحانك اني كنت من الظالمين

[نورة مروان]

ربي يكون معاك اختي ويفرج عليك

[pasidella]

ربي معاك اختي متخافيش كل واحد ربي يعطيه على حساب نيتو ويماك ان شاء الله تفرح بيك غي كي ليوم ان شاء الله

[mesrouk]

goli ya rab ya rab ya alah ya alah

iachki li mawlak

salam

[ام النجمين]

ويشر الصاااااااابرين ربي يفرج

[thamourth]

ربي معاك و يجيك مكتوبك حلال
عاجلا يا رب

[همس الحروف]

ربي يفرج اختي راني حاسة بيك تقريب عندنا نفس المشكل خليها على ربي ولي كاتبة تلحق ان شاء الله

[الجنة الجنة]

ربي يفرج عليك يا رب

[كلنا راحلون]

لي كاتبو الله على انسان يوصله وتوقع مصيبة مصيبة اكبر فنامي مرتاحة ومكتوبك نهار يجيك لا انسان لا جان ينحيه


موفقة

[لمسة L]

ربي يفرج عليك اختي و يهنيك

[اسعى لرضى الله]

معليش اختي باذن الله تفرح مك وتشوفك لاباس بيك احسني الظن بربي ومتياسيش وقومي الليل


ربي يفرجها عليك يارب ربي يفرجها عليك يارب ويطولك في عمر امك ويحفظهالك من كل شر يارب

[ABDOU ELE]

رزقك الله الزوج الصالح الذي يحتويك و يحترمك و حفظ الله لك امك

[2050]

ربي يجيب الخير

هذه حياتك راهي قادمة . لا تقتصر حياتك على تصورات امك .............................. "الخير ماتعرفيش ورااه"

[hanouna09]

ربي يفرحك وينويلك اللي في بالك

[شرشورة2]

هاد شي مقدر و مكتوب من رب العالمين راكي مثقفة حنونة ادعي ربي و ان شاء الله لي فيها الخير تناليهااا

[hodahodahoda]

اصبري المكتوب جايك انشاء الله

[rafif.ra]

ربي يفرج عليك اختي و يرزقك الزوج الصالح

[*أمة الرحمن*]

السلام عليكم
اختي ربي يفرج وكل واحد ياخد نصيبه من هده الدنيا وانت يمكن نصيبك تاخر شوي ولكن عليك ان تتاملي خير وتترجاي ربي يفرج عليك ويكون معك ومع امك وماتنسايش انه احنا مجتمعنااحيانا يكون منغلق وعنده سلبيات مثلا انت مادنبك في انه الخطيب الاول تركك انت نفسك تقولي لاتعرفي السبب الله يعلم كل شيء المهم انت يبدو انك تفكرين في والدتك كثيرا ومايهمك هو اسعادها واحنا ندعو الرحمن ان يسعدك ويسعد امك ويرضى عنك يارب انت عليك ان تكوني اقوى فكري بايجابية وانه ليس مهماان تتزوجي بقدر ماهو مهم ان تكوني تحيين بسعادة وراحة كم من فتاة متزوجة وتعاني فكري انه ربي يمتحنك وانت لازم تنجحي في هدالامتحان بالصبر والامل والطاعه والعبادة فكري انه فيه رب سبحانه وتعالى نلجأ اليه وانه معنا دايما انت ارفعي يديك واساليه كل مافيه خير لك اساليه كل مابقلبك ناجيه وتقربي منه بكل مايحبه ويرضاه بالصلاه العبادة وادكريه كثيرا وقيام الليل ولو ركعتين واكثري من الدعاء خاصة في السجود لانه لايرد ولاتنسي تلاوة القرءان الكريم ولو تقدري يوميا سورة بقرة لمدة شهر كل ليله وان شاء الله ربي يفرج وحاولي ان تجعلي لك ورد يومي تقربي منه سبحانه وتعالى بكل عمل صالح ولاتيأسي وتفاءلي خير عندك رب كريم يحبك ويسمعك ويستجيب لك فلاتياسي ولاتحزني وابشري وربي يفرحك وينورك حبيبتي ويرزقك الزوج الصالح يارب

[مناد بوفلجة]

ربي يفرج عليك و يرزقك من حيث لا تحتسبين

[nounou_25]

شوفي يا خيتي هاذا الي كان خاطبك بالاك ربي سبحانو حابلك ماتتزوجيش بيه اكيد بلي راه مخبيلك حاجة خير منو قولي ليماك شدي في ربي وتدعيلك بولد الحلال تتهناي معاه ااااامين يارب العالمين

[polyma]

ربي معاك اختي متخافيش كل واحد ربي يعطيه على حساب نيتو ويماك ان شاء الله تفرح بيك غي كي ليوم ان شاء الله