انا اتعس مخطوبة

[مشكلتي]

او بالاحرى خطيبي هو اتعس خاطب لانه خطبني
قصتي بدات عندما اخبرتني احدى معارفي المتزوجات بان صديق زوجها يرود خطبتي وكثيرا مامدحت في اخلاقه ..كنت رافضة للفكرة لكنها طلبت مني ان اتحدث اليه لاعرفه لعلي اغير رايي وافقت بعدها وياريتني ماوافقت
تحدثت اليه وكان انسانا طيبا ومتخلقا ومتفهما وصارحني برغبته في خطبتي و بعد التحدث اليه اعطيته موافقتي مباشرة بعدها ارسل والده لللتحدث مع والدي وهنا والداي كانو قابلين للزوج وقالولي اتكلي على ربي
بعد ما قلب ابي الخبر لوالده بالموافقة انا بديت نحس بلي تسرعت وبلي مافكرتش مليح وبلي مانيش حابة نتزوج لاني مازلت نقرا وماحسيتش بحتى فرحة بلعكس وليت دايما حزينة ووووو كثير من الافكار التي مازالت في راسي حتى الان ***** وبديت نقول لامي على احساسي لكنها كانت تسارع باش يجيو ماليه للدار وتكون الامور رسمية
*******جاو والديه للدار وبعد ماجاو انا اتخنقت ووليت مانيش مستراحة خلاص ونضل نبكي قتلهم حابة نحبس
ولاكون امينة وصادقة ولد الناس مليح معايا وماشفت منو والو بالصح انا حبيت نحبس ماقدرتش نحس كلي هدا الزواج رايح يفسدلي حياتي ونحس كلي مانيش رايحة نقدر لكنو والديا ولاو يحاولو يقنعو فيا بشتى الطرق وعيب وحرام ومنا وكدا وقلبوها عليا غربة انا تميت في الخطبة رغم اني مانيش حابة
صدقوني كي يجيو ماليه باش يجيبولي السهم فالاعياد نبات نبكي وكي يروحو نولي نزيد نبكي
ضك تقولولي علاه ماصارحتيهش وقلتيلو حابة نحبس والله ماقدرت نديرها لانو مليح معايا ويسيي غيبر كيفاش يرضيني ماقدرتش تقيسو وتمنيت لوكان نقدر نصارحو
انا ضكا راني مهمومة من لجيهتين نضل نقول لماما والله مانسمحلكم خاطر ماوقفتوش معايا وبلعكس كنتو ضدي ويلا عشت حياة تعيسة ويلا طلقت نتوما السبة
وماعرفتش كيفاش نخرج من الدوامة الي راني فيها يا ربي وحلها من عندك حبيت برك نفرغ شوي خاطر والله عييت

[نورسين.داية]

السلام عليكم


و الله أختي لم أرى أي سببي دعوكي للرفض ....
أنا في رأي أن الشاب إذا تتوفر فيه سمة الخلق و الدين ....يعني أعتقد ...أنه هو ما تبحث عنه أي فتاة ...و لا لا ؟؟؟

أعطيني سبب واحد يقنعني لرفضك ؟؟؟؟؟؟؟؟؟؟؟؟؟

و ضعي نفسك في موقف الطرف الثاني .....سوف يسألكي هل هذا هو توقيت الرفض ؟
لأن الرفض عموما يكون في أول العرض .....يعني موش ناس دارو الخطبة و من بعد يظهر أن هناك رفض مع عدم وجود سبب للرفض ركزي في هذا الأمر

و دائما الإنسان يضع نفسه في موقف الطرف الثاني يعني لي ما ترضيهش لروحك من المفروض لا ترضيه لغيرك ...و لا لا ؟؟؟؟

المهم القرار في آخر المطاف هو قرارك ...و لكي كل الحرية في الرفض يعني قانونا و شرعا لا يسألكي أحد لكن أخلاقيا يوجد عتاب ............وفقكي الله عزيزتي

[kiya]

عزيزتي هذه حالة نفسية تمرين بيها نتيجة خوفك من المستقبل
انت لم ترفضي الشخص بحد ذاته بل تخافين من المستقبل
عزيزتي ارقي روحك وحاولي تكوني ايجابية علي حساب مافهمت اني تقراي وخايفة تحبسي من القراية بسبب الزواج
نصيحتي لك ان لا تتسرعي فقد مررت بمثل هذا الاحساس وقد ندمت لاني تسرعت ورفضت
وربي يوفقك ودائما ارقي نفسك

[جويرية الإيمان]

أنا نعطيك نصيحة واحدة

روحي ارقي عند واحد ثقة أو وحدة لو وجدت .

[houda-21]

صلي استخارة وخليها على الله، فإن كان خيرا لك فسيتم الزواج بهذا الشخص ، وإن كان شرا لك فإنه سيصرفه عنك ولو بأتفه الأسباب.

[تيماء الله]

سلامي اختي الكريمة ربي يدلك للطريق الصواب شوفي اختي هدي المرحلة مرينا بيها كامل بعدي الوسواس والشيطان والخوف علا دماغك صدقيني راهي احلى فترة هي الخطوبة ادا كان الشخص مليح ما ضيعيهش

[امال مارية]

الله يهديك. ما تخافي ما والو ربي يسهلك

[rafahe2012]

يا اختي ادا كنتي مش مرتاحة بطلي عادييي

ضكة خير من بعد

[عفاف عفة]

السلام عليكم .....
ماتفرضي حتى حاجة على روحك ماكيش حابة الزواج بطلي نورمال ومللي مازالك تقراي يعني مازالك صغيرة ......بصح قبل استخيري في الامر ....وروحي ارقي ثاني بالاك راكي مسحورة (العياذ بالله)
في أمان الله

[.kiki]

السلام عليكم
الله المستعان، متقلقيش روحك ختي هادا احساس عادي مش غير نتي لي مريتي بيه
قبل ما نقولك أي حاجة عندي ليك سؤال
نهار لي جيتي باه توافقي.. درتي استخارة ولا لا؟
اذا كان درتي.. و ارتحتي و علاهاذيك وافقتي فلا تلقي لهذه الافكار بالا.. و كملي حياتك و متخافيش من حاجة مزال ماصراتش و متحرميش نفسك الهنا و الفرحة مع والديك.
اذا كان مادرتيش.. ديري ضرك.. و خلي كلش على ربي.. و متعمريش راسك خلاااااص بافكار مش مليحة..

و درك خليني نقولك حاجة -مع أني مش من نيتي نقنعك-
الفتاة يا اختي الأصل فيها القرار في البيت، يعني اذا كنتي قريتي و الحمد لله و وصلتي لدرجة تكوني واعية و تعرفي دبري أمورك انا نظن بلي يكفي و مافيها حتى بأس انك تأسسي أسرة و تربي ولادك و تقريهم و تنشئي جيل صالح
لأنو لا يخفى على أحد الفتنة لي راهي صايرة برّا غير من الخروج الغير ضروري تاع النسا..
with that being said
باه تقرّي أي قرار في حياتك لازم تشوفي اذا كان يرضي الله اولا ثمّ اذا كان يخدم طموحك في الوصول الى أهدافك لي حابة تحقّيها ثانيا
يعني... الانسان في حياتو من الطبيعي يكون عندو حلم.. حاجة حاب يوصللها.. و من المفروض أنو الحلم هادا يكون في حدود الشي لي يرضي ربي سبحانو.. فمن اجل ذلك لازم تكون جميع خطواتو في اتجاه تحقيق هاد الحلم.
كوني صادقة مع روحك باه تقدري تكوني صادقة مع غيرك.. علابالي صعيبة كي يعود الطرف الأخر ناس ملاح و ميستاهلش يطّيش.. بصح لازمني نقولك وش لازمني نقولك.

كثّري برك من الاستغفار و ربي يهدي سرّك و يهنيك و يوفقك

[*نـــور*]

ربي يفرج عليك
ما عرفتش واش نقولك
انت ادرى بحالك نخاف نقولك حبسي في حين ربما هواجسك هي مجرد خوف من المستقبل لا غير لان كل فتاة تمر عليها فترات خوف قبل زواجها.استخيري و تركيها على الله ..و بادن الله سيرتاح بالك
ربي يهنيك

[سمو امير الكلمات]

تتزوجين بدون قناعة حتى ترضين اهلك .. وتصبحين في عداد المتزوجات !
عجبا
خصوصًا الحالة النفسية التي وصلتِ لها بسبب الموافقة
هل تضمنين إستمرار زواجك منه فيما بعد
او تكون المصيبة ( مطلقة ) لا سمح الله

المهم
رغم أنكي تكرهين هذا الإنسان بدون سبب
إلا أنني أتوقع أنك ستحبينه لأسباب اخرى بعد توفيق الرحمن
فقط أطلبي من الله ذلك
موفقه في حياتك

[naamane3]

مشكلتك انك نسيتي امر مهم هو الاستخارة
لكن لا بأس مازال الحال
جففي دموعك وقومي الآن وفورا صلي استخارة
مرة ومرتين وثلاث حتي يشرح الله صدرك
فاذا كان الامر ايجابيا فالحمد لله والف مبروك
واذا كان العكس اخبريه ومن حولك ان استخرتي الله ولم تستريحي

[الأخ ياسين]

يا أختي ممكن هذا أمر طبيعي
الآباء والأجداد كانو يتزوجون بدون رأيهم حتى يكون أوتكون في المنزل حتى يأتي الوالد ستتزوج أو ستتزوجين
ونحن نرى مدى نجاح هذه الأسر أو العشرة
ما تخافي من والو صلي صلاة إستخارة و الباقي على الله وتذكري قوله تعالى :
[ الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُولَئِكَ مُبَرَّءُونَ مِمَّا يَقُولُونَ لَهُمْ مَغْفِرَةٌ وَرِزْقٌ كَرِيمٌ ] - النور 26

[youyou19]

بالاك راكي خايفة من المسؤولية نتاع زواج توكلي على ربي وهذا راهو غير وسواس وربي يكمل بيناتكم على خير
وتزيدي تكملي قرايتك و ربي يهنيك

[" أبو عبود"]

أنت تعانين حالة من زوج حالات يمر بيها اي انسان في فترة الخطوبة والزواج راجل او امرأة.
- الحلة الاولى وهي ان اي انسان عندما يخطب او يقرر الزواج يصبا بخوف شديد يوصل إلى حد انه يقرر يبطل وحدث معي ومع كل اضدقائي الذين اعرفهم وحتى مع البنات. لان الزواج هو عمر مش يوم او يومين او شهر يعني رايحة تخلي والديك واهلك وتعيشي غيربة عليهم وتشوفيه فقط في منالسبات معينة لكن هذه هي الدنيا. ويم تحسب زوجك واولادك اولي ما تصبريش على دارك.
- الحالة الثانية انت تعرضت لسحر تفريق وهذا يجعلك تكرهين الموضوع وتشعرين برغبة في البكاء والاقلق والتوتر وتشعري لانك مخنوقة ويلزمك رقية بسيطة وسف يكون كل شيء على ما يرام.
توكلي على الله واقرئي القرآن واستغفري وسف ترين ان الامور سوف تكون على اححسن ما يرام

[sarl02]

هذا هو حال الانسان لا يرضى ولا يقنع بما كتبه الله له من حلال....علاه قبلتي تتحدثي معاه من الاول وتفتحيلو الباب اذا ما كنتيش حابة تتزوجي وتواصلي دراستك؟؟ثانيا كون جاب بيك الوقت فالتلفون والخرجات كون عجبك الحال وابقتي معاه بصح كي اخرج راجل وادخل مالباب يعني ما عياكش و نلتيه بسهولة والبني ادام احب الحاجة الي اتعييه بطبعه .....ثالثا لم تعطي سبب واضح وجلي اخليك اتبطلي من هذا الشخص ولا اظن ان مواصلة الدراسة هو السبب الحقيقي...هل ظهر اخر انوش في حياتك وحابة اتعيشي حياتك واتحبي وتنحبي؟؟جاوبي بصراحة .....اخيرا اقول لك كلمة وحل عاجل لازم اتقومي بيه وهو لازم اتحبسي العلاقة فورا ليس من اجلك بل من اجل هذا الشخص الفحل الي اتقدملك لانو ببساطة يستهل وحدة خيرمنك اتقدر واش راه اقوم بيه........تقبلي ردي رغم قساوته لانها الحقيقة والحقيقة تؤلم اكيد لكن ادعو لك بالتوفيق مستقبلا.

[زرقـآء اليمآمـة]

السلام عليكم
يا اختي يبدو انك والفت داركم ...... او انت متخوفة من الزواج ..... او هناك سبب اخر لم تفصحي عنه ........... وفي كل حالة من هذه الحالات الثلاث انت مخطئة لان الرجال في طريق الانقراض وان لم تأخذي برأي اهلك ستخسرين الكثير......... فاستغلي الفرصة اذ يبدو ان الخاطب عريس لُقطة ........ روحي العني الشيطان بركاي من التقلاش .......... سلامي الحار

[الصامد المتوكل]

أنصحك بالرقية هناك خلل ما

[ريان 7]

السلام عليكم

بعد كل ما رويته لم اجد سببا مقنعا للرفض
المشكلة فيك كنتي قابلة منبعد تقلبتي ولاد الناس مشي لعبة
خاصة أنك قلتي مفيهش عيب واضح
متخلق و مليح و يرضيك بكل الطرق وش تحوسي كثر
حبسي الدلال تاعك و التسيتيت و مكالاه تظلمي ولد الناس معاك . و شهدي و استغفري .
ربي يهدي بالك:19:

[ام ملاك.]

هذه حالة نفسية نتاع الخوف من الزواج والحياة الجديدة والمسؤولية
وديري في بالك اذا خليتيه مارايحاش تلقاي احسن منو

[راية الاسلام1]

السلاام عليكم
نصيحتي لك يا اختي
رووحي ارقي
حاالتك ليست طبيعية ابدااا
ربما تكوون عين او حسد وربما سحر
اعرف قريبة لي كانت ترفض كل من تقدم لخطبتها، وتقول انها ليست لها اي مشااعر تجاهه، عملت الرقية الشرعية حاايلا راهي متزوجة وام لفتاتين
موفقة

[khaoula khouloud]

السلام عليكم اختي
اختي علي مااظن هذه حالة عادية تحدث لكل مخطوبة وانا و احدة منه
اناالان مخطوبة واحيانا يحدث لي هكذا ولكن اعود واستغفر..... لان الرجل ماشاء الله لكن الشيطان يتدخل ويوسوس حتي ان يقنعك
والان عليك اختي ان تتسخيري ربنا وتوكلي علي الله ولا تنسي الدعاء واعلمي ان الله معكي وإن شاء الله يكون كل شء علي مايرام يارب
بارك الله فيك اختي

[محمد جديدي التبسي]

عجيب كيف انتكست فطرة النساء وصارت الدراسة والعمل والمستقبل التافه أهم من إتمام نصف الدين!!
توكلي على ربي ونحي عليك الوساوس هاذي
الزواج أهم للفتاة من الدراسة والعمل خاصة اذا وجدت رجلا ذا خلق ودين ..ربي يعينك