هل مراة خوي عندها الحق ولالا

[هبة خير]

خوي الصغير زوج هذي عامين مع وحدة كانت تقرا معاه في الجامعة ونهار اللي مشينا نخطبوها قالها انا نقعد مع والديا ووافقت واليوم رها غضبانة حابة دارها وحدها هو عايش غي مع امي بابا مات هادي عام الله يرحمو وواحد خويا كبير وما حبش يزوج وبصح يخدم ما يدخلش حتي العشا ومراة خويا خدامة ماما مريضة وكبيرة وتوجدلها القهوة الصباح والفطور والغذا هي دير غي العشا ومرات تدخل لبيتها وما تخرجش خوي ما حابش يرضيها قال مانخرجش علي ماما وماما حابة تردها وقالتله غي خرجو عليا خليوني نعيش ياماتي توالي مهنية ربي يطولنا في عمرها ويخليهانا واحنا مرات نقولو عندها الحق باش دير دارها ومرات نقولو شرط عليها في الاول كانت ما توافقش من الاول كيما انا نهار اخطبني زوجي قالي ماما معايا حتي ندفنها ولا تدفني ووافقت وعمري ما قتله يماك ولا اي حاجة رغم المشاكل احيانا بغيت نعرف رايكم وواحد يفيد الاخر

[وهراني 31]

المسلمون عند شروطهم

ومادام انها وافقت على السكن مع والدتكم فعليها بان توفي العهد

ولو كنت مكان اخيك

نعطيها طريحة ونركلها ركلة نجيبها في دار بوها

كلشي ولا الوالدة انا عندي الوالدة فوق راسي

[كاميلا]

نكره هاد النوع اللي ميوفيش بوعده سواء راجل او مرا الحل عند خوك اختي هي معندهاش كلمة مرت خوك صراحة

[ولد حمد الباتني]

المسلمون عند شروطهم

ومادام انها وافقت على السكن مع والدتكم فعليها بان توفي العهد

ولو كنت مكان اخيك

نعطيها طريحة ونركلها ركلة نجيبها في دار بوها

كلشي ولا الوالدة انا عندي الوالدة فوق راسي


الراجل قبل الزواج ضراب وطلاق .....

[ولد حمد الباتني]

يغلبها بفرد حاجة أنو شرط عليها قبل الزواج وقبلت
الطفلة قبلت تقلك نلصق ونتزوج وبعدها نبدا نخربش ..
لازم يزير عليها برك

[fella111]

خوي الصغير زوج هذي عامين مع وحدة كانت تقرا معاه في الجامعة ونهار اللي مشينا نخطبوها قالها انا نقعد مع والديا ووافقت واليوم رها غضبانة حابة دارها وحدها هو عايش غي مع امي بابا مات هادي عام الله يرحمو وواحد خويا كبير وما حبش يزوج وبصح يخدم ما يدخلش حتي العشا ومراة خويا خدامة ماما مريضة وكبيرة وتوجدلها القهوة الصباح والفطور والغذا هي دير غي العشا ومرات تدخل لبيتها وما تخرجش خوي ما حابش يرضيها قال مانخرجش علي ماما وماما حابة تردها وقالتله غي خرجو عليا خليوني نعيش ياماتي توالي مهنية ربي يطولنا في عمرها ويخليهانا واحنا مرات نقولو عندها الحق باش دير دارها ومرات نقولو شرط عليها في الاول كانت ما توافقش من الاول كيما انا نهار اخطبني زوجي قالي ماما معايا حتي ندفنها ولا تدفني ووافقت وعمري ما قتله يماك ولا اي حاجة رغم المشاكل احيانا بغيت نعرف رايكم وواحد يفيد الاخر

يعني بما انها عايشة غير مع الوالدة نتاعك و خوك الكبير سيأتي يوم و يتزوج لما تريد ان تخرج عن الوالدة هل هنالك سبب هل حدث مشكل بينها وبين الوالدة احس ان القصة ناقصة

[زرقـآء اليمآمـة]

السلام عليكم
اذا اخوك يحب امه بالفعل فليتركها تغضب حتى يضرها راسها وترجع وحدها ...... لانه لما يبقى يحزّر فيها ويحاول تحسب روحها الكل في الكل ....... الزوجة تتعوض والام لا تتعوض ............ ربي يصلح الحال اختي

[الجواهر]

لماذا تطلب ان تسكن وحدها ؟؟
هي تطلب ان تسكن وحدها لاسباب
اما ان الاخ غير المتزوج ضايقها و لا تستطيع ان تصرح مثلا تحب ان تلبس و هو اكيد يضايقها و هي وافقت على الام و لم توافق على الاخ
و الامر الثاني ربما زيارات الاهل المتكررة فربما كرهت من الضيوف و تريد بيتا مستقلا و اكيد البيت الجديد زواره قليل مقارنة ببيت العائلة

هذه اسباب خمنت فيها و انا لا اعطيها الحق فالشرط هو الاساس و مادام قبلت لازم نوفي بيه
و مع هذا حاولوا ان تجدوا السبب فربما غيرت رايها مع زواله

[هبة خير]

المسلمون عند شروطهم

ومادام انها وافقت على السكن مع والدتكم فعليها بان توفي العهد

ولو كنت مكان اخيك

نعطيها طريحة ونركلها ركلة نجيبها في دار بوها

كلشي ولا الوالدة انا عندي الوالدة فوق راسي
عندك الحق كلشي ولا الوادة خاصة انها ارملة وقلبها مجروح كل يوم تبكي على بابا الله يرحمه ارقد في السحور في رمضان ما ناض وكان صحيح وتاني اختي ماتت عندها عشرين عام وخلات بنت ربي يرحمهم والله غي تبكي يغيضك حالها خوي راه عاد راجل وما نعرف من بعد

[هبة خير]

نكره هاد النوع اللي ميوفيش بوعده سواء راجل او مرا الحل عند خوك اختي هي معندهاش كلمة مرت خوك صراحة
مشكورة صح ما راكي تقولي ماشي غي الوعد تاني تقول نحبه وهي من اللي جات وهي دير في المشاكل

[هبة خير]

يغلبها بفرد حاجة أنو شرط عليها قبل الزواج وقبلت
الطفلة قبلت تقلك نلصق ونتزوج وبعدها نبدا نخربش ..
لازم يزير عليها برك
مشكور الاخ خويا ما بين والو قال غي لماما خليها تشبع دارهم واحنا مادخلناش وماندخلوش ما عندناش الحق و

[هبة خير]

يعني بما انها عايشة غير مع الوالدة نتاعك و خوك الكبير سيأتي يوم و يتزوج لما تريد ان تخرج عن الوالدة هل هنالك سبب هل حدث مشكل بينها وبين الوالدة احس ان القصة ناقصة
ما حدت حتى مشكل هي خدامة وفي الويكاند تمشي لدارهم او يخرجو يحوسو ما يتلاقاوش بزاف وهي مناللي جات وهي تهدر على الدار واكيد القصة ناقصة الابقيت نحكي على التفاهات نبات هنا

[هبة خير]

السلام عليكم
اذا اخوك يحب امه بالفعل فليتركها تغضب حتى يضرها راسها وترجع وحدها ...... لانه لما يبقى يحزّر فيها ويحاول تحسب روحها الكل في الكل ....... الزوجة تتعوض والام لا تتعوض ............ ربي يصلح الحال اختي
هو هاكا راه يقول وما نعرفت هادي سيمانة من اللي مشات هو يحبها بلاك يضعف كيما راها ناوية بصح ماما ماراهاش حابة قالتنا ليا ربي ما نوقف حتى في طريق واحد

[هبة خير]

لماذا تطلب ان تسكن وحدها ؟؟
هي تطلب ان تسكن وحدها لاسباب
اما ان الاخ غير المتزوج ضايقها و لا تستطيع ان تصرح مثلا تحب ان تلبس و هو اكيد يضايقها و هي وافقت على الام و لم توافق على الاخ
و الامر الثاني ربما زيارات الاهل المتكررة فربما كرهت من الضيوف و تريد بيتا مستقلا و اكيد البيت الجديد زواره قليل مقارنة ببيت العائلة

هذه اسباب خمنت فيها و انا لا اعطيها الحق فالشرط هو الاساس و مادام قبلت لازم نوفي بيه
و مع هذا حاولوا ان تجدوا السبب فربما غيرت رايها مع زواله
نشك حتى في روحي وما نشكش في خوي العازب تقول ماشي نتاع هاد الوقت مهني وقلبه بارد ولوكان يضايقها لوكان زوج عنده قاع الامكانيات قلبه باردمن النسا وزيد يخدم في صيدلية نتاع خوي الكبير ما يدخلش حت مور العشا وكيدخل يتعشى والانترنات حتى احنا متوحشينه

[ام ملاك.]

يغلبها بفرد حاجة أنو شرط عليها قبل الزواج وقبلت
الطفلة قبلت تقلك نلصق ونتزوج وبعدها نبدا نخربش ..
لازم يزير عليها برك

صح
ونصيحة من عندي ماتتدخلوش نهائيا بيناتهم كل واحد يحل مشاكلو مع مرتو لانو هاذ التدخلات نتاع الاخت والاخ هي اللي تخرب علاقة المراة وزوجها وكي شرط عليها راه عارف واش يدير
خلوهم يحلو مشاكلهم بيناتهم

[هبة خير]

صح
ونصيحة من عندي ماتتدخلوش نهائيا بيناتهم كل واحد يحل مشاكلو مع مرتو لانو هاذ التدخلات نتاع الاخت والاخ هي اللي تخرب علاقة المراة وزوجها وكي شرط عليها راه عارف واش يدير
خلوهم يحلو مشاكلهم بيناتهم

شكرا حبيبتي علي النصيحة احنا فاهمين وواعيين ما عندناش الحق باش ندخلو انا شخصيا ما نمشيش لدار بزاف حماتي مريضة ونمشي الصباح نجفف لماما ونروح عشية مرات قاع مانشوفهاش كان قلبي يوجعني علي الدار موسخة وبيتها مرايا ولا علي الطريقة نتاع الكلام نتاعها مع ما وحتي زوجها بصح مانهدر والو ماكا مادخلني ندي دعيوات الخير من عند ما ونروح

[rafahe2012]

كل وحدةوكيفاه تفكر

بلاككي تخرج خير

[loufa]

صحيح ان كل واحدة منا. تتمنى ان يكون لها بيتها المستقل الذي تتصرف فيه بحريتها وواحد ما يحكم فيها او يتدخل فيها او يجيوها اهلها وصديقاتها او تلبس كما تشاء وووو

لكن


الشرط نهار الاول باين خصوصا ان ان الوالدة مريضة وتعبانة نفسيا من فقدان الاحباب بنتها وزوجها

انت لم تحكي تفاصيل كثيرة لكن الحل ان زوجها يتفاهم معاها هو اعلم وادرى لماذا تريد بيتا مستقلا
اخيرا
ري يصلح اموركم ويشفي الوالدة ويحفظها

[هبة خير]

كل وحدةوكيفاه تفكر

بلاككي تخرج خير

شكرا علي المشاركة صح كل وحدة وكيفاه تفكر واحنا منكروش حقها بصح هي وافقت في الاول وقاتله نعيش معاك علي الحلو والمر ولا من الاول تنتظر اللي عنده داره وحده وزيد خوي هادا وين بدا يكون روحه هو امكانياته شهرية برك وهي تخدم لانام يعني الكرية صعيبة ومصروف الدار غي علي ما بصح كيفاش يفهمها مانعرفت القرار عنده واحنا تمناو غي الخير

[هبة خير]

صحيح ان كل واحدة منا. تتمنى ان يكون لها بيتها المستقل الذي تتصرف فيه بحريتها وواحد ما يحكم فيها او يتدخل فيها او يجيوها اهلها وصديقاتها او تلبس كما تشاء وووو

لكن


الشرط نهار الاول باين خصوصا ان ان الوالدة مريضة وتعبانة نفسيا من فقدان الاحباب بنتها وزوجها

انت لم تحكي تفاصيل كثيرة لكن الحل ان زوجها يتفاهم معاها هو اعلم وادرى لماذا تريد بيتا مستقلا
اخيرا
ري يصلح اموركم ويشفي الوالدة ويحفظها

امين ياربي ويخليهانا والله مريضة عندها القلب وصح القرار قرار اخي وحتي واحد ما دخل نتكلمو غي مع بعضانا حتي هو مسكين راه في الوسط يحسن عونه امه وحيدة ومريضة وزوجته يحبها

[rahma nour]

يا اختي كي راهي عايشة مع الوالدة واش راهي مدايرتلها امك حسب ماراكي تقولي عايشة وحدها في دار معمرة غير تخرج تتهنا منها خير و ناكدلك بلي عمرها ما راح تربح لانها يجي الوقت وتكون مثلها كما تدين تدان ماعلاباليش واش راه حاب فيه خوك يعني وحدة تقلك اخرج علي يماك و نتا تشوف بكل صراحة لو كان جيت في بلاصت خوك و الله ما نقيمها ابغض شيء عندي هذا النوع من النساء و يزيد يروح يحللها باش تحسب روحها حاجة من الافضل انها تزوج خوك الاخر بوحدة بنت فاميليا و اهم حاجة تخاف ربي

[loud1]

ana rani m3a wahranii hhhhhh tray7a w daar bohaa hiiya amadaamha 9aablaat alawal aya sayiii
wdijaa ga3 rahom hak gad mayatzaawjo ydiro 9ronhhh
alaaaah yahdihom

[هبة خير]

يا اختي كي راهي عايشة مع الوالدة واش راهي مدايرتلها امك حسب ماراكي تقولي عايشة وحدها في دار معمرة غير تخرج تتهنا منها خير و ناكدلك بلي عمرها ما راح تربح لانها يجي الوقت وتكون مثلها كما تدين تدان ماعلاباليش واش راه حاب فيه خوك يعني وحدة تقلك اخرج علي يماك و نتا تشوف بكل صراحة لو كان جيت في بلاصت خوك و الله ما نقيمها ابغض شيء عندي هذا النوع من النساء و يزيد يروح يحللها باش تحسب روحها حاجة من الافضل انها تزوج خوك الاخر بوحدة بنت فاميليا و اهم حاجة تخاف ربي

والله هاد راي امي قاتلنا شحال نزيد في عمري باغية نكون مهنية بصح خوي زعما مراهش حاب عليها مشات غضبت ونضن ماشي هادي المرة الاولي من داك تمشي لدارهم بزاف وتعطل احنا مانعرفوش غي هاد المرة اللي كبرت وزكات مع خوي وماما سمعت وعرفت ماما قاتله ماما. مانخرجك ما نقبضك انت حر وما نضيعلكش حياتك وخوي العازب ماحبش يزوج كي نقولوله مايردش علينا لاكحلة لابيضا هوكان خاطب من قبل واليوم اللي ماتت اختي قاع حضرنا في المستشفي غي هو وعيطناله وماجاش كيماتت غاضه الحال ومشي عندها وهي في مكان حفظ الجتت ودرعها وهو يبكي حتي اغمي عليه ومن داك الساعة وهو ماشي مليح بقي منعزل وكئيب عيينا فيه روح عند طبيب نفسي وماحبش غي ماما مسكينة تموت من قهرها

[هبة خير]

ana rani m3a wahranii hhhhhh tray7a w daar bohaa hiiya amadaamha 9aablaat alawal aya sayiii
wdijaa ga3 rahom hak gad mayatzaawjo ydiro 9ronhhh
alaaaah yahdihom

هههههههههههه لوكان جا الحل هاكا والله يهديهم ويهدينا امين وشكرا

[ريان 7]

السلام عليكم

هو من حق اي مراة تكون عندها دارها خاصة بيها لكن المشكلة هنا انو السيدة هذي كانت قابلة الشرط و بالتالي عليها التنفيذ
مكمش مجبرين دريولها دار او ترضخوا لمطالبها حاولوا تحكوا معاها باللين و تفهموها بلي وعد الحر دين عليه و لازم توقف مع راجلها طالما انو صارحها من البداية . عجبها الحال مرحبا معجبهاش خلوها منبعد تركح وحدها .

[هبة خير]

السلام عليكم

هو من حق اي مراة تكون عندها دارها خاصة بيها لكن المشكلة هنا انو السيدة هذي كانت قابلة الشرط و بالتالي عليها التنفيذ
مكمش مجبرين دريولها دار او ترضخوا لمطالبها حاولوا تحكوا معاها باللين و تفهموها بلي وعد الحر دين عليه و لازم توقف مع راجلها طالما انو صارحها من البداية . عجبها الحال مرحبا معجبهاش خلوها منبعد تركح وحدها .


صح اختي مانكرناش حقها احنا مسلمين ولازمنا نتهلاو في والدينا خاصة الا كانو محتاجينا والله مرات حماتي تجيني عليها الدمعة حتي وحدها ما تقدرش تقعد تخاف ونتفكر كيف كانت وكيف ولات ونقول الاعمري طويلة هاكا نولي احنا والدينا رباونا علي مبدا واحدة اختي عندها فيلا تلت طاجات ومبلعتها وعايشة في حوش عربي وبيت ضيقة معاها اتنين بنات عايشة مع حماتها وما حبتش ترحل معاها ورجلها ماحبش يرحل هاكا الرجال وكلما ضيق باختي ترد بيها امي وتقولهاصبري تدي الاجر معاها وتربحي رضا الله كاين الحق وكاين الواقع ج

[الجواهر]

نشك حتى في روحي وما نشكش في خوي العازب تقول ماشي نتاع هاد الوقت مهني وقلبه بارد ولوكان يضايقها لوكان زوج عنده قاع الامكانيات قلبه باردمن النسا وزيد يخدم في صيدلية نتاع خوي الكبير ما يدخلش حت مور العشا وكيدخل يتعشى والانترنات حتى احنا متوحشينه

انا لا اقصد انه نظر ايها لاااااا بل اقصد انها تريدا ن تلبس لباسا قصير او شفاف و وجود سلفها يمنع ذلك
يا اختي الناس غير متشابهين
اختي سكنت مع اهل زوجها كانت تضع الخمار في المطبخ و غرفة الاستقبال ... و لما جات عروسة اخرى كانت تلبس القصير و ذرعيها على برا و تدور
في رايك من تضرر منهما ؟؟
صحيح ان اختي التزمت بحجابها لكنها عاااااااااااااااانت كثيرا و دائما تقول
لم البس ابدا كعروس من اول يوم احسست اني عجوز

انا لااا اوافق زوجة اخيك لان الشرط شرط لكني اوضح فقط وجهة نظر

[هبة خير]

انا لا اقصد انه نظر ايها لاااااا بل اقصد انها تريدا ن تلبس لباسا قصير او شفاف و وجود سلفها يمنع ذلك
يا اختي الناس غير متشابهين
اختي سكنت مع اهل زوجها كانت تضع الخمار في المطبخ و غرفة الاستقبال ... و لما جات عروسة اخرى كانت تلبس القصير و ذرعيها على برا و تدور
في رايك من تضرر منهما ؟؟
صحيح ان اختي التزمت بحجابها لكنها عاااااااااااااااانت كثيرا و دائما تقول
لم البس ابدا كعروس من اول يوم احسست اني عجوز

انا لااا اوافق زوجة اخيك لان الشرط شرط لكني اوضح فقط وجهة نظر


فهمتك اختي كيما اسبق وذكرت اخي يخدم قاع النها ر ينوض علي العشرة يتقهوا ويمشي يخدم مايجيش حتي العشا وشوفي اختي اللي تستغل حياتها وتعيش ايامها حتي في ربعة متر يعني غرفتها الخاصة هاكدا كانت تقول مرة خويا الكبير وكي رحلت حتي شعرها ماتمشطهش ههههههه رانا قاع مزوجات وفات وقت وعرفنا بلي الاساس هو الهنا والزوج كيفاش يكون هادا اللي يدوم

[أم ميرال و آرال]

لي أولو شرط أخرو نور
نهار الأول كانت تخمم مليح قبل ما تقبل
ما دام قبلت تتحمل حتى يفرج ربي

[هبة خير]

لي أولو شرط أخرو نور
نهار الأول كانت تخمم مليح قبل ما تقبل
ما دام قبلت تتحمل حتى يفرج ربي
شكرا اختي على الرد ماشي قاع الناس تفهم وتعرف الوعد

[thamourth]

لازم التضحية...............من كل الاطراف
كاين ظروف كاين الحوار



اللي جاب مراة عندها النية.........بصحتو....لان الجزائريات للاسف علامة مسجلة في الحيلة

[هبة خير]

لازم التضحية...............من كل الاطراف
كاين ظروف كاين الحوار



اللي جاب مراة عندها النية.........بصحتو....لان الجزائريات للاسف علامة مسجلة في الحيلة

شكرا علي مرورك اكيد لازم تكون تضحيات ومن الطرفين باش تستمر اي حياة زوجية والزواج حظوظ والجزايريات فيهن الصالحة والطالحة الموقف غير معمم