كيفاش ندير راني رح نبطل وعرسي مزاله ايام

[كاميلا]

والله يا اخوتي عييت من المشاكل حياتي كامل وانا بالمشاكل مع اهل دارنا ونهار كي خطبني زوجي درنا الشوفة والخطبة لقيته انسان مليح والله العظيم ميحقرني مداير فيا ثقة محترمني انسان محترم قالي اصبري حتى العرس راني في 4 سنين مزلت مقفلتهمش مي عندي مدة وانا نستنى فيه لانه يكون في روحه عطيته كلمة وانا عند كلمتي قابلة بيه في كل الاحوال بعد عدة مشاكل اللي صرات من عند حماتي اللي مابيني وبينها والو يعني واش يكون بيني وبينها وانا عروسة مدخلتش قولولي برك واش درتلها يا ربي واش قلتلها مش مقيمتني دخلت السبيطار مطلتش عليا في العيد نعيدلها تلوحلي الهدرة نهدر معاها تقولي انت متهدريش بزاف نخليك خير وتكوبي عليا من نهار الخطبة والشوفة كل متقرب حاجة دير السبة باش تبدل الموعد دير السبة باختها اللي تحوس في لبنان صرات حوايج من قبل وقلت لا راهي مفهمتش برك يعني اكتشفت من قبل كدبات منها يعني تدور الهدرة وتبدلها قدامنا هدرة وقدام زوجي هدرة وقدامي وقدامه هدرة والان مبقاش للعرس كدبت على والدتي وقالت ان امي قاتلها تجيو عندهم باش يحنيولي راني مش قادرة حتى نخمم واش هو البعد من اكاذيبها راني عييت بلا منزيد نحكي واش كذبت علينا من قبل واش ندير يا ربي نولي نسجل المكالمة الهاتفية هكذا نحمي نفسي اذا راهي معندهاش ضمير انا بديت نخاف على روحي غدوا تحط فيا اللي مفياش المسلم مش من صفاته الكذب وهاذي وش نصنفها مسلمة دير هكذا وزيد دارتلي المشاكل معاه تكذب عليه وهو كي يسقسيني نقوله واش صرا يولي يتغشش يقولي امالا امي تكذب البارح قتله انا راني نبلع فمي ومزيدش تقولي واش هدرتو والمرة الجاية اذا كانت فيها مرة رح نولي ندير احتياطاتي لاني بديت نخاف من داك تغشش ولي يقولي رح تخليني بسبة تافهة قتله معليش اني انا الكذابة حتى تبان الحقيقةذ

ضميري مانبني من قبل خلاتني نشك في اقرب الناس ليا حطيت امي والعياذ بالله كذبت عليهم حسبي الله ونعم الوكيل رغم اني شايفة كل شيء

[7anine 87]

اختى غير بالشوية رانى قريت مشكلتك من قبل والصراحة ربي يعينك انا كون جيت فى بلاصتك مانصبرش مى انتى مراة ونص وراجلك كي تزوجو راح يعرف بلي دا جوهرة عجوزك مراة كبيرة وام راجلك مهما كان والكدب لى راي تكدب فيه مش راح يخرجها لان ربي لا يهدي كيد الظالمين مش حابة نظلمها مى علحساب هدرتك هدى مش عفايس نورمامون تخلى وليدها يستقر على روحو وااش حابة فوق ربعة سنين انتى ماتخميش انمك تبطلى لازم ماتخليهاش تغلبك لانك على حق حتى ولكان رايحة تسكنى معها صدقينى مدامك صادقة ونيتك صافية ربي راه يظهر الحق ويباركلك فى زواجك استحملى علجال راجلك وعجال نفسك اولا ربي يوفقك

[كاميلا]

اختي حنين كون غير جات مرا كبيرة راح نعطيها الف عذر راهي امراة في الخمسين يعني ماولات تنسى ماخرفت ما مريضة

[كاميلا]

هذا وين عرفت علاش هو حاب يستقر بمنزل مستقل منين نقوله معليش في دار والديك يقولي انساي

[أم امتنان]

ربي يفرج عليك وربي يهديها ويهدينا اجمعين

[ام ملاك.]

سجليها واكشفيها
الله يحفظ ويستر واش هاذ الهقلية في عمرها نورمالمون تصلي وتدعي ربي يستر ولادها وهي راهي تمشي بالعكس
ماتكثريش هدرة معاها بزاف وخلاص تجنبيها قد اللي تقدري

[naamane3]

جافضي على اذكار الصباح والمساء
ولن تندمي ابدا

[كاميلا]

ربي يفرج عليك وربي يهديها ويهدينا اجمعين

يا اختي راني صح خايفة منها رح تعيشني في رعب

[كاميلا]

سجليها واكشفيها
الله يحفظ ويستر واش هاذ الهقلية في عمرها نورمالمون تصلي وتدعي ربي يستر ولادها وهي راهي تمشي بالعكس
ماتكثريش هدرة معاها بزاف وخلاص تجنبيها قد اللي تقدري

اختي راه ربي يكشف فيها من عنده انا كي نهدر معاه منتقصد والو هو يكتشف ويسكت وانا مقلت والو هاد المرة بزاف فاض بيا الكاس قتله انا راني حاضرة وسامعة كل شيء هو تغشش وزعف قالي امي كدابة ادا قتله انا مكدبتهاش ادا انا اللي نكدب ومزيدش تهدرلي عليها يعني يا اختي رح نبقى كل مرة في مشكل كيما هكد
قبيل عيطلي قالي وصلت لحل انه كي تجي تهدرلي او تجي امك نقولولهم يهدروا مع بعضاهم انا قتله بنرفزة ياكلوا بعضاهم خليوني ترونكيل

[كاميلا]

يعنس كل مرة نقوله اواه راهي مش مركزة مفهمتش مليح هو هاد المرة قالي اها اكي تقصدي راهي تكدب ادا راك علابالك باللي امك تكدب متزيدش تكسرلي راسي بهدايرها كرهت صح وليت نتعيف من الكدب

[كاميلا]

جافضي على اذكار الصباح والمساء
ولن تندمي ابدا

انعم يا اخي نقراهم وكل يوم نحط عبد الباسط عبد الصمد رحمه الله سورة البقرة

[sarah_2008]

ياختى واش نقولك راجلك كى تروحى عندو دوك يعرف اللى يكدب راكى كيما ختى ختى كانت هكا بصح ماشى غير عجوزتها حتى لوايساتها كانوا يكدبو بصح درك بان كلشى وراجل ختى امو ولا خواتاتو يهدروا لى يهدروه مايأمنهومش
نتى حافظى على ادكار الصباح والمساء والاستغفار وان شاء الله تتسقم الاحوال

[ريان 7]

السلام عليكم
هو يعني مهما كان مش سبب كافي لفسخ الخطبة يعني مشاكلك مع يماه يروح هو في سبتها مشي حل .
المهم اذا تحبي راجلك و شايفة روحك قادرة تتحملي كملي على بركة الله وجدي روحك برك لجبهات مفتوحة .
و من يدري بلاك حماتك يهديها ربي و تتصافى القلوب المهم انتي تصرفي بنيتك و متربحيش العيب و الغالط ربي يكشفو .
ربي يهنيكم

[كاميلا]

السلام عليكم
هو يعني مهما كان مش سبب كافي لفسخ الخطبة يعني مشاكلك مع يماه يروح هو في سبتها مشي حل .
المهم اذا تحبي راجلك و شايفة روحك قادرة تتحملي كملي على بركة الله وجدي روحك برك لجبهات مفتوحة .
و من يدري بلاك حماتك يهديها ربي و تتصافى القلوب المهم انتي تصرفي بنيتك و متربحيش العيب و الغالط ربي يكشفو .
ربي يهنيكم


ايه يا اختي كنت نتفكرها ونخلي ولدها يتفكرها بالهدايا ويبان هو في الواجهة نقولوا اديها تحوس في الصيف درتله فيلم قتله لازم تديني للبحر قالي يخليوك والديك قتله هيه ومن بعد كي وجدو كل شيء قتله ميخليونيش داوها حوست وهي مش مالفة هذا كامل والحقد عليا والله راني نبكي منعرف واش درت في حياتي ندير الخير يطلعلي شر

[" أبو عبود"]

صراحة هو كرجل اين دوره؟ يعني كل شيء بيده لا أمه ولا خالته ولا امك ولا حتى أنت قادرة على فعل شيء. الحل يجب ان يعجل بالعرس ويجب ان يكون مستعدا لاي طارئ فالظاهر أن امه من النوع المتكبر الذي يظن نفسه من العائلات الراقية. وفكرة خالته التي في لبنان لا أدري ما دخلها أصلا في الموضوع. واظن انك صبرت كثيرا لانه صراحة لا يمكن ان افكر ان بنتا تنتظر زوجا لمدة اكثر من سنة فهذا كثير.

[sarl02]

قلتهالك من قبل في احد مواضيعك ..للاسف زوجك ضعيف الشخصية وامخلي النساء يلعبو بمصيركم انتم الاثنين ...وهذا اصعب مشكل في نظري اكثر من اعمال حماتك...لانو الرجل الحكيم وقوي الشخصية هو من يحدد ويبرمج ويخطط وباستشارة اهله وعليهم التنفيذ وفقط....4 او 5 سنوات انتظار هذه باختصار لازملها قعدة تاع رجال ماشي تبهليل تاع نساء لان الامر ليس في صالحك انت كبنت....عليك اشراك ابوك او اخوتك او من تثقين بحكمتهم من اهلك في الموضوع لحل المشكل من جذوره وخليك من خالتو راهي في لبنان ولا فالمريخ وباقي التفاهات ووفقك الله.

[ايهان]

والله يا اختي صعيب تسناي راجل ربع سنين وزيد تصبري على هذه المشاكل ربي معاك

[ام ملاك.]

اختي راه ربي يكشف فيها من عنده انا كي نهدر معاه منتقصد والو هو يكتشف ويسكت وانا مقلت والو هاد المرة بزاف فاض بيا الكاس قتله انا راني حاضرة وسامعة كل شيء هو تغشش وزعف قالي امي كدابة ادا قتله انا مكدبتهاش ادا انا اللي نكدب ومزيدش تهدرلي عليها يعني يا اختي رح نبقى كل مرة في مشكل كيما هكد
قبيل عيطلي قالي وصلت لحل انه كي تجي تهدرلي او تجي امك نقولولهم يهدروا مع بعضاهم انا قتله بنرفزة ياكلوا بعضاهم خليوني ترونكيل

والله عباد كيما هذو مايلزمهم غير المقابلة لاني بصراحة عانيت ومازلت اعاني من الكذب مافهمتش واش قصدهم بهاذ العمل ولقيت الحل الوحيد نبعد عليهم ونتهنى من مشاكلهم راني في رحمة ربي
هذا ماتديري اذا حابة راجلك تتزوجي بيه ماتدخليش روحك في لعبهم خليك بعيدة حتى ولو حكالك قولي مليح وماتهدري اتقوليلو راهي قالت ولا ماقالتش واذا قالتلك حاجة تضرك خلي كي يكون وليدها يعني راجلك وقولي الكلمة اللي قالتها وقولي هكذا قلتيهالي الصباح
هكذا باش تبعد عليك وتتهناي من تكسار الراس وماتجمعيش معاهم بزاف
ربي يكون معاك صراحة والله مشكل كبير كي يتكون ام الرجل جايبتها مور العروسة كيما تديري ماتفوتيش ولوكان تفرشيلها الورد وتعطيلها يوميا الكادوات تقول راهي سحرتني فيهم
ربي يهنيك ان شالله ويبعد عليك كل المشاكل مزية رايحة تسكني وحدك
ونصيحة لوجه الله درك راكي بزاف صبرتي عليه خلي الكبار يتدخلو وهوما اللي يهدرو اجبدي روحك نهائيا من كل قضية الزواج والكبار هوما اللي كلمتهم تفوت

[bellaluna]

حماتك خطيرة و ربي يسترك ان دخلت منزلهم عروسة كيف ستنتهي الامور..

[كاميلا]

[quote=" أبو عبود";3991948756]صراحة هو كرجل اين دوره؟ يعني كل شيء بيده لا أمه ولا خالته ولا امك ولا حتى أنت قادرة على فعل شيء. الحل يجب ان يعجل بالعرس ويجب ان يكون مستعدا لاي طارئ فالظاهر أن امه من النوع المتكبر الذي يظن نفسه من العائلات الراقية. وفكرة خالته التي في لبنان لا أدري ما دخلها أصلا في الموضوع. واظن انك صبرت كثيرا لانه صراحة لا يمكن ان افكر ان بنتا تنتظر زوجا لمدة اكثر من سنة فهذا كثير.[/quote

يا اخي ابوعبود انا راني كون نهدر راني نخلط الدنيا في بعضاها نفسي وعلابالي بيها نهار حبوا يغيروا التاريخ قبل ما يحكي معاه اخي قتله كي تحب دير العرس في الربيع متنساش تسلملي على خالتك زيد روح معاها نتم وخلصنا

انا عمبلم بحاجة راني ماشية مع ربي صافية النية حاطى كل الاحتمالات في راسي علابالي رغم انه ضاع 4 سنين من عمري مهما يكن ربي يعوضني ان لاسمح الله حدث مستجد
هيه يا اخي من النوع المتكبر والحمد لله رزق والدها راهو راح مع الريح والا راه كانت دارت العجب بصح كون مجيتش بنت عايلة ذات اصل كان راني حقرت روحي معاها

[كاميلا]

قلتهالك من قبل في احد مواضيعك ..للاسف زوجك ضعيف الشخصية وامخلي النساء يلعبو بمصيركم انتم الاثنين ...وهذا اصعب مشكل في نظري اكثر من اعمال حماتك...لانو الرجل الحكيم وقوي الشخصية هو من يحدد ويبرمج ويخطط وباستشارة اهله وعليهم التنفيذ وفقط....4 او 5 سنوات انتظار هذه باختصار لازملها قعدة تاع رجال ماشي تبهليل تاع نساء لان الامر ليس في صالحك انت كبنت....عليك اشراك ابوك او اخوتك او من تثقين بحكمتهم من اهلك في الموضوع لحل المشكل من جذوره وخليك من خالتو راهي في لبنان ولا فالمريخ وباقي التفاهات ووفقك الله.

والله يا اخي مزيدش تقول عليه هكد والله منحب عليه لا هو مزال نية وهوما حيليين لوكان جا ضعيف الشخصية لوكان راهو فرزها معايا لانه مهما نحكي ومهما نقول راهي اكاذيبها كبيرة وتاع فتن والعياذ بالله استمرارها هذا ماهو االا دليل على ضعفها وضعف مخططاتها
من الاول قلت لازم الهدرة تكون مع الرجال معلاباليش هي وش دخلها حتى امي قاتلها هذا الامر نتشاور فيه مع زوجي الواضح انه شيخي لاحول ولا قوة له

[كاميلا]

والله عباد كيما هذو مايلزمهم غير المقابلة لاني بصراحة عانيت ومازلت اعاني من الكذب مافهمتش واش قصدهم بهاذ العمل ولقيت الحل الوحيد نبعد عليهم ونتهنى من مشاكلهم راني في رحمة ربي
هذا ماتديري اذا حابة راجلك تتزوجي بيه ماتدخليش روحك في لعبهم خليك بعيدة حتى ولو حكالك قولي مليح وماتهدري اتقوليلو راهي قالت ولا ماقالتش واذا قالتلك حاجة تضرك خلي كي يكون وليدها يعني راجلك وقولي الكلمة اللي قالتها وقولي هكذا قلتيهالي الصباح
هكذا باش تبعد عليك وتتهناي من تكسار الراس وماتجمعيش معاهم بزاف
ربي يكون معاك صراحة والله مشكل كبير كي يتكون ام الرجل جايبتها مور العروسة كيما تديري ماتفوتيش ولوكان تفرشيلها الورد وتعطيلها يوميا الكادوات تقول راهي سحرتني فيهم
ربي يهنيك ان شالله ويبعد عليك كل المشاكل مزية رايحة تسكني وحدك
ونصيحة لوجه الله درك راكي بزاف صبرتي عليه خلي الكبار يتدخلو وهوما اللي يهدرو اجبدي روحك نهائيا من كل قضية الزواج والكبار هوما اللي كلمتهم تفوت

ههههه تعرفي هذا كامل صاري وانا حشاك قافلة فمي امالا كون نحكي واش يصرا ؟ انا رح ناخذ احتياطاتي وقررت ندير كاميرا في داري الناس تكذب على الموتى هوما يكذبوا على الاحياء
والمكالمات رح تتسجل وكل شيء بالدليل اقسم بالله كرهت
اول وحدة نعيطلها في العيد تقولي هاه امالا روحي بالسلامة انتي متهدريش بزاف ؟؟؟؟؟؟؟؟؟؟ وفي مرة اخرى تلوحلي الهدرة هي وبنتها في العقود احنا منحبوش العباد المسكجين اللي يضحكو الضحكة الصفرا وميهدروش معانا ؟؟؟؟؟؟؟؟؟؟ لازم نحكي اسراري باش نولي نهدر ام ماذا هاذا هو اللي مغزلهم منحكيش اسراري يحوسوا نبقى نهدر باش نغلط
والله يا ام ملاك بعيني شفتها كيفاش شافت معايا وكي جا زوجي بدلت النظرة ولت تتبسم سبحان الله

[كاميلا]

حماتك خطيرة و ربي يسترك ان دخلت منزلهم عروسة كيف ستنتهي الامور..


الكذب والافتراء خطير جدا راهو يدعو للفتن وخراب البيوت

[سدرةالمنتهى]

معليش راني قريت حكايتك راهي تشبه شوية لتاعي انا حابين ينطقوني عندهم شحال وهوما يحاولوا انا طبعي اصلا لا احب الثرثرة لانها تؤدي الى الهلاك يعني هذا مقلت والو وصاري هكدا لانه كل الكذب موجه لامي غير امي والله العظيم نولي حاشاك حلوف متعبتش فيا باش تجي هي تكذب عليها تلزم حدودها وماهيش دايرة فيا مزية المزية دايرتها على ولدها تكذب على المرا اللي ديما توصيني عليها امي ديما تقولي بالاكي دعاوي الشر ديري الخير فيها ديريلها هدية الخ وتوصي وتوصي وهذي راهي تكذب عليهها كون جيت مش حاضرة كون راني شكيت رح ديرلي فتنة بيني وبين امي
حسبي الله ونعم الوكيل كون غير نقدر نتواصل معاك يا اختي

اختي كاميلا اين انت اردت ان ابعث لك رسالة خاصة لكن لم استطع انت لا تستقبلي الرسائل الخاصة

ارجو انت تحذفي اقتباسي ان دخلتي هنا

ربي يفرج همك اخية

[كاميلا]

اختي كاميلا اين انت اردت ان ابعث لك رسالة خاصة لكن لم استطع انت لا تستقبلي الرسائل الخاصة

ارجو انت تحذفي اقتباسي ان دخلتي هنا

ربي يفرج همك اخية

درك نبعتلك رسالة

[ماريام]

اختي كاميليا مررت بنفس الحالة تقريبا بعد الزواج عجوزتك مابيها والو بيها الغيرة تقول كيفاه انا ولدتو وكبرتو وفي الاخير تجي مرأة وتديهولي بما انك رايحة تسكني وحدك راكي تهنيتي انا عجوزتي نتفكرها ساعة على ساعة بكادو والحمد لله رانا لاباس مع بعض راهي ان شاء الله فترة وتفوت وماتنسايش راهي تبقى الوالدة انتاعو انتي مااديري والو في بالك فوتي كلش ورا ظهرك حاولي بعد الزواج انك تشديها ليك وادا ماحبتش راكي بدارك واحد لايكسرلك راسك ربي يتمملك عرسك ويفرحك ان شاء الله

[سحابة مسافرة]

عجوزتك باين فيها غايرة و مش حاباتك ربي يهديها و انت تاني متبعيهاش و متعمريش راسك بيها
و ديما ديري احتاطاتك منها و راجلك متزيديش ترجعيلو الاخبار تاعها لانو مش راح يصدقك

[ندى العالم]

ربي يسهل الامور اختي كاميلا
ربي يهدي عجوزتك
هل حددتم وقت العرس

[كاميلا]

ماريام سحابة ندى شكرا جزيلا لكن وللاعضاء السابقين الحمد لله عرسي الاسبوع القادم باذن الله حلت كل الامور بصح اللي في قلبهم راه في قلبهم ربي يسهل على اللي هاز في قلبه من حقد وغيرة الله يهدي ماخلق والخالة ماراهيش جاية مش عاجبها الحال واقيلا لازم نزيد نبور باش ترضى عليا الله لايرضيها عليا بزاف عليا اللي يحبوني وراضيين عليا والحمد لله بعد صبر طويل معاه قرب العرس وخرجت السكنة تاع سكن عدل راني فرحانة يعني العوام اللي ستنيتهم مراحوش في الباطل
شكرا جزيلا

[mounia 85]

يا ختي واش نقولك ربي يقدرك عليهم مور الزواج وخلاص والله كاين ناس يخليو قلبك يكحال بالسيف

[mounia 85]

ماريام سحابة ندى شكرا جزيلا لكن وللاعضاء السابقين الحمد لله عرسي الاسبوع القادم باذن الله حلت كل الامور بصح اللي في قلبهم راه في قلبهم ربي يسهل على اللي هاز في قلبه من حقد وغيرة الله يهدي ماخلق والخالة ماراهيش جاية مش عاجبها الحال واقيلا لازم نزيد نبور باش ترضى عليا الله لايرضيها عليا بزاف عليا اللي يحبوني وراضيين عليا والحمد لله بعد صبر طويل معاه قرب العرس وخرجت السكنة تاع سكن عدل راني فرحانة يعني العوام اللي ستنيتهم مراحوش في الباطل
شكرا جزيلا
الف مبرووووووووك

[salem1985]

ربي يفرج عليك اختي صبري بلاك راهي تمتحنك فقط رايح تندم وتولي تعزك ما تخافيش المهم فكري باش تستقري انت وزوجك في بيت مستقل رايح تعبشي معززة ربي يوفق بيناتكم

[SKYALGERIA]

بعد الشدة يأتي الفرج ..............مبروك عليك أختي الكريمة

[ام النجمين]

اسمحولي عندها الحق تخاف على روحها متعرفوش العجوزة كي تتحزم لمرت الولد ياو حرب باردة قصف جو )جو توصلها للطلاق وميهمهاش مش خاسرة مش بنت كرشها النساء ياشر سقسونيييييييييييييييييي ربي يهدي ما خلق