مشكلتي هل اعطيه فرصة ؟

[مشكلتي]

السلام عليكم ورحمة الله وبركاته


كنت على علاقة مع شاب لمدة 7 سنوات كانت علاقة جد محترمة حتى اننا لم نكن نلتقي كثيرا , كل مرة في هذه 7 سنوات كان يعدني انه سوف يتقدم لخطبتي لان ظروفه المادية لا تسمح ولم يجد عملا ثابتا اعطيته فرصا كثيرة اخر مرة طلبت منه ان يقوم بخطوة المهم ان تكون علاقتنا رسمية فانا لا احبذ ان نكمل هكذا لكن في اخر مرة وصله استدعاء للخدمة الوطنية وذهب لتاديته علما ان عمره 26 سنة وانا 24 سنة , طلب مني ان ااعطيه فرصة اخرى لحين انتهاء مدة خدمة الوطنية + فوقها عام اخر لحين ان يجد عملا ويقوم بخطبتي , انا وفيت بوعودي له وانتظرته كل هذه السنين املا ان يقوم بخطوة الى الحلال لانني حقا احببته وواخبرته انني مستعدة لتحمل ظروفه المادية لانه لا يهمني لا المال ولا شيء اخر المهم ان نكون في الحلال .وكان دائما ما يتحجج بوالديه وانهما لا يرغبان في التقدم لخطبتي ما لم يتحصل على عمل وووو

حقيقة كل مرة كنت اعطيه فرصة كنت اثق فيه لكن ثقتي الان قلت كثيرا مقارنه بلماضي

سؤالي لكم هل اعطيه فرصة اخرى او انهي كل شيء

من فضلكم لا داعي للتجريح حقا اريد اجابة لسؤالي فقط

[أناييس الربيع]

الســــــــــــــــــــــــــــلام عليكم ورحمة الله وبركاته

أختــــــــــــــــــــــــي هذه علاقة محرمة ،استغفري لربك وتوبي من ذنبك

أنت أخطأت وضعتي ثقتك فيه وهو لايستهل

روحـــــــــــــي شوفي حياتك واذا كان باغيك صح يدير المحال عجالك

بصح هذا باين جاب بيك الوقت ويدير في أعذار تافهة

أقطعي علاقتك به للابد واستناي مكتوب ربي يجيك من حيث لاتدري

وأكيد أختي أنت أدرى بنهاية ونتيجة هذه العلاقة

خيانة الاهل ومعصية الخالق من أجل زواج ممكن يحصل ممكن لا

[naamane3]

لا ادري كيف اجاوبك
لوقلت لك اصبري وانتضريه اكون قد شجعتك على الحرام لانها علاقة شرعية
ولو قلت لك اتركيه وعيشي حياتك اخاف ان ادمر قلبا ملأ بالحب
هما حلان واحلاهما مر
ومن رايي اختيار الحل الذي يرضى رب العالمين

[* الحلم سكر *]

يتقدم بلا خدمة والديه رفضو فهمناه
كحل وسط قوليلو يروح يحكي مع واحد من خاوتك و يبين نيته قال الطفلة باغيها للحلال و هاهي ظروفو اصبرو عليا كرجال راح يفهموه و راح يتفهمو
و بنفس الوقت تتوضح النوايا و يكون عندك علاه تنتظري و والديه كي يكمل هو العام يجـيو عادي يخطبو رسمي

هذا رايي و ربي معاك

[عفاف عفة]

السلام عليكم ......
اختي كيما قالتلك الاخت هادي علاقة غير شرعية ....وانا مانيش رايحة نشجعك بش تكملي فيها بهدي الطريقة (لقاءات ...كلام وووووو) ....وإنما يجي يطلب يدك توال ربي وعبادو وبطريقة شرعية هكدا تكوني ضربتي عصفورين بحجر واحد اولا تخلصتي من علاقة غير شرعية ثانيا تكوني عطيتيه فرصة أخيرة ....ومن بعد مايستقر ويأمن المستقبل تعكم ثم يرحمها ربي ......لكن أختي أنا الآن قلتلك رأيي لكن ماتنسايش تستخيري الله في الامر لانو هو أدرى وأعلم .....
في أمان الله

[مراد سابقا6]

الأمر بسيط

حين ينهي الخدمة الوطنية

سيخرج ويجد عمل

هناك تكونين في عمر 26 سنة

أكيد سيوقل لك باي باي

ويتزوج من ذات سن 22 سنة

وأنت الى الجحيم

أنت أخطأت ويجب ان تتحملي نتيجة خطأك مهما كانت النتيجة

[knives66]

نقولك حاجة كراجل

نهار يحب راجل طفلة يدير مستحيل على جالها و يوجد روحوا بلا حتي ما يحكي معها في موضوع

وما يطلب حتي فرصة زائدة إذا شاف روحوا موش واجد ولا عندوا مشاكل


اما نهار يكون يتمسخر يبقي غير يقول اصبري غدوة العام جاي قرن جاي

ويطلب فرص


رحوا يا ختي شوفي مستقبل مع راجل اخر هذا ما منوا فائدة

[loufa]

السلام عليكم
ما شاء الله من عمرك 17 سنة وانت في علاقة جد محترمة معاه
لن اجرحك بكلام يكاد يخنقني هذه اللحظة ولكن يجب ان اقول شيءا لعلك تفيقين من سباتك
ابنتي ربي يهديك تعلمين ان هاذ الشيء حرام والدليل 7سنوات ماذا نكنت تحكين معه عن الدراسة الشغل اهلك الطبخ وماذا ايضا ....انت تعرفين الاجابة لهذا لا تحاولي ان تقنعينا ان تقنعي نفسك بانها علاقة محترمة

انت في سن الزهور توبي الى الله واستغفريه وتحدثي لاخر مرة معه واخبريه ان يحضر والديه يمدو عليك الكلمة هذا اذا اردتي ان تكملي معه
اعلم ان وضعه صعب لكن الخدمة الوطنية زادت الطين بلة وانه سيبحث عن عمل بعدها سيغرقك في هذه الطين
عمره 26عام ماذا كان يفعل كل هذه السنين او على الاقل العامين الماضيين
فكري بعقلك لاول مرة لا بقلبك في كل ما كتبت
واطرحي السؤال على نفسك ان تقدم لك خاطب الان هل سترفضين خصوصا ان الفرص بعد26ستقل
هل فكرتي في ثقة اهلك
وسؤال اخير بغيت نعرف برك كيفاه خبيتي هاذ العلاقة برك

اليوم جمعة ندعي ربي يكملك معاه ويهديك ويفرج عليك لانك مكيش فايقة مع روحك

[sirine swetty]

انصحك ب استخارة الله في تقديم ماهو افضل لك ومن وجهت نظرى حرام تضييع شبابك هكذا

[زرقـآء اليمآمـة]

السلام عليكم
حوجي حوجي ....... شفيتيني ختيتو ........ سبع سنوات ما كفاتوش ؟ مسكين باينة عليه انسان قليل ....... ما علينا زيدي عطيه فرصة خليه يزيد يبروفيتي مسكين ...... حوجي راكم تغيضو ! ........ اعطيه فرص اخرى اظن الخدمة الوطنية قلّصت الى 9 اشهر والله اعلم ..... ثم رحلة البحث عن العمل ربما تستغرق عشر سنين ثم مرحلة تكوين النفس وتجهيز بيت الزوجية المنتظر ...... وحد العشرين عام .... مليحة ........ ماكانش حنينة كيما انت ......





























ارواحي هنا ....... ياو راه يفوت بيك الوقت سبع سنين ومازال ما فطنتيش ؟ ................. والله المستعان

[السي محمد]

كون تزوجتي قبل سبع سنوات

كان وليدك او بنت الآن سنة اولى ابتدائي

[مطالب السمو]

هههههههههه قاتله سبع سنوات ... هذا الشخص عينه راها في وحدة أخرى وأنت راه غير يجيب بيك الوقت حتى يليكيديك من طريقه
أختي روحي إستغفري ربك واقطعي هذه العلاقة وإكثري من الأعمال الصالحة لعل الله يجازيك بالخير والفرج قبل أن تأتيك الصدمة القوية والإنهيار العصبي ههههه من هذه العلاقة الغريبة .

[ibrahimm]

ربي يهديكم و لا يدكم

انا نفكر اذا جا واحد و طلبك للزواج و انت مع واحد 7 سنين وش ذنبو

[khawla MI]

يا اختي شتا نقولك أولا عليكي صلاة الاستخارة ،، و من رأيي انتي قلتي انو ما يهمك لا مال لا والو لا كيفاه راه تعيشي معاه قلتي المهم تعيشو فالحلال ،، راكي متأكدة؟؟
لنفرض هاكم عشتو فالحلال و نص و 25 كيفاه راح تعيشو منين راح يصرف عليك ، و شكون قالك يبقى يبغيك مور الزواج مع مشاكلو ، انا هنا نقولك ادا دخل الفقر من الباب خرج الحب من النافذة ، و شفت بنات بزاف كيما انتي اداو ناس ماعندهم حتى مستقبل و لا حتى اخلاق في جال يحبوهم و دوكا اهلهم هوما راهم يصرفو عليهم و والله غي كوارث

يا اختي هادي حياة راح تعيشيها معاه و لازم تخططو لكل تفاصيلها الزواج مش حب و كفى ، ادا الانسان هدا متدين و يبغي يخدم و خدام صح بلاك انقولك خمي مليح بصح كانو متدين و يخاف عليك كي اختو ما يقعدش معاك 7 سنين و في السر شكون يقبلها هادي ، انا في بالي عاودي خمي مليح في كلامك وتلقاي فما الجواب

و ربي يبعتلك وليد الحلال لي يحفظلك كرامتك و كرامة أهلك أولا و تعيشي معاه مهنية

[khawla MI]

مشي لي يذلك 7 سنين و هو يتهرب و ما خممش مام با على أهلك و على سمعتك و كرامتك بين الناس

[راية الاسلام1]

السلاام عليكم ورحمة الله وبركااته
اختي نحكيلك حكااية صغيرة من الوااقع
هدا جاارنا عمرو 25 سنة أحب فتااة عن صدق وهو الان متزوج، صدقيني ان قلت لك انه بدوون عمل وسااكن مع اهلو (يفروودي برك بالسياارة )
حسب ما تحكي امه انو هبلها كل يووم يقووللها رووحي اخطبيلي مع ان الامكانياات 000
هو متزوج الان ربي يكمللو

حبيت نوصللك حااجة، انو الرجل حين يحب حقاا لا شيء يقف في طريقه...

ان شااء الله تفهميني
ونصيحتي اليك شووفي مستقبلك احسن

[دعاء المحبوبة]

إذا كانت 7 سنين ضاعت من عمرك في تتبع السراب غير كافية لوعظك
لك أن تعطيه ألف فرصة بدل فرصة واحدة.....