مشاهدة النسخة كاملة : واش رايكم .. ؟!
سامي 123
2014-10-15, 20:12
السلام عليكم و رحمة الله وبركاته
أنا سامي من ولاية باتنة تحصلت على بكالوريا 2014 شعبة الرياضيات بمعدل 12.60
إخترت تخصص علوم إقتصادية التسيير وعلوم تجارية ( معدل القبول 10 )
عجبتني الدراسة فيها .. و زيد من ناحية فرص العمل عندي أمل كبير
لأن كثير من أقاربي يملكون مؤسسات و شركات خاصة و الكثير الآخر يعمل في مناصب مهمة في مؤسسات الدولة
و زيد كاين فرص باش نحل مكتب محاسب معتمد و غيرها من المكاتب الخاصة .. كما يمكن أن أدير شركة خاصة بي
المهم واش رايكم : نكمل نقرى العلوم الإقتصادية ولا نبلوكي العام و نعاود الباك على أمل الحصول على معدل القبول في الطب ؟!
أرجــــــــــــــــــــــــــــــــــــــــوكم ســـــــــــــــــــــــــــــــــاعدونـــــــــــ ــــــــــــــــــــــــــــــــــــــــــــــي
عفاف عفة
2014-10-15, 21:58
السلام عليكم .....
خويا على حساب كلامك يعني الفرص للي عندك تكمل في قرايتك احسن .....لكن بش تعاود الباك شوف الإمكانيات تاوعك آسكو تقدر تعاود الباك ؟ وإدا كنت راح تكون عندك نفس الإرادة كيما العام للي فات ؟ .وشوف إدا كنت راح تقدر تقرا اكثر من 7 سنين في الطب والقراية ثاني صعيبة ياخي علابالك .....المهم في الاخير كلش راح يكون مقدر على بيها إستخر في الامر .....وربي راح يوريلك الطريق الصح ....بالتوفيق ....
في أمان الله
إكرام ملاك
2014-10-15, 22:12
السلام عليكم ورحمة الله
أخي من خلال كلامك فأنت لم ترفض التخصص وإنما كون معدل القبول فيه هو 10؟؟؟ وهذا ليس مقيااساا يزيد أو ينقص من التخصص
نصيحتي طالما أنك قاادر على المواصلة فيه وهو مناسب بكل المقاييس وضف فرص العمل متاحة لك
فتوكل على الله وأكمل فيه
كما أن الان الجميع يتجه للتخصص الذي يضمن العمل في الاخير وكذلك لست ضامنا هل ستحصل على معدل يدخلك للطب
إن أعدت البكالورياا لذلك كما يقول المثل أحكم ما في يدك ولا تتبع ما في الغار
السلام عليكم ورحمة الله انا طالبة سنة ثانية ماستر محاسبة وادارة مالية حتى انا درست كيفك شعبة رياضيات وتحصلت على معدل 13 بصح الله غالب ماقدرتش نخير واش كونت حابة نقرا،وماكونتش حابة نقر علوم اقتصادية بصح دوك راني majour de promo ننصحك ماتفرطش فيها كاين حظوظ بزاف في الشعبة من ناحية الخدمة او الدراسة وبالتخصص رياضيات قادر تماجوري بسهولة
نتمنى تتخمم مليح ولراك حاب تعاود الباك اقرى في الجامعة وعاودو حر هاكذا حتى لجيبت معدل مش مرضيك ماتخسرش العام
بالتوفيق
إكرام ملاك
2014-10-15, 22:29
السلام عليكم ورحمة الله انا طالبة سنة ثانية ماستر محاسبة وادارة مالية حتى انا درست كيفك شعبة رياضيات وتحصلت على معدل 13 بصح الله غالب ماقدرتش نخير واش كونت حابة نقرا،وماكونتش حابة نقر علوم اقتصادية بصح دوك راني majour de promo ننصحك ماتفرطش فيها كاين حظوظ بزاف في الشعبة من ناحية الخدمة او الدراسة وبالتخصص رياضيات قادر تماجوري بسهولة
نتمنى تتخمم مليح ولراك حاب تعاود الباك اقرى في الجامعة وعاودو حر هاكذا حتى لجيبت معدل مش مرضيك ماتخسرش العام
بالتوفيق
بارك الله فيك
بالتوفيق
سامي 123
2014-10-16, 09:18
شكراا لكم على النصائح القيمة .. شكراا جزيــــــــــلا
راضية بقدر الله
2014-10-16, 11:59
السلام عليكم ورحمة الله وبركاته اخي راني نشوف فيك بلي مقتنع بالتخصص الي خيرتو والعلوم الاقتصادية تخصص مليخ وفيه فرص كثيرة غير ركز على قرايتك و دايما ركزعلى المعدل المليح و إيلا امنيتك في الطب وحاب تقرا على الطب مازلت صغير عاود الباك حر وجرب ماخاسر والو والله الموفق والمستعان
mimi farah
2014-10-16, 12:25
سلام أخي
أخي في الحقيقة أنا درست علوم إقتصادية و كنت من محبي الطب و لكن للأسف معدلي لم يسمح لي بذلك،أتمنى دراسته و لكن لما درست سنة أولى علوم إقتصادية اكتشفت أنه لو درست الطب لأعدت من أول سنة لأنني أميل إلى كل ما يتعلق بالرياضيات و المحاسبة حتى أنني كنت من الأوال في الدفعة،أخي أنا أنصحك بعدم التسرع مادام التخصص يعجبك و تجد راحتك فيه و مادام لديك كل المؤهلات التي تؤهلك في إيجاد فرصة عمل في المستقبل و هذا هو الشيء المهم و إذا أردت أعد التسجيل في البكالوريا و لكن كمترشح حر.
سامي 123
2014-10-16, 19:40
شكراا لكي أختي يمينة 36 و شكراا لكي أختي mimi farah
شكراا جزيــــــــــــــــــــلا لكم جميـــــــــــــعا
Amina1996
2014-10-16, 19:50
السلام عليكم
خويا سامي بدلت من وقاية و امن صناعي ؟؟؟
رجعت اقتصاد؟؟؟
انا تبالي الاقتصاد منيحة بزااااااااااااف وعجبتني لقرايا فيها زعما كنت علمية وديت 12
تبالي ماكان لاه تعاود الباك كمل فيها و خلاص
سلام أخي سامي أنا درست علوم تجارية تخصص محاسبة ولم أندم أبدا على اختياري والحمد لله أنا الان موظفة في مجال دراستي
و مادام عندك كل الحظوظ و الامكانيات حتى تعمل في هذا المجال فأنا أنصحك به
أخيل_وائل2014
2014-10-16, 22:02
ساااااااااااااااااااااامي والله تخصص هاااااااايل انا درست علووم تجارية تخصص محاسبة والحمد لله توظفت بعد التخرج مباشرة
وتاني خويا جاب الباك هاد العام وخيرتلوا انا علوم اقتصادية في البليدة هو تخصص هاااااااااايل وفيه بزااااااااااااف فرص عمل خصوووووووووووووووووصا ويلا كت مع الأوائل وفي رايي تقدر تكون لانو تخصص سااااااهل وشباب
بالتوفيق
badrabadra
2014-10-16, 22:10
كمل قرايتك مام انا كيفك انت و الحمد لله قريت جذع مشترك سنة اولى في الجامعة ممبعد كملت و خيرت محاسبة في السنة ثانية و الحمد لله هي شوي ساهلة يعني] و تخرجت العام اللي فات و راني نكمل في الماستر تدقيق محاسبي انا خيرتها لانو فيها خدما و انا عندي صحاباتي قاريين ارشيتاكت مهندسين و يقولولي احسين ما خيرتي و عندي صحبتي مدايرة ارشي و كي كملت دارت اقتصاد قاتلي كي نتخرج منجمش نلقى خدمة مهندسة لازم نحوس على مقاولين و لازم يكون عندك مصاريف و الحمد لله لي نعرفهم كامل متخرجين اقتصاد و محاسبة وتسيير كل ام يخدمو في سوناطراك و مؤسسات مالية
سامي 123
2014-10-17, 09:59
شكراا لكم .. والله بفضل نصائحكم لقد إقتنعت بالعلوم الإقتصادية
و الحمد لله
Amina1996
2014-10-17, 12:58
السلام عليكم
اخي سامي انت في اي فوج ؟؟؟
انا كنت في الفوج 9 ولكن غيرت الفوج الى 10 لان الفوج الذي كنت فيه لا توجد فيه اي فتاة اعرفها
واذا احتجت اي شيء فانا في الخدمة
سامي 123
2014-10-17, 19:31
السلام عليكم
اخي سامي انت في اي فوج ؟؟؟
انا كنت في الفوج 9 ولكن غيرت الفوج الى 10 لان الفوج الذي كنت فيه لا توجد فيه اي فتاة اعرفها
واذا احتجت اي شيء فانا في الخدمة
أهلا أختي أمينة .. أنا راني في الفوج 40 .. و أنت كذالك إذا إحتجت إلى أي شيئ فأنا في الخدمة
وشكراا ..
aymen.dz
2014-10-17, 20:16
بالتوفيق صديقي
Amina1996
2014-10-18, 19:09
أهلا أختي أمينة .. أنا راني في الفوج 40 .. و أنت كذالك إذا إحتجت إلى أي شيئ فأنا في الخدمة
وشكراا ..
السلام عليكم اخي سامي
خلاص مالا مادام راك في الفوج 40 كي نحتاجك راني نجيك
و نت كي تحتاج اي حاجة راني في الفوج 10
و ان شاء الله يعجبك التخصص
انا عجبني
منيح لاباس بيه
بصح قلي نت ما كنتش تحضر من قبل ؟؟؟
خطراش بدينا الدراسة في 14 سبتمبر
TD et COUR
سامي 123
2014-10-18, 22:00
السلام عليكم اخي سامي
خلاص مالا مادام راك في الفوج 40 كي نحتاجك راني نجيك
و نت كي تحتاج اي حاجة راني في الفوج 10
و ان شاء الله يعجبك التخصص
انا عجبني
منيح لاباس بيه
بصح قلي نت ما كنتش تحضر من قبل ؟؟؟
خطراش بدينا الدراسة في 14 سبتمبر
td et cour
صح ما كنتش نحضر .. بصح راني نقلت الدروس من الزملاء
شكراا لك أختي أمينة
السلام عليكم
يا اخي ان نشجعك انا راني مثلك او كملت قرايتي او راني محاسبة في شركة وطنية ياخسارة انا ماعنديش مكل الامكابيات كيما انتا انا مانعرف حتىواحد عندو شركة
او زيد انت راك محظوظ كمل او انشاء الله تتوفق او ربي معاااااك اياك او تبلوكي العام
سامي 123
2014-10-19, 16:12
السلام عليكم
يا اخي ان نشجعك انا راني مثلك او كملت قرايتي او راني محاسبة في شركة وطنية ياخسارة انا ماعنديش مكل الامكابيات كيما انتا انا مانعرف حتىواحد عندو شركة
او زيد انت راك محظوظ كمل او انشاء الله تتوفق او ربي معاااااك اياك او تبلوكي العام
شكراا لك أختي على التشجيع ..
هل العمل كمحاسب في شركة وطنية جيد ؟!
عفاف عفة
2014-10-19, 16:35
السلام عليكم ....
أهلا الاخ سامي ......والله ماقبلوني للاسف ....قالو المعدل 14 فارغيل ......
علابالك 3 سنين بيولوجي = موت بطيء........والله الفرق بيناتنا انك نتا حاب اللقراية تاعك مي أنا العكس ......
المهم .....في أمان الله
سامي 123
2014-10-19, 21:54
السلام عليكم ....
أهلا الاخ سامي ......والله ماقبلوني للاسف ....قالو المعدل 14 فارغيل ......
علابالك 3 سنين بيولوجي = موت بطيء........والله الفرق بيناتنا انك نتا حاب اللقراية تاعك مي أنا العكس ......
المهم .....في أمان الله
للأسف أختي عفاف .. إن شاء الله ربي يعوضك في حاجة أخرى
راني معاك في هاذي .. البيولوجي ماشي مليحة خلاص خلاص
فهي من حيث التعليم قليلة الفرص فيها و من جانب العمل في المخابر .. راهم يخدمواا جماعة الشبه الطبي
أنت جبتي معدل جيد الله يبارك .. نصيحة أبلوكي العام و عاودي الباك لاجبتيه بمعدل خير اللهم بارك لا ماجبتيهش بمعدل أحسن
ديري تحويل بالباك لقديم .. المهم ما تقرايش حاجا ما تحبيهاش و خلاص
عفاف عفة
2014-10-19, 22:29
والله راسي راهوحابس مانيش قادرة نفكر طووووول .....كنت مدايرة في راسي بللي نقرا شبه طبي ....مي راك تشوف صحابين الساز ماعطاولناش الفرصة اون + لاليست موجدينها قبل التسجيل طول ......
المهم ربي مايحبلنا غير الخير ....سلام
أسومة المتفائلة
2014-10-19, 23:01
السلام عليكم و رحمة الله وبركاته
أنا سامي من ولاية باتنة تحصلت على بكالوريا 2014 شعبة الرياضيات بمعدل 12.60
إخترت تخصص علوم إقتصادية التسيير وعلوم تجارية ( معدل القبول 10 )
عجبتني الدراسة فيها .. و زيد من ناحية فرص العمل عندي أمل كبير
لأن كثير من أقاربي يملكون مؤسسات و شركات خاصة و الكثير الآخر يعمل في مناصب مهمة في مؤسسات الدولة
و زيد كاين فرص باش نحل مكتب محاسب معتمد و غيرها من المكاتب الخاصة .. كما يمكن أن أدير شركة خاصة بي
المهم واش رايكم : نكمل نقرى العلوم الإقتصادية ولا نبلوكي العام و نعاود الباك على أمل الحصول على معدل القبول في الطب ؟!
أرجــــــــــــــــــــــــــــــــــــــــوكم ســـــــــــــــــــــــــــــــــاعدونـــــــــــ ــــــــــــــــــــــــــــــــــــــــــــــي
:dj_17:وعليكم السلام و رحمة الله وبركاته
شعبة العلوم اقتصادية وتجارية والتسيير مليحة بالبزااف :19::19:
وانت راهى عاجباتك وهادى حاجة مليحة وتدفعك باش تتفوق فى دراستك والتخصص تاعك
انا قريتها رانى سنة 3 محاسبة راهى القراية فيها ممتعة و اي استفسار انا فى الخدمة :rolleyes:
ربي يوفقك وبنجحك
سامي 123
2014-10-20, 16:41
:dj_17:وعليكم السلام و رحمة الله وبركاته
شعبة العلوم اقتصادية وتجارية والتسيير مليحة بالبزااف :19::19:
وانت راهى عاجباتك وهادى حاجة مليحة وتدفعك باش تتفوق فى دراستك والتخصص تاعك
انا قريتها رانى سنة 3 محاسبة راهى القراية فيها ممتعة و اي استفسار انا فى الخدمة :rolleyes:
ربي يوفقك وبنجحك
شكراا لك أختي أسماء .. على المساعدة
سامي 123
2014-10-21, 12:37
والله راسي راهوحابس مانيش قادرة نفكر طووووول .....كنت مدايرة في راسي بللي نقرا شبه طبي ....مي راك تشوف صحابين الساز ماعطاولناش الفرصة اون + لاليست موجدينها قبل التسجيل طول ......
المهم ربي مايحبلنا غير الخير ....سلام
أختي عفاف .. لمذا لم تسجلي في مدرسة الشبه الطبي الخاصة .. مليحة و زيد يعطوك الإختصاص لي تحبيه
عفاف عفة
2014-10-21, 13:24
أختي عفاف .. لمذا لم تسجلي في مدرسة الشبه الطبي الخاصة .. مليحة و زيد يعطوك الإختصاص لي تحبيه
السلام عليكم ....
اهلا الاخ سامي .....صح مليحة مي راك راح تخدم غير عند لبريفي ومافيهاش الخدمة كيما الشبه طبي نورمال ....خممتلها مي ......
المهم شكرا على الإقتراح ....بارك الله فيك
سامي 123
2014-10-21, 16:17
السلام عليكم ....
اهلا الاخ سامي .....صح مليحة مي راك راح تخدم غير عند لبريفي ومافيهاش الخدمة كيما الشبه طبي نورمال ....خممتلها مي ......
المهم شكرا على الإقتراح ....بارك الله فيك
أهلا أختي عفاف .. علاه الخدمة عند البريفي ماشي مليحة !!
بل العكس .. الأغلبية لي يكونواا في الوظيف العمومي يتجهواا للخاص
لأسباب كثيرة .. حسن المعاملة .. النظام .. التمكن من العمل في مؤسستيين خاصتين و الحصول على راتبين كاملين .. حاجا فوووور
المهم بالتوفيق أختي .. ربي يجيب غير الخير إن شاء الله
Amina1996
2014-10-21, 19:26
صح ما كنتش نحضر .. بصح راني نقلت الدروس من الزملاء
شكراا لك أختي أمينة
السلام عليكم
العفو اخي سامي
مزيدا من التفوق ان شاء الله
اخي سامي هذا المجال اكيد فيه منافع كثيرة كغيره من المجالات خصوصا وان اقتصاد بلدنا انفتح على الاقتصاد العالمي ..... انصحك نصيحة اخت اذا كنت تميل الى هذا الاختصاص و لك رغبة في دراسته اي لست مجبر على ذلك فتوكل على الله اكيد في البداية تلقى صعوبة لانك كنت تخصص رياضيات انا كذلك لم اكن تخصص محاسبة او تسيير واقتصاد ............ لكن صدقني من اكثر الاوائل في الدفعة تجدهم من تخصص رياضيات او علوم لان ما عندنا مشكل بالحسابات وتبقى الاسس المحاسبية تتقنها في شهر ......... بالتوفيق اخي
سامي 123
2014-10-24, 14:23
http://www.djelfa.info/vb/images/editor/insertimage.gif
ريم الفلى
2014-10-25, 15:22
خويا سامي ربي يوفقك في مسارك الدراسي والف مبروك عليك الباك
وقبل كل شيء انا من ولاية البرج قريت في المدرسة العليا للتجارة وتخصصي محاسبة والشي لي رايحة نقولك عليه راه من باب تجربة
اولا دير استخارة هي الاساس خويا
ثانيا شواورهم في الامر كيما راك تدير ضركا
انا من رايي المجال الاقتصادي بزاف كبير ومهم وواعد من ناحية الخدمة كيما راك تقول كاين بزاف شركات وممكن تكون انت صاحب المشروع اصلا لذا ننصحك خويا باش تنوي ينة مليحة وتكمل قرايتك هذا اذا كنت حابها طبعا
اما اذا كنت انت اصلا حاب تكون طبيب فلا هذا المجال راه يساعدك ولا غيرو وتبقى ديما تحس بالنقص وبلي مدرتش الشي لي كنت حابو وانما درت الحاجة لي مفروضة عليك
لذا اتخذ قرارك ضرك حاب هذا المجال ولي على حساب هدرتك عندك عليه افكار خاصة في مجال العمل الخ ولا حاب الطب
انا دحلتو عن حب رغم انني باك 2008 وكنت علوم تجريبية ومعدلي 13.63 لكنني منيش نقول انا مدرتش خاجة متعلقة بالمجال العلمي بالعكس لازم تكون علمي باه تقدر تفهم اصلا المحاسبة واللاقتصاد علوم
ربي يكون معاك واذا احتجت الى اي مساعدة راني هنا
عفاف عفة
2014-10-28, 15:53
السلام عليكم ....
أهلا خويا سامي .......عندي ليك إقتراح : نتا يخي حاب دير باراميديكال ...علاه ما ديرش الكونكور ......نورمالمون في فيفري...
سامي 123
2014-11-01, 21:00
السلام عليكم ....
أهلا خويا سامي .......عندي ليك إقتراح : نتا يخي حاب دير باراميديكال ...علاه ما ديرش الكونكور ......نورمالمون في فيفري...
أهلا أختي عفاف
عن مذا تتحدثين .. عن مسابقة مساعد ممرض ؟!
إذا كانت هي ما تتحدثين عنه فلن أشارك فيها
و أنتي راح تشاركي فيها .. ؟!
عفاف عفة
2014-11-01, 22:37
أهلا أختي عفاف
عن مذا تتحدثين .. عن مسابقة مساعد ممرض ؟!
إذا كانت هي ما تتحدثين عنه فلن أشارك فيها
و أنتي راح تشاركي فيها .. ؟!
السلام عليكم .....
خويا سامي والله ماعلابالي مساعد ممرض ولا لالا مي قلت نشيخ عليك برك ....وأنا مانزيدش نخمم في الباراميديكال طوووول ....ندمت للي خممت فيها وسجلت .....علابيها مانيش رايحة نشارك ...بويسك أكيد فيها معريفة .....وبزاف ثاني
ونت ماخممتلهاش يعني ماتشاركش؟
عي أمان الله
سامي 123
2014-11-02, 11:55
السلام عليكم .....
خويا سامي والله ماعلابالي مساعد ممرض ولا لالا مي قلت نشيخ عليك برك ....وأنا مانزيدش نخمم في الباراميديكال طوووول ....ندمت للي خممت فيها وسجلت .....علابيها مانيش رايحة نشارك ...بويسك أكيد فيها معريفة .....وبزاف ثاني
ونت ماخممتلهاش يعني ماتشاركش؟
عي أمان الله
لا لا ما راحش نسجل .. خلاص راح نقرى العلوم الإقتصادية إن شاء الله
و يا رب يوفقني فيها و يوفقك فالتخصص نتاعك
عفاف عفة
2014-11-02, 16:22
لا لا ما راحش نسجل .. خلاص راح نقرى العلوم الإقتصادية إن شاء الله
و يا رب يوفقني فيها و يوفقك فالتخصص نتاعك
السلام عليكم ....
المهم الواحد يكون راضي برك .....كرهت الباراميديكال ورايحة نكمل بإذن الله في التخصص تاعي كيما نتا .....
بالتوفيق ....في أمان الله
Amina1996
2014-11-14, 17:59
لا لا ما راحش نسجل .. خلاص راح نقرى العلوم الإقتصادية إن شاء الله
و يا رب يوفقني فيها و يوفقك فالتخصص نتاعك
السلام عليكم اخي سامي
نعم القرار اتخذت
و ان شاء يوفقنا فيها كامل
تحياتي
vBulletin® v3.8.10 Release Candidate 2, Copyright ©2000-2025, TranZ by Almuhajir