تسجيل الدخول

مشاهدة النسخة كاملة : ساعدوني ربي يخليكم

angel01
2014-10-14, 17:33
سلام عليكم يا البنات
عندي مشكل نتمنى انكم تساعدوني فيه
اهل زوجي ما يكلوش الماكلة الي فيها لحم نتاع العيد يقولوا فيها ريحة الكبش
يعني في العيد الكبير يكلو غير الشواء وكي يخلاص ما يحبوش يكلوا مثلا الجواز والا المعجنات الي يطيب فيها لحم الخروف
البارح زوجي قالي علاه لحم في العرس مايريحش كي يطيب... وانا تاني استغربت قلت كيفاش الطباخ يتخلص من طعم لحم الخروف في طبخاتوا
والله غير عييت كل يوم نهندس ومعرفتش اللحم راه كل يوم نطيبوا للقطاط وحتى الماكلة نقيسها
ساعدوني يرحم والوالدين
alison dilaurentis
2014-10-14, 18:07
وعليكم السسلام....

صراااحة اول مرة نسمع بريحة الكبش هادي ههههههههههـــ....وبلا عيد ماياكلوش اللحم خلاص مالا...باسكو الكبش تاع العيد هو نفسو الكبش

لي عند الجزار...انا نقلك قوليلهم منا وجاي يقطعو الكبش كامل لحم شوا وقليان وصايي ...

//

ولا اختي بعد ماطيبيه فالكوكوطة مع المعجنات ولا حاجة اخرى عاودي حمريه فالفور بعد ماتدهنيه بشوي زبدة وهريسة وملح واكيييد

راح يتبدل الطعم ويرجع ممممممممم....
saida08
2014-10-14, 18:20
ابنائي كدلك مايحبوش يكلو لحم العيد مع المعجنات
يقولو لي انه فيه ريحة الكبش.
يكلوه فقط مقلي او مشوي ...
ام اريام
2014-10-14, 19:19
ختي هذه الهدرة اني نسمع فيها هنا في فرنسا اغلب العائلات لي عايشين هنا يقلك ريحة الكبش عادو في العيد يتلمو ويذبحوا عجل ويقسموه وكل واحد كيفاش
كي عادوا عكذا قلهم يتلموا و يضحيو بعجل ويكونوا في 7كيما وصى الرسول صلى الله عليه وسلم وهكذا ما تخسري ما ترمي نعمة ربي .لخاطر مام كون تنصبي في الليل ويشرب لي زيبيس نتاعو تلقاي نفس الهدرى ريحة الكبش اني شايفة المودال .والله المستعان.
*أم كوثر*
2014-10-15, 08:07
هدي جديدة واول مرة نسمعها
ريحة الكبش في اللحم؟؟؟
ولي تشروه من عند الجزار؟؟؟
نظن هذي حلها نفسيا مش مطبخيا
وانا شخصيا لحم العيد يجيني فيه بنة خاصة ماتجيش من اللحم تع الجزار
ام سهام 02
2014-10-15, 08:37
هذه اول مرة نسمع بها

بالعكس عندي اللحم تع العيد اجي مرقتو بنينة وقاطعة الله الله في المرقة تع الطعام واللحم تع العيد ايجني خير ملي نشروه جديد وفريشك ومتاكدة بلي يدين نقاياقطعتو
angel01
2014-10-15, 11:02
هم متعودين يكلو غير بقري والا دجاج
والله انا تاني نؤيدكم الراي بصح والله ماعفتش واش ندير عييت
وليت نطيب الماكلا بلا لحم واللحم نحمروا
بصح كيما قلتوا الماكلة صامتة مافيهاش البنة
والله المستعان
لميس اميرة
2014-12-10, 20:47
و الله يا أختي صدقيني موالفة كل عام نجيبو الكبش نطيبو و ناكلو حتى نشبع

المرة هادي جبنا كبش ريحتو قاطعة قاطعة و الله العظيم لما نقلي نفسي تتغم

و ريحة الكبش بمعنى ريحة الاكل لي كان ياكلو

حنا جبنا من جهة فيها الحشواش بزاف الزعتر البري و لما كان يرعاهم دار فاللحم نتاعو الريحة

يعني الكباش لي يرعاو فالحشيش تجي فيهم الريحة نفس الشيء مع حليب البقر تاع البقر لي يرعى فالحشيش برا يجي الحليب فيه ريحة قاوية بزاف
امونة الشاوية
2014-12-10, 21:01
حقيقة اول مرة نسمع هاذا الشيء خلي يصدقوه ويربحوا اجرو