مشكلتي في عملي

[sarahsalma]

السلام عليكم اخواني واخواتي
انا قعدت مدة طويلة من دون عمل حتى تعبت نفسانيا وبعد وقت وجدت عمل وكنت بزاف فرحانة بصح يافرحة ماتمت انانخدم في مصنع مع البنات والله الزمان تغير والناس تبدلت وانا والله لوكان ماجيتش محتاجة دراهم والله مانخدم في وسطهم المهم البنات هذوك الطفلة لي تكون متربية وتحشم وتخدم من قلبها يضحكو عليها وايلا ماكانش عندها صاحبها وتحكيلهم عليه مارايحينش يحكو معاها و حنا نخدمو كامل في طابلة وحدة تسما لازم نحكو مع بعضانا والنميمة والغتبة والكلام الزائد الحرب الباردة معاهم لازم نكون كيفهم باش نتفاهم معاهم ولا كيفاش وبلا مانحكيلكم على المسؤولة ياودي وشمن سبان ومعايرات وخلي وخلي والله غير نخدم من كل قلبي واحسن منهم والله لا ضلم كبير انا راني اختصرت لكم بزاف حوايج نحاول نخدم خدمتي وربي يفوتلي الستة اشهر تع العقد والله غير ربي يهديهم يا رب فرج علينا يارب حكيتلكم باش تصبروني وربي يرزقكم ماتتمناو ان شاء الله

[حميد.ص]

ربي يهديهم

وكلي امرك لله

[مراد وهراني]

تزوجي وأريحي نفسك

لمادا تتعبين نفسك الحل موجود بيدك

توكلي على الله وتزوجي

[الحلم الجميل]

ربي معاك
كملي خدمتك و ما دخليش روحك فيهم ما تهدري ما والوا
اعلم انك او لم تكوني محتاجة لما عملت في مكان مثل هذا ربي يصبرك
و يرزقك

[eBusiness]

أختي الفاضلة حسب توقيعك أنت إختصاص إعلام الي، إن كنتي مهندسة أو تقنية وتتقنين الكمبيوتر، تصميم المواقع أو تصميم الشعارات والخدمات المعلوماتية لماذا لا تعملي عبر الأنترنت وتجنين أضعاف ما تجنيه من عملك في مصنع السوء هذا !!! بالتوفيق يا بنت الأكابر

[sarahsalma]

ربي معاك
كملي خدمتك و ما دخليش روحك فيهم ما تهدري ما والوا
اعلم انك او لم تكوني محتاجة لما عملت في مكان مثل هذا ربي يصبرك
و يرزقك


شكرا لك اختي وربي يحفضك ويهنيك ان شاء الله

[sarahsalma]

أختي الفاضلة حسب توقيعك أنت إختصاص إعلام الي، إن كنتي مهندسة أو تقنية وتتقنين الكمبيوتر، تصميم المواقع أو تصميم الشعارات والخدمات المعلوماتية لماذا لا تعملي عبر الأنترنت وتجنين أضعاف ما تجنيه من عملك في مصنع السوء هذا !!! بالتوفيق يا بنت الأكابر


والله يااخي انا اختصاصي اعلام الي مكتبي وعييت نبحث على خدمة والله مكاين هذي وبسيف باش لقيتها وراك تشوف ان شاء الله ربي يفتح علينا كامل ونشكرك جزيل الشكر على مرورك العطر

[sarahsalma]

ربي يهديهم

وكلي امرك لله

وكلت ربي ليهم والله انا ماقديتلهم وانت خويا ربي يعيشك ويحفضك ويرزقك ان شاء الله

[نارينا]

وين تخدمي انت في حي العصابات ؟؟ أيعقل أنه ولا وحدة مليحة في مصنع كامل ؟؟ احيانا عندما نبدأ العمل نعتقد أن الغير يتربص بنا ونحاول الابتعاد والنجاة بأنفسنا لكن بعد مدة ستتعرفين عليهم جيدا ولربما تغيرين وجهة نظرك تماما ...

[optimism]

السلام عليكم
في الاول ,,,,,,تكون خيبات الظن ,,,,,,,, توقع غير الواقع,,,,,,,,لكن مع مرور الوقت هناك مواقف تكشف لنا جوانب شتى ,,,,,,,,ومعادن الناس ,,,,,,حقيقة ,,,ليسوا بذلك ؟؟؟
,,,,تقدري تفرضي احترامك وتتعاملي معهم بشكل محدود ,,,,,,,وتجنبي بوليتيك,,,,,,,,,خاصة بوليتيك تاع لبنات
في الاخير ,,,,,,,,لايمكن نضع الكل في خانة واحدة ,,,,,,,ولايمكن الحكم من الوهلة الاولى ,,,,,,,,مع الوقت ستكتشفين جوانب الخير
وشكرا

[sarahsalma]

والله يا خاوتي مراني نزيد عليكم والمشكل الطفلة لي تدخل تخدم تقعد مدة وتخرج والله ياخاوتي لوكان ماتشوفوش بعينيكم والله ماتامنوني انا والله مازدت عليكم انا لوكان ماخدمتش معاهم والله مانصدق انا مانحبش الضلم سورتو كاين معانا بنات عاقلين ويقعدو يتمسخرو بيهم حتى والله غير يقعدو يبكو ويكرهو يخرجو من الخدمة يا خاوتي انا قريت وشفت عباد وخالطت بصح كيما هذو والله ماشفت المشكل انهم كامل يرفدو عقلية بعضاهم ويولو يتعاملو كيف الاخرين ربي يهدينا ويهديهم والله مازدت عليكم حرف ولا كذبت عليكم

[ام مهدي 03]

ربى يفرج عليك بعمل احسن من هذا
اصبرى حتى تخلص الكونترا وتتهناى

[sarahsalma]

ربى يفرج عليك بعمل احسن من هذا
اصبرى حتى تخلص الكونترا وتتهناى

ان شاء الله ام مهدي ان شاء الله ربي يفرج عليا وعليك ويحفضك ويسترك والله غير راكم صبرتوني بكلامكم هذا وكل مانكون نخدم ونتقلق منهم نتفكركم ربي يحفضكم ان شاء الله

[optimism]

لسلام عليكم
نعتذر منك ,,,,,,,,الله غالب ,,,,,,جاوبناك بمنظور تجاربنا ,,,,,,مهم انت ادرى
في الاخير ,,,,,,,ربي يفرج عليك ويهنيك ويبعد عليك كل سوء

[sarahsalma]

لسلام عليكم
نعتذر منك ,,,,,,,,الله غالب ,,,,,,جاوبناك بمنظور تجاربنا ,,,,,,مهم انت ادرى
في الاخير ,,,,,,,ربي يفرج عليك ويهنيك ويبعد عليك كل سوء

العفو ختيتو والله والو انتي حبيتي تعطيني تجربتك وانافهمتك وانا حكيتلكم لاخطرش غير نتوما لي تفهموني لوكان نحكي لماما تتقلق عليا وراكي عارفةالمهم ختي ربي يحفضك ويهنيك ويرزقك من واسع ابوابه ان شاء الله

[samirabahi]

ماتعمريش راسك بالبنات هاذوا الخدمي وروحي للدار ان شاء الله يرزقك الزوج الصالح

[*تسنيم*]

والله يا خاوتي مراني نزيد عليكم والمشكل الطفلة لي تدخل تخدم تقعد مدة وتخرج والله ياخاوتي لوكان ماتشوفوش بعينيكم والله ماتامنوني انا والله مازدت عليكم انا لوكان ماخدمتش معاهم والله مانصدق انا مانحبش الضلم سورتو كاين معانا بنات عاقلين ويقعدو يتمسخرو بيهم حتى والله غير يقعدو يبكو ويكرهو يخرجو من الخدمة يا خاوتي انا قريت وشفت عباد وخالطت بصح كيما هذو والله ماشفت المشكل انهم كامل يرفدو عقلية بعضاهم ويولو يتعاملو كيف الاخرين ربي يهدينا ويهديهم والله مازدت عليكم حرف ولا كذبت عليكم


راني فهمتك مليح يااختي انا ايضا عديت على هدا المرحلة المشكل البلاصة لي كنت نخدم فيها ماتليق ني طفلة ني طفل وحد الوقاحة راهم فيها ماعندي مانقولك يضحكو على الناس ويخرجو الدعايات والاكاديب حشى القليل درت صديقة وحدة برك .وحد النهار تجرا هدر معيا زميل بطريقة اخجلتني جدا قدام الخدامة لكن تغششت وحكمتو وحدو و اعطيتو درس لن ينساه لدرجة انو قالي جامي هدرت معيا وحد هك وخجل بزاف وطلب مني السماح واصبح يحترمني وزميل اخر اعجب باخلاقي وتربيتي واراد خطبتي لكني رفضت رغم اصراره لانو قاعد كيفهم.
انا كنت محتاجة خبرة في العمل تحملت شويا وبدلت المنصب وليت نخدم وحدي واش نقولك رحمة ربي والان الحمد لله انا خرجت خلاص من هديك البلاصة.
نصيحتي اقعدي باخلاقك وتربيتك وماتمشيلهومش في الخط هوما يربحو الدنوب وانتي اقعدي اربحي الحسنات بالاستغفار والدكر عسى ربي يرزقك عمل احسن من هدا وبقيا في نفس الوقت تحوسي على خدمة احسن وبالتوفيق.

[sarahsalma]

شكرا لكم حبيباتي ربي يهنيكم ان شاء الله راني نخدم باش نجيب لقمتي وان شاء الله ربي يفتح علينا كاملين ويهنينا والله غير كلامكم هذا صبرني بزاف كنت كل مانخرج نقول مانزيدش نولي بصح الله غالب ماغلطش لي قال الخبزة مرة ربي يحفضكم ان شاء الله samirabahi و تسنيم و يهنيكم ويرزقكم ان شاء الله

[أم ميرال و آرال]

اختي كان الله في عونك
فعلا سوق النسا سوق صعيب يا داخلو رد بالك
الانسان الجاهل عندما يرى انسان يتفوق عليه بالاخلاق و العلم و الادب و المهارات لا يحاول العمل مثله للوصول الى مستواه
بل يتخذ أقصر السبل و أنذلها برأيه حتى يتساوى معه (غيرته و حسده تعميانه على محاولة الصعود لمستوى من يتفوق عليه فيلجأ الى تحطيمه و انزاله لنفس المستنقع الذي يعيش فيه) و هي بتشويه سمعته، عرقلته، اللعب على أعصابه
و الطامة الكبرى هي أنه لو جلست في مجلس و قلت أن فلانة طيبة فيدير النصف رأسه و يعترض البقية بحكم انك لم تشقي قلبها و لا تعلمي ما في نفسها و لو جلست في مجلس و قلت فلانة سيئة سيصدقك الجميع الا من رحم ربي و يصغي اليك باهتمام فقط من باب اذا عمت خفت يا مرحبا يا مرحبا شخص جديد سمعنا عنه ما يشينه اذا كلنا منحطون ولا أحد أفضل من الأخر دون التأكد من صحة المعلومة
هذا هو الوقت الذي صرنا فيه تمشي في طريقهم (انحراف وغيبة و نميمة وحسد و مشاكل و قلة حياء او انك عدوتهم)
عموما كل الادارات و المؤسسات اصبحت مستنقع لهذه العقليات المنحطة)
و قد يكون لهذا اثر كبير على نفسيتك و صحتك خصوصا اذا وصل بهم الامر لحد السحر
ادعي الله ان يرزقك من خيرات الدنيا و ان يرزقك خصوصا الكفاف و العفاف
و ان يكف شرهم عنك و يجعل كيدهم في نحرهم

[sarahsalma]

[quote=أم ميرال و آرال;3991960392]اختي كان الله في عونك
فعلا سوق النسا سوق صعيب يا داخلو رد بالك
الانسان الجاهل عندما يرى انسان يتفوق عليه بالاخلاق و العلم و الادب و المها......

شكرا لكي ام اميرال وآرال والله كلامك كل صحيح وهذا لي راني نشوف فيه يصير ولا الانسان لي يتمسخر بالناس واللي يغتب ويشتم ويسب وووو هو لي يحبوه ويخدمو معاه والانسان لي حدو حد روحو مالقاوش فيه باه يسليهم ربي يهدينا ويهديهم ويرزقني خدمة احسن منها ان شاء الله واكرر شكري لكي ورورك العطر وربي يرزقك ماتتمني ان شاء الله

[ام ملاك.]

ربي يفرج عليك بخدمة اخرى ان شالله
انت عليك ماتخالطيعم ماتحكي في قصصهم واللي حبت تضحك ولاتمعني خليها دخلي من وذن وخرجي من اخرى كوني قوية الشخصية باش يديرولك حساب خاطرش ناس كيما عكذا ذا شافوك ااحسسي من كل كلمة يولو يجيبوها موراك حتان تكرعي ياتولي كيفهم ياتخرجي
ربي يوفقك ان شالله

[sarahsalma]

آمييين يارب

[محمد جديدي التبسي]

هذا هو الواقع والحقيقة التي يريد أن يخفيها البعض الصالحون والصالحات قلة في أماكن العمل وهذا حال مؤسساتنا سواء مدارس أو إدارات أو مصانع لذلك أختي اصبري وحاولي تجدي وحدة تشبهلك وتكونوا مع بعض في أوقات العمل ..ربي يفتح عليك

[السي محمد]

عاجلا أو آجلا


ستتأثرين بهن..بما انك لا تستطيعين التاثير فيهن

[noeddin]

ربي يسهل عليك

[sarahsalma]

شكرا اخواتي واخواني ربي يهنيكم ويرزقكم ويحفضكم والله راكم نقستو عليا بزاف كنت كارها منهم ومن الخدمة بصح عندكم الحق نخدم خدمتي ولي يحب يهدر يهدر ولي حب يضحك يضحك