هل الانتحار هو الحل ؟؟

[مشكلتي]

القصة بدات كي تعرفت على طفلة في الليسي كانت من عائلة محترمة و طيبة جدا و بحكم انها خاطيها بديت نتقربلها بالشوي و مع المعاملة المليحة لي عاملتها بيها بدات هي تتقربلي المهم في عام الباك تاعها حسيتها بلي بدات تتبدل شوي انا قلت بلي عندها مشاكل في الدار و لا خايفة من الباك حتا فقت بلي راه عندها الكونسار . في هداك الوقت مخي تحرق معرفتش واش ندير كي واجهتها قاتلي بلي صح و انا مقتلكش باه منقلقش وووووو....
كي بدات تداوي قعدت 3 اشهر في العاصمة و كنت ديما نهدر معاها و هي تقلي راني مليحة و راني قريب نرجع حتا جا وحد الصباح لي قررت نروح فيه باه نشوفها كي رحت وصيت عمي لي يخدم ثم كي يشوف دارهم راحو يقلي بقيت نستنى حتى عيطلي و كي دخلت تعاركت معاها و خرجت لاني كي شفتها عرفتها بلي 3 اشهر و هي تكذب عليا شعرها طاح و ضعافت و وجها ولا كولار اخر .
قعدت شهرين وانا ثم حتا النهار لي توفت فيه ربي يرحمها .
انا ضرك منيش قادر ننساها وليت نشرب و نزطل و ندير كلش و نبات برا و نضرب بالشهر منرجعش للدار حتى قررت اني لازم نقتل روحي علابالي بلي حرام و عيب و الوالدين مي والله منيش قادر نصبر.
حبيتكم تنصحوني واش ندير

[مياسم الصمت]

السلام عليكم ورحمة الله وبركاته

أخي الكريم أطلب لها الرحمة والمغفرة فهي مشيئة الله سبحانه وتعالى ولا اعتراض

اقترب من الله أكثر

عن طريق الدعاء والصلاة ففيها راحة

حاول أن تقوم الليل وادعو ربك بخشوع واتذلل وانكسار فستجد في ذلك راحتك

اسأل نفسك هل كنت كثر من الدعاء لهذه الفتاة فهي أشد ما تحتاجه الآن وهي في دنيا القرار

هي لا تحتاج دموعك و انكسارك لأجل فراقها هي تحتاج دعاءك

فاعمل ان يكون لك نصيب في أن تسكن روحها في جنة الرضوان بالدعاء لها والصدقة عليها

ولا تثقل نفسك بهموم و ذنوب ماكانت لترضاها لك لو كانت على قيد الحياة

رحمها الله

[* الحلم سكر *]

السلام عليكم
و الله اخي نكتبلك بدموعي ما نعرف مي قاستني حكايتكم
هي الله يرحمها
و خمم لوكان هي حية يفرحها انك تكون بحالك هاذي
استغر و كثر من حاجة تنفعها ادعيلها تصدق عليه و كون صالح باه يتقبل منك ربي سبحانه
و ربي يرحمها و جميع موتانا و يوسع عليها

** كانت عندي صديقة ايام الثانوي و مع صغر سنها اتفقو مع جارهم على خطبتها و كان عقلها فيه و هو تاني و في يوم رجعنا من الليسي نلقاو الغاشي و سمعت اللي هو مسكين مات واش نقولك الامر هي تسكن محاذية للمقبرة
تعرف وين دفنوه ؟؟
تطل على النافذة تشوف قبرو و واش نحكيلك اللي كانت عايشاته
و ما نفاعها غير الصبر

اصبر احي و اقلع عن عاداتك السيئة و لا اعتراض على حكم المولى عز و جل

ربي معاك و يصبرك يا رب

[medjdoub1978]

لو كان الانتحار حلا لانتحر الذين قبلك هي قتل روح وازهاقها وتحاسب عليها يوم القيامة.

[kouds]

اخي ادعيلها بالرحمة والمغفرة هذا واش تحتاج منك برك وارضى بما قدر الله لا اعتراض على حكم الله وهذا الشي لي دير فيه ماراح قدم ولا اخر شيء راك تضر في نفسك راه خطوات الشيطان استعذ بالله وحافظ على صلاتك واصبر ان هذا ابتلاء من الله ليمتحنك فكون قد هذا الامتحان بصبرك وايمانك. لاتفكر في الا نتحار لانه لا يرضي الا الشيطان لعنه الله ولان جسدك وروحك نعمة وامانة من عند الله يجب ان تحافظ عليهما كان الله في عونك صبرا جميلا والله المستعان

[loulou88]

الانتحار من الكبائر
عليك بالدعاء
وانا اقول لك :هل كي تمشي في طريق الفساد هو الحل؟؟

[حميد.ص]

لا تنتحر اخي

تب الى الله و ادعي ربي كل يوم يغفر لهاذيك البنت

الدعاء صدقة جارية ينفعك

[naamane3]

الانتحار حل رائع لكن لغير المسلمين
وانت تعلم اكثر مني انك ستكون خالدا مخلدا في النار
واكبر مشكل انك ستجد هذه البنت في الجنة
يعني خسارة من الجهتين اي دنيا وآخرة
رسول الله صلى الله عليه وسلم ماتت احب الناس الى قلبه
وهو في امس الحاجة اليها طبعا حزن عليها
لكنه لم يتوف عن الدعوة وجلس يشرب ويزطل ويقول خلاصت عليا
بل تزوج من ثانية وثالثة وعدة نساء ولم يترك الدعوة
وعاش على ذكري خديجة الى ان مات
اضن انك يجب ان تقتدي به
ام انك تقتدي بروميو وجولييت
اختر لنفسك قدوة
ولا تضيع شبابك الذي ستسأل عليه يوم القيامة

[Imad Antonio]

والله يا أخي انا أعلم بحالتك لاني انا ثاني صرتلي نفس القصة باه نقلك تنساها مكش رح تقدر ذكراها دائما في البال انصحك انك تجعل ذكراها حافزا في الحياة بطل العادات المضرة و حاول انك تجد هواية جديدة اذا كنت تقرا ارجع لقرايتك و اذا راك خدام ارجع لخدمتك .
صحيح انك الان في حالة صعيبة يبانلك الانتحار هو الحل الوحيد انصحك انك تنحي هاد الفكرة من راسك و بعون الله رح تقدر مواصلة الحياة
من تجربتي نقدر نقلك ان الحل الوحيد هو التقرب الى الله اولا ثم انك تحاول تبدل البلاصة و اي حاجة تفكرك فيها و مع الوقت رح ينقص تخمامك.
اللهم ارحم جميع موتى المسلمين

[melissa lola]

اخي دعيلها بالرحمة واستغفر ربي على واش راك تدير في روحك تشرب وتزطل الدنيا هذي. ماكان والو كانت هنا وراحت ربي يرحمها اطلب ربي يجمعك بيها في الجنة فعلا قصة حزينة الله يصبرك اخي.

[*تسنيم*]

كون كونت تعرف اجر الصبر والله مادير في روحك هكى.
اجر الصـــــــــــــــــــــبر عظــــــــــــــــيم
وحط في بالك كي تموت بالانتحار راك في حكم قاتل النفس سما متسناش الجنة تسنا فيك هداك الوقت تقول النفس ياليتني قدمت لحياتي رانى كامل رايحين نموتو وحد مايقعد مادام راك حي راك عندو فرصة كبيرة بحياة افضل واخرة سعيدة في الجنة ان شاء الله ادن اعمل لها وكون قوي على هدا الابتلاء بالصبر.كيما قال الاخ الحل في الاقتراب من الله والاستغفار من دنوبك وربي يكتبلك الهداية.

[عابد لله]

قبل ما تدعليها روح انقذ نسفك اولا. واش رايح تفيدها كي تقتل روحك؟ خليك من التصرفات الصبيانة يا بن الناس وكون راجل. روح اتفرج واش راه يصير لاخواننا في سوريا وفي غزة وفي العراق وثمة اعرف روحك إذا راك راجل وتقدر تتحمل ولا والو. اقرا كفاش كانو الرجال.
زوج من الصحابة كانوا يعسو في الحدود مع الكفار. واحد يرقد والآخر يعس عليه. اللي يعس يبقى واقف و يتبادلو. واحد قالك راني واقف واقف نصلى ركعات. وهو واقف ضربوه بسهم في رايك واش دار. بقا يقرا لانه ما قدردش يقطع السورة حتى طاح. تقدر انت تتحط في موقف كيما هذا؟ وزيد الموت هذا راه مجرد بداية. وكي يموتو والديك بعد عمر طويل إن شاء الله واش دير تنوح كي المرا؟
ربي ان شاء الله يهديك وينور طريقك.

[first first]

يااخي.................الانتحار ليس حل......فلن تجد الراحة بالانتحار....ببساطة الانتحار حاجة حرام اخي.....................وراهي تدل على القنوط .
اخي الله يعطيك الصبر......................وشد في ربي تصيب راحة النفس.
باش تنساها تديلك وقت ربما...................انت ادعيلها بالرحمة ربي يرحمها ويوسع عليها.وهادي الدنيا فانية..................الزطلة ماتفيدك ماتفيدها.
اخي.عطاك ربي الصحة والعقل..................حافظ على نعمة ربي.....ولاتعترض على قضاء ربي سبحانو.
ادعيلها بالرحمة .ربي يرقدها هانية في قبرها ويعيشك هاني فوق الارض......وغدوة نتلقاو كامل ونموتو كامل ...............ماكان لاه تزرب روحك.
وماتنساش اخي بلي بدكر الله تطمئن القلوب.
وماتخليش حبك لمخلوق خلقه الله ينسيك حب الله ويلهيك عن طاعة الله.
صلي واسال الله ان يبرد الجمرة التي في قلبك
وانا بدوري اخي...................اسال الله ان يهديك ويصبرك وينير قلبك وعقلك...........اخي صلي .ففي القلب وحشة لايزيلها الا التعلق بالله.
طيش عليك الزطلة.............خليت ربي سبحانو السميع العليم............وتعميت على طرق باب رحمته..ودهبت ترجو الرحمة في الزطلة حشاك؟؟؟فيق خويا لعزيز.فيق الله يخليك.
الله يحفظك من كل سوء.......والله يرفع عليك الهم والغم

[knives66]

جميل ما فعلت أخي

واصل على هذا طريق وضورك تولي مشاء الله

ناس في محن تتقرب من الله و ناس تروح عكس التيار

هذا كل لانك ضعيف إمان ولا نقول منعدم كل

إنسان لم يحب اخوه أنسان يبقي معاه يتمنلوا الخير يدعيلوا يجتمعوا على خير و يتفرقوا على الخير

اما نحن مسلمين اليوم عدنا العكس مسلمين بالإسم فقط

خويا نعطيك نصيحة

أرجع لطريق وخطيك من أفكار هوليودية تاع نزطل زنسكر على جالها

وزيد كاين حاجة اسمها القدر والمصير إذا ما كنت تأمن بيهم عود راجع روحك

ودير في بالك راح تخس كل ناس بغيت ولا كرهت موت مكتوب وما تسأل حتي واحد

ابكي ولا طير موت هي موت

مزالك صغير وباب التوب مفتوح اربح اخرتك و لي فات مات

وفي اخير نجوابك على سؤالك

لوكان جاء إنتحار حل كون راني كل يوم ننتحر




ولا تجعل الدنيا أكبر همك

[loufa]

السلام عليكم
ربي يرحمها ويصبرك
لماذا يا اخي لا تعتبره انذار من عند ربي
تب الى الله واستغفر لك ولها
عد لربك وسترتاح كثيرا بدل التفكير في الانتحار ولذهاب لجهنم

صلي صلاتك واقرا شوية قران صدقني سترتاح
حاول ان لا تفكر فيها وادعو لها بالرحمة كلما تذكرتها
ربي يعينك

[دعاء المحبوبة]

وين راح تروح بعد الانتحار؟؟؟؟
تأكد أن الدنيا لم ولن تتوقف عند موت أحد، ناس فارقوا الأغلى والأعز كالوالدين والاخوة والابناء والأزواج وكملوا حياتهم عادي

[أناييس الربيع]

الســــــــــــــــــــلام عليكم ورحمة الله وبركاته

ربي يرحم جميع الموتى ويغفر لهم

أخــــــــــــــي الحياة لن تتوقف بفقدان أحد وأعلم أن أجلها وصلها

ولم يكن بيدك حيلة وليس عليك شئء

كـــــــــــــــن مثل الرجال واصل حياتك بطاعة ربي

أتدري مات أبي وأغتيلت أمي أمام عيني بطريقة جد مؤلمة رغم كل هذا

والله ماوجدت أعظم من الصبر واللجوء الى الله سبحانه

لاني أدركت أن والديا من الشهداء ومرتبتهما عالية

وأنا في هذه الدنيا اسعى لطاعة ربي سبحانه حتى أجتمع بهم مجددا

أخي الكريم الصبر مفتاح الفرج

وأكثر من الاستغفار والدعاء لها بالرحمة وتب الى الله

وخلي ايمانك بربي قوي

[عفاف عفة]

السلام عليكم ....
"إن لله وانا إليه راجعون" ....ربي يرحمها ويصبرك خويا .....
يا أخي هي توفاة من المفروض راك تدعيلها بالرحمة وانو تكون من أهل الجنة ونتا راك حاب تنتاحر علابالك وشنهي "الإنتحار"؟ ....هو السبيل لجهنم ...
مادامها ماتت وماكش قادر تنساها .....إدعي ربي في صلاتك انك تنساها ....وبش يهديك ثاني وتخطي الزطلة والشراب .....
الحياة رايحة تكون صفحات ولازم دايما نقلبو الصفحة ......يعني الصفحة تع هاديك الطفلة نحيها من راسك وسيبريميها نهائيا وكل حاجة تربطك بيها ماتتفكرهاش .....وشوف كيفش راح تشوف حياتك لجديدة .....
كون كوراج خويا وشوف الصلاح في حياتك .....لانك كبير وتعرف كيفاش راح دير هاذ الشي
في أمان الله

[eBusiness]

يا رجل إن أنت قتلت نفسك فمصيرك جهنم والعياذ بالله بينما هي رحمة الله تعالى عليها تحتاج من يدعو لها بالرحمة، تحتاج من يتصدق من أجلها، تحتاج من يتصدق صدقة جارية تترحم بها، أتعلم يا اخي الكريم أنها الان في مكان لا رجوع منه، هي في أمس الحاجة لشخص على قيد الحياة يدعو لها بالرحمة، هي تحتاج إليك على قيد الحياة لا تحث الأرض، هي تحتاج إليك إنسان مصلي، صالح، يعبد الله ويخشى غضبه حتى أنك إن رفعت يدك إلى السماء ودعوت لها يستجاب لك فتصلها رحمة رب العالمين هي في أمس الحاجة إليها
بإختصار يا رجل أنت الان في الحالة التي أنت عليها لا تنفعها بشيئ وإن إنتحرت لن تنفعا بشيئ أيضا، لهذا أخي الفاضل إن كنت تحبها في الله وإن كانت المرحومة تسوى عندك مثقال ذرة قم الان وصلي لربك وإستغفره من المعاصي التي أنت عليها وأطوي صفحة العتاب وإفتح صفحة الخير، إن كنت تحبها في الله يا رجل إبدأ من الان في جمع الحسنات وإن كانت غالية عليك تقاسم معها الحسنات فبهذا ستفرح وترتاح في جنة النعيم إن شاء الله، قم يا رجل وتأكد أنك إن قمت فصليت ودعوت لها ستفرح بذلك أنما فرح، إن كنت رجل فتصرف هكذا يا إبن الأكابر !!!

[♣Black♣]

إيلا كنت انت حبيتها صح ونادم عليها وعلى معاملتك ليها
هي الله يرحمها ويوسع عليها
وانت توب لخالقك
اخطيك من الحرامات
اتفكرها في صلاتك أدعيلها بالرحمة والمغفرة
وربي يهدينا
والسلام عليكم

[لمسة L]

ربي يهديـــــــــــــــــــــــــك

[الجنة الجنة]

قبل حوالي شهر ماتت فتاة الله يرحمها بنفس المرض كان يوم عرسها محدد راجلها تمالك نقسو وراهو صابر
نعرف راجل عندو بنتين وولد وماتت زوجتو بنفس المرض صبر بالتقرب الى الله حتى فرج عليه ربي
الواحد يشوف الناس اللي كثر منو هكة يقول الحمد لله
نصيحة اكثر من الاستغفار وبطل هذه الامور اللي راك تقول عليها راح تحس روحك احسن