الزواج أم الدراسة

[مشكلتي]

السلام عليكم
أنا فتاة عمري 20 سنة.طالبة جامعية.الأسبوع الماضي تعرف علي شاب ينوي الحلال بقصد الزواج.وحدد موعد الخطبة لكن بشرط.وكما يتضح من العنوان طلب مني ان اتوقف عن الدراسة علما انني في السنة الثانية.وهو سمح لي ان اكمل الدراسة هذه السنة لكن اتوقف العام المقبل.بالنسبة لي وافقت على طلبه بالرغم من انه لم يكن بالقرار الهين لي لانني احب دراستي وكنت متفوقة طيلة مشواري الدراسي.لكن بالمقابل رايته شابا محترما يتوفر على كل الصفات ماديا ومعنويا.مما جعلني اتنازل عن دراستي.لكن المشكل عندما ناقشت الموضوع مع الوالدة لم تقبل بقرار التنازل عن الدراسة خاصة انه يتبقى لي عام فقط.لكن بعد اقناعها قبلت بعدما تعرفت على الشاب.لكن المشكل تكمن في ان الوالد متوفي وجدي في مقام والدي بالضبط.لكن هو دائما يصر على ان اكمل دراستي ودائما يراني لا زلت صفيرة على موضوع الزواج.وهنا المشكل العويص اذ انني لا ادرك كيف اقنعه علما اننا لم نفتح الموضوع معه.فقط أخاف من الرفض.لأنه سبق وان رفض آخر بسبب الدراسة دون علمي حتى. وهذا ما يؤرقني في الامر.علما انني صليت صلاة الاستخارة.وأحسست بالراحة.حتى الوالدة قبلت بعدما كانت رافضة للأمر.فأرجو ان تشوروا على بالرأي السديد لأنني فعلا في قمة الحيرة.والله الموفق

[MAN_ATEL]

والله يبقى هذا المشكل تاع اولياء الامور السبب الرئيسي فيما نحن فيه من صعوبة الزواج
انصحك اختي بالدعاء ... فهو اقوى سلاح لقضاء الحاجة
....................
انصح اولياء الامور بأن يتقوا الله في اولادهم فهم محاسبين عليهم يوم القيامة
في هذا السياق اردت ان اسرد حادثة حدثت في بلدتي .. احد الاباء حضره الموت و استدعى ابنته الغير متزوجة و الذات 40 سنة و طلب منها السماح لانه رفض العديد من الخطاب بحجج واهية ... رفضت و قالت له " مانيش مسامحة دنيا و آخرة " فمات وهو يبكي والعياذبالله

[عطر الجوري]

مافهمتش المشكل انتي تسقسي فينا اذا تحبسي القراية ولا كيفاش تقنعي جدك
اذا الأولي أنا مكانك مانسمحش في الدراسة نسمح في الخدمة إيه لكن الدراسة أسفة لأنك ستندمين والقرار يخصك وحدك عامين يفوتو يجرو
اما بالنسبة لجدك حاولو تهدرو معاه ودخلو الخال ولا اي واحد يسمعلو
ربي يقدملك الي فيه الخير اختي والدراسة قوليلو مانحضرش المحاضرات نحضر الامتحانات فقط وحاولي معاه والله يوفقك

[*بن عيسى*]

(رايته شابا محترما يتوفر على كل الصفات ماديا ومعنويا) .... هذا غير كاف اطلاقا .... انظري و اسألي جيرانه عن دينه و خلقه فهما الاساس ..... ثم استخيري و قرري

[mina24j]

اختي الزواج كي الدلاع ما تعرفيه مليح ما تعرفيه حاير حتى تتزوجي بيه راكي صغيرة(كي كنت قدك كانت عندي نظرة على عباد دوركا كي نشوفهم تجيني ضحكة) و ما تعرفيش .كون قالك ما تخدميش مقبولة بصح ما تقرايش ما هيش نورمال و لا يتعقد كي ما قراش هو راهو يلعبلك بالمستقبل تاعك انا ننصحك باه ما تحبسيش لقرايه و حطيها شرط.كون يكون ناويك صح يقبل

[نورة مروان]

اختي خممي مليح بقالك عام وتكملي قرايتك علاه تخسري دراستك والزواج ما راهوش هدا مضمونة هدا الايام انا نعرف وحدة حبست قرايتها وتزوجت طلقها راجلها بعد شهر بدون سبب خممي مليح
ادا شفتي بلي صح راهو ناوي الحلال كملي العامين اللي مازالك في داركم و امبعد تزوجي
اقبلي الخطبة لكن ماتفرطيش في قرايتك مهما كان

[أناييس الربيع]

شوفي أختي أنت سيدة القرار

المهم إذا أتاكم من ترضون دينه وخلقه أقبلي

وبالنسبة للدراسة كائن بزاف لي تخلاو ع الدراسة وتزوجو

والزواج خير من الدراسة في وقتنا هذا

ولي يقول راكي صغيرة الزواج معندوش علاقة بالسنة

المهم أنك تعي لماذا ستتزوجي وتكوني قادرة ع تحمل المسؤولية

وربي يرزقك الزوج الصالح

[السي محمد]

جدك هُو ولي امرك ....و هو ادرى منك بالرجال و عالم الرجال

[عباس الجزائري]

أختاه هنيئا لك قد اصبت بالقبول , وعجبا لأقوام يقولون " لا الدراسة أحسن من الزواج " هل رأوا ما وصلت إليه الجامعات من سوء الاخلاق و إقامة العلاقات التي لا تخلو من اللمس الفاحش و التقبيل بين الفتيان و الفتيات , و حدث و لاحرج عن الصدور البارزة و الأفخاذ العارية والمناظر الخليعة الحالقة للدين و الفضيلة , أما أصوات الموسيقى تنبعث من كل مكان و في كل زمان ,,,,,,,,,,,,,,,,, ألم تمت قلوبنا بعد من هذا الخزي و العار ,,,,,,,,,,,,, نسأل الله أن يثبتنا على الحق و الهدى
و نصيحة لك ما دمت صليت صلاة الإستخارة وارتاحت نفسك للأمر فادع الله أن ييسر لك الزواج , أما بخصوص جدك فرققي قلبه بالقول اللين و الكلام الحسن و صارحيه بما يحدث في الجامعة و بيني له أنك خائفة من الذئاب و غيرأمنة على نفسك من الفتنة و قد أتعبتك بما فيها وبما حولها
وفي الاخير : " أسأل الله أن ييسر لك الزواج و أن يلبسكم الصحة والعافية وو أن يرزقكم الذرية الصالحة المصلحة , و أن يجمع بينكما بالخير و المودة "

[ام وعود]

السلام عليكم
بنيتي انا لست ضد القرايا لكن لي قراو راهم كامل ناجحين في حياتهم ؟؟واش دارو بقراتهم لانو المراة في الاخير هي لبيتها
انا نضن الي كان هذ الشاب لي تقدملك صاحب دين وذو خلق متفرطيش فيه خصوصا في وقتناهذا كيما قال الاخ زمن العار
ادعي ربي واستخيري واكثري من الذكر
وربي يوفقك الى ما فيه الخير

[ريان 7]

كملي قرايتك اختي :19:
مش معقولة اخر عام تراطيه خاصة و انك متفوقة :confused:

[محمد جديدي التبسي]

مادامك مفتنعة بيه عادي يتقدم رسميا وإن كان الزواج قبل نهاية العام الدراسي فستكونين في عصمته وقرار توقفك من عدمه بيد زوجك وحده حينها ...الزواج أفضل بكثير من التي تسمى دراسة في جامعة!

[زرقـآء اليمآمـة]

السلام عليكم
كيف تتخذين قرارا مصيريا في حياتك دون استشارة جدك؟ .........تلك الامور تحدث بين الخاطب ووليّ الامر...........عليك احترام راي جدك لانه ولي امرك والادرى بمصلحتك ......... حاولي ان تقنعيه بالخطبة اولا والزواج يكون بعد اكمال دراستك .......... بهذا سترضين جدك وخطيبك .............موفقة اختي والله المستعان

[ناصف الورداني]

السلام عليكم

اختي عليك ان تعلمي انك لا زلتي صغيرة

و ان رايت صلاحك في هذا الزواج غبادري و لكن ان كان جدك راض ستحل البركة على زواجك اكيد

موفقة

[oumhana]

مدام يماك وافقت هذا مليح !!! بصح كفاه وافقت بلا متشاور جدك؟؟؟ وغدوه بعيد الشر كتولي عندك مشكله تولو تقولو مكتوب ؟؟؟؟ أنا ماني فاهمة والو
مقولكش مزالك صغيره لالا مي لقرايه سلاح والمشاوره مليحة واللي مخذاش راي كبيرو ضاع تدبيرو

على بالي حبطتلك المورال بصح إذا هذا الشاب صح ناوي الخير جدك يقنعو باه يستناك على الأقل حتي للباك من بعد احبسي و تزوجي معليش خلي القرايه وابني بيتك مي على الأقل عندك المستوى

[الألماسة]

مع رجال اخر زمن راهم ما يعرفوش مسؤولية الزواج الا من رحم ربي
نوصيك كملي قرايتك و من بعد اتزوجي ما دام بقالك سنة فقط
قرايتك هي سلاحك خاصة و انك متفوقة

[yacine-08]

الاف البنات قراوا وراهم مريحين لا خدمة لا زواج

انت راكي مستوى وجامعية و متقفة

خاصك برك تسقسوا مليح على هاذ الشخص

واوكلي هذه المهمة لجدك هكذا باش تبينيله بلي راه عندك التقة في حكمه

[قفص النسيان]

قال صلي الله عليهِ وسلم
( اذا جاءكم من ترضون دينه وخلقه فزوجوه ان لم تفعلوا
تكن فتنه في الأرض وفساد كبير )

[KARIO]

عمرك ما تغلطي و تسمحي في قرايتك، اللي باغيك يقبل بشروطك، انا غلطت هاذ الغلطة و ندمت بصح حتى تطفرت بالرغم ان زوجي مسؤول و ذو خلق عالي، و متنجميش تفهميني حتى تجربي الزواج، "متقريش و متخدميش" هذه عقدة الجزائريين للاسف

[amoros]

تزوجي قبل ان لا تستطيعي انتتزوجي

[nilly]

بلاكي تقبلي ياي واحد اشترط عليك
لو كان جت مقتمع فيك غادي يديك كيما انتي بصح هو مادامه عامل شروط صافي انتي ولا غيرك عنده كيفكيف المهم تتخلاي على قرايتك

لو كان برك نقوليلو مرانيش موافقة نترك قرايتي تشوفي كيفتش يروح ويخليك ستعةها راح تعرفي بلي هو يحوس على شروط معينة في المراءة وليس المراة في حد داتها
بلاك تتنزلي على القراية راج تندمي طامل حياتك على راجل كاين منه الالاف لو كان جاء محترم وهاقل كيما راكي تقولي مايطلبش منك

مفهمتش كيفاش محسيتش بالاهانة كي طلب منك شرط ؟ ومتسمعيش ليقلولك حبسي قرتية علجال زواج لانه لو كان هما فبلاصتك مراجش يحبسوا ول كان كل لجوبك هوا انها تجبس لو كان جاو هما حتى واحدة متحبس
راح تندمي بزاف اد اخدتي هد القرار

[MuSLiMaN]

اختي نصيحة في وجه الله انت عندك 14 سنة نتاع قراية او اكثر و بقي لك درجة وحدة فقط ياتي شخص و يهدم لك كل ما بنيته

لا ليس قرارا صائبا

اختي على الاقل تحصلي على الدبلوم نتاعك من بعد تزوجي على روحك

لا قدر الله حدث شيء تجدين الدبلوم نتاعك

اعيد لا تتسرعي فكري من جديد و دعي احلامك و عاطفتك جانبا

[ابتسام smile &hope]

jeddek ya3ref mesla7tek

[النجمة القطبية]

شوفي اختى انتى من الواضح ان هذا الرجل عرفتيه يعني كان هناك بينكما كلام قبل الخطبة الرسمية
ولست هنا لمحاسبتك وانما لتنبيهك ان هذا الرجل لم يطرق الباب مباشرة وانما جاء اليك ليملي شروطه عليك
شوفي يا اختى هذا الرجل طلب منك التوقف على الدراسة مع العلم بقالك عام واحد مقدرش يصبر عليه عام واحد فقط لكن بالنسبة ليه هذا العام لا يهم لانه لا يحدد مستقبله هو
الرجل الخقيقي يا صديقتي يطرق البيوت من ابوابها لانه يعرف لماذا صنعت الابواب
ويكلم الرجال وجها لوجه لانه يعرف لماذا جعل الله للمراة وليا ويكون رجل
ولما يدخل البيوت من ابوابها ويكلم الرجال عندها فقط يقدر يملي شروطه او يطرحها للمناقشة
حبيت ننبهك فقط ان هذا الرجل لم ياخذ بالطرق الشرعية لما جاء يخطب والاحتمال الاكبر انه بعد ان تعرف عليك عرف ان الوالد متوفى واو ولي امرك هو الجد لذلك يسهل عليه اقناعك بما يريد
لا تستعجلي رزقك يا فتاة
اول شئ توقفي عن مكلمته في الخفاء وقوليلو الباب مفتوح باش يعرف انك بنت رجال
وثاني شئ خوالك وعمامك ووو يسالو عليه مليح مليح ويجيبو تاريخ حياتو وكل التفاصيل
ثم الشروط يناقشوها اللى كبار عليك هم ادرى بمصلحتك
مازالك صغيرة ومع الوقت تعرفي انو الكبير عليك يفهم كثر منك
وانا نشوف انو من الافضل يصبر عليك سنة ما دات ما جابت عجبا لامره عرفك جامعية وكلمك وانتى تقراي وكان قادر يخطب واحدة جامي قرات لو كان صاحب مبدا لكن التناقض لديه يطرح الف سؤال وسؤال

[أم شروفة]

ما تحبسيش الجامعة هاك برك .بلوكي العام باش تقدري تدخلي مرة اخرى أو اكمل الدراسة واخرجي شهادة أنك كنتي مريضة على الأقل حتى تشوفي موضع أقدامك .....................الكثير من صديقاتي خدموها وبعد الزواج بسنة رجعو كملو الجامعة

[noorelhouda13]

انا انصحك بالدعاء ان تلح بالدعاء
لانك تريدين الاثنين تريد الرجل الصالح واكمال الدراسة
انا متاكدة بان الله سيريك الطريق الصحيح