دخولي للمستشفى اصبحت الصورة واضحة

[كاميلا]

صح عيدكم اخواتي اخواني
نعم بعد دخولي للمستشفى اصبحت الصورة واضحة جدا شفت اللي يخاف عليا واللي مش سامع بيا واللي ...........
ايام قليلة قبل العيد نقلت حوالي الساعة 23 ليلا للمستشفى بعد ما حدث لي نزيف على مستوى الانف نزيف مستمر كنت في غرفتي نحضر المقروض وقاعدة ننقش فيه في الاول حدث لي نزيف قلت معليش ممكن من السخانة لاني علابالي انا عندي مشكل ونرعف بصح رعاف قليل بفترات متقطعة ومن بعد زاد النزيف للمرة الثانية وهادي المرة كانها حنفية فتحت بقوة يعني كيما صمبور المياة من هول المنظر تغاشيت بعد برهة لوكان مفاتش اخي كون مفاقوليش نوضوني وانا وسط بركة دم هزوني داوني للمستشفى وهناك سرعوا بيا وقاموا باللازم يعني قريب دمي تصفى بعد ما فطنت وليت نرعش
المهم بعد كل هذا بالطبع جاو العائلة طلوا عليا جا راجلي ايضا وشكون اللي مجاش لا حماتي ولا سلفتي ولا حتى شيخي
لحد الان مفهمتش هل زيارة المريض اصبحت غير واجبة
بعد يومين عيطتلي في الهاتف وتقولي مقعدتش باش نعيطلك :confused: راني حاكمة بنت سلفتك راكي علابالك
ملقيتش واش نقول صراحة ملقيت حتى عذر حتى زوجي وجه طايح مني كي جا ودخل وحده يعني لهذه الدرجة يكون كره الحماة
انا الان واحد ميزيد يقولي العروسة هي الغالطة لم اخطأ في حقها يوما وهي غير تقابلني بالاسائة اللي يشوف يقول خطفتلها ولدها لا حول ولا قوة الا بالله
الان حمدت ربي لانه زوجي من نهار خطبني ومتخذ قراره بالسكن المستقل والا ربما لو حدثلي شيء كيما هذا في دارها كانت تخليني نموت في دمي
ماذنبي؟ لم تكلف خاطرها للمجىء وزيارتي واحنا ديما ابي وامي يباركولهم في الافراح ناهيك عن الجنازات لماذا هذه المعاملة ؟
راي حكمتها في قلبي بصح كتبت الموضوع باش نحي من همي شوية معاكم

[melissa lola]

الله يكون في العون و الحمد لله على سلامتك ماتقلقي روحك ماوالو كي يكون واش يكون زيارة المريض او السءال عنه واجبة ربي يكملك مع زوجك

[*ألخيال*]

السلام عليكم

الصراعات النسوية بينكن تكفي لكتابة كتب تاريخ وحتى فلسفة

لا خبرة لدي بهاكذا مواضيع ..ومادام المشكل موجودا ...وانا دون خبرة او ستكون نصيحة شيطلنية مني لانه حدث لي امر مشابه نوعا ما


اقول فقط...الحمد لله على سلامتك ....

[loufa]

اولا ربي يجيبلك الشفاء وانتهلاي فروحك
ثانيا نعطيك نصيحة لو تبعيها تتهناي
مايهمك حتى واحد جاو او ماجاوش عيطو او ماعيطوش المهم زوجك اما الباقي ارمي عليك وماتخمميش انت ديري اللي تشوفيه صواب والباقي خليه على ربي
اياك واياك تلومي احد واحسن جات من عندهم
فرغي راسك من هاذ الاشياء كامل تتهناي وتهني راجلك واهلك

[nibou]

بلاك بانتلها ماش حاجة كبيرة ،قادر تقولك أنفها و راي لباس،يعني تسقسي عليك من خلال راجلك والعلم لله

[كاميلا]

السلام عليكم

الصراعات النسوية بينكن تكفي لكتابة كتب تاريخ وحتى فلسفة

لا خبرة لدي بهاكذا مواضيع ..ومادام المشكل موجودا ...وانا دون خبرة او ستكون نصيحة شيطلنية مني لانه حدث لي امر مشابه نوعا ما


اقول فقط...الحمد لله على سلامتك ....

يكون الصراع عندما يكون طرفان او عدة اطراف بصح انا لست طرفا معها راهي وحدها تتصارع

[سماح 2]

سلامتكـ أختي ,الحمد لله كي رجعتي ع خير وعــآفية ,,

عندك نفسْ مشكلْ أختــي كي ولدت أول صغير ليهاآ وما جاوهاش لا الحمــآة لاآ والسلفــة ولاآ أحد من أقارب الزوجْ

لأسبــآب مجهوولة ,,

[كاميلا]

اولا ربي يجيبلك الشفاء وانتهلاي فروحك
ثانيا نعطيك نصيحة لو تبعيها تتهناي
مايهمك حتى واحد جاو او ماجاوش عيطو او ماعيطوش المهم زوجك اما الباقي ارمي عليك وماتخمميش انت ديري اللي تشوفيه صواب والباقي خليه على ربي
اياك واياك تلومي احد واحسن جات من عندهم
فرغي راسك من هاذ الاشياء كامل تتهناي وتهني راجلك واهلك

يا اختي معنديش ليمن نفرغ قلبي غير ربي والمنتدى ماني نشكي لحتى واحد من عايلتي او زوجي

[كاميلا]

بلاك بانتلها ماش حاجة كبيرة ،قادر تقولك أنفها و راي لباس،يعني تسقسي عليك من خلال راجلك والعلم لله

يا اخنتي مهوش نزيف عادي اللي نتكلم عليه ايه ربما كان لازم نفرغ من الدم ونبقى في المستشفى اسبوع لكي استحق زيارة ربما انا المخطئة الناس مبقاتش تسقسي على بعضاها ربما انا من عالم اخر

[الألماسة]

الحمد لله على سلامتك اختي الكريمة
صحتك قبل كل شي
راني كي حالتك و نفهمك
لكن واش نقدرو نديرو
ربي يهدينا و يهديهم ان شاء الله

[كاميلا]

الحمد لله على سلامتك اختي الكريمة
صحتك قبل كل شي
راني كي حالتك و نفهمك
لكن واش نقدرو نديرو
ربي يهدينا و يهديهم ان شاء الله

ايه يا اختي شكرا جزيلا

[thamourth]

سلامتـــــــــــــــــــــــــــــــــــــــــــــ ــــــــــــــــــــــــــتك

[ام ملاك.]

سلامتك الحمدلله كي لاباس
ماتديريش عليهم هكذا مخدومين تقوليهم متفاهمين بالطيف يبداو ينبحو على ولادهم نوضو تتزوجو ونهار يتزوجو يبداو يقاحرو في العروسةويكرهولها حياتها وحياة ولدهم
يالطيف ماتخميش فيهم خليهم ربي يسهل عليهم
يالطيف

[ام مهدي 03]

الحمد لله على سلامتك
ما ديرى والو فى قلبك المهم راجلك مادامو فى صفك الدنيا وما فيها راهى بين يديك

[اياد حياتي]

الحمد لله على سلامتك صحيح بزاف عليك بصح فهمي حاجة وحدة انو راجلك معاك وثاني حاجة الي هي الأهم انو دارك وحدك هكذا تتهناي وربي يحفظك من كل مكروه

[oum imane83]

صح يغيض الحال شوية مي الحمد الله على سلامتك اختي ماتقلقي روحك ماوالو المهم صحتك وعلاقتك مع راجلك .. قليل وين نصيبو اهل الزوج يحبو ولا على الاقل يديرو الشان لعروستهم ...

[om mohamed 1960]

الحمد الله على سلامتك اختى.مشكلتك تعرفيها انتى قبل الكل اكيد فيه صراع داخلى قديم او جديد وانتى ادرا بيه الام لى تكراه زوجت الابن ادن تكراه ابنها.والحقيقة غير صحيح.سالى عجوزتك بلطف علاه مزروكش تقولك علاه.كلنا راح نولو عجايز.

[كاميلا]

الحمد الله على سلامتك اختى.مشكلتك تعرفيها انتى قبل الكل اكيد فيه صراع داخلى قديم او جديد وانتى ادرا بيه الام لى تكراه زوجت الابن ادن تكراه ابنها.والحقيقة غير صحيح.سالى عجوزتك بلطف علاه مزروكش تقولك علاه.كلنا راح نولو عجايز.

خههههههههههههه صراع ؟ قديم او جديد والله غير ضحكتيني انا راني عروسة مزلت مدخلتش معنديش احتكاك بيها واش هو الصراع اللي رح يكون ؟ اذا كاين رح يكون في نفسها انا رح نولي عجوزة وربي يثبتني منظلمش الناس والله لا يجعلني من الظالمين

[naamane3]

قال رسول الله صلى الله عليه وسلم
التمس لأخيك سبعين عذرا
وباش تخففي على روحك قابلي الاسائة بالحسنة
يعني اذا قدر وحدث لهما مكروه كونى اول من يقف معهما
وهكذا تعرفان قدرك وقيمتك

[كاميلا]

قال رسول الله صلى الله عليه وسلم
التمس لأخيك سبعين عذرا
وباش تخففي على روحك قابلي الاسائة بالحسنة
يعني اذا قدر وحدث لهما مكروه كونى اول من يقف معهما
وهكذا تعرفان قدرك وقيمتك


يا اخي لوكان جارتي يهودية ودخلت للسبيطار نروحلها عجوزتي منروحلهاش لوكان مجيتش نحب الواجب لوكان راني عادي منحسلهاش خلاص بصح واش نقول بالاك الوقت تبدل والا بالاك لازم ندخل غيبوبة باش يسقسيو عليا