لا احب زوجي الذي يعشقني [الأرشيف] - منتديات الجلفة لكل الجزائريين و العرب

المساعد الشخصي الرقمي

مشاهدة النسخة كاملة : لا احب زوجي الذي يعشقني

مشكلتي

2014-10-11, 13:45

MAN_ATEL

2014-10-12, 06:49

اصبري .. ادعي ربي يجعل بينكم مودة و رحمة

first first

2014-10-12, 08:00

اصبري اختي.
خير حل انك تدعي ربي يهديك.
بشوية برك..........مدي لنفسك فرصة حتى تتاقلمي مع هدا الشخص.
بالتوفيق.

ام وعود

2014-10-12, 09:02

اجتهدي عزيزتي ان تحبيه واكثري من الدعاء والذكر سوف ترين ان الله سيساعدك في ذالك واخلصي النية
وما ادراكي لو فكرتي في الطلاق لسمح الله انكي تضفرين بزوج يحبكي ويدللكي مثله
ربي جعل بينك وبينو مودة ان شاء الله

الماسة النادرة

2014-10-12, 09:15

انا انصحك بتقبل الامر لانه راكي في نعمة كبيييييييرة بزاف اولا احدي ربي وادعي في صلاتك بش بربي يحنن قلوبكم على بعضاكم

ام فروحة

2014-10-12, 09:35

راني باغيا نفهم حاجة وحدة برك واش بيكم ياناس واش بيكم يقولك 2014 واش من 2014 صح رانا في عصر التطور ولكن ماوصلش للجزائر وماشفناهش حتى في الحلم راهم الغرب يلعبوا بينا كيما يبغوا كيفاش هاذي امراة تتزوج وتقيم فرض الله على اساس واش ياك احنا مسلمين مين نبغوا نبنوا علاقة زوجية معنتها رانا باغين الاستقرار والكف والابتعاد عن الحرام وانجاب الذرية الصالحة وبن راه اساس الزواج حبيبتي ماتديريش على هدرت بليس الله يلعنه الحمد لله لتزوجتي ولقيتي زوج صالح راها الدنيامادايماش لازم نقتانعوا باش كتبلنا ربي اليوم رانا هنا وغدور العالم ربي راني نسمع غير الجديد وحدة تقولك مانتزوجش وندي راجل يحكم فيا وحدة تقولك مانبغيهش وحدة تقولك ماراهش يحوس بيا وين راها المراة الصالحة العفيفة الطاهرة لي اساسها انها تبني دارها وتقوم بزوجها وتكون مرضيا مولاهاوين راها المراة لي كنا تسمعوا بيها وحنا صغار المضحية الصابرة المطيعى ولا دروك صاي كيما راهم يقولوا قوم ولا طلق لا حبيبتي لا لا الطلاق من ابغض الحلال عند الله اولا كوني قنوعا بمااعطاك ربي وحمدي ربي لي عطاك راجل كل همه انه يهتم بيك ويسعدك كاين لي راها قاعدا على الجمر وشايفا الويل من زوجها وراها صابرا وقالت الحمد للله هذا من عطاء الله ان شاء الله ربي يهديك

عطر الجوري

2014-10-12, 09:45

راكي عارفة وينتا تحسي بقيمتو نهار يدوه عليك لالياتك الي يعرفوله تما تعرفي بل أش يسوا لكن يكون قد فات الاوان الحقي روحك ربي يهديك بالاك تحبي الراجل الي مايقيمكش ينوض بالسب ويرقد بالضرب الله يهديك

Imad Antonio

2014-10-12, 10:45

زواج بلا حب خير من حب بلا زواج :19:
الموده والرحمه والعشره بين الزوجين قد تصل بهما الى ارقى معاني الحب بل هو اقوى من الحب نفسه

hodayena

2014-10-12, 10:46

مدام راجلك يحبك ويعشقك علاه تحوسي على المشكل اختي ربما انتي حامل تاكدي ربما يكون الوحم دارلك هكذا واذا مراكيش حامل وراكي لعبي فيها اسمعي نقولك نصيحة من مجربة ادي واحد يعشقك ويحبك ومتديش واحد تحبيه وتعشقيه لخطرش لحبك يكرمك ولي تحبيه يذلك
اختي عيش حياتك وانساي واتمعني في زوجك كي يكون قاعد معاك متبعديش عليه العبي معاه تتبهللي معاه قصري معاه وبلعقل راح تحبيه

اياد حياتي

2014-10-12, 10:54

قالك خذي راجل الي يحبك ماشي انتي الي تحبيه والله اؤيد راي الاخ مراد سابقا احمدي ربي راكي في نعمة وزيدي تقلشي اخريات يحلمو باه يسمعو كلمة حلوة وعلاش قبلتي بيه مادام ماكيش حابتو يا اختي ديري النية في راجلك وربي يهديك

wafwaf8471

2014-10-12, 11:35

mademe yhibik ghir chidi fih maa lwa9te twalfih wthibih wkhafi rabi fih asem3 i liya terebhi

الألماسة

2014-10-12, 11:44

راكي في نعمه
كي تروحلك هذي النعمه تعرفي قيمتها
سلسي روحك و بركاك من العوج
عشنا و شفنا

thamourth

2014-10-12, 11:50

هدي هية نتيجة اللي يعطي النية الكاملة للجزائرية
باين بلي خاطيه علاقات من قبل
خويا دير الواجب
البونيس خليه للزوجة الثانية ان شاء الله تكون اروبية

*الحواس*

2014-10-12, 12:08

أمركن غريب و محير , لحد الآن مازال مافهمتش العقلية تاعكم ؟؟؟

أناييس الربيع

2014-10-12, 12:24

هذا كامل نتيجة المسلسلات التركية وما خلفته في نفسية

الجزائريات ،لأنك تلك الأحلام الوردية التي رسمتها لم تجيدها

أختاه كان عليك قبل أن تقبلي بالزواج أن تعي ما معنى الزواج

وما هدفك منه هل الحب ،المال ،الحرية ...؟

طبعا الزواج هو إحياء سنة الأولين وإعمار الارض بالذرية الصالحة

معليش ماعندكش مشاعر إتجاه زوجك أدعي الله أن يضع في

نفسك القناعة والرضا والشكر لله ع نعمة الزواج

نحن في زمن الفتن ومايحصنك إلا الزواج ألف بنت تتمنى لو تحظى

فقط بزوج ولا يهمها شيء ونتي لقيتي الدلال وعلاش تحوسي

أختاه ضعي نصب عينيك طاعة ربي زوجك وصلاتك حتى تنالي الجنة

والمشاعر أنت لي تصنعينها وأكثري من الاستغفار والصلاة في جوف الليل

والاستعانة بالله وحده ولا تتركي باب للشيطان

وربي ينور طريقك ويرزقك ذرية صالحة

ام ياسين187

2014-10-12, 12:39

لو كان مايحبكش ويخرج ويخليك مشكلة ...راهو مدللك ومعاه معززة ومكرمة وراكي عينيه ثاني مشكلة ...زعما راح تلقاي واحداخر يحبك كيفه ...أفطني يا اختي

sali-sali

2014-10-12, 12:42

السلام عليكم

والله حيرتيني وضحكت لما قريت الموضوع

ربي يهديك اختي

واش السبب الذي جعلك لا تبادلينه نفس الشعور اواكثر ؟؟؟؟
ردي بالك تعرفي قيمتو كي تطفر وتقولي كلمة يا رييييييييييييت

barodia

2014-10-12, 12:46

الصبر اختي الفاضلة مزالك متوالفي برك لازملك وقت

ولد حمد الباتني

2014-10-12, 12:55

وعلاه ماتشتيهش لاخاطر يدلل فيك ولا لاخاطر زواج تقليدي ؟؟؟
سبحان الله
ألي مهملها راجلها تشكي وألي مدللها تشكي .....

السي محمد

2014-10-12, 12:58

ربما قلبك مُعلق بغيره

amineb64

2014-10-12, 14:32

هذا الصنف من النساء يفسد على الصنف الاخر

لمسة L

2014-10-12, 14:39

كما في العنوان تكونو فهمتو
انا متزوجه من شهرين من راجل مغرقني بالدلال وديما يحاول يسعدني اما انا فراني نسايرفيه فقط ونمثل وندير اللي عليا باش ما يحسش
مع العلم انو حنا تزوجنا عن طريق العائلة ماذا افعل والله نحس روحي مخنوقه وما علاباليش اذا نقدر نستمر

اختي العزيزة ،ربي يهديك هادو شهرين برك مازال الحشمة و الهيبة و الخوف من واش راح يكون

اختي نصيحتي كوني على طبيعتك و حاولي تسعدي زوجك و تتنعم بالدلال اللي راك فيك

راهي مشالة وقت و ولف فرات اصبري برك

عائشة07

2014-10-12, 16:15

هدا من كثرت الدلال جاك الغرور قوليلو يدخل مشنف ويخرج مشنف وتشوفي كي تولي تحبيه
يا اختي استغفري مولاك مادامك قبلتيه فالاول يعني فيه المواصفات المطلوبة ولهدا عاملي زوجك بما يرضي الله
وتاكدي انو هداك غي الشيطان باغي يفرقكم يوسوسلك بلي تستهلي من احسن منه وهدا هو الغرور فاحذريه
اكثري الدعاء و ربي يبارك لكم في زواجكم ويرزقكم الدرية الصالحة

ام مهدي 03

2014-10-12, 16:44

ان شاء الله مع الوقت توالفى بيه. حكاية اذا نقدر نستمر ما تزيديش تعاوديها حتى فى نفسك ولازم عليك ديرى جهدك معاه
كيما قالت الاخت بلاك تكونى تتوحمى

محمد جديدي التبسي

2014-10-12, 19:04

إنه الشيطان يريد أن ينغص حياتك استعيذي بالله منه واحكمي في زوجك وكوني له كما يريد الله وسيرزقك الرضا والقناعة ومن ثم السعادة...

smahi_hb

2014-10-12, 19:30

كما في العنوان تكونو فهمتو
انا متزوجه من شهرين من راجل مغرقني بالدلال وديما يحاول يسعدني اما انا فراني نسايرفيه فقط ونمثل وندير اللي عليا باش ما يحسش
مع العلم انو حنا تزوجنا عن طريق العائلة ماذا افعل والله نحس روحي مخنوقه وما علاباليش اذا نقدر نستمر

تأملت كثيرا في جملتك هذه:

((.........راجل مغرقني بالدلال وديما يحاول يسعدني اما انا فراني نسايرفيه فقط ونمثل وندير اللي عليا باش ما يحسش ...))

فلم أجد تعليقا...................

حسبي الله ونعم الوكيل فيكن يا معشر النساء.............

TOFNINE

2014-10-12, 19:46

الله يهديك 99.99 بالمية يشكو وانت عندك النعمة وما راضياش
اتقى الله فى هدا الشخص زوجك
وادا كرهك راو كيما حبك من قلبه يكرهك من قلبه
احمدى على النعمة الى راهى بين يديك