زوجي يخيرني بينه وبين العمل [الأرشيف] - منتديات الجلفة لكل الجزائريين و العرب

مشاهدة النسخة كاملة : زوجي يخيرني بينه وبين العمل

nadine0159

2014-10-10, 22:44

في الحقيقة لقد ترددت قبل كتابة الموضوع لكنني احتاج للاستشارة انا متزوجة منذ شهرين و حامل و الحمد لله لكن انا من الشرق و تزوجت في الغرب قبل الزواج كنت امل ان يتم تحويلي بسرعة للعمل في الغرب لكن لحد الان لم اوفق او لم يحول و انتهت عطلتي و ان الاوان للعودة للعمل زوجي دركي وهو في العمل و هو رافض بشدة ان اعود للعمل فقد خير انابقى في البيت او يطلقني انا احبه بشدة تزوجنا بعد قصة حب و لا اريد الطلاق و لا اريد لابني ان يعيش بعيدا عن ابوه و في نفس الوقت احب عملي و اعتبره جزء من شخصيتي و هو مستقبلي و مستقبل ابني اماذا افعل يا اخوان انا حاولت مع زوجي في الهاتف قلت له عندما تاتي للبيت اضع عطلة مرضية و عندما ترجع لعملك ارجع انا ايضا لعملي قلت له اقسم بالله لن يحس بغيابي لكنه مصر كرهت حياتي و احس انني اختنق و لا اريد ترك عملي فانا احبه واحب زوجي يا الاهي انني في حيرة افيدوني بخبراتكم وارائكم:1:

سلواان

2014-10-10, 22:54

أنت في وضع لاتحسدين عليه فكان لك الله ..رأيي إن كنت مطمئنة بما يكفي الى زوجك ..فأسرتك اولى باهتمامك كلية ثم لو وضعت موضوعك بقسم مشكلتي كان افضل من اجل خصوصية قضيتك..

" أبو عبود"

2014-10-10, 22:59

السلام عليكم
باعتقادي بما أنه دركي وحسب علمي فإن الأوليوة لزوجته في العمل في المدنية التي يعمل بها - هذا ما يحدث عندنا - فكرة ان تبقى بدون عمل في حين أنه سيكون بعيدا عنكا امر غير مقبول كما أنه تزوجك عاملة ولم يشترط عليك التوقف وهنا اصبح يضغط عليك وأنت حامل هذه مشكلة أخرى.
تريثي و حافظي على نسفك عسى الله ان يهديه وينتظرك لانه في جميع الحالات سوف يكون بعيدا عندك مدة من الزمن.

الجواهر

2014-10-10, 23:05

وما هو الاتفاق قبل الزواج

*ألخيال*

2014-10-10, 23:18

وما هو الاتفاق قبل الزواج

هذه :34: سؤال في الصميم

كل على حسب ما اتفقتما عليه قبل الزواج

وفي سياق الموضوع لابد للرافض ان يبين اسباب الرفض وهي كثيرة :) ويمكنك الاستعانة بوسيط ليكلم الزوج حتى تحصلي على اكثر من فكرة

فان بقي الحال كما هو عليه اتركي العمل واسرتك اولى والله اعلم

nadine0159

2014-10-10, 23:25

optimism

2014-10-10, 23:29

السلام عليكم
بماانك قلت اردت الحركة ,,,,,,,,,,,ولم يحصل
بمعنى ,,,,,,,,,,,هل اذا تمكنت التقرب من مقر افامة زوجك ,,,,,,,,,,,,سيوافق على العمل ,,,,,,,,اما رافض الفكرة اساسا
لان لك كل الحق واكثر من الحركة والتقرب
ربي يوفقك

*ألخيال*

2014-10-10, 23:38

انا اذا تركت العمل فابي وامي لن يسمحا لي بهذا الشيء و انا احب العمل و لا استطيع الاستغناء عنه رغم انه متعب لكن ماذا افعل فانا اخبرته قبل الزواج انني لن اترك العمل فوافق على ذلك لماذا هذه المعاناة يا الاهي فانا لا انام الليل بسبب هذا الوضع و انا حامل في الشهر الثاني انني اعاني

الوالدان لن يوافقا ...والزوج تغير رأيه ....مشكلة:confused:

من الأفضل معرفة سبب تغير رايه ...وهنا مربط الفرس

وقد تكون كثيرة فالناس تقيس وتقارن ببعضها بعضا وقد تكون هنالك اسباب ترفع من تخوفاته عليك

ما تبقى ان نقول الا ان يوفقك الله ان شاء

nadine0159

2014-10-10, 23:53

بارك الله فيك اذا تحولت الة مقر سكناه فهو موافق على ان اعمل و هو رافض لفكرة ان اعود لمنزل والدي و اعمل رغم انه يعلم انه وضع مؤقت الاانه صعب علينا كل شيئ ويدا يخيرني العودة الى العمل في بيت والدي او هو

*الحواس*

2014-10-10, 23:57

يكفي أن زوجك عاش نصف مدة عمله مغترباً عن الأهل والأصحاب , لا مناسبات دينية مع العائلة و لا أفراح يحضرها ....... الخ
نصيحتي لك ما تفرطيش في زوجك , و هو علاه راه موجود ؟ باه يخدم عليك و على اولاده :19:

optimism

2014-10-11, 00:09

السلام عليكم
ماعليك الان الاالسعي في الحركة والتقرب ,,,,,,,,,في اقرب وقت ممكن ,,,,,,,,,,,,لان لك كل الحق بماان زوجك دركي
ربي يوفقك

*تسنيم*

2014-10-11, 10:49

لعله خائف عليك لانكي حامل خودي عام عطلة بدون راتب عسى ان تتغيير الامور

نورسين.داية

2014-10-11, 12:38

السلام عليكم

و الكثير من الأزواج يفعلون ذلك ..قبل الزواج ...يقولون : إه نورمال ...مكاش مشكل ..و من بعد الزواج يضعونكي تحت المر الواقع .......لا لا قصة حب و نص

مذام إتفقتما على العمل .....و الله العظيم ....ذلك الحب ....و ذلك الزوج . يضربو راسهم على الحيط ...و الله ما علابالي بيه ...الحيلة هذه هي نتيجتها ..الله إسهل

و صدقيني حتى لو إخترتي البقاء معه ، إنعدمت الثقة فيه ......لأنه إنسان ماعندوش كلمة ........
و أنتي أدري

وفقكي الله عزيزتي

karim.dz

2014-10-11, 12:52

هو عندو الحق انا واحد من الناس مانقبلش زوجتي تبعد عليا شهر بحجة العمل
الحل موجود ديري عطلة مرضية حتى يحولوك وفرات

sali-sali

2014-10-11, 13:13

السلام عليكم

بلادنا بلاد المعريفة

شوفي ناس قادرين يساعدوك وحولي ملف عملك

ربي يصلح الاحوال

nadine0159

2014-10-11, 13:35

صح شكرا اخوتي على الردود تناقشت معه اليوم كذلك قلت له انها فترة و تزول اصبر معي ارجوك ونحاول فيه قلتلو انا نحبك ومانيش حابة نخلي الخدمة تاعي هي كذلك جزء من حياتي قالي راني نشوف باش نبدلك قلت له اذن انا نروح ساع نخدم ايامات باش ما يروحش المنصب و مباعد نزيد عطلة مرضية اخرى و في الواقع اخبرته ايضا انني في افريل ان شاء الله ساخرج عطلة امةمة لكن اي حاجة 6اشهر او 7 اشهر و دائما جوابه هو لاا لماذا اخبره يقول انا مانقدرش نخليك تروحي لدار باباك تخدمي اذا ما بدلتكش اقعدي في الدار واش راح يخصك عييت نفهم فيه علابالي ما يخصني والو بصح ساعفني فترة برك الله غالب هاذا مكتوب ربي مازال ما حولونيش حاجة وقت اي قادر في اي لحظة يحولوني و بالفعل لكن لازم نلتحق بالمنصب باش نقدر ندير عطلة اخرى هاذا هو القانون لكنه مصر على ان لا اذهب و هددني اذا ذهبت للعمل في الشرق سيطلقني

امينة النايلية

2014-10-11, 14:46

نصيحة مني ديري اي حل الا انك تبطلي لخدمة تاعك

في وقتنا هاذا صعب <مستحيل> باش تعاودي تلقاي الخدمة

nibou

2014-10-11, 15:32

أختي أنا نقولك بلعقل برك وبلعقل على صحتك ما تنسايبش راكي حامل،أولا وقبل كل شيء ديري في بالك مليييييييييييييح ملييييييييح بلي مادام تحبي راجلك وماش حابة ولدك يتربى بعيد عليه راكي تخيري راجلك على خدمتك،يعني نحي فكرة أنك راح تخيري الخدمة على راجلك وزيد بما انو دركي و أنت وافقتي راكي نتي تاني تتحملي جزء من المسؤولية لأنو كيما علابالك خدمتهم صعيبة وكل مرة في ولاية و ايضا باه تقولي بدل رايو،لالا ما بدلش رايو و لكن قبل الزواج حاجة و بعد الزواج حاجة،من قبل كنتي بعيدة عليه ماش حاس بيك بصح درك راكي مرتو و حامل بوليدو يعني راكم عااايلة وهو حاب يحس بالعايلة تاعو،مش هو فالغرب و مرتو فالشرق وأيضا هو ما لازمش كل مرة يرددلك كلمة الطلاق،لازم هاد الفكرة ينحيها خلاااااص من بالو،هذا عرسان جداد و على حاجة بدا يقول نطلقك،لالا لازم تبينيلو بلي هاد الشي راو أبغض الحلال عند الله و الأمور عندها كيفاه تتحل ماش بالتهديد بالطلاق،لأنو هكذا أي حاجة يحب يديرها يولي يقولك نطلقك وربي يهدي سركم و يفرحكم
و الأن ندخل لموضوعك،مادام إنتهت الأجازة السنوية تاعك تقدري من درك تدفعي العطلة المرضية،ياك راكي عاملة عادي ماش راح يديرولك إدماج،و مادامكي حامل يعني تقدري تستعيني بطبيبة نساء و ديرلك وفي نفس الوقت روحي نتي حوسي على الخدمة تاعك مادامو موافق،يعني أنت اطرقي باب الإدارات و شوفي و زيدي في نفس الوقت لاكان ما لقيتيش مناصب لهيك أطلبي من مديرييتك يديرولك تحويل لهيه،أي إنتداب "détachement" و هكذا تكوني تابعة لمديريتك و تخدمي في ولاية زوجك و بما أنو زوجك دركي فلك كل الحق و أيضا تقدري كحل أخير تديري إحالة على الإستيداع"la mise en disposition" و لازم ديري ملف مليح و تهدري مع أعضاء اللجنة المتساوية تاع مديريتك باه يقبلولك،يعني راهم زملائك أهدري معاهم بشكل ودي قبل لا يديرو الإجتماع باه يقبلولك الطلب تاعك ويكون رأيهم هو الغالب و لاكان ما فهمتيش حاجة راني هنا و موضوعك راو محلول بإذن الله،فقط درك ديري عطلة مرضية وأدفعيها أوكي و ربي يهنيك

melissa lola

2014-10-11, 17:19

السلام الله يطيب عشرتكم المهم المبدا انه موافق على عملك في مقر اقامته يعني تقدري تديري عطلة غير مدفوعة الاجر mise en disponibilite منها راكي بالحمل تريحي ومنها تجري على روحك باه تبدلي شدي العصا من الوسط ماتخسري راجلك ماتخسري خدمتك

nadine0159

2014-10-11, 18:01

درك نفهمكم قلتلو باش تزيدي ديري عطلة مرضية ثانية لازم تلتحقي بالمنصب اولا ثم تزيدي تحطي عطلة مرضية قالي لا لا ماتروحيش نسقسيه علاش يقولي هكذا ماتناقشينيش اصبري كي نبدلك قلتلو كي يديرولي تخلي عن المنصب حتى التحويل مستحيل شكون يحول وحدة ماتخدمش تخلات على المنصب تاعها انا مشكلتي حاليا يخليني نروح نزيد ندير كونجي و راني درت قبل عطلة مرضية بدون اجر لمدة شهر خلص هاداك الشهر واش ندير انا استاذة و لاميز صعيبة عندي 3 سنين من تاريخ التعيين لازم يكون عندك 5 سنوات باش يقبلوهالي راني نحاول فيه و كلما حاولتو زاد اصرارا على رايه لدرجة تدخلو والديه و قالولو من حقها قالهم من فضلكم ماتزيدوش تتدخلو في حياتي مع مرتي تخيلو

darwina.koom

2014-10-11, 19:11

xxxxx xxxxx x xxx xxxxxxx x xxxx xx x x x x x

عطر الجوري

2014-10-11, 23:24

صدقيني زوجك اذا كان مليح معاك ويحبك ويراعيك وماخاصك والو ماعندك ماديري بالخدمة ووليدك كي يزيد وهاهم حولوك للغرب شكون يربيهلك الحضانة واقيلا. بما انو انتي من الشرق أنا شخصيا كنت نخدم ومرسمة شركة وطنية كي تزوجت استقلت عادي وين راه المشكل اختي الحياة قصيرة وماهي الا لعب ولهو الصح هو الآخرة ربي يوفقك

Onesta

2014-10-11, 23:31

أختي اتق الله و أطيعي زوجك, خافي ربي ...و لازم يكون في بالك أنو الراجل إذا هدد بالطلاق راهو خمم فيه ...احذري تعودي مطلقة بطفل

oum imane83

2014-10-12, 10:21

شهور فقط من زواجكم يعني مازالكم عرسان جداد ماتعرفوش بعد عقلية بعضاكم الوقت وحده كفيل باش تتعارفو ومواقف كيما هده الي تبين مدى نضج الزوجين واستعدادتهم للحياة الجديدة

راكي متعلمة ومثقفة و استادة ماشاء الله يعني مربية اجيال ...وزيد راكي حامل الله يبارك...
من جهة عنده الحق المراة كي تتزوج تولي مسؤولة من راجلها يعني تلزم بيت زوجها والراجل يحب يبين قدام نسابو بانه قد تلك المسؤولية ومايطيحش من قيمته وبانه قادر على شقاه ويسير امور بيته بنفسه ...العمل ماشي عيب لكن لازم يكون بالتراضي و التفاهم والسياسة وليس بالارغام او التهديد .... وزجك ربما من حبه ليك وخوفه عليك الي خلاه يرفض هاد الخدمة هو ماراهش رافض فكرة العمل لكن رفض انك تعاودي ترجعي لدار والديك وتخدمي ثمة وزيدلها التعب وخاصة مع الحمل
المهم ياختي ماتفرطيش في زوجك ودارك والمراة مهما بلغت من نجاح في عملها ايبقى نجاحها و تالقها في بيتها و مع زوجها و تعرف كيفاش تربي اولادها اسبق و افضل ليها ...الخدمة تقدري تعوضيها بصح الهناء مع رجلك و يترباو و لادكم في كنف العائلة و بوجود الوالدين وتعيشة حياة سعيدة ومستقرة هدا اكيد لا يعوض وليس له ثمن ......... الحياة الزوجية تنازلات

ان شاء الله تكوني فهمتيني .. مانحبش نشوف ولا نسمع بزوجين رايحين يطلقو و خاصة كي تكون على اشياء يقدرو يتجاوزوها
لكل مشكل حل

bellaluna

2014-10-12, 11:27

حسب ما فهمت زوجك ليس له ثقة فيك و يخطط لشيء ما و هذا أمر واضح فهو لم يمنعك فقط من العمل بل حتّى من تجديد الرّخصة المرضية..أنصحك أن تحافظي على منزلك و لا تتطلّقي لكن ضعي في ذهنك انّ زوجك ليس أهلا للثقة و يُخلف وعده.

السي محمد

2014-10-12, 13:06

مشكل كبير

اتوقع ان ينتهي بالطلاق

- من تجارب السابقين-

ام ملاك.

2014-10-12, 13:31

ربي يوفقك وتلقاي حل ان شالله الاخوة ماشاء الله كفاو ووفاو

ام مهدي 03

2014-10-12, 21:06

الطلاق ابغض الحلال .ولا احد سيقول لك تمسكى بعملك فى حين ان زوجك مصر على الطلاق
اذا ارضخى وضحى بعملك فى سبيل الاسرة وان لايعيش ابنك بعيدا عن ابيه .وكذلك فى خاطر الحب......
لكن السؤال المطروح
لماذا لم يشترط ان لا تعملى قبل الزواج واكيد كنت ستوافقين لانك تحبينه
هل ستسامحينه فى حياتك عن هذا القرار الاضطرارى بعد شهرين فقط من الزواج
هل سياسمحه اهلك وهم اشترطو عملك فى وسط الجماعة وكان راض
هل سيكف عن التهديد بالطلاق ام انها حجة امام اى موقف ليكون رايه هو السارى وتكونين المضحية دائما
.................................................. ............................
ربى يجيب الى فيه الخير

زرقـآء اليمآمـة

2014-10-12, 22:04

السلام عليكم
المتعارف عليه ان طبيعة عمل زوجك تجعله يرى ويسمع العجب العجاب ........ لذلك تريه حريص عليك ومصرّ على رفض مسألة العمل ........ تعقّلي اختي وما ينفعك الا عشك الزوجي وحافظي على حياتك التي اخترتها ......... ان تضحي بعملك افضل بكثير من ان تضحي بحياتك الزوجية ........... ربي يجيب الخير

nadine0159

2014-10-13, 14:09

*نـــور*

2014-10-13, 16:06

موقف صعب
اذا وصلت الامور الى انه مصر على رايه
فانصحك بالتوقف عن العمل بيتك اولى
وواضح من زوجك انه مقرر و متمسك بموقفه
و حازم امره حتى قبل الزواج ..فرفضه البقاء في بيت ابوك هو حجة فقط
ربي يوفقك..المشاكل في الاشهر الاولى للزواج صعبة

*نـــور*

2014-10-13, 16:10

مشكل كبير

اتوقع ان ينتهي بالطلاق

- من تجارب السابقين-

:sdf::sdf:
مثل هذه التوقعات خليها بينك و بين نفسك

ام مهدي 03

2014-10-13, 21:58

السلام عليكم الجديد في قصتي انني استطعت اقناع زوجي بان اذهب للحصول على عطلة مرضية و ادعولي ربي يسهلي برك و نبدل و نتهنا من المشاكل ونحافظ على داري و خدمتي راني قنعتو بصعوبة و الحمد لله و شكرا لكمعلى الدعاء و النصيحة
الحمد لله والله رانى فرحتلك
شوفى اختى راجلك مادام قدرتى تقنعيه معناته راهو خايف عليك انت وابنه لا غير. اطهلاى فى روحك باه ما يزيدش يخشن راسو
ربى يسهلك وتبدلى
ربى يهنيك
:19::19::19::19::19::19:

اسامة رحمون

2014-10-14, 11:00

علاش المراة العاملة ديما عندها مشكل لازم تبطل يا أخي ديتها تخدم ماشي قعدة الدار

حميد.ص

2014-10-14, 11:06

اعتقد انك تخربين بيتك بيديك

اذا تخليتي عن عملك حاليا في المستقبل ممكن جدا تلقاي خدمة تناسبك

و اذا تخليتي عن راجلك راح يطلقك و يتزوج من اخرى ماكثة في البيت و يكمل حياتو و تكوني انت سبب الطلاق

المراة الذكية تعرف جيدا كيف تحافظ على تماسك اسرتها مهما كانت الظروف

بالتوفيق ان شاء الله

faraday_dz

2014-10-14, 11:23

الزوج له كل الحق في ما طلب
و هذه الصرامة مطلوبة في وقتنا هذا

om mohamed 1960

2014-10-15, 13:14

احرسى على الحب و الودى لى بينكم فالزوج احرس عليك من نفسك لو لم يكن شهم لتركك تخروجين للعمل بدونه.لى فى بطنك وحب زوجك ليك اكبر بكثير على خروجك للعمل وانتى حامل

nadine0159

2014-10-28, 14:14

الفولاذ الحي

2014-10-28, 15:08

في الحقيقة انا احب عملي و لا اريد تركه واحب زوجي و لا استطيع فهمه لماذا هو مصر على تحطيمي انا ف الغربة و حاب يحطني ف الدار علاش زهري كيما هاك راني نبكي الليل مع النهار انا نخدم بصح مانيش مليحة من جيهتو خلاني جيت و مباعد يقولي روحي للدارانا نقولو و الخدمة يقولي الله يسهل عليك
واش ندير معاه قلتلو اصبر 6 اشهر و نهز عطلة امومة هو لا يسمع اصلا واش نقول الدنيا ظلمت في عينيا نحب زوجي بزاف ووالديا يضغطو عليا بزاف واش نعمل يا اخواني و اخواتي مانيش حابة نبقى بلا عمل و وحدي في الغربة كيفاش برك راني قعدت شهر قريب هبلت و ما باكم حياتي كاملة و اللي مأثر فيا الطفل اللي في الطريق

اختى انا اتفهم الوضعية الصعبة التي انتي فيها لكن العقل و المنطق و الدين يقول الأولوية تكون لتماسك الاسرة و يعيش ابنك مع و لديه و اذا و صلتى في تمسك بعملك و بدون تنازلات ستكونيين المتسبب في الطلاق و تشتيت العائلة و ابنك لا يستحق هذه الحياة المملؤة بالمشاكل و الصراعات

و اضيف شيء مهم هو ان العمل يمكن تعويضه او إيجاد أفضل منه ان شاء الله لكن تعويض الزوج و بناء اسرة متماسكة صعب جدا جدا و على حساب مافهمت عملك هو أستاذة ....و مع كل احتراماتي ..........هذه هي الحكاية أي لم تستطيعي التنازل على منصب في التعليم بكل سلبياته و الظغوط و امراض السكر و ضغط الدم من أجل ابنك و زوجك ...........وهذا يبيين للأسف ان بعض النساء الجزائريات لا يستطعن البقاء في البيت و في راحة و يفضلن الذهاب للعمل و ركوب الحافلات و الكلام ....الخ
فانا عندما قرأت قصتك اعتقدت انك مديرة شركة متعددة الجنسيات او سفيرة .......الخ و براتب اكثر من 12 مليون في الشهر

ملاحظة اذا كان زوجك يستطيع تلبيه كل حاجيات الاسرة من كسوة و اكل و دواء فمن الأفضل ان تبقى في بيتك مكرمة و تحافظين على صحتك و جمالك

بنت تاجنانت

2014-10-30, 13:53

ختي يخي قلتي قبل في الاخير عاود دار في رايو ولا كيفاه

انا نقول كاين اللي يحرضو على هاد الشيئ سواء اصحاب ام في العائلة

راني حاسة بيك وعلابالي الخدمة واش تسوى عند المراة زيدي معاه ما تياسيش جربي باباك يهدر معاه بالاك يحشمو ويقبل

Dinho

2014-10-30, 16:01

الله يهدي زوجك انه ديوت باقتدار

سر التقى

2014-10-30, 16:27

يا أختي صلي صلاة استخارة و ادعي ربي يفرج عليك وادا ما وصلتيش لحل فالحل انك ما تتنازليش على اسرتك و لكن اتنازلي على العمل لانه راه عندك طفل راه جاي و يعيش مااب و ام ما تخدمش احسن الف مرة انه يعيش مع ام و اب بعيد عليه فكري مليح باش ما توصليش لطريق مسدود و لازم تحددي اولوياتك في الحياة اولويتك خدمتك ام اسرتك .

بنت تاجنانت

2014-11-05, 01:49

ختي اتقطعت اخبارك ان شاء الله تكوني اقنعتيه بشرينا

التواتي الونشريسي

2014-11-13, 18:41

أنا نصيحتي لكل زوج أن يتريث طويلا قبل أن يحسم أمره مع المرأة العاملة حتى لا يظلمها بإجبارها على ترك العمل، خصوصا وأن تشبث المرأة بالعمل في زماننا هذا فاق كل تقدير. أخي لا تخاطر بمستقبل بيتك من أجل دريهمات تجلب لك متاعب كثيرة واسأل الله من فضله وكرمه الذي لا حد له، فكيف تترك المنعم سبحانه وتعالى وتلجأ إلى المنعم عليه...فياليت قومي يعلمون

موسى عبد الله

2014-11-14, 07:40

خليك منو ،وخيري خدمتك ،كي يضربوك الحيوط ،تنفعك خدمتك ، وهذا الراجل الي راه صابر عليك راه طول ،من المفروض راه قالهالك زمان

محمد جديدي التبسي

2014-11-14, 16:03

لا مجال للمقارنة بين زوجك وبين عملك
أسرتك أولى والمرأة نتاع الصح ما تلقاش وقت تحك راسها وهي ماكثة في البيت فما بالك وهي عاملة؟!!
أشغال البيت لا تنتهي وإن كنت امرأة حاذقة وتقومي بكل أشغال البيت ويبقالك وقت ديري هواية اشغلي نفسك بيها وزيد راه عندك الانترنت يعني مكانش ملل ..ربي يهديك ويؤلف بينك وبين زوجك ...

salem1985

2014-11-17, 21:36

دري عام سوسولد ومن بعد راكي تجري باش تحولي وقادرة تستقيلي وتعاودي تترشحي لمسابقة راه تفيدك الخبرة انتاعك رلب يفرج عليك وانا نقول ليك الفايدة في الدار موش العمل ربي يوفقك

التـــــــــــــــــــائهة

2014-11-20, 13:13

لعله خائف عليك لانكي حامل خودي عام عطلة بدون راتب عسى ان تتغيير الامور
انا ايضا لدي نفس الرأي او درياجازة مرضية

سلسبيل رأفت

2014-11-20, 16:14

موضوع محير خصوصا لو كنتي تعبتي عشان في دراستك وشغلك
بس في النهاية مش هتعرفي تدي كل حاجة حقها ولو حاولتي تعملي كده هتظلمي نفسك وصحتك

ام نهوله

2014-11-26, 20:56

اظن ان السبب في تغيير رايه خوفه عليك