اوروبا او الجزائر

[مشكلتي]

السلام عليكم
مشكلتي هي انني اعيش في بلد اوروبي وانا هدا البلد مارانيش قادرا نتأقلم فيه من جميع الميادين الثقافة كل شي والشيء الاخر هو نعاني من الغربة تاع الصح نحس نفسي وحيد في بلد ماشي بلادي وكلش انا جيت هنا للدراسة بصح لقيت من المستحيل اني نتاقلم في هدا البلد بعيد عن الاهل والاصدقاء وزيد على هدا في الدراسة صعيبة بزاف نظرا لاختلاف المستويات بين بلدنا واوروبا يعني هوما مطورين بزاف وانا في الدراسة روطار بزاف بالنسبة ليهم
انا حبا ندخل للبلاد بس الجميع قالولي بلي نقعد في اوروبا احسن بصح انا مارانيش قادر نصبر اكثر الغربة وزيد الدراسة مختلفة هنا
جزاكم الله بمادا تنصحوني

[عفاف عفة]

السلام عليكم .....
من الموضوع تاعك مافهمتش إدا كنت دكر او انثى ......
ختي الحياة قصيرة بزاف وحنا نروحو لبرا ونبعدو على العايلة تاعنا انا من الموضوع تاعك فهمت بللي ماكيش آلاز لثم .....وبما انك مالقيتيش راحتك عاودي وللي هنا لدزاير وقراي هنا احسن واخطيك من الغربة ......
لكن قبل هدا استخيري في الامر وللي فيه الخير ربي يقدرو .....في أمان الله

[ريان 7]

السلام عليكم

مشكلتنا في البلاد هذي من يزيد الشخص و الغاشي كل يحكي مكانش مستقبل في البلاد هذي .البلاد هذي متصلحش ...........
و الكل يحاول يروح للخارج . لكن واحد ما دار في حسابو بلي هذا لي راه في الخارج خسر كثر ما ربح لانو يخسر الحاضر تاعو لاجل المستقبل . مكانش قد البلاد . بلادانا رغم كل شي فيها رائعة و جميلة .

المهم اخي و لا ختي اذا كنت قادر تكمل قرايتك هنا ارجع كملها و عيش في بلادك معزز مكرم و متسمعش للغاشي لي يقولك معندكش مستقبل .
و إذا كان بقاءك هناك راح يحسن من مستواك العلمي و الثقافي اقرا و كمل اذا العكس ارجع .

[iaman.fr]

السلام عليكم
يأخي أو يأختي كل واحد في الغربة يخمم هكا خصوصا في لول لكن كل واحد و ظروف تاعو مثلا انا متزوجة في فرنسا و عائلتي كلها في الجزائر لما نروح للجزائر نتمنى منوليش لكن منقدر نخلي زوجي وحدوا و لما نجي لداري نتوحش الأهل تاعي و خصوصا أمي راهي مريضة
الجسد تاعي برك اللي راهو هنا أما عقلي و قلبي راهو مع امي نبات نبكي ولما نهدر معاها و تقولي مرانيش مليحة لكان نصيب في هديك الدقيقة نكون قدامها لكن ماشي بيدي وأنا اللي خيرت هدِ لمعيشة
و بالنسبة ليك إلا راح تقرا عام أو عامين أصبر في الأخير تولي تولي لبلاد و ربي يكون في عونك الغربة صعيبة و خاصة كي تكون وحدك

[hamza touazi]

والله يااختي راح تتاقلمي ادا راكي حابة تنجحي كملي قرايتك تماك لانو فالجزائر راح تبقاي زيرو تاخدي راي عاودي روحك على جوهم فقط خلي عندك مبادئ وخطوط لازم ماتفوتيهمش يعني قوي ايمانك حاجة ماتغرك ان شاء الله بربي انا نصيحتي وزيد داركم كاين ال***** كي تتوحشيهم ظلي تحكي معاهم والله اعلم صلي استخارة وشوفي

[زرقـآء اليمآمـة]

السلام عليكم
بلاد الكفر فيها الكثير من المشاكل اتجاه المسلم ...... اخي انت متأكد انك لا تستطيع التأقلم .... ودينك أهم من الشهادة التي تريدها من بلاد الكفر ..... فارجع الى بلدك وواصل دراستك هنا وكما يقول المثل : دارك تستر عارك ......... وهنا الحمد لله الخير موجود لمن يبحث عنه ............... والجزائر تفتح يديها مرحبة بك في اي وقت .......... منها تعيش بين اهلك ومنها تجنب نفسك الوقوع في الفتن ......... واحمد الله لان لك ضمير ...... وربي يوفقك وينجيك .......... والله المستعان

[nessrine1988]

شوف يا أخي او أختي هي اوروبا كاين ناس يقتلو في ارواحهم باش يروحو بصح في الاخير كل وحد واش يخرج عليه ادا مالقيتش روحك في هدي لبلاد ارجع للوطن او كمل دراستك هنا لعل فيه خير لك علاش تحسب الخارج فيه الخير ؟لالا مش بالضرورة
(انا مجربة هدا الشي)

[thamourth]

نتبادلو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[fifiarch]

اذا كان ظرف دراسة فقط

لو كنت مكانك صراحة كنت نتحدى نفسي ونكمل

نثابر ونجتهد

ونرجع بالشهادة

ان كنت لا تتاقلم للعيش هناك فالامر عادي وهاذي راحة شخصية لكل انسان

اما ان كنت ذهبت لتحقيق هدف معين فلا تستسلم وحاول

اجتهد لتحقيق حلمك وانا اعتقد انو من وراءك عائلة حلمهم انو يفخرو بابنهم لي كملت دراستو في الخارج ورجعلهم بشهادة عليا

لا تعد خالي اليدين

[ouhibouka rabbi]

salem alikom moi je vous conseille de revenir en algerie et de continuer votre vie entouré de vos proche famille et amis moi je

connai quelqun qui est parti et il revenu et maintenent il travaille hamdoulilahe il a meme ésiter car il disai qe tout est cher la ba tu paie tou et actuellement pour trouver un emploi la ba il faut courir ya la discrimination surtou avec les algeriens je vous conseiille de faire salat el istikhara comme ça dieu va te guider et t'orienter vers le bon choix

[عائشة07]

السلام عليكم
الاحساس بالغربة شيء طبيعي بما انك بعيد عن الاهل والحباب خصوصا ادا عزلت نفسك عن المجتمع الدي تعيش فيه النصارى لازمك تعرف كيفاش تعيش معاهم تدي منهم ما ينفعك وتخلي عليك الي مافيه فايدة يعني تقرب من زملاء الدراسة حتى تستفيد وماترجعش حتى تدي شهادتك وتردد على المسجد ستجد فيه ما ينسيك غربتك وهده نصيحة عن تجربة وفقك الله

[سارة الهاشمي]

مشكوووووووووووووووووووووووووووووووووور

[hamzagolf6]

اخي او اختي
انا انصحك تقعد ثما صح مع الاوال تجيك صعيبة الغربة بصح مباعد توالف
بخصوص الدراسة هي صح صعبة كثيرا
بصح اذا قريت الليل مع النهار ناكدلك توصل
انا حلمي ندرس في الخارج
لانط اذا خرجت بديبلوم من الخارج تقدر تخدم في اي مكان في العالم او في وطنك يعني تجيب الديبلوم تخدم وين حبيت لان الديبلوم مستوى عالي جدا على مستوى البلاد
انا انصحك تريح في اوروبا فهي توفر لك كل شيء جيد
دير في بالك حتى اذا راح تقرا هنا تجيك غربة خصوصا اذا ماشي ولايتك
والراي يرجع لك

[رانيا لوك]

انا انصحك اقعد تم نحن في بلادنا وحاسينا روحنا في الغربة معاد حتى واحد يسقسي علا الاخرى الفايدة في شهادك والدراسة هنا مكان واااالو

[دموع الفـرح]

اعفس على قلبك وتم الفرصة هادي لا تعوض ونشالله مايكون غير الخير

[kouds]

بديت في حاجة كمل فيها والله ولي التوفيق دير في بالك دائما بلي راح ترجع لبلادك كي تكمل دراستك هذا الشي يصبرك شوية انت اخي مسافر من اجل العلم فانت مجاهد فارفع التحدي واحصل على العلم الي تفيد بيه روحك وبلادك في احوج الى خبرات والله لايضيع اجر من احسن عملا نوصيك اجتهد برك وابقي صلتك بالله سبحانه قوية وحافظ على امور دينك سوف تجد هناك من يعينك على ذلك بالاك كي ترجع للجزائر تولينا كاش وزير ولا عالم نعتز بيه بالتوفيق اخي

[الماسة النادرة]

انا في مكانك منوليش حتى نكمل والا على الاهل كاين التكنولوجيا وكي تكون بالوثائق تقدر ي تهبطي

[yacine-08]

في رأي اصبر شويا و استحمل

حاول تركز على الدراسة و تحقيق هدف الحصول على شهادة

من بعد ارجع لبلادك بقدرك

[الدكتور شهاب الدين]

شيئ غريب حقـاً ! في أيّ دولة أوربيه أنت ؟

لا أنصحك بالعوده فستجني على نفسك هكذا ، فلا أحد فينا يحب الغربه و البعد و لا أيّ شخص يمكنه التأقلم في وسط غير وسطه ، أبسط شيئ عندما كنت هنا وتزور أقاربك في ولاية أخرى لا يمكنك التأقلم و لا الشعور بالراحه إلا في منزلك ...
أخي البدايه صعبه ثم ستتأقلم ، صدقني أغلب الأمور التي لانحبها من البدايه هي التي تكون ممتعه فيما بعد ...

تذكر أنّ الملايين يحلمون بوضعيتك ، فاستغل الفرصه ....

[♣Black♣]

:rolleyes:اوروبا اhttp://www.3g.dz/servlet/redirect.srv/stluq/skqxrxs/snop/p1/vb/images/smilies/eek.gifو الجزائر:rolleyes:
أوروبا=http://www.3g.dz/servlet/redirect.srv/stluq/skqxrxs/snop/p1/vb/images/smilies/19.gif :34: :mh5858:
الجزآئر=:confused: :( :30:

راك في بلاصة الناس تموت علاجال بش غير تفوت ليها تشوفها
انت الله يبارك طالب تم

نتمنالك التوفيق من كل قلبي
وشيل فكرة انك ترجع تعيش هنا ، الجزائر زورها
اوروبا ماذا بيك شوف حل وعيش
ربي يهنيك ويوفقك
والسلام عليكم ورحمة الله

[zaki-italia1]

الندامة تجي فالاخر ان ننصحك كمل قرايتك و في نفس الوقت شوف حل لروحك دير لورق و مبعد كي تجي عندك الحق و أكيد راح تولي