الصحافة في وهران ؟؟؟

[لبؤة جزائرية]

السلام خاوتي

هذا عامي الأول الجامعي سجلت لكن مازال ما دخلتش واخترت تخصص علوم إنسانية في وهران على جال باش نقرا صحافة في العام الثاني

لكن قالولي في وهران ممكن يطلبو معدل كبير للصحافة 13 أو 14 وأنا أول عام وكلشي جديد عليا ماهي ظانة ندي هذا المعدل

طيحولي المورال وحاسة أنو حلمي تحطم ::(

وأصلا ماكنتش حابة علوم إنسانية برك علاجال الصحافة اخترتها

ساعدوني رجاءًا

اللي عندو فكرة عن معدل قبول اعلام واتصال في وهران ؟

[icha-abd]

السلام عليكم اختي من وهران
اولا الله يوفقك بمشوارك الجامعي ونقولك ما تطيحيش لمورال لروحك مادام درتي حاجة تبغيها ديري قاع بوسيبل تاعك
انا اعشق الصحافة و حلمي من وقت كنت صغيرة بصح تاني رياو عليا ودروك درت تخصص علوم التسيير و التجارة و الاقتصاد ومازلت نحوس كيفاش ندير ونولي صحفية كما تمنيت :(
مهم الله ينجحك ختي ولا وليتي صحافية متنسينيش هيهيهيهي نقسر برك
سلااااااام

[miloud069]

أنا أنصحك ان تختاري تخصص يكون متوفر في سوق العمل .بإعتباري درست هذا التخصص وقد تخرجت ماستر 02 اتصال وصحافة مكتوبة بجامعة سعيدة مند اسبوع فقط . ممكن علم مكتبات أفضل لأن الصحافة أصبح يعمل فيها أناس خارج التخصص وهم من دون شهادات ولديهم خبرة في التحرير الصحفي خاصة ان المؤسسات الإعلامية اصبحت تطلب بشدة الخبرة في التوظيف . هذا فقط غقتراحي ولك كل الحرية أما إذا أردتي أن تختارها في التخصص يلزمك اولا معدل جيدا حسب معدلات الدفعة و نقطة جيدة في مقياس مدخل لعلوم الإعلام والاتصال والمقايس التابعة له . وإذا احتجتي معلومات اتصل بي

[قَـمَـرْ بيْن البشَرْ]

انا قريت صحافة في جامعة وهران لكن المعدل المطلوب كان 11 حسب ما أتذكرفي 2012 لكن في السنة الثانية يليق يكون عندك معدل مليح باش يعطوك التخصص لي راكي باغياته

[رجائي فيك]

السلام عليكم انا درست صحافة في وهران وتخرجت سنة2007و ايه المعدل كان مطلوب
اما بالنسية للتخصص كذلك مطلوب انا تخصصت علاقات عامة و اتصال مؤسساتي حيث تحصلت 13,85سنة اولى14,97سنة ثانية و هو التخصص الاول في الترتيب

[El zahrae fatima]

انا انصحك ان تختار علم مكتبات احسن فيها فرص العمل اكثر انا درست اعلام واتصال ورانا نشوفو