سؤال بخصوص حلوى السلطانيات تع أم أماني جاوبوني في اسرع وقت تعيشو [الأرشيف]

مشاهدة النسخة كاملة : سؤال بخصوص حلوى السلطانيات تع أم أماني جاوبوني في اسرع وقت تعيشو

عماني نور

2014-10-07, 11:14

حبيباتي رايحة ننقل تعليق ليا على موضوع السلطانيات لأم أماني ،، لأنو والله كيما يقولو راني معلقة من عينيا و ماعنديش الوقت باش نعاود نكتب موضوع كامل

المهم السؤال وااااضح جاووبووني تعيشو ، أم أماني أو بريق الأمل الي جربت هاذ الحلوى نوغمالمو و أي وحدة عندها جواب

نستنى فيكم على أحر من الجمر صدقوووني

ربي يخليكم و يجازيكم كل خير يااااربي

السلاام عليكم ... حبيبتي ام اماني اي تعليق مني رايح يكون ناقص في حقك الله يبارك عليك و ماشاء الله و شوفي في قسم التطبيقات تلقاي تطبيقاتي كلها ليك ^^
و الحمد لله عمرها ما خيبتني اي وصفة من وصفاتك ، ووالله غير ندعيلك من قلبي ربي يجازيك و يعطيك كل خير ياربي ان شاء الله ربي يردلك خيرك في صحتك ووليداتك ياااربي

هاذ المرة عندي مناسبة ، و رايحة تكون جرأة كبييييييييييييييرة مني اني ندير هاذ الحلوى ، و حابة ننجح فيها ان شاء الله ; )

يتسمى ياريت تجاوبيني في اسرع وقت لاني لازم نديرها قبل نهار الجمعة ان شاء الله

1 . كمية البيض الي نلم بيه العجينة ، و هل بيضة كاملة او نستعمل البياض برك او الصفار برك ؟!
2 . درجة حرارة الفرن .... قلتي نشعلولو من فوق و من تحت ، انا الكوشة تاعي تشعل من تحت برك او من فوق برك ، يعني ماشي كيف كيف في نفس الوقت ، كيفاش نطيبها ؟!! و على شحال نسخن الكوشة ؟!!
و اعطيني اي نصيحة تشوفيها تفيد باش تنجح الحلوى و يبقى شكلها شباب كيما تاعك ^^

راني نستنى فيك تعيييشييي يا ام اماني ماتخيبينيش والله بعد ربي سبحانو تاكلة عليك ، و راه مابقاليش الوقت
نستنى في ردك على احر من الجمر
و اسمحييليي اذا ازعجتك او عطلتك عن اي حاجة ،، ربي يعطيك الي فيه الخير ياااربي

تحياتي ♡

رابط الموضوع : لأفراحكم ومناسباتكم السعيدة حلوى السلطانيات من مطبخ ام اماني (http://www.djelfa.info/vb/showthread.php?t=1264598)

Maria dadi

2014-10-07, 11:39

عماني نور

2014-10-07, 12:26

انا جربتها وخرجت هايلة بخصوص سؤالك الاول بيض لي تلمي بيه الحشو يكون كامل وخلطي غير بالبيضة حتى تتلم ما جيش جارية ولا يابسة
لازم مليحة برك
سؤال الثاني لازم الكوشة نتاعك تشعل من فوق ومن تحت لون نتاعو لازم مايحمارش وهو مايطولش قاع في الطياب من10 د الى 15 د فقط
انا نسخن شوية برك الفور ونطيبو
اما بخصوص النصيحة كي تخديمي سلطنيات وتوجد يهم خليهم يريحو على اقل 4او5 ساعات باه طيبيهم وكي يطيبو عسلي غير لكمية لي محتاجتها
ولأخر خليه للوقت لي تحتاجيه فيه
انا في الخدمة اي سؤال اخر

ياااااااا أختي ربي يعطيك و يمنّيك ...... يعطيك الصحة

قوليلي برك تعيشي ..... الفرن على شحال تسخنيه ؟؟

و انا قلتك الكوشة تاعي تشعل من تحت برك أو من فوق برك ، يعني نشعل من تحت حتى تطيب أومبعد نشعلها من فوق باش الحلوى تحمار (( هكذا ندير مع باقي الحلويات ))

و بما أنو هاذ الحلوى ماتسحقش تحمار ستيمى نقدر نشعللها غير من تحت برك

و ياخي عادي ؟؟

صدقيني ... تحساب عمري ماخدمت حلوى هههههههه راني صح خايفتها :confused::confused::confused::confused::confused:

Maria dadi

2014-10-07, 13:09

كوشة نتاعك دريها180 درجة
الحلوى متحمارش نضن عادي ربي يعينك ما تخافي موالو راهي ساهلة وتجي هايلة

عماني نور

2014-10-08, 11:34

يعطيك الصحة اختي .... ربي يعيشك

mimimouni

2014-10-08, 14:31

النصائح تاع اختي مارية صحيحة الحلوة جربناها ان وخواتاتي كامل تجي هايلة.
الفور نشعل غير من التحت و نقصلو خلاص باة طيب على مهلها .
النصيحة بعد ما تشكليها خليها ترتاح باه تحافظ على شكلها انا نخدم الصباح ونطيب لعشية
و ربي يعاونك

لبنى 16

2014-10-09, 00:12

اتبعي نصائح الأخوات فهي صحيحة أنا كذلك اتبع نفس الطريقة حلويات المعسلة باش تنجحي فيها لازم ترتاح و طيب على نار هادئة و ربي يعاونك

عماني نور

2014-10-14, 13:35

http://im45.gulfup.com/A6gSpu.jpg

يعطيييكم الصحة حبوووباتي ... ربي يخليكم و يبارك فيكم ياااااااربي

راني جربتها و نجحت الحمد لله يااااربي ^^ يعطيكم الصحة كااااااااااااااااااااااااااااامل

و ربي يخليكم ليا ان شاء الله

tong2

2014-10-14, 19:14

يعطيييكم الصحة حبوووباتي ... ربي يخليكم و يبارك فيكم ياااااااربي

راني جربتها و نجحت الحمد لله يااااربي ^^ يعطيكم الصحة كااااااااااااااااااااااااااااامل

و ربي يخليكم ليا ان شاء الله

مــــاشاء الله روعـــــــــــــــــــة
:19:
تـــطــــبيـــق ممــــــــــتاز
:19:
بصـحتـــكم حـــبيــبة

آيات سرمدية

2014-10-14, 22:12

ماشاء الله. خرجتلك باهية.