قولولي اذا راني غالطة [الأرشيف] - منتديات الجلفة لكل الجزائريين و العرب

مشاهدة النسخة كاملة : قولولي اذا راني غالطة

ام محمد امير

2014-10-06, 17:54

المشكل تاعي انا عايشة مع اهل الزوج وكما تعرفو كثرة المشاكل منهار لزوجت فيه مالقيت راحتي مانجي ندير حاجة نحسبلها الف حساب و. ..و. ..و. .. المهم طرحت على زوجي فكرة انو نديرو ملف تاع سكن عدل ولا اي سكن المهم يكون عدنا سكن مستقل فالمستقبل زوجي مابغاش يتقبل هاذ الفكرة نهائيا المناقشة مايناقشنيش فيها يقولي انامانخليش الام تاعي قتلو ماتخليهاش بالصح لازم نديرو علىخطرة كون كشما يصرا بالام خاوتو يطيشونا برا مع العلم هما كامل لباس بيهم كامل بديار والخدمة غير الزوج تاعي السكن مع الاهل والخدمة تاجربسيط انا الان قررت اني نبحث ونسقسي واش نوع السكن لنقدر نديروماعليش يطول المهم تكون حاجة مخبيةللمستقبل والا هل تاعي يعاونوني قولولي ضكة راني غالطة ولا عندي الحق كون جيتو في بلاستي واش ديرو والله راني مرضت مالتخمام :cool:

ماتبخلونيش بارائكم وجزاكم الله الف شكر

بيلسان91

2014-10-06, 17:59

مساء الخير
والله ملقيت منقلك تخافي نهار يسمع راجلك ميحبش ويدير فيك حالة
قوليلو خييير وابقاي حاوليه حتان يقبل

*ألخيال*

2014-10-06, 18:24

اذا كان الزوج لديه سجل تجاري فيمكنك دفع ملف للاستفادة من السكن الاجتماعي

ثم الناس متعلقة بالمال وتحبه حبا جما فحين وفاة رب البيت ستتهاطل المشاكل بين الورثة والله اعلم

مريم الصابرة

2014-10-06, 18:49

السلام عليكم اختي
راكي غالطة وبزاف وعلاه تقراي للمستقبل البعيد اختي وإسمحيلي راجلك عندو الحق راه يدي في دعاوي الخير نورمالو لو هو يقولك نروحو تقوليلو لالا هل تقبلي لو يماك بعدها خوك ورا عليها مراحاش يماك تبكي وتتوجع لما تكبر يهجرها وليدها وما تقوليليش يروح ويسقسي عليها وما يخصها والو لالا يخصها وليدها يعيش قدامها من حقها والله أختي راكي غالطة لو تصرفت دون إذن زوجك راح يوقع بينكم مشكل كبير وتخسريه لانو صراحة تصرفك هذا يهد كل الثقة تروحي وتشوفي دارو تشريها بتخبية او حتى تجي تقليلو رحت وشفتها واش يولي يشوف في روحو ما عندو ختى كلمة عليك انا نقولك لو صرفت راحا تندمي نعلي بليس وإصبري ما تعرفيش ربي منين يفرجها ديري نية مليحة ربي يجازيك عليها وممكن مع الوقت زوجك يخمم يدير دار اوسع واكبر ومستقلة لأولادو أصبري برك

عياشي رشيدة

2014-10-08, 10:27

قوليلو خييير وابقاي حاوليه حتان يقبل

راية الاسلام1

2014-10-08, 15:22

السلاام عليكم
عندك الحق اختي
كون تتوفى الام لا قدر الله رايحة تبدا مشااكل الورثة
قنعيه غير بالعقل وراح يقبل باذن الله
ربي يوفقكم

زرقـآء اليمآمـة

2014-10-08, 15:53

ام محمد امير

2014-10-08, 20:22

السلام عليكم
ديري روحك في بلاصة ام زوجك ............ واجيبي على اسئلتك ...... تحبي ولدك يخرج ويخليك وحدك ؟ ..... تقبلي بعد ما ربيتيه وتعبت عليه وعلمتيه يهجرك و يبعد عليك وتبقاي وحدك في الدار ؟ ........... العني الشيطان اختي وخلي كلش على ربي وصبري ...... فكما تدين تدان ........... فأمثال زوجك قليلون انه بارّ بوالدته ...... فلا تفسدي نيته ودعي امركم لله ..... والله المستعان

يااختى انا في عمري ماقتلو ديرليداري ولا اقسم على يماك ربي راه شاهد قتلو ديردار خبيها لمستقبل ماعلبالكش واش راه يكون علبالي كل شي بالمكتوب بالصح مليح واحد يدير احتياط على خطرة عشت مع خاوتو وعليالي واش يسواو كون تروح عين مو يطيشونا برا هذي هي لحاجة لبغيت نفهمو هو مابغاش يفهم على خطرة نية بزاا ف ويحب خاوتو وهما واحد مايحوس عليه

محمد جديدي التبسي

2014-10-08, 20:35

أغلب أو كل صيغ السكنات من عدل وغيرها تتعامل مع البنوك الربوية وتبنى على الحرام لذلك لا حل لك الا في اقناع زوجك بشراء قطعة أرض وبنائها تدريجيا والله المستعان ...

زرقـآء اليمآمـة

2014-10-08, 21:11

يااختى انا في عمري ماقتلو ديرليداري ولا اقسم على يماك ربي راه شاهد قتلو ديردار خبيها لمستقبل ماعلبالكش واش راه يكون علبالي كل شي بالمكتوب بالصح مليح واحد يدير احتياط على خطرة عشت مع خاوتو وعليالي واش يسواو كون تروح عين مو يطيشونا برا هذي هي لحاجة لبغيت نفهمو هو مابغاش يفهم على خطرة نية بزاا ف ويحب خاوتو وهما واحد مايحوس عليه
اختي اعرف كيف تفكرين وانك تقراي للزمان عقوبة اختي .....و لكن زوجك لا يفكر مثلك لانها والدته ولم يفهمك ..... ان شاء الله ما يكون غير الخير اختي ..... فهمي زوجك انك تريدين بيت لاطفالك وليس لك شخصيا ,,,,, ممكن تتحصلوا على سكن اجتماعي ان كانت له قطعة ارض باسمه ..... ربي يوفقكم

optimism

2014-10-08, 22:25

السلام عليكم
ربي يرزقك بسكن مستقل ,,,,,,,,,,,,,,,,في القريب العاجل

ام محمد امير

2014-10-09, 00:08

السلام عليكم
ربي يرزقك بسكن مستقل ,,,,,,,,,,,,,,,,في القريب العاجل

امين يا رب