تقدري تخطبي صديقتك لخوك ولا تزوج اختك بصديقك

[oum imane83]

http://im75.gulfup.com/ZQ35x8.jpg



زعمة كاين منها هههههه :confused::confused::confused::confused:

بحكم ان الاصدقاء قراب بزاف على بعضاهم ..كل واحد يعرف ضروف الثاني حالته الاجتماعية اخلاقه و صفاته ..الخ وحتى يدخل وياكل في دارهم ويبات عندهم مي قليل بزاف وين نشوفو ولا نسمعو بلي مراة تخطب صديقتها لاخوها ولا راجل يتزوج من اخت صديقه ياترى ماهو السبب
:confused::confused::confused:

[مراد وهراني]

نعم انا اردت خطبة فتاة هي اخت لصديقي

وصديقي متعصب هههههههههههههههههههه يعني انسان تاع حرمة واخته لم ارها في حياتي في الشارع لوحدها

تخرج فقط مع امها او ابيها

اعجبتني كتيرا تربيتها ولكن للاسف عندما صارحت صديقي بالامر قال لي انها تمت مصادرتها ههه اسف تمت خطبتها

يعني طار الحمام

كلشي بالمكتوب

[oum imane83]

شكرا اخي على مرورك وربي يعوضك ببنت الحلال الي تسر خاطرك ...وكيما قلت كولشي بالمكتوب ..

يعني انت خممت في اخت صديقك بحكم معرفتك الجيدة بعقليته و طباعه .... ماعندوش اخت غيرها ههههههههههههههههههههه نضحك برك

[oum imane83]

االتدخل الاول فكر في اخت صديقه وومكتبش المكتوب ...

لبناات ادا جاك صديق خوك ولا اخ صديقتك ترضاي بيه ....


اخي ادا جاك اعز اصدقائك يطلب اختك تقبل بيه او ادا انت الي حبيت تتزوج باخته تظن انه يقبل يمدهالك

[مراد وهراني]

شكرا اخي على مرورك وربي يعوضك ببنت الحلال الي تسر خاطرك ...وكيما قلت كولشي بالمكتوب ..

يعني انت خممت في اخت صديقك بحكم معرفتك الجيدة بعقليته و طباعه .... ماعندوش اخت غيرها ههههههههههههههههههههه نضحك برك




بنات الحلال راهم قلال بزاف بزاف بزاف

وصديقي هذا له اخت واحدة 20 سنة خطبوها وداروا الفاتحة عليها ولم يتبقى الا العرس

راني حاس بغيرة كبيرة بصح معليش

رانا نحوسوا على بنت الحلال

شكرا على الموضوع القيم

[سماح 2]

مممم أنـآ لا أخطبْ لأخــي صديقــآتي ,,,ربي يسهّلْ عليهمْ ,,باه المشكلْ الي يصرى يحصل في راســي ؟ 3:

[*ألخيال*]

السلام عليكم


الله اعلم هذي ما تصراش ...او تصرى يجو المشاكل على راسها لأنها المنتخب تاع الرئيس الجديد

[oum imane83]

مراد عندك الحق بنات الفاميليا قلال و ولاد الحلال ثاني قلال ربي يرزق كل واحد على حساب نيته الطيبون للطيبات و العكس صحيح

سماح و الخيال .. على حسابكم من الافضل ان الواحد ما يتدخلش خوفا من المشاكل الي قد تنجر مستقبلا ويحصلوها فيكم هههههههههه

[ريان 7]

لي تحبو ما تحاسبو ما تناسبو

[مراد سابقا6]

أنا كاين واحد صاحبي مليح مليح

كل مرة يجبدلي في الهدرة يقولي

ساعات بقاتلنا فرد وحدة

وساعات يقولي لو كان يعرفوك وليد فامليا يمدولك

كل مرة كيفاش

حتان كرهت من كلاموا

وجبت روحي عليه

ليس تكبرا أطلاقا

ولكنه أحراج صح

لأني أنا مانيش مداير في بالي مشروع الزواج اطلاقا في الجزائر

بغيت كي نرخج للخارج ونزوج اجنبية مسلمة أن شاء الله

[nessrine1988]

ما فيها والو كي تخطبني صحبتي لخوها ولكن ما بقاش لمان لا في الصحابات ولا خاوتهم كاين الكدب

[اسماء 05]

مانخطبش لخويا صحبتي يدبر راسو وحدو باش منو هكا ميقوليش نتي ونتي....

[الجسم في غربة والروح في وطن]

Ana khtebt le khouja Khot sahabti ou dock 3andhom 9snin metzewjin ou el hamdoullah ou okhti khetebha Saheb khouya 9ra me3ah ou dock 3andhoum4snin kif kif ou el hamdoullah

[نارينا]

موضوع شيق ...عندما يأتي النصيب سنكون سببا فيه أو يكون الغير سببا أخر وفقط ....المهم بناء البوت على اساس حلال

[ايمان4]

non bachh a chaque fois ou ils rencontrent un problème yjiiwli w yad3iiw 3liyya jamais de la viie en plus sahhabttakk kaddra tagllab waldiil 3liik je parle par expérience makkach lamman ychouuf wahddou

[" أبو عبود"]

- إذا لم تساعدوا الأخرين فلا تنتظروا ان يساعدوكم
- أسوأ صديقة تجي لصاحبتها وبكل وقاحة تقول لها: " حبينا نخطبوا للطفل كاش ما راكي شايفة وحدة بنت فاميلية.." هههههه
- قريب لي طلبت مساعدته لكي اتزوج لاني اثق في اختياره. فكان على وشك ان يفعل لكن اخبرني ان والدته قالت له لا تفعل بحجة أن طليقتي خصوصا وان لي معها ولد. ولكن الحقيقة التي يجخهلها ان امه تريدني لابنتها وقد اخبرني أبوه بذلك واخبرته أن الأمر مرفض جملة وفصيلا لاني ارفض أن ارتبط مع احدى قريباتي. لحد الىن لم اخبره الامر.
- في مجتمعنا تتوسط وتزوجهمان غن اتفقا وعاشا في سعادة فلا مكان لك ولا فضل وإن لم يتفقا " وجه الشر أنت لي دبرت علي ، أنت سببي، أنت لي ورطتني،....."

[oum imane83]

لي تحبو ما تحاسبو ما تناسبو






هدا المثل كاين منه صح ولا هاد مبداك انت في الحياة .. شكرا على مرورك :)

[oum imane83]

أنا كاين واحد صاحبي مليح مليح

كل مرة يجبدلي في الهدرة يقولي

ساعات بقاتلنا فرد وحدة ههههههههههه

وساعات يقولي لو كان يعرفوك وليد فامليا يمدولك

ماقالهالكش مباشرة مي غير بالمعاني ... ربما شاف فيك الاخلاق الطيبة الي خلاته يتمناك راجل لاخته ... ولا غير باش يديباراسيها من الدار ههههههههههههههههه http://www.djelfa.info/vb/images/icons/mh01.gif
كل مرة كيفاش

حتان كرهت من كلاموا

وجبت روحي عليه

ليس تكبرا أطلاقا

ولكنه أحراج صح

لأني أنا مانيش مداير في بالي مشروع الزواج اطلاقا في الجزائر

بغيت كي نرخج للخارج ونزوج اجنبية مسلمة أن شاء الله

ربي يحققلك واش تتمنى ان شاء الله

[oum imane83]

ana khtebt le khouja khot sahabti ou dock 3andhom 9snin metzewjin ou el hamdoullah ou okhti khetebha saheb khouya 9ra me3ah ou dock 3andhoum4snin kif kif ou el hamdoullah
...
حمد الله يا ربي كي جات في الصواب ... وربي يبارك لهم :19:
لحد الان راكي المشتركة الوحيدة الي عطاتلنا تجربة مليحة حول هاد الموضوع :1:

[oum imane83]

ممكن عندي صديقتي المقربة رائعة جدا والله أخلاقها وطيبتها نادرة جدا في هدا الزمان لكن أخي تفكيره مختلف وأصغر منها للأسف


ربي يرزقها رجل صالح ... يمكن تويريها لاحد من اقاربك حاب يتزوج وبدلك يمكن تنالي اجر جمع راسين في الحلال

[oum imane83]

من اجوبة ايمان 4 . نسرين و اسماء و غيرهم رافضين الفكرة خوفا من فشل العلاقة ربما ويحصلوها فيهم ...
صح في مجتمعنا عندنا هاد العقلية كي نفشلو في علاقة نرجعوها على راس الي حاب يتوسطلنا و في نيته الخير نقولو عليه هاد الشخص وجه الشر وماشي مربوح هههههههههههههه


نارينا اسعدني مرورك وبارك الله فيك كلامك جميل

[oum imane83]

- إذا لم تساعدوا الأخرين فلا تنتظروا ان يساعدوكم... :19:
عندك الحق اخي احب لغيرك كما تحب لنفسك ...

- أسوأ صديقة تجي لصاحبتها وبكل وقاحة تقول لها: " حبينا نخطبوا للطفل كاش ما راكي شايفة وحدة بنت فاميلية.." هههههه
و كانها هي ماهيش بنت فاميليا http://www.djelfa.info/vb/images/icons/mh01.gif

- قريب لي طلبت مساعدته لكي اتزوج لاني اثق في اختياره. فكان على وشك ان يفعل لكن اخبرني ان والدته قالت له لا تفعل بحجة أن طليقتي خصوصا وان لي معها ولد. ...ولكن الحقيقة التي يجخهلها ان امه تريدني لابنتها وقد اخبرني أبوه بذلك واخبرته أن الأمر مرفض جملة وفصيلا لاني ارفض أن ارتبط مع احدى قريباتي. لحد الىن لم اخبره الامر.........هههههههههه خافت تزوجك من اي طفلة بسسب طلاقك وماخافتش على بنتها ...
كاين واحد شاف طفلة عجباته كي راح يسقي عليها الجيران خرج جارهم وحكالو اشياء سيئة عن تلك البنت رغم ان الكل يشهد كرم اهل تلك الفتاة و لقمة اخلاقها ..الراجل مسكين حزن وتحير مي قالو هاداك الجار ما تتقلقش نزوجك بتني ماشاء الله مراة تاع دار


- في مجتمعنا تتوسط وتزوجهمان غن اتفقا وعاشا في سعادة فلا مكان لك ولا فضل وإن لم يتفقا " وجه الشر أنت لي دبرت علي ، أنت سببي، أنت لي ورطتني،.....":19:.. للاسف الشديد وين وصلت العقلية في مجتمعنا ..

[oum imane83]

بكري االعايلات كانت تتزوج بيناتهم مايحبوش يجيبو برانية باش تتوطد العلاقات اكثرومايخرجش سرهم لبراني مي دوكا العكس ولينا نتجنبو الزواج من العايلة والاحباب خوف من فساد العلاقة او كاين فئة ماتحبش الخير للاقارب تاعها مثلا تكون عايلة مرفهة ومعروفة مايحبوش يجيبو واحدة من العائلة ياش مايربحوهاش ههههه

[فارس وجواد]

السلام عليكم :
في رأيي و ما أراه اليوم أن بعض الفتيات قد تكون رابطة الصداقة بينهن قوية , و لكن لما يتعلق الأمر بالزواج , تتغير العقلية و تخفي إحداهما أمر خطبتها على الأخرى حتى لا تصيبها بالحسد !!!
فما بالك بأن تخطبها لأخوها , و كلنا يعلم العلاقة الطيبة جدا بين زوجة الأخ و أخت الزوج .
أما الشق الثاني من السؤال , شخصيا لا أرضى أن أتزوج بأخت صديقي و لو عرض علي الأمر , حفاظا على مكانة ذلك الصديق من أن تهتز بسبب إمرأة .
شكـــــــــرا

[loufa]

السلام عليكم
انا تزوجت الصديق المقرب لاخي والحمد لله
اما ان اخطب لاخي فاقترحت مرة صديقة لي ولكن كل شيء بللكتوب تمت خطبتها قبل ان يخطبها

[" أبو عبود"]

- شاب تعرف على فتاة والده مريض ولا يمكنه أن يكون ولي امرها واخوتها الذكور صغار. اخبرته أن خالها الوحيد هو ولي أمرها وعليه أن يكلمه. تصوروا لما ذهب إلى خالها ماذا قال له: دعك منها إنها فاسقة وأزوجك ابنتي فهي أحسن منهاب ثكير واجمل منها مع الأن ابنة اخته فاتنة وابنته اقل من عادية. الشاب خطبها من امها وتزوجها له معها 4 اولاد

[oum imane83]

السلام عليكم :
في رأيي و ما أراه اليوم أن بعض الفتيات قد تكون رابطة الصداقة بينهن قوية , و لكن لما يتعلق الأمر بالزواج , تتغير العقلية و تخفي إحداهما أمر خطبتها على الأخرى حتى لا تصيبها بالحسد !!!
ممكن الغيرة:d الي تخلي البنت ماتخممش تزوج صديقتها لاخوه .. وجهة نظر
فما بالك بأن تخطبها لأخوها , و كلنا يعلم العلاقة الطيبة جدا بين زوجة الأخ و أخت الزوج
ههههههههههههه.
أما الشق الثاني من السؤال , شخصيا لا أرضى أن أتزوج بأخت صديقي و لو عرض علي الأمر , حفاظا على مكانة ذلك الصديق من أن تهتز بسبب إمرأة .

شكـــــــــرا

العفو اخي شكرا على مرورك بارك الله فيك
...........

[oum imane83]

- شاب تعرف على فتاة والده مريض ولا يمكنه أن يكون ولي امرها واخوتها الذكور صغار. اخبرته أن خالها الوحيد هو ولي أمرها وعليه أن يكلمه. تصوروا لما ذهب إلى خالها ماذا قال له: دعك منها إنها فاسقة وأزوجك ابنتي فهي أحسن منهاب ثكير واجمل منها مع الأن ابنة اخته فاتنة وابنته اقل من عادية. الشاب خطبها من امها وتزوجها له معها 4 اولاد

الانانية وحب الدات الغالبة في وقتنا الله يستر

[oum imane83]

السلام عليكم
انا تزوجت الصديق المقرب لاخي والحمد لله
اما ان اخطب لاخي فاقترحت مرة صديقة لي ولكن كل شيء بللكتوب تمت خطبتها قبل ان يخطبها


شكرا على اضافتك وربي يبارك لك في زواجك ....وربما هدا الزواج زاد وطد العلاقة اكثر بين خوك وزوجك
وخوك ربي يرزقه زوجة صالحة من جهة اخرى

[ايمان فلاور]

yeah ,why not

[oum imane83]

because hhhhhhhhhhhhhhhhhhhhhhhhhhhhhh

[مريم يوسفي]

https://encrypted-tbn0.gstatic.com/images?q=tbn:ANd9GcS-EevUDJ98t88DbuKIGqt9l6xHATR9ODYiqADmWDIPG1NcmBqwKw


هههههههههههههههه

[oum imane83]

https://encrypted-tbn0.gstatic.com/images?q=tbn:and9gcs-eevudj98t88dbukigqt9l6xhatr9odyiqadmwdipg1ncmbqwkw
http://www.djelfa.info/vb/images/icons/mh01.gifhttp://www.djelfa.info/vb/images/icons/mh01.gifhttp://www.djelfa.info/vb/images/icons/mh01.gif

هههههههههههههههه

:19::19::19:

بعطيك الصحة مريم .. وهد يحدث مع الكثيرات ......اسعدتني مشاركتك

[loufa]

شكرا على اضافتك وربي يبارك لك في زواجك ....وربما هدا الزواج زاد وطد العلاقة اكثر بين خوك وزوجك
وخوك ربي يرزقه زوجة صالحة من جهة اخرى

شكرا لدعاءك لي
علاقة اخي وزوجي بقات صداقة فقط بحكم اننا بعاد بزاف على اهلي ويشوفو مرة فالعام او عامين واخي ايضا يعمل يعني ميتلاقاهش دايما ممكن ليلة كاملة يباتو يحكيو للصباح وفقط
اما اخي الاخر الذي اقترحت له صديقتي تزوج هو ايضا واحدة من اهل صديقتي

[oum imane83]

شكرا لدعاءك لي
علاقة اخي وزوجي بقات صداقة فقط بحكم اننا بعاد بزاف على اهلي ويشوفو مرة فالعام او عامين واخي ايضا يعمل يعني ميتلاقاهش دايما ممكن ليلة كاملة يباتو يحكيو للصباح وفقط
اما اخي الاخر الذي اقترحت له صديقتي تزوج هو ايضا واحدة من اهل صديقتي


العفو اختي ...
يعطيك الصحة عى مشاركتك النيرة

[ツღعـصُـ♥ـوِݦۑツღ]

هادي ما فيها والو
نورمال

نزوج اختي للصديقي عادي


شكرا اختي

[oum imane83]

هادي ما فيها والو
نورمال

نزوج اختي للصديقي عادي


شكرا اختي




العفو اسعدني ردك ..........:1::1:

[ريان 7]

هدا المثل كاين منه صح ولا هاد مبداك انت في الحياة .. شكرا على مرورك :)

هو مثل كاين صح و أيضا مبدأ عندي :19:

[nihale89]

مممم أنـآ لا أخطبْ لأخــي صديقــآتي ,,,ربي يسهّلْ عليهمْ ,,باه المشكلْ الي يصرى يحصل في راســي ؟ 3:


عندك الحق يا اختي انا خطبت لاخي وحدة من فاميلة راجلي
وظهرت ماهيش في المستوي هو ولا يلوم فيا وهي بعد ماضمنت دارت عليا
من هذي خلاااااص مانزيدش ندخل روحي

[oum imane83]

عندك الحق يا اختي انا خطبت لاخي وحدة من فاميلة راجلي
وظهرت ماهيش في المستوي هو ولا يلوم فيا وهي بعد ماضمنت دارت عليا
من هذي خلاااااص مانزيدش ندخل روحي


على كل الحال انت نويتيلو الخير اكيد ..و.ربي يهدي هاد المراة هاد الشيء الي يخلي الناس تتخوف من التوسط في هده المسائل

[sarah_2008]

مانخطبها ما تخطبنى
لانى مانقدرشش نخسر صحبتى علاخطر الزواج ولا خويا لان الزواج يخسر و حنا عندما تقع مشكلة ما لانحلها بل نبدا بالقاء اللوم على من هب ودب

[fatima..]

والله ماني عارفة

[hodayena]

ماعندي خويا منخطبلو
رافضة الفكرة لو كان جا عندي اخ يدبر راسو اذا عجباتو صحبتي غير يديها ويروح يسكن وحدو مي انا نخطبلو لالا

[leila ben]

مساء الخير أختي نحكيلك تجربتي بحكم أني مخطوية لأخ صديقتي هدي صديقتي كانت مقربة ليا لما كنا في الثانوية درست معاها عام من بعد عاودت العام هههههههههه درست مع أختها الثانية رغم أني دخلت نقرى على 5 سنين الثانية مكنتش صديقتي المقربة من بعيد لبعيد برك ومن بعد كل وحدة راحت في حالها من بعد صديقتي الأولى حصلت على البكالوريا وكانت في الحي الجامعي مع أختي الكبري وكنت نروح لعندهم كانت تقلشني وتخرجني تحوس بيا من بعد هي تخرجت وأختي كنلت الماجستار وصارت أستاذة جامعية درست عندها صديقتي الثانية هههههههه وساعدتها أختي أكثر من مرة وكنت نتلاقى بيهم نادرا وين نسكنو صديقتي الأولى تقصر بزاااااااااف نهار قالها خوها أخطبيلي مباشرة تذكرتني وقالتلو عليا قالها روحي لعندها جات هي ويماها كي جاو لدارنا قلتلها واش فكرك فيا قاتلي جينا نخطبو قعدت نضحك وقتلها مزالكي كيما عرفتك ماتتبدلي ماوالو ياخي مهبولة ماجيت نامنها حتان تالمو تقصر بزاف أيا من بعد قالولي كي يجي خويا من خدمتو بسكو يخدم في ولاية بعيدة نوليو وكي جا خوها جا تمت الرؤية الشرعية تعاجبنا وكانت خطبتنا مع الفاتحة 01_01_2014 مع العام الجديد المهم هادو لوساتي في زوج نحبهم نموت عليهم وإنشاء الله جامي نفكر نأذيهم لخطر صح حبوني مام لوستي الثانية نهار سمعت الإقتراح فرحت وقاعدة تقولهم غاولو قبل ميخطبوها ويديوهالنا هادي هي القصة .

[oum imane83]

ليلي ربي يتمم فرحكم يهنيك ويسعدك في حياتك ... وان شاء الله تقعد علاقة مليحة مع لوساتك وتقعدو ديما حبابات ...

فاطمة هدينة وصارة شكرا على ردودكن ربي يوفقكم في حياتكم ان شاء الله

[الماسة النادرة]

انا لا اخطب لاي واحد لانو الان ذرك ولاو المشاكل مرة اخرى يقولو انتي جبتيها هههههه

[ange.ange]

نعم انا اول وحدة فكرت نخطبها لخويا هيا صديقتي مي رخت عندها مي قاتلي مادين الكلمة عليا مي الافضل يخير وحدو

[oum imane83]

هناك تباين للاراء بين مؤيد ورافض للفكرة

[السي محمد]

انا عرضت اختي على صديقي و لكنه رفض لانه كان عاجز في ذلك الوقت و هي تزوجت في جهة اخرى ربي يهنيها

و هناك شخص عملت معه اثناء الخدمة الوطنية لمدة عام من الشرق عرض علي الزواج باخته ايضا و لكني رفضت لنفس السبب...
بل انه عرض علي الزواج بها عندما علم ان ابن عمه يريد التقدم لها ...فضّلني على ابن عمه سبحان الله ولكن ...المكتوب

[رندة نهاد]

اكبر غلطة انا ما نديرهاش وما نزوجش باخو صاحبتي وما نجيبش صاحبتي لخويا جامييييييييييييييي لانو ببساطة ماش راح تتفاهمو وترجع الحرب قايمة بيناتكم لاتفه سبب الدخس يوصل للرخس وتعودي وش تعودي ماش راح تقدري تحكمي فمك ههههههههه هذي حقيقة وفينا طبيعة / خلقنا ربي جزايريين و طفرت
وصية وهاهي عيني تقبلي []

[oum imane83]

ميمي نانو ..سي محمد . الماسة واونج شكرا جزيلا على مشاركتكم