اريد الاستقرار

[مشكلتي]

أنا فتاة عمري 26 سنة عندي ليسانس حقوق ونخدم عقود في مدرسة ابتدائي لم يأتني ابن الحلال اللي يملأ حياتي واللي يناسبني كيما البناةو كيما يقولو ماعنديش زهر يقولولي راكي زينة او عاقلة لكن واحد ما يتقدم بشكل رسمي و فجأة يختفي أو نلقاه تزوج من جهة اخرى أو يقولولي راه فلان كان يحوس يجيك بصح نلقاه تزوج؟ المهم كل مرة تصرالي ضربة مافهمتش ؟

حاولت نفهم علاش يصرالي هاك فقلت في نفسي أن وضعيتي الاجتماعية هي السبب حيث أن أمي مطلقة هي استادة و نحن نعيش وحدنا صحيح عندي اخوال واعمام لكن أيد كل واحد لاهي بنفسو و أولادو يخي عارفين بلي اللافامي هم أول ناس يجو ضدك حتى أبي حاساتو ينتقم مني بسبب سوء تفاهم اللي بينو أو بين أمي المهم رانا ضعنا في هدي الدوامة

أكيد اللي ماعندوش زهر في أهلو كيفاه راح يلقاه عند الناس .......

الحمد لله أنا انسانة مصلية أو دائما نقرا الادكار او نسمع الرقية الشرعية

[الصديق قروف]

مكتوبنا يوصل وين ماكون فقط نستقنعو ونحمدو ربي يزيدلنا

اسالك اترتدي حجاب لامودة ولا حجاب حقيقي

[مُحمد رازي]

السلام عليكم أختي الفاضلة
شوفي أختي لا يوجد شيء اسمه الزهر
يوجد فقط قدر من الله سوءا خير أو شر
و لا دخل لا لحالتك الإجتماعية و لا لإبيك الي حاساتو راه ينتقم و لا أي أحد
في تأخير زواجك أو تعطيله
أختي الكريمة تيقّني بأن الله جل و علا هو وحده من سيرزقك الزوج الصالح
أصبري فقط و فوّضي أمرك لله و دعي عنك همّ الزواج
فسيأتي الرجل المناسب في الوقت الذي يرتضيه الله

أسأل الله أن يرزقك الزوج الصالح و يثبّتك على دينه

[knives66]

نعم ربما هو سبب لاه بكل صراحة ناس يفهموا نقص بزاف

يقولك امها مطلقة يعني ويعني وفيهم وعليهم مهم يعمروا راسهم وخلاص

ممهم ربي يقدر الخير

[رندة نهاد]

ربي يرزقك بالزوج الصالح ان شا ءالله/ عليك بالدعاء ثم الدعاء ثم الدعاء 1/2 ساعة قبل الفجر ما دات منك والو اخلصي النية لوجه الله تعالى وصلي وادعي الحمد لله الله منعم عليك بنعم انك درستي وتخدمي اذن لا تقنطي من رحمة الله اذا سال عليك وبعديها راح وش يظمن لك باللي هو اصلا يناسبك كل واحد يدي مكتوبو في هاد الدنيا والله تزوجو ورجالتهم ما همش صالحين والعيا> بالله ندمو على نهار اللي قبلو فيه ا *لكل اجل كتاب* ونهار يؤ>ن مؤ>ن يجيك مكتوبك للدار وحكاية وضعك الاجتماعي ما تخليهاش تدير لك عقدة احمدي ربي ناس وضعهم متازم كتلر منك عليك بالدعاء ثم الدعاء هاد وش نقدر نقولك جربتها في حوايج بزااااااااااااااف والحمد لله خلي ثقتك بربي ما تزعزع واعرفي اذا لنحالك ربي حاجة والله لانو يحبك واذا عطاهالك تاني لانو يحبك خلاص هكذا امنت راح تعيشي 44444444444444 وقومي الليل راح تكون نتيجة باذن الله / الدعاء لا يرد عارفة وش معناها ؟
دعاء قضاء الحاجة

عن النبى صلى الله عليه وسلم قال اذا طلبت حاجة واحببت ان تنجح فقل
لا اله اللا الله وحده لا شريك له العلى العظيم
لا اله اللا الله وحده لا شريك له الحليم الكريم
لا اله اللا الله وحده لا شريك له رب السماوات السبع والارض ورب العرش العظيم
اللهم انى اسالك موجبات رحمتك وعزائم مغفرتك والسلامة من كل اثم والغنيمة من كل بر والفوز بالجنة والنجاة من النار
اللهم لا تدع لنا ذنبا اللا غفرته ولا هما اللا فرجته ولا حاجة هى لك رضا الا قضيتها برحمتك يا ارحم الراحمين ثم تسمى حاجتك

ارجو ان تستفيدوا من هذا الدعاء وان شاء الله يفرج الله كربنا جميعا وربي يرزقك الزوج الصالح

[الجنة الجنة]

ديري في بالك بلي كاين بزاف كيما انت وربما اكثر، داومي على الاستغفار وربي يرزقك كل البنات يا ربي

[الدكتور شهاب الدين]

ربي يفرج ان شاء الله ...

[دموع الفـرح]

وان بعد العسر يسرا

[naamane3]

الاستغفار يكسر الاقفال
وياتي بالخير من لا شيئ

[samirabahi]

لا لا حبيبتي بقي كيما راكي رزينة عاقلة تخاف ربي وان شاء الله يرزقك ربي ولد حلال متخليش الشيطان يوسوسلك عقلك

[امينة 1991]

اكثري من قول لا حول ولا قوة الا بالله العلي العظيم واستغفري كثيرا وسيرزقك من حيث لا تحتسبين ، موفقة باذن الله تعالى .

[كلنا راحلون]

26سنة وعاملة وكلمة زهر غير موجودة في الشريعة اسلامية تقبلي في عقل مكتوب مامنو مهروب وعندك حل ساهل صح مجتمع مايرحم مايحفظ فتاة ادا كانت والدتها منفصلة لا يعني نهاية عالم وتستمر حياة


في مايخص الحل ابقاي في خدمتك ولمي روحك ومادوخيش كاين رجال فعلوها يخلي فتاة تدفع مصاريف زواج ويعيشو حياة سعيدة


فقط اعرفي كيف تقنصين في وقت مناسب ومكتوب مامنو مهروب

[hodayena]

الزهر ماشي غير الراجل والزواج الزهر انو الحمد لله قريتي كملتي قرايتك وراكي خدامة ووليد الحلال هذاك رزق من عند ربي وقت ماجاء الحمد لله
اسمعي اختي انا علجالو حبست قرايتي ومقيمنيش كيما الناس لا في خطبة ولا في زواج ولا حتى في العشرة معاه وحمدت ربي وقلت مكتوب وزاد طلقني ظلم وراني نقول الحمد لله زهر بعتو نهار الي دخلني للمحكمة ظلم منو لكن الحمد لله
اهتي شوفي الي تحت منك وحمدي ربي

[salem1985]

لسلام اختي تمنى ان ربي يفرج عليك بزوج صالح عاجل غير اجر امين يارب العالمين انا اقول لك اختي اصبري واشغلي نفسك بعمل غير الزواج لانه مكتو. انارجل واردت الاستقرار ولم اظفر بزوجة رغم انى لم اشترط اي شئ المهم زوجة صالحة ولكن حزنت كثيرا كيف لي ان لا اجد من تعبت لاجلها فلد عمل ممتاز وبيت وكل مطلبات الحياة ولكن الان رضيت بقضاء الله وقدرة ركزت تفكيري على امور اخرى مثل شراء سيارة التكفل بنقل امي الى بيت الله الحرام وتركت الزواج وكل ما يفكرني فيه واقول لك صراحت لم يعد الزواج يهمني كثيرا رغ اني كنت من قبل طرحت مشكلتي في منتداكم الفاضل المهم اقول لك اختي اشغلي نفسك بغير الزواج وربي يفرج عليك سلام

[لمسة ابداع]

اختي تامني باقضاء و القدر نهار يوصل المكتوب تزوجي انشاء الله يتغمضو عينيك بلما تفيقي تقبلي
ربي يرزقك بولد لحلال اللي يستر عليك

[سجل أنا جزائري]

في وقت هذا بزاف الشباب يتزوجو اللي مثل سنك و اكثر و تلقاهم ما شاء الله عليهم ما تقلقيش ختي

ربي يفرج عليك أختي و يرزقك الزوج الصالح

[elati]

انا مستعد باش نزوج بيك

[rahalii]

ربي يجيبلك لفيه الخير ان شاء الله

[chakrar1994]

فقط اتكل على الله ..و و مكتوبك جاي جاي ..ان شاء الله

[fatimazahra09]

الله ييقاويك اختي
ويثبتك على ادكر الله
ولاا تتسرعي في اخد القرارات
انتي بالنسبة لامك شيئ كبير وخاصة و انها مرت بتجربة مرة
لي مكتوب على الجبين ما ينحوه اليدين
صبرا ............ ان الله سميع مجيب الدعاء

[eBusiness]

أكيد اللي ماعندوش زهر في أهلو كيفاه راح يلقاه عند الناس .......


نظرية خاطئة تماما لأنه قد تجد في النهر ما لا يوجد في البحر وقد تجد الخير في كلب أعزكم الله ولا تجده في الأقارب وقد تجده أيضا في شخص لا تعرفه بتاتا ثم يا أختي الفاضلة الخير هذا كله من عند الله فهو يقرر أن يبعثه لك عن طريق قريب أو عن طريق غريب
لا تقنطي من رحمة الله تعالى وتأكدي أن هناك من هم في حالة أدقع من حالتك وهذه هي الدنيا :)

[wafwaf8471]

:mh92::mh92::mh92::mh92::mh92:


il faut pas tfakri haka parceke koliche bil maktoube w mazelti sghira matkalkich hata yjik maktoubik

[dabour1]

نقطة ضعفي في هذه الحياة عندما أسمع أن الآخرين إما أبويهم ميتين أو مطلقين أو حتى فقيرين رغم كل المواصفات اللي فيك نقلك أنت قدوة و ان شاء اللي بكاوك اليوم ان شاء الله تضحكي عليهم غدوة.....