للدين يريدون اعادة البكالوريا احرار

[la pierre précieuse]

السلام عليكم
انا تحصلت على بكالوريا 2014 بمعدل 13.73
المهم مش هدا هو المستوى على الاطلاق
محالفنيش الحظ
المهم
اني نقرى علوم مادة
و منيش رايحهه نوقف العام بادن الله
المهم و انتم ؟؟ مادا عنكم ؟
اني خايفة من موضوع العتبه لي قالو مكانش و هل صحيح انو موضوع واحد؟؟
المهم من يريد ان يفعل مثلي لا تسمع ابدا لكلام الناس من نوع انت لن تستطيع ان توفق . . . .
لن .. . . لن ... . . هدا صعب . . . .
الارادة تفعل المستحيل
بالتوفيق للجميع
شاركوني قصصكم :19:

[فريال العلمية]

السلام اختي
انا تاني رح نعاود الباك حرة ان شاء الله و رح نقرا بيولوجي ناس بزاف يهبطولك المورال مي رب معانا و لي كاتبها رب مليحة
مي ملازمش نديعو لقرايا نتاع الجامعة
نفس المشكل انا تاني راني خايفة مالعتبة و الدروس لي ملحقنالهم و النظام الجديد نتاع البطاقة هاديك
مي واش رح نديرو رب كتبلنا هكا
رب معانا و لازم نبقاو على تواااصل

[mimi-2014]

وانا نقرى بيولوجي ونعاود الباك ان شاء الله
لي شفته المات بدينا بالاعداد المركبة يعني راح نبدى بيهم مراجعة للباك
والفيزياء شفت الكتلة المولية ونشاط الاشعاعي يعني نبدى بالنووي
والعلوم مازال مشفتش بيوسال شنقرو لكن العلوم تبانلي مش صعيبة عموما رايحة نبدى مورا العيد
ومواد الحفظ نوض على 5 صباحا حتى 6.5 نوجد صوالحي ونروح لفاك والعشية نريح مثلا 6 نبدى مواد علمية
ولا مقريتش عشية نبدا على 3 صراحة بزاف راهم يفشلوني وحتى صحاباتي هوما معندهم الرغبة يحاولو يحطموني
لازم نفطنو شوي عام راح و هذا راهو يجري لبقينا نستنو في جافي ناكدلكم معدلنا ميطلعش
اذا حبيتو نديرو واش نقرو كيف كيف ونتفاهمو هاذ الايام

[aicha78]

انا ثاني معاكم و نقرا في الجامعة
حابا بزااف نديرو موضوع للاحرار باه نتحفزو و منفشلوش
ربي يكون معانا

[محمدي احمد 1995]

بالتوفيق انا ايضا ساعيد بكالوريا احرار ربي يوفقكم ويسر خطاكم وادا درتو هدف راح توصلولو وقضية الموضوع واحد او العتبة فلا داعي للقلق منها لانها لن تزيد اي شيأ ومن الاحسن ان لاتكون عتبى لتحضير كل شيأ اكثرت بكلامي اعتدر لدلك انا طالب ادرس راياضيات واعلام الي

[mimi-2014]

ما هي مخططاتكم لازم نبدو قبل العيد استيقضووووووو
مدام عندنا حماس باش رايحين تبدو حتى نت اخ محمد

[mimi-2014]

ما هي مخططاتكم لازم نبدو قبل العيد استيقضووووووو
مدام عندنا حماس باش رايحين تبدو حتى نت اخ محمد

[فريال العلمية]

ان شاء الله نبداو
راكم حفزتوني والله صحيتو مي بواش نبداو
انا ننصحكم خيرو جدول توقيت فيه ايام الفراغ كيما انا عندي 3 ايام فراغ باش نقراو فيهم للباك ان شاء الله
انا نقاط ضعفي الفيزيا و المات رح نبدا بيهم ان شاء الله مي مورا العيد راح نريح هادو اليامات و نرتب اموراتي مليح
خاصة و مراحش ندير ليكور و معنديش معامن نقرا و مكاش شكون يعاوني يعني رح نتكل على روحي 100 بال100 و رب يقدرنا و يكون معانا

[محمدي احمد 1995]

قد يكون كلامك صحيح اختي mimi2014 يجب البدأ قبل العيد لان الدراسة في الجامعة لم تبدأ بشكل كامل انا جاهز ان اردتم نبدأ بحل اختبرات فيزياء كل يوم يتم وضع اختبار وبعد يوم نتناقش في الحلول والقرار لكم بالتوفيق

[mimi-2014]

احسن اخي اذا عندك رابط لسبورة اعطيهولي نشوفو كيفاش نقرو لان المنتدى ثقيل بزااف

[محمدي احمد 1995]

اعتدر اختي ليس لدي لداعي لرفع الصورة في المنتدى يكفي رفعها على مراكز التحميل كالميديا فاير او رفع الخليج ووضع الرابط ونناقش الحلول ومن لديه مشكلات او نفائق نعالجها بالتوفيق

[سمو امير الكلمات]

احببت ان احيطكم علما فهذا قد يساعدكم في الدراسة اليوم شاهدتها قناة نوميديا نيوز تعرض كل خميس وتأكدوا انتم من الوقت دروس في الرياضيات والفيزياء والكيمياء من اعداد الاستاذ رضوان سيفي تحضيرا لبكالوريا 2015 افيدوا زملاءكم بصراحة انا عجبني تمرين المقترح وطريقة الشرح

[محمدي احمد 1995]

شكرا اخي كيمونيس

[mimi-2014]

اخواني تفضلو على سبوة ههه
http://www.scribblar.com/fcfzgy1tj لنتشارك في وضع استعمال الزمن

[ghagha]

momkn andam ilaykom

[mimi-2014]

اكييييييد تنورينا اختي كل مكانت مجموعتنا اكبر يكثر الحماس راني ننتظر في الصبور كي نتفق على استعمال زمن لكن واحد مدخل

[إسراء -]

Salam ana teni ne9ra biologie w manish reyha nebloki w reyha n3awd nchalah
Bsah rani kheyda men semestre 2 psk ywali chargé w ygarab bac w
Malgitch les controles te3 l3wam li fetou bah nrivisi 3lihoum berk
Haka yabkali we9t lel bac li mdayrin biologie kifi thabou net3awnou goulouli

[ghagha]

oui ana tani dayra biologie

[bob militant]

السلام عليكم .أنا معيد البكالوريا مرتين وأريد أن أختاز هذه المرة لكن بصفتي حر وأدرس في نفس الوقت في العهد الوطني ...كل من أشرح له وضعي يقول أنه مستحيل أن تنجح البكالوريا وأنت حر لأنه كما يقال التصحبح في البكالوريا أحرار يس في صالح التلميذ وأنه صعب أن تنال علاماتك الحقيقية في المواد مع أنني أرى أنه اذا كان مقدر لك النجاح ستنجح مهما كان وضعك شرط أن تتعب وتجتهد
افيدوني برأيكم اخوتي /اخواتي

[mimi-2014]

حتى انا بيولوجي ورايحة نبدى بعد العيد نقرى للباك اغلب وقتي يكون للباك والباقي للبيولوجي
لازم نتعاونو لي يحب يكون معايا يقولو اذا بقينا ناجلو هاكا العام يروح وكل واحد حر في نفسه
انا اتخذت قراري نبدا بعد العيد حتى وحدي

[riane nina]

رجاء.بداو التسجيلات للباك حر

[سجودي لرب العالمين]

رجاء.بداو التسجيلات للباك حر

نعم بدات التسجيلات عادي مع النظاميين ومن المفروض اخر اجل 30 اكتوبر

[سجودي لرب العالمين]

السلام عليكم .أنا معيد البكالوريا مرتين وأريد أن أختاز هذه المرة لكن بصفتي حر وأدرس في نفس الوقت في العهد الوطني ...كل من أشرح له وضعي يقول أنه مستحيل أن تنجح البكالوريا وأنت حر لأنه كما يقال التصحبح في البكالوريا أحرار يس في صالح التلميذ وأنه صعب أن تنال علاماتك الحقيقية في المواد مع أنني أرى أنه اذا كان مقدر لك النجاح ستنجح مهما كان وضعك شرط أن تتعب وتجتهد
افيدوني برأيكم اخوتي /اخواتي

وعليكم السلام
انا اجتزت بكالوريا 2013 و تحصلت عليها و اجتزت بكالوريا 2014 وكنت ادرس في الجامعة في نفس الوقت و تحصلت عليها ايضا و الحمدلله لكن ليس بالمعدل الذي يتيح لي الاختيار لكن ن تجربة Si tu veux tu peux فقط عليك الايمان بقدراتك و تحديد الهدف الذي تريد ان تصل اليه و اتباع برنامج محدد لتوفيق بين الدراستين اما بالنسبة للتصحيح لا اظن ان هناك فرق بيننا وبين النظاميين و عن نفسي انا افكر في الاعادة للمرة الثالثة و المحاولة بالتوفيق لك و لجميع المترشحين