اريد وصفة الكعك تكون ناجحة من فضلكم

[*آية الرحمان*]

اريد وصفة الكعك تكون ناجحة ماشي كعك تلمسان

[مرام 92]

هادا رائع جربيه و لن تندمي لام رامي
http://bramj.q8lots.net/t270727/

[alchimi]

السلام عليكم أختي


هده الوصفة معتمدتها في الكعك وهده تعطيك كمية كبيرة أنت أقسمي على 2 إدا تخدمي أقل


6 حبات بيض + 4 صفار لطلي الكعك والبياض تضيفيه ل 6 حبات يعني يدخل في العجين

رطل سكر عادي


كأس زبدة
كأس زيت

2 مغرفة أكل مقببة خميرة فورية نتاع الخبز يعني مملوءة مليح

1 خميرة كيميائية


1 علبة مايزينة

1 لتر حليب

أكثري من قشور الليمون والبرتقال


2 كيلو فرينة

ممكن أقل حسب نوع الفرينة المهم كل ما كان خفيف كان مليح

أولا تدوبي الخميرة الفورية في قليل من الحليب الدافئ ليس ساخنا حتى لا يفسد مفعول الخميرة
تخلطي بيض مع سكر تزيدي زبدة والزيت


تخلطي الخميرة الكيميائية مع الفرينة والمايزينة مغربلين

تضيفي لخليط البيض الحليب دافئ أكرر ليس ساخنا حتى لا يفسد الخليط

ثم تضيفي خليط الخميرة في مزيج البيض

ثم تبدئي بوضع الفرينة مع الخلط العجين يكون متلاصق في اليد مش لازم تيبسي العجينة بزاف

تدلكي قليلا حتى يختلط الكل مع بعض

تتركي العجينة حتى تتضاعف في الحجم

تعيدي دلكه مرة أخرى مدة دقيقة

وتشكلي كويرات قدر المندرين أو أصابع بشكل بيضوي ovalوننصحك تهبطيها بيدك مثل الخبزة قليلا حتى ما يكونش معجن من بعد

أطليه من بعد ما يختمر على الصينية بالبانسو رشيه بالسكر أو السانوج أو جلجلان و بعدي بين الحبات


هناك من يحشيه بالشكولا قطع


أتمنى أني ساعدتك

ليلة سعيدة

[*آية الرحمان*]

شكرا حبيباتي alchimi و مرام ربي يحفظكم

[alchimi]

بلا مزية أختي

جربي وإن شاء الله تنجحي


تصبحين على خير