هل من حقي التوبة

[مشكلتي]

السلام عليكم
اخوتي اخاواتي انا بنت في 20 من العمر لكن درت اخطاء و ذنوب كبيرة على السن ديالي ما نقلكمش خارجة طريق لكن كيما الكثير من بنات اليوم عرفت واحد و حكيت معاه بتليفون مع اني بنت مستقيمة ما نخرجش و قاعدة غير في الدار كي كنت نقرى من القراية للدار الصحابات و ما عنديش لكن في التليفون نحكي مع واحد و اليوم حبيت نتوب لكن خفت من نظرتو ليا يقول خداعة طمعتني و هدا عام و حنا كيف كيف و اليوم لقاتلي سبة لكن انا ولله غير نفسي نتوب و نترك كل هد المعاصي و الذنوب خفت نقولو ايلا عينك فيا ارواح تخطب و انا الاولى لي نعرف ظروفو ما يمكنلوش يجي يخطبني ظروفو الحالية ما تسمحلوش و من جهة راني خايفة من ربي حبيت نتوب و نشغل نفسي غير بطاعة ربي و حبيت ندير جلباب و المشكلة التانية خفت من نظرة الناس يقولك هادي دارت هكدا حبت تتزوج لاني نعرف بزاف بنات كانو هكدا كيما انا يعرفو شباب و يلبسو عادي لكن نهار لي دارو جلباب ولاو يحكو عليهم باالعاطل منافقات حبو يتسترو ما فهمتش الناس كي تكوني تلبسي لباس الفضح ما يحكوش عليهم هاديك تزغد تزغد لكن كي توب ماشي يقولو الحمد لله ربي هداها العكس يزيدو يحكو عليه باالعاطل كتر و كتر حرت واش ندير من حقي نتوب و نقطع كل العلاقات المحرمة و لا ماشي من حقي

[آنثى آلمطر]

ختي كعلابالك بلي ميقدرش يجي
يخطبك وعلاه كملتي معاه

الي يحبك يجي لداركم

انصحك صلي وخطيك من هدي الطريق
وربي يجيبلك مكتوب

وسلام عليكم

[أناييس الربيع]

أختي أنين التائبين عند الله أحب اليه من سجع المسبحين

الحمد لله أن لك ضميرا يقظا واعلمي أن باب التوبة مفتوح

ولا تيأسي من رحمة الله تعالى

ومن ترك شيئا لله عوضه ،وانت أختي تركت المعصية وأتمنى

أن لا ترجعي لها مجددا ومن كان يريد فالحلال موجود ودعك

من العلاقات العابرة والمحرمة

وبالنسبة للجلباب أختاه الحجاب الشرعي مفروض ع جميع المؤمنات

وليس ع فئة معينة كما نشاهده من موضة الحجاب

واعلمي أن ارتداءك الحجاب الشرعي هو لوجه الله ورغبة في طاعته وخوفا من عقابه

وليس للناس الذين لن يدخلو معك قبرك

ربي يثبتك اختي ع دين الحق

[زرقـآء اليمآمـة]

السلام عليكم
جميل انك بدات معرفة اخطائك والاجمل انك تريدين اصلاحها ........ فابدئي وتوبي الى الله بعدم العودة الى افعالك التي تخجلين منها مع الناس بذكرها ..... فانسيها بالتوبة والتقرب الى الله فابواب الله مفتوحة فاستغلي الفرصة قبل ضياعها ........... الدنيا ايام وتمر ولا يبقى الا الحق وكل شيء باطل ..................
اخيتي ......... لا يهمك ما يقوله الناس فاكثرهم لا يهتمون الا بالقيل والقال .... ناسين انفسهم ناسين ان الله هو رب العباد وهو الحسيب الرقيب ........... واصلي السير في طريق عودتك الى الله تعالى ..... البسي الجلباب وغيري شريحة هاتفك لتتخلصي من اثار الشوائب ......... اما ذلك الشاب فلست زوجته حتى يلومك ......... انت قلتها هو غير قادر على فتح بيت ......... ابتعدي عنه ولو ارادك فهو يعرف طريقك على ما اظن ...........
لا تجعلي صغر سنك حجة للسقوط او عدم المعرفة ............. و تذكري .... الله قريب مجيب ادعيه وهو يرزقك من حيث لا تدرين ......... والله الموفق

[hamza touazi]

اكيد اختي ربي غفور رحيم واش بيك استغفري وتوبي لمولاك وبدلي رقمك وحكيلو واش رانا نديرو حرام وانا والله حابة نتقرب ربي ادا كان متكتوب راح
يكون ليك وادا لا ربي شافلك خير اربحي مع ربي افظل لانو حتى هو راه يجوز بيك الوقت برك كلنا نعرف ان كل هده العلاقات نهايتها فراق والم وجرح اخطيك وتوبي صلي وبدلي حياتك للاحسن وخليك من فتن الزمان هدا واعر وديري واش حبيتي لانو الناس حتى ليموت ويحسدوه يقولو مات وتهنى

[loulou88]

السلام عليكم
اختي احييكي على تفكيرك هذا
اختي توبي فالله غفور رحيم
فكري في انكي ستكملي حياتك سعيدة بعد توبتك
وانتي بما انكي تعرفين ان ظروفه لا تسمح له بان يخطبكي اذن ابتعدي احسن وواصلي حياتك بنفسية مريحة
وبما اننا في ايام مباركة ادعي الله ان يوفقكي لما تسعين اليه من خير وبركة في حياتك
موفقة يا جميلة

[first first]

خلي اخر همك الناس.
هيه وزعمة كي تبقاي تحكي مع هدا الشخص وماديريش جلباب لي حابة ديريه......واش يقولو الناس...يقولو فتاة ولااروع تهدر برك في التليفون....................لكن عند ربي ماهوش راضي عليك
لكن كي تحبسي التيليفون وتقطعي علاقتك بهدا الانسان وتصلحي حجابك وتقدي روحك...الناس يقولو عليك منافقة......لكن غير ربي لي يعرف منافقة ولا لا.
امالا ديري واش يخرج عليك.
واسمحيلي نقولك......طز في الناس.
وصدقت والله صدقت......الناس تهدر على اصحاب الجلابيب......ونسات الاخريات...يعني لي تعصي ربي جهرا وسرا وبلاحشمة ولا حياء هي الانسانة الواضحة والغير منافقة.
وفي الاخير نقولك........احيانا الانسان لايستطيع ان يحكم على نيته......لوجه ربي ولا لا.....يعني مايقدرش يعرف100/100ادا كان منافق ولا لا........كيفاش نحكم على الناس بكل بساطة وبكل ثقة.
الله يهدينا.

وكيما قالك الاخ حمزة..الناس تهدر وتحسد حتى لي يموتتقول تهنى..........ويحسدو حتى لي الفراش راقد في السبيطار يقولو مريح دبرها حنا لي قاعدين نجرو ونتعبو؟؟؟؟؟؟
اقعدي تبعي في الناس .
ربي يثبتك على طاعتو ويقبل توبتك.

[عباس الجزائري]

من أرضى الناس بسخط الله سخط الله عليه و أسخط الناس عليه
ومن أرضى الله بسخط الناس رضي الله عنه و أرضى الناس عليه
ومن ترك شيئا لله عوضه الله خيرا
رأيت الذنوب تميت القلوب و قد يورث الذل إدمانها
و ترك الذنوب حياة القلوب و خير لنفسك عصيانها

[غربة أهل السنّة]

السّلام عليكم ورحمة الله وبركاته
مرحبا أختي،،، قرار التّوبة طيّب،،، أسأل الله تعالى أن يوفقكِ لبداية حياة جديدة في هذه الأيام المباركات
كما تفضّل الأعضاء الكرام قبلي،،، عليك ان تخلصي النية لله تعالى و أن تغيّري شريحتك فورا
و عليك أن ترتدي الجلباب الشّرعي لأنه فرض ستحاسبين على تركه يوم القيامة
ولا تهمّك نظرة النّاس للمتجلببات
و لا يضرّك قولهم بأنه المتجلببات منافقات
والله يا أختي لا استطيع وصف الجلباب و شعورك بالعزة عندما ترتدينه
عندما تحسّين بأنكِ نصرتِ دينك وسترت نفسك
فهذا أمر طيّب
لأن الله وحده يعلم من ظل عن سبيله و يعلم بمن اهتدى
نصيحة: سارعي إلى تطبيق التّوبة فالقلوب تتغيّر
والتّسويف يميت تلك الرّغبة في التوبة
والله يا أختي ستجدين في طريقك إلى الله السّكينة
و لن تندمي أبدا
لأن بمجرّد أن تحسني علاقتك مع الله تعالى، سوف تشعرين أن كلّ أمورك استقامت
بمجرّد أن الله تعالى في كل يوم يمنحك فرصة للتوبة وصحة في بدنك فاعلمي أن من حقّك التّوبة
وفّقك الله وحفظك ويسّر لك التّوبة
أختكِ في الله أم جهاد (لا تتردّدي في مراسلتي ان احتجت أي شيء)

[hodahodahoda]

يمكنك التوبة

لا يتمثل التوبة في ارتداء جلباب
ابدائي بلباس مختشم ثم حجاب شرعي و ادا اردت مستقبلا جلباب

[عفاف عفة]

السلام عليكم ....
ياو كاين ربي ختي ....التوبة من حقك ربي يسامح حتى للي يدي الروح ....من هادا الجانب ماتتقلقيش .....مي هاداك السيد اطلبي ربي مايدورش عليك ويقدر غير الخير ....لانو بما انك حبيتي توبي اكيد نتي مومنة وتخافي ربي
في أمان الله

[عفاف عفة]

ختي نسيت حاجة ......بخصوص الجلباب ولا البرقع إلبسي واش تحبي وماتسمعيش للغاشي ....ياخي نتي حابة ترضي ربي ؟ مالا شكون خير ربي ولا الناس؟
ربي معاك ختي

[أم أمة الله الجزائرية]

أسأل الله عز وجل أن يتقبل منك توبتك وفقك الله لما يحب ويرضاه