وليدي عنيد راسو خشين [الأرشيف] - منتديات الجلفة لكل الجزائريين و العرب

مشاهدة النسخة كاملة : وليدي عنيد راسو خشين

algerienour

2014-09-29, 13:09

السلام عليكم
شكون يقدر يعاوني عندي وليدي 5سنوات راح يهبلني عييت منه ما يسمعش الهدرة تاعي ايلا هدرت معاه لازم الهدرة تاعي نعاودها 5خطرات باه يسمعلي يقلي ايه ماما و يعاود كيفكيف وعندو المشكل تاع جده يحبو بزاف كي نجو نزقو عليه يقولنا خلوه ما زالو صغير ولا يهرب عند جدو (يديلو قوسطوه )واش ندير دبرا عليا خطرات نفول ما عرفتش نربي :sdf::sdf::sdf::sdf:

algerienour

2014-10-06, 09:23

:sdf::sdf::sdf::sdf::sdf::sdf::sdf::sdf::sdf::sdf:

ام مهدي 03

2014-10-07, 09:12

بالنسبة لجدو الحل عندك ما عندى ما نقولك
كلمة وليدى راسو خشين نحيها راكى كى تقوليها ديما تدخلو فى راسو ويقولك انا راسى خشين خلى ندير واش نحب
لولاد كامل هكذا تعاودى الهدرة معاهم. ديريها لعبة معاه مثلا قوليلو هيا نجرو شكون الى يسبق ويدير الحاجة هذى هو الاول.
احكمى الساعة وقوليلو نشوف السرعة نتاعك شحال كى تعمل هذيك الحاجة
.................................................. .................................................
وزيدى بالتعامل معاه يجوك الافكار .وديما اعطيه غير الصفات الى مليحة كيما ابنى فحل. قافز.سريع .يسمع الكلام....ماشى الهدرة الى تخليه يفشل ولا يمكر
ربى يحفضه ويصلحه. صدقينى الخطا فينا ماشى فى ولادنا

algerienour

2014-10-07, 16:20

شكرا جزيلا عزيزتي

الماسة النادرة

2014-10-08, 22:56

اذا على جدو اهدري معاه وفهميه بلي لازم تتعاونوا باش تربو هذا الطفل. والا على وليدك لازم تساعفيه وفي نفس الوقت كوني صارمة باش مايتماداش

thamourth

2014-10-16, 23:52

سانسيلك للرأس الخشين

امال مارية

2014-10-17, 06:54

السلام عليكم . اختي ربي يعينك على تربية وليدك. لازم تعرفي الضرب ماهوش حل راه مشكل يزيد الولد غير يحرن.

jawada22

2014-12-03, 18:18

الله يحسن عوانك انا تاني ولدي عنده 3 سنين راه باغي يهبلني سيرتو لا هدرة لا والو غي القباحة و الخفية..

minina2601

2014-12-03, 20:26

http://www.youtube.com/watch?v=pGw50mGI7ek

غربة أهل السنّة

2014-12-03, 20:35

وعليكم السّلام ورحمة الله وبركاته
مرحبا أختي الفاضلة،،،،
لا تقلقي من أجله فهذه تقريبا مرحلة يمر بها كل الأطفال الصّغار
فقط اتبعي معه سياسة اللين والعقاب بالحسنى ،، وحذار ان تضربيه
ولا باس من تدليل جدّه له إذا كانت أشياء بسيطة كشراء اللعب مثلا و السّكاكر
فترة وتمرّ بإذن الله تعالى
وفّقك الله أختي

ام ياسمين10

2014-12-03, 21:38

هبة ام عبدو

2014-12-03, 21:41

الله يعينك انا ثاني وليدي عندو 3 سنوات يقباح وميسنتش يفهم بالمقلوب ديما يخالف هدرتي كي نقولو اقعد يقف وكي نحب نطلب منو شيـأ مثلا نقولو بالاك تخبي العاب انتاعك في ثواني يخملهم وكى نقولو صح وليدي خبي العابك يقولي راني عيان والله ميخملهم راه مهبلني ومعيني

minina2601

2014-12-04, 09:47

http://www.youtube.com/watch?v=-IiYvhivlAg

achour82

2014-12-07, 14:19

نقلك حاجة اختى متقلقيش روحك والله رانا قع نعانو انا وليدى عمره 4سنوات ونصف يا لطيف الطف داير فيا حالة المهم لازم تهدرى معاه بالعقل وتحظنيه بزاف وتشكريه والضرب يجيب نتيجة عكسية كل مانضربو ولا نعيط يزيد يحرن وربى معانا
;والله غير صح واش راكي تقولي اختي الفاضلة

الحل نعاملوه كيما يقول
مدة اللهبال نتاعهم حوالي 7 سنين

ام ندى 87

2014-12-07, 19:51

والله يا اختي نفس المشكل خاصة لفشوش تاع لجدود ربي يهديهم ويصلحنا ولادنا

mimi1985

2014-12-10, 18:43

chokran 3ala elmawdo3 3andi banti 3andha 3amine dayra fia el monkare rayha lli yjouze