لي عندو شهادة مهندس هندسة ميكانيكية يدخل !! [الأرشيف] - منتديات الجلفة لكل الجزائريين و العرب

مشاهدة النسخة كاملة : لي عندو شهادة مهندس هندسة ميكانيكية يدخل !!

elfa9ir

2014-09-28, 23:41

سلام عليكم
يااااا لي زانجنيووووووووور ميكاااانيييييك
فهموناااااااااااا وين راهااا رايحااا لحكايااا
انا كرهتتتتتتتتت تاع الصح كرهت
كونكووور مكاانش مش خدمة كونكوررر مكنش ياااربي
وين راهاااا راح توووصل لحاالااا هااك
الصحراااا لازمك اقامة
سونلغاز ونفطال معريفة
يا جمااعة كل واحد يقول راي تاعو
وخلوناا انخرجوو بحااجااا
نهبطوو للصحراااا نديرو اعتصام ثم
نرحو لا آلجي نديرو اعتصاام
قولولي وش نديروو
ربي يخليكم ان شاءا لله

amine solazure

2014-09-28, 23:48

كتلونا غي بالوعود كل مرا نسمعوا المستقبل لالطاقات المتجددة وبلا بلا
سونالغاز بالمعريفة و الله ما تسمع بالكونكور حتا تسمع راهم يفوتوا كونكور
صوناطراك غير نسا
ندعوا ربي يوفقنا ويفرج علينا كاملين هو مولانا وعليه نتوكل
وادا كتبلك ربي تخدم ميناحيلك عبد

laklam

2014-09-29, 15:49

salam 3alikom
ya sahbi dir elkoraj ;twakal 3la allah 7awas 3la khedma fi charika weklas ra walah tel9a bezaf edi diplome nta3ek wazdam rak 9rit alah ybarek 20 3am
wzid machi sonatrak li tkhadem bark
na3ref bezaf nas darou hala men elkedma wahadhoum bark
;nzid nansehak hawas fi alger rak tel9a
;fi cite nta3 ouedkniss tel9a bezaf

lalib40

2014-09-29, 16:44

احلم ان اشارك فقط في مسابقة لكن........

elfa9ir

2014-09-29, 18:27

amine solazure

ربي يفرج علينا ان شاء الله
بصح لازمنا نتفاهموا على حاجاا نديروهاا

ــــــــــــــــــــــــــــــــــــــــــــــــــ ــــــــــــــــ

laklam

عليكم سلام
خويااا في رايك نتاا لي راه خدام عند لبريفي يقول على روحوو راني خداام ؟؟؟
قوول راني نديباانيي ،انت راك تقولي روح ل آلجي وشوف واد كنيس
حنااا لي زانجينيور ميكاينكـ وكااامل لي برونش تيكنيكـ
تخطيك من سونطراك و نفطال وسونلغاز ما تقولش راني خداام
شكراا على المرور
ف انتظار اقتارحااتكم

ــــــــــــــــــــــــــــــــــــــــــــــــــ ــــــــــــــــــ

lalib40

رانا كاامل نحلموواا بكونكوور والله

لازمنا حل اعطوناا رايكم و و ش نديروو

شكرا لكم

ing.Youcef

2014-09-29, 19:46

حسبنا الله و نعم الوكيل

elfa9ir

2014-10-08, 17:35

وين رااكم
كرهنآآ تاع الصح

ka_me_l

2014-10-09, 22:19

السلام عليكم
خويا نقلك توكل على ربي شمر على ذرعيك و اطلع للصحرا شوف كيفاش دير باه تخدم اقامة و سجل في مكتب التشغيل و بربي نشالله مايطولوش و يعيطولك
نزيدلك معلومة سوناطراك راهي وظفت ما يزيد عن 1000 جامعي بين مهندس و تقني هاذ العام و ما زال توظف العام الجاي نشالله لأنو كاين بزاف مشاريع قيد الانطلاق و كاين اكتشافات جديدة للبترول و خاصة الغز جهة ادرار و أيضا مع بداية تطبيق لونتيسيبي في التقاعد كاين مئات الاطارات رايحة تتقاعد الأعوام القليلة القادمة
بالتوفيق

نصير24

2014-10-11, 14:20

السلام عليكم

رانا كيف كيف انا تاني ماستر هندسة ميكانيكية تخرجت في 2011 وظيفتي البحث على وظيفة ....

قعت العام الاول ماكانش الخدمة وامبعد اكرهت القعاد وليت انحوس عند الشركات البريفي ضرك اني خدام

مي ماشي على جال لاباي تاع 2 ملايين نخدم على جال الخبرة....

واش اندير واقع مرّ..

بالتوفيق للجميع.

lalib40

2014-10-11, 22:10

نصير24

2014-10-12, 18:51

السلام عليكم كيف حالك الاخ lalib40 في الوقت الحالي كرهت الخدمة عند البريفي ...وليت درت كونترا CTAفي Sonacome (guelma)i عندي ايامات قليل ملي ادخلت . وانت واش اخبارك lalaib40 !

madanilotfi

2014-10-13, 11:57

انا عندي حل نشكلوا نقابة عامة دافع علينا و تلم المهندسيين والتقنيين و الماستر لانه الكل يعاني المهندس و التقني من السن لا يسمح له المشاركة اكبر من35 سنة و lmd بسبب ليس مصنف فيسوناطراك

mesrouk

2014-10-13, 12:14

hadik nta3 35 sna gur haka

walah ana choft wahed rasso chayeb o3mro fog 40 yafawat

rahom mayderoch alih

chof la3mor + moyen 12

hado kol maykadmoch bihom

andi wahed sahbi ma3ndoch lamoyen 12 wa fawat normale

so2al

2014-10-23, 18:45

مهندس ميكانيك تخصص طاقويات خدمت شهرين عند بيريفي في اطار عقود تشغيل ومبعد الكونترا محبوش يفوتوهالي السورسي ماتلي خرجت من لوزين ورحت لارمي فرج عليا ربي وعطاولي العفو وكي رجعت لوزين لقيت لبلاصة راحت وكيما يقولو تنحلك من حاجة يعوضهالك ربي في حاجة اخرى وذرك راني قاعد بلا خدمة. الحمد لله على كل حال ربي يفرج علينا كامل إن شاء الله

mesrouk

2014-10-23, 19:53

gol el hamdo lilah rak thani min ham kbir

ta3ref ki tkon msswi el kedma

ki tfawat test fi sonatrach myderonjiwakch

djaweb

2014-10-27, 11:35

ماستر 2 ميكانيك تخصص طاقويات 3 سنين بيرو موندافر وهانا نستناو في رحمة ربي وانشاء الله ربي يفرج علينا كامل

mode32

2014-11-02, 12:35

عندي شهادة مهندس دولة هندسة ميكانيكية تخصص طاقويات، سنة التخرج 2007 ، أدية الخدمة الوطنية سنة 2008 الى 2010

سجلت في مسابقة سونلغاز سنة 2011 يولاية المسيلة و قالولي نعيطولك عند إجراء المسابقة الشفهية، انتظرت 3 اشهر ما عيطوليش!!،
ذهبت اليهم اخبرتهم بالأمر أخبروني انهم قاموا بإلغاء المسابقة، بعد شهر سمعت انهم أجرو المسابقة و نجح من نجح ههههههههههه

المعرفة أول شيئ + الرشوة ثاني شيئ حتى تستطع تأمين عمل في شركة سونلغاز

المهم انا الآن عمري 34 سنة !! و قد ودعة المسابقات و الآن اعمل اعمال حرة و لله الحمد

لا يوجد حل إخواني سوى ان نسأل الله ان يسود العدل في هذه البلاد

so2al

2014-11-04, 05:27

gol el hamdo lilah rak thani min ham kbir

ta3ref ki tkon msswi el kedma

ki tfawat test fi sonatrach myderonjiwakch

بارك الله فيك اخي
واحنا رانا ديما نقولو الحمد لله على كل حال

elfa9ir

2014-11-04, 14:15

كآآمل شاركنا في مسابقاات وسابوطاونآآ

أنا شاركت في سونلغاز mei في مسيلة وكلاسيت من لولين

بعد مكان واالوو

ربي وكيلهم ~

cheikh88

2014-11-06, 00:36

كآآمل شاركنا في مسابقاات وسابوطاونآآ

أنا شاركت في سونلغاز mei في مسيلة وكلاسيت من لولين

بعد مكان واالوو

ربي وكيلهم ~

انا عندي ماستر الكترونيك الطبية نجم ندير في الكونكور هادايا

miminin

2014-12-13, 14:55

salem alikom, je suis ingénieur en mécanique avec expérience chez privé + étatique + etrangés et maintenant rani chômeur …j’ai passé quelque entretiens mais ma se3dounich (kima ETUSA m’a proposé un salaire de 28000 DA ????)…elhaja li kelketni hiya elkhedma fi sud (ENAFOR ,ENTP,GTP,SCHLUM,…..la liste est très longue) win lazem la carte bleu de Ouargla pour pouvoir travailler…donc l’ingénieur mécanicien li heb un poste mlih ysib roho hassel entre elme3rifa fi le nord et le problème de la carte bleu fi sud , allah ykoun m3a zawali

moh_boulk18

2014-12-13, 18:09

انا متخرج فى 2011 الكثروميكانيك و حتى الان لم اجتز اى مسابقة شاركة فى ل iap هدا العام الاسم نتاعى مكانش عمرى 31 بطال