اريد رايكم انقذوني

[فاطمةع]

اريد منكم طريقة ونصائح تخليني اعرف اتعامل مع زوجي وامه اللذين يسيؤن معاملتي انا الان بعيدة عن زوجي وفي بيت اهلي بسبب المشاكل معه هو وامه التي دمرت حياتي الزوجية كلما راتني سعيدة مع زوجي لاادري كيف تعمل حتى تخلق مشكلة بيني وبينه وهو يسمع لكلامها وهو الان لايكلمني وصلت به حتى نح عليا الهاتف وانا الان حائرة ساعدوني اعطوني نصائح عن تجربة وادعية من القران انا احتاجها

[ولد حمد الباتني]

المشكل كي يكون زوجك يسمع لمو ويدخل روحو في سوق النسا وطالق وذنيه
ان شاء الله يفيدوك الأمهات هنا

[*سندوسة*]

اكثري من الاستغفار اختي

وربي يفرجها عليك

[ويبقى الأمل]

سبحان الله الأم ما تحبش ابنها يكون هاني مع مرتو ؟بالاك يعجبها الحال كي يعيش ابنها معاها ومرتو في دار باباها؟
أختي كاين أمور لازم الزوجة تكون صارمة فيها مع زوجها ، علاقة الأم باينها على العين والراس ولازمك تحترميها وتكوني في مقام بناتها أما ان الام تقول كلمتها يقولها ابنها سمعا وطاعة دون سماع الطرف الآخر - اللي هو الزوجة - فسمحيلي راجلك غالط ولازم يكون حكيم بينك وبين أمو.
وعلاه ينحيلك الهاتف ؟؟؟؟؟؟؟
سمحيلي أختي لكن زوجك يبدو أنو يتعمر كيما المنبه خليك في دار باباك حتى يتصل بيك هو وحطيلو النقاط على الحروف .
هذا مجرد رأيي وانت فالأخير لك حرية التصرف.
ربي معاك أختي .

[أم شروفة]

الصمت ثم الصمت والاحترام و الابتسامة في وجهها و شريلها هدية وإن رمتها على وجهك وغضبت لكنها في قلبها راح تسعد. وأنك ما تشكري ابنها ما تذميه. أمامها عامليه وكانه شخص غريب طلب شيئ قدميه لم يطلب وكأنك لا تعرفيه .هذا الحل طبقته وانا الحمد لله

[كمال22]

نصيحة مني لك....ارجعي لدارك و حلي مشاكلك مع زوجك......و أمه حاولي تتحمليها و أجرك على الله
اما مكوثك في بيت اهلك فكل يوم هو محسوب عليك....جل المواضيع في المنتدى متشابهة الزوجة راحت غضبانة لقات روحها امام قضية طلاق
الزوج من حقك ان تحاسبيه لكن اياك ان تذكري امه بسوء....اشكي همك لله وحدك
ما فيها والوا اذا اخذتك امك و عرفت كيفاه تتحاور مع عجوزتك.........(الصلح خير)

[حـــــــــــــــــوِيتَة]

الصمت ثم الصمت والاحترام و الابتسامة في وجهها و شريلها هدية وإن رمتها على وجهك وغضبت لكنها في قلبها راح تسعد. وأنك ما تشكري ابنها ما تذميه. أمامها عامليه وكانه شخص غريب طلب شيئ قدميه لم يطلب وكأنك لا تعرفيه .هذا الحل طبقته وانا الحمد لله

السلام عليكم
تدرين أختي ما قلته كنز ربي يحفظك

[هبة خير]

اختي حاولي ترجعي لدارك وحماتك تربحيها غي بالسكات ما ترديش عليها والا ما قدرتيش دخلي لبيتك حتي تهدي واخرجي وابتسمي وكملي نهارك عادي وزوجك لما يدخل استقبليه بابتسامة وعندك تحكيله علي امه بالسوء هدا هو اللي يحطم الحياة الزوجية والله حبيبتي قاع اللي استعمل هاد الطريقة يهني روحه وتهني زوجك وربي يهدي بالك والله اللسان الحلو والكلام السياسي تكسبي قاع الناس ماشي غي زوجك واصبري خصك وقت وربي يهنيك ويفرحك

[bellaluna]

أكثري من قول حسبي الله و نعم الوكيل فيها و سترين النتيجة قريبا.

[الألماسة]

و الله يا اختي رانا في نفس الحالة
و عن نفسي ما عرفتش كيف نتصرف
راني صابرة حتى يفرج ربي
و اللي كاتبها ربي توصل
الحمد لله على كل حال

[naamane3]

اذكار الصباح والمساء تكفيك

[فاطمةع]

شكرا لكم والله بكلاكم هاد راني بديت نريح ونسفاد من تجاربكم

[ام جواهر]

واش تقولي اذا قتلك راجلي يسمع لاختو وينقل ليها واش يصرا معانا من الالف الى الياء واداني الى بيت اهلي بلا سبب خلاني وحتى ولادو ما حوسش عليهم لكن انا رجعت لداري و اختو قريب ماتت من الزعاف لأنها كانت متوقعةاني مانرجعش وحدي و بذلك تقنعو يطلقني يا ريت جتني امو كنت نقول ما معليش نصيحة ارجعي لدارك لكن ما تسمحيش حتى لواحد يهينك ربي يهنيك

[ام ملاك.]

الله يحفظ ويستر من هاذ العجايز يالطيف
وين نروح نلقاهم كيفكيف تقول قاريين في ليكول واحد
وكلي كلشي لربي وهو العزيز الحكيم ورب يهنيك بسكنى وحدك ان شالله

[فاطمةع]

انشاء الله ياام ملاك والله جامي ضحكت من قلبي كيما اليوم على كلمة قاريين في ايكول واحد عندك الحق ياختي لوكان نقولك هادا راجلي معطانيش مام با فرصة باش نحكيلو الصح ونقولو امك راهي غالطة في حقي ومن كثرت ماهو يسمع لامو حتى بنتو ماسقسا عليها ماشرالها كسوت العيد راني كلش حاملاتو وحدي

[samirabahi]

كراها غالطة هذه الام الناس تحوس على الصحة والهناء واش ديري الصبري ورزني عقلك وقولي حسبي الله ونعم الوكيل

[فاطمةع]

انا لي زاد هبلني بنتو عندها عام واش ذنبها علاه متفكرهاش في هاد العيد ولا غير سقسى عليها واش راهي اخبارها انا نظن بلي مكانش وحدة صرالها كيما انا اب ميسقسيش على بنتو يالطيف ويقول بنتي كي تكبر نديها

[*سندوسة*]

السلام عليكم اختي

اولا مهما يصرى بينك وبين زوجك ماتخليش دارك حاولي تحسي روحك ئما انت ربان السفينة تخيلي روحك راكي في البحر والامواج من كل جهة هل راح تستسلمي وتخلي السفينة

كذلك هي الحياة والامواج هي المشاكل

اختي ديما ديري في بالك انو لكل مشكلة حل

غيري طريقة معاملتك معاها ديريها كيما يماك يماك ياك تعيط عليك هي تاني استحمليها على خاطر زوجك حتى لوكنتي ماتبغيهاش

حاولي تتصنعي باش تعيشي حياتك يا ختي لواحد شراه باغي يدي من هاد الدنيا

وحاولي ماتعطيش للامور اكثر من حجمها

حاولي تتقربي منها

وبما هي ام راهي رايحة تغير على ولدها كي تشوفكم متفاهمين وتضحكو نتوما ماتبينوش قدامها فهمتيني ختي

وديري في بالك هادو لكبار لازم تساعفيهم


وربي يجيب لخير





ولرجعي لداااااااااااااارك

[فاطمةع]

يااختي ياسمين تخيلي نح عليا البورتابل وراه عندو شهر وفايت مكلمنيش وقبل جات يماه قالت لبابا بلي راهم مش متفاهمين وقول لبنتك تعطينا ورقة الطلاق بقات بلمحكمة او بلجماعة كي سمعتها تقول كيما هاك تحوس تخربلي داري دخلت عليها هي قلتلها علاه بعتك راجلي قاتلي قالك واش راكي تحوسي كي حسيتها تحوس تخربلي داري قلتلها نحوس على دار وحدي طارت فيا ولات تعيط وتقول لالا بني ميديرش دار وحدو قلتلها مالا تحوسي طلقيني من راجلي وتيتميلي بنتي وخرجت راحت وتكر في شيخها وهي الحاكمة في الدار وكي راحت قالت لولدها راهي صرخت عليا انا وباباك عيطلي قالي انا بعتتلك يما باش تجيبك ونتي واش درتي هي فهماتو بلي جات تدي فيا لكن هي جات تطلب في الطلاق وقالي اقعدي في دار باباك حتان نطلقك راني قاعدة ومعطانيش ولا فرصة باش ندافع على روحي وقالي متعيطليش وانا كرامتي تهانت معاه ومعطانيش احترامي امامهم

[*سندوسة*]

اختي ماعليش اصبري وربي يفرج انا تاني ماما صرالها كتر من هاك وكنا صغار ونعقلو على كلش وضرك الحمد لله اختي لازم تبعثي لراجلك ناس عقال لي يصلحو الامور بيناتكم ومدام الام نتاعو راهي دير فالمشاكل شوفو ناس تتكلو كليهم باش يصلحو الامور مش يخربوها والبورطابل ماعليش يجي نهار لي ديري واحد


المهم ضرك لازم جلسة صلح وناس يكونو كبار وكلمتهم موزونة ماتخلوش الفجوة تزيد تكبر بيناتكم يا حبيبتي الطلاق ماهوش حل

وربي يجيب لخير