مشكلتي دارنا

[مشكلتي]

السلام عليكم
بدون مقدمات ندخلكم في مشكلتي يا خاوتي انا كرهت دارنا وليت ما نحملش نقعد فيها غير ندخل ليها وليت نشوفها ظلمة غير كيما رحت لدار اقاربي قعدت عندهم ايامات دارنا يحلو فيا ولي ولي حبيت نقعد كتر غير باش ما نوليش لدارنا و غير وليت اول ليلة رحت عند اقاربي وحدوخرين وليت ما نقدرش نقعد فيها و السبب التزيار تاع والديا و عقليتهم المتشدة عايشين بقواعد ما تخرجيش ما تشوفيش ما ديريش شغلهم غير انا وين نروح ماشي هكدا الناس يعاملو ولادهم عاطينلهم الحرية التامة تحبي تخرجي اخرجي تشري يعني بدون ما تتجاوزي الحدود انا ابسط الحريات ماكاش ما عنديش الحق في الاصدقاء لا الميكرو لا والو كي نروح للاقاربي نلقى راحتي ندير واش نحب بدون تجاوز الحدود طبعا ماكاش لي يهدر معايا واش رايكم واش ندير راني حايرانا باش نبقى في ديار الناس مستحيل

[thmaster100]

سلام

مانيش عارف وش يفكرو والديك

ولكن احمدي ربي ان اهلك بالدنيا وربوك :)

بالتوفيق

[نورسين.داية]

السلام عليكم


يا خويا البراني يحملك نهار زوج ..........................................مكاش غير داركم معزز مكرم . فيها

[الجواهر]

لا يستطيع اهل البيت ان يعلقوا على تصرفاتك لانك ضيفة و المثل يقول : الضيف ضيف حتى لو بقى للصيف .. فربما لا تعجبهم تصرفاتك و لكنهم يستحوون من قول ذلك لك
هناك تفاوت في الاسر الجزائرية فهاك الممنوع عند البعض و البعض الاخر يعتبره امر عادي مثلا عندنا في سكيكدة كاين عايلات يروحو للبحر و كاين عايلات البحر عندهم حرااااااااااام و على هذا قيسي اختي مشاكلك.. الكثير منا يعاني من تضييق الاسرة و لكننا نصبر حتى نتزوج بشخص يفكر مثلنا حينها نعيش بحريتنا
اصبري حتى يفرج عليك ربي

[راية الاسلام1]

السلاام عليكم
من كلاامك احسست انك مرااهقة
لا عليك اختي فترة وستمر
اوليااء امرك يخاافون عليك كثيــــرا هذا كل ما في الامر
وستفرحين يوم القياامة لانهم كانوا حريصين في هذا الامر وستشكرينهم كثيــــرا
موفقة

[ولد حمد الباتني]

ديري في بالك بلي يخافو عليك
ولكن مهما يكون مايش هك اصبري وبينيلهم بلي راكي قد الثقة تاعهم

[aymen01]

مليح

حابين الحريه و الخرجات و الدخلات

كون جيت انا نحطك في الحبس و نقفل عليك ما يكفيش وش راكم دايرين

[فارس وجواد]

في رأيي قومي بكراء شقة مستقلة لوحدك ,
هكذا تجدين حريتك الكاملة , و لا تكوني عالة على أقاربك ,
و هكذا ستتخلصين من القيود التي يفرضها عليك الأهل ,
في الدول الأوروبية مثلا , الشاب أو الفتاة لما تبلغ عندهم سن الرشد ,
تستقل لوحدها و تطلب حريتها , و تفعل ما تشاء .

[عفاف عفة]

السلام عليكم ....
ختي وضعك معقد جدا ....واش نقلك اول حاجة حاولي تغيري النمط تع حياتك وتتاقلمي مع عقلية والديك ونحي فكرة ماتحمليش من راسك ....بويسك والديك هكذا مدايرين مايقدروش يبدلو عقليتهم معاك ....ونتي وش عليك غير تجي فلاشومبر تاعك وتقعدي وحدك ....كي تجيك الفرصة بش تخرجي اشري حوايج للي ينحيولك الملل ....وإدا كنتي طالبة يعني تقدري تخرجي اصبري في ايام العطلة وكيما قلتي روحي للاقارب تاوعك مرة على مرة وماتكثريش عليهم ....واش نقلك والديك يديرو معاك هكذا خاطر يخافو عليك وراهو يدور الزمان وتفهمي (هكدا تقول لي أمي)
ربي معاك ختي .....في أمان الله

[*ألخيال*]

عقلية ونمط تربية الآباء راجع الى خوف كبير مما ستصبح عليه الأمور في حالة خروجها عن السيطرة او مراقبتهم للشارع وايضا قد تكون خبرات سابقة مع سلوكات اقرباء غير محمودة

كل هذا يؤدي الى التشديد في التربية والتقييد في بعض الحريات **وقد نختلف في مسمى الحريات هنا** فما يهم ان منزلكم ولو كان جحر تنين خير من الضيافة عند غيركم

وما المسه هنا انك في فترة صراع ** ملل ذاتي وروتين** اضافة الى مقارنة ما يفعله غيرك فالواجب ان تتخلى عن هكذا افكار حتى يشتد ساعدك وتحقق كل ما تريده **العمل مثلا؟** وقد تشتري حاسوبا وحتى تخلق منطقة شخصية بك
واخيرا لا تتسرع

[" أبو عبود"]

راكم تشوفوا العوج؟ والديها مزيرين يخلوها تروح تبات عن الاقارب؟؟؟؟؟؟؟؟؟؟؟؟؟؟؟ هذي في مسلسل مكسيكي ما تمشيش.

[hamza touazi]

ختي اهلك يخافو عليك وعندهم الحق الوقت لرانا فيه صعيب بزاف راه يصراو فتن كبار انا والله مانلومهمش مام تكوني مربية وبنت عالم الفتنة واعرة وخاصة هاد الوقت الشيطان واعر احمجي ربي عندك ليخاف عليك وزيد لاه تخرجي مكانك البيت الا للظرورات والله وكي تحبي تخرجي ادي معاك يماك ولا اختك ماشكيتش يقولو لالا داركم الحرية تان ماشي مليح رانا نشوفو البنات فالزنق هوما لي يتحرشو بينا ماشي حنا

[أميرة العلوم]

من وجهة النظر تاعك تعتبريهم مزيرين

مام انا ولديا هكذا و الحمد لله انا راضية و عاجبني الحال

انتيي راكي تقولي حابة نخرج كي تخرجي وين تروحي الاقارب راكي تروحيلهم

و يخلوك تباتي عندخم تاني احمدي ربي كي عندك والديك خايفين عليك

[أم ميرال و آرال]

احمدي ربي لي عندك اهل يخافو عليك في الوقت لي رانا فيه
راكي حاسبة الطليق مليح؟؟؟؟؟
عز الخيل مرابطها يا طفلة
حتى في الدين يقولك المرأة كي تخرج يستشرفها الشيطان
أهلك يمضغوك و ما يسرطوكش و ديار الناس يعياو و يكرهوا منك مشحال حابة تقعدي عندهم؟؟؟
ما كاش كيما داركم
كيما قالو ناس زمان دارنا تستر عارنا
خمي مليح يا اختي راكي في نعمة كبيرة
و زيد راكي تقعدي نهار في داركم و عشرة عند الناس كاين حرية كثر من هاكا؟؟؟؟؟

[نارينا]

حينما تكبرين أكثر ستنفرج وتجدين أنك أصبحت أكثر تحررا ...لربما عامل السن يجعلهم يضيقون عليك الخناق حاليا ....أهلك يترجونك للعودة الى البيت وأنت ترفضين هذا في حد ذاته يدل على أنهم أعطوك مساحة من الحرية ....أصلا مبيت البنت عند أقاربها في حد ذاته لاتجيزه الكثير من العائلات الجزائرية ...وعليه حاولي التأقلم مع وضعك وأكيد ستتحسن الأمور شيئا فشئيا

[first first]

شوفي اختي..............والديك عندهم الحق...واش من حرية تحكي عليها
طبعا ولديك يسقسوك وين رايحة وين جاية.....الهومان في الزقاق بلا فايدة مايجيب غير المشاكل...........يعني انت الان كي ماتخرجيش تقراي.ولاتقرجي لقضاء شيء معين.علاه تخرجي.
اختي ماتكبريهاش...ماليك راهم مدايرينلك قيمة كبيرة وخايفين عليك......وراهم والدين واعيين وعلابالهم واش يديرو.
ربي يحفضلك الولدين الكريمين.....تكبري وتقولي الحمد لله اهلي عنده الحق..وياليتهم زادو زيرو شوية .
اكسبي ثقتهم بالطولة يرخفولك شوية.....انتي تاني اعرفي واش ديري..بالك يديك الهف تاع اني كبرت ولبنات عايشين حياتهم ووووو.واكي علابالك بالاسطوانة لي دور ماكان اه نعاودهالك.

ونزيد نقولك......انا والله عجبوني والدين......ربي يكثر من امثالهم.هادو هوما الولدين ولاخلي عليك............قال حرية...................طبعا هما ماشي حاكمينك بالكادنة............لكن عندكم قوانين في البيت.