ختنت ولديها في بيت اهلها

[catia]

روت لي زميلتي في العمل عن زوجة اخيها التي ختنت ولديها في بيت والدها ولم تخبر احدا من اهل زوجها مع العلم ان الزوج موجود وعلى علم ولم يخبر اهله الذين علموا بعد يومين او ثلاثة وصدموا من تصرفات ابنهم وزوجته ولم يتفوهوا بكلمة حفاظا على استقرار ابنهم وعائلته فما رايكم بصراحة,? مع العلم ان جدة الاولاد (لابيهم) تحبهم حبا شديدا

[hodayena]

كل شيء من الزوج

[ام رجاء 09]

لوكان ماتعرفش راجلها كفاش داير مادير هاد تصرف

[أم عبد الكريم]

كل واحد حر في تصرفاتو مادمت متفاهمة مع الزوج نتاعها

[omhadil]

اولا حكاتلك اخت زوجها والى هو اكيد مايعجبهاش هدا التصرف اصلا مايعجبهمش العجب
ثانيا باش دارت هكذا اكيد كاين سبب مقنع يخليها تتصرف هذا التصرف خاصة كى زوجها يعلم بالامر ومادام وافقها سور كاين حاجة
العالم ربى واش كاين ربى يصلح احوال الجميع

[~~ نَــدَى الــرَّيــحَ ـــــآن ~~]

عادي ادا باباهم قابل وين المشكلة
الختان مش ضروري يكون فيه لمة و عشا و عرس

[loufa]

اكيد هناك سبب معين خصوصا ان زوجها يعلم
لو انا بمكان هاذي اللي معجبهاش الحال معندو ما دخلني هما اعلم وبما اننا لم نسمع للطرفين فلا داعي لنحكم عليه وعليها

[Kawthar77]

نفس مشكلتي مع عجوزتي وانا مغتربة وصيف ماضي طهرت ولدي عند أمي والعجوز زعفت وعرضتها ومحبيتش تجي ورسلتلها الجاه وحلفت ومحبتش وانا طهرته عند أمي لان اختي وامي هما لي قاموا بولدي بعد الطهارة لانه انا شفني ومقدرتش حتى نشوفه ومن بعد محبتش تسلم عليه وتحمله وبعد أسبوع نسينا الموضوع والحمدلله وللعلم عجوزتي تاني مغتربة هنا معيا بصح زوجي كان راضي باش نطهر ر ولدي عند أمي وربي يخليهلي ان شاء الله وطبعا عجوزتي لي نحترمها بزاف

[الألماسة]

البيوت اسرار اختي الكريمة

[ولد حمد الباتني]

ياخي ذكورة اخر زمن ياخي .....

[catia]

مهما تكن المشاكل في نظري ليس بتصرف صحيح اولم يراعي هذ ا الزوج شعور والديه وكل واحد يحط نفسو مكانهم تخيلن ايتها الاخوات في يوم ما سوف تصبحن جدات وتتمنين حضور المناسبات التي تقام عند اولادكن وهذا شيء طبيعي جدا وغير الطبيعي ان تقطع الارحام بهذه القساوة اي نعم قد تكون هناك مشاكل علينا ان نتجاوزها ولو لايام نلم الشمل ونفرح ثم كل واحد يحكم دارو واش قلتو

[زرقـآء اليمآمـة]

السلام عليكم
تصرف هذه الكنة جرحت به شعور عجوزتها وشيخها ..... أليس لهما الحق في قرار مثل هذا ؟ ..... فاعز الولد ولد الولد ..... وعيب عليها تحرمهما من مشاركة الطفلين اول فرحة ........... وعيب على الزوج لما اخفى الامر على والديه .... لا حول ولاقوة الا بالله ................ هل ترضى هذه الكنة ان تفعل زوجة اخيها هكذا ؟؟ ............. و لما تكبر هل ترضى ان تفعل كنتها نفس الشيء ؟؟ ............... للاسف تعتبر فقط زوجها في حياتها نسيت ان سبب وجوده هما والديه ................... كما تدين تدان وربي يهديها ويهديه .................... الله لا يبلينا بازواج مثل هذا ............ فالي ما عندوش خير في والديه ما عندوش خير في الناس كلهم حتى ابنائه ........... والله المستعان

[مريم الصابرة]

السلام عليكم
هي قليلة تربية مع كل إحترامي وهو ديوث اللي ما فيه الخير في اهلو ما فيهش الخير فالناس
عيب عليهم ولو اهلها جاو ناس كانو يرفضو واش نقولو الله يهدينا

[النجمة القطبية]

السلام عليكم
هي قليلة تربية مع كل إحترامي وهو ديوث اللي ما فيه الخير في اهلو ما فيهش الخير فالناس
عيب عليهم ولو اهلها جاو ناس كانو يرفضو واش نقولو الله يهدينا


كلمة ديوث اصبحت اسمعها في هذا المنتدى وكانها اصبحت كالهواء الذى يتنفسه بعض الاعضاء اصابتك العدوى مريومة
مع ان الكلمة خطيرة جدااا وثقيلة وكلنا يعلم من هو الديوث
لكن لما اصبح الرجل اللى ختن وليدو في دار نسيبتو ديوث لمجرد هذا الفعل ديوث
اتصور لو يدخل ديوث هذا المنتدى راح يفرح بزاف ويقول كامل الناس ولاو كيفي ديوثين ههههههههه
اما جوابا عن صاحبة الموضوع
اهم شئ انو طهر وليدو وطبق شعائر الدين
اما الفعل اتصور لابد عندو اسباب بالاك ميحبش الحفلات ووو
او احتمال لتجنب خلاف ما
العلم عند الله
هو اخطا لكن لم يفت الاوان يقدر يصلح الخطا
موغفة

[أمنية غفران]

السلام عليكم
هي قليلة تربية مع كل إحترامي وهو ديوث اللي ما فيه الخير في اهلو ما فيهش الخير فالناس
عيب عليهم ولو اهلها جاو ناس كانو يرفضو واش نقولو الله يهدينا


لا أظن انك مريم الصابرة ........... ما عهدناكي تتلفظي مثل هذا القول ...... اسفاه..........

[أمنية غفران]

أختي واش يهم في القضية المهم الطفل تختن هادووك تاني دار جده ......و الباقي غي شكليات و حساسية زايدة برك...........

[first first]

ادا هرف السبب بطل العجب.

مع انو الواجب يقول تخبر اهل الزوج وتعرضهم وحتى مادارت والو .تخلى على الاقل تروح وديرلهم عشاء مثلا
مانقدرش نححكمو .على حسب العلاقة بيناتهم.بلاكش باش تعاونها امها...............بلاكش اصلاموالفة تبعها عند امها كي تكون نافسة مثلا ....والله ماتقدرورو تحكمو
مع انو كيما قلت الواجب لاينص على دلك..وقادر كيما قلتو تفكير ناقص من الزوجة
المهم ربي يهدي.

[زرقـآء اليمآمـة]

أختي واش يهم في القضية المهم الطفل تختن هادووك تاني دار جده ......و الباقي غي شكليات و حساسية زايدة برك...........

شكليات ؟؟ ......... عند من يعيش الطفل عند جده لابيه ام لامه ؟ من يصرف عليه ؟؟ .......... لو كان الزوج يعيش عند حماه فلا باس به وبها وبهم جميعا ..... ولكن هذا مجتمع وعنده تقاليد واسس وعادات عيب الكنة تروح لدار باباها وتدير رايها في اولاد ليسوا من حقها لوحدها فاجداده لهما الحق ايضا .............. وهل ترضين اختي ان تفعل زوجة اخيك نفس الامر ؟؟ ............... راعوا مشاعر الوالدين ولا تنظروا عند موطئ القدم ........

[أمنية غفران]

شكليات ؟؟ ......... عند من يعيش الطفل عند جده لابيه ام لامه ؟ من يصرف عليه ؟؟ .......... لو كان الزوج يعيش عند حماه فلا باس به وبها وبهم جميعا ..... ولكن هذا مجتمع وعنده تقاليد واسس وعادات عيب الكنة تروح لدار باباها وتدير رايها في اولاد ليسوا من حقها لوحدها فاجداده لهما الحق ايضا .............. وهل ترضين اختي ان تفعل زوجة اخيك نفس الامر ؟؟ ............... راعوا مشاعر الوالدين ولا تنظروا عند موطئ القدم ........



القضية و ما فيها زوجها علاباله هنا مربط الفرس يعني ما نحطوش اللوم على الزوجة ........ راني قلت لك الفايدة كي ختنوه بالاك ما حبوش يديرو رسميات من عرضات و غيرها دارو حسابهم لقاوها ما تخرجش عليهم هي و زوجها ... احنا سمعنا من طرف واحد ما نقدروش نحكمو أكيد يا أختي الكريمة ....... و الطفل هل يصرف عليه باباه و لا جده ؟؟ درك فهميني في هادي خيتي

و علاحساب ما فهمت راهم عايشين وحدهم ماشي مع أهل الزوج ممكن توضح لينا صاحبة الموضوع.....

يا أختي ما عندي حتى مشكل زوجة أخي تختن وليدها عند أهلها لأني نأمن بلي هادوك تاني أهله و يحبوه :mh31:.......
تحياتي

[aymen01]

يا امنيه الامونه تختنو حتى المريخ

هي ختناتو بلا ما تقوللهم مسكينه جداهم غاضتني كخخخخ كفماه ما يقوللهاش

[anissa90]

كل واحد حر في تصروفاته و كل واحد يعرف واش راح ادير يمكن تفكير الزوج كان في محليه لتفادي المشاكل على كل حالdans les deux cas واش دير تبقى ماشي مليح

[مريم الصابرة]

كلمة ديوث اصبحت اسمعها في هذا المنتدى وكانها اصبحت كالهواء الذى يتنفسه بعض الاعضاء اصابتك العدوى مريومة
مع ان الكلمة خطيرة جدااا وثقيلة وكلنا يعلم من هو الديوث
لكن لما اصبح الرجل اللى ختن وليدو في دار نسيبتو ديوث لمجرد هذا الفعل ديوث
اتصور لو يدخل ديوث هذا المنتدى راح يفرح بزاف ويقول كامل الناس ولاو كيفي ديوثين ههههههههه
اما جوابا عن صاحبة الموضوع
اهم شئ انو طهر وليدو وطبق شعائر الدين
اما الفعل اتصور لابد عندو اسباب بالاك ميحبش الحفلات ووو
او احتمال لتجنب خلاف ما
العلم عند الله
هو اخطا لكن لم يفت الاوان يقدر يصلح الخطا
موغفة
السلام عليكم اختي
نعم عارف كلمة دبوث جيدا واعرف معناها
واش تسمي اللي يتبع في مرتو يعفس على اهلو يا نجمة ما نغطوش الشمس بالغربال وما حرناش للمعنى الكبير للكلمة اما اللي ختنو ولادهم ربي يسهل عليهم وما قلتش رجال المنتدى ديوثين لا حاشا ما تقولينيش قول ما قلتوش اختي
على كل والله هذا رأي اختي بالنسبة لي اللي يتبع مرتو ويعفس على اهلو ديوث ونقطة الله غالب هذا رأي مع إحترامي للجميع لن لا اتهم اي احد وتعرفين جيدا انني لا ادخل نفسي في مثل هاته الأمور
شكرا لك

[مريم الصابرة]

لا أظن انك مريم الصابرة ........... ما عهدناكي تتلفظي مثل هذا القول ...... اسفاه..........

السلام عليكم
نعم انا مريم ووعلاه أسفاه ما طيحت قدر نتاع حتى واحد الحمد لله محترمة نفسي
اما ما تلفظت به هو الواقع كلام الصح دايما يوجع وكل واحد حر في رايو أختي لك رأي وانا احترمه ولي راي واحب ان يحترم اما اسفك فوالله أنت حرة فيه أختي الكريمة كان لي رأي وأعطيته واقيل انا مرا لازم نقول للمتزوجات كامل لازم تعادو عجايزكم وتمنعو رجالكم يروحو لأاهاليهم ودو ولادكم ختنوهم عند ماليكم
يا اختي الله يهديكم عيب هذي جداه كبرت باباه ورباتو تعبت عليه تجي هي تمحي كل هذا وتفضل اهلها والسي خونا ساكت وراضي
والله هذا رأي وانا حرة بيه
شكرا

[catia]

اخواني الافاضل تسعدني ردودكم وتفاعلكم ومهما اختلفت الاراء فلا يختلف اثنان على عدم ادراك هذا الزوج المغفل لما فعله بوالديه الكريمين اللذين غيبهما وهما حيان يرزقان فكيف يقيم وليمة يحضرها العام والخاص الا والديه الا يفتقدهما ام انه يبتلع مرارة غيابهما فقط لارضاء زوجته لا يهم مكان ختان الولدان بل غياب جديهما يا ناس انهم والديه او تعلمون معنى والديه والله منكر

[ennie]

السلام عليكم

أردت أن أشارك في هدا الموضوع لأنني مؤخرا سمعت فتوى في المدياع حيث اتصلت فتاة و أخبرت الامام ان أخاها قام بختان ولده دون اخبار والدته و قد غضبت منه والدته غضبا شديدا و لم ترضى عنه, أتعرفون مادا قال لها الامام المفتي........


انه ولد عااااااااااااااااااااق

عند طرح السؤال من المتصلة لم انتظر هدا الجواب فقط شعرت بألم الجدة لأنني أعلم انه كما نقول اعز من الولد ولد الولد
و لا أقبل تجاهل أم الزوج مهما أخطأت فكما تدين تدان و الدنيا دوارة يوم لك و يوم عليك

[catia]

من نعم اختاه استغرب من قول بعض الاخوات ان الزوج متفاهم مع زوجته وهذه حياتهما الخاصة يعني وا لدا الزوج لا يهم حضورهما او غيابهما الا يدركن ان غضبهما سيقلب حياة هذا الزوج المغفل راسا على عقب ان غضبهم عليه لن يرض ربنا الذي اوصانا خيرا بهما عجبي كل العجب من بعض النساء يتفنن في ابعاد والدا الزوج ويتلذذن بذلك فوالله يوم لك ويوم عليك و وسيشربن من نفس الكاس

[ام البنوتة]

يا سبحان الله الزوج يختن وليدو عند نسابو قالك عادي و نورمال بصح لوكان خوها يدير هاذ الجاست تقوم الحروب ..و زيد قالك المهم الراجل موافق قولولي برك علاش موافق لوكان ماشي المرا لي تدخل تخرب و تفسد و تعمرلوا راسو بالافكار السوداوية حتى يولي يطيعها في الصح و الخطا و يغضب والديه و يا رضا الله و رضا الوالدين...ربي وكيل كل زوجة تحب تقطع رحم زوجها و تبعدوا على اهله و هاذو ماشي شكليات هذا عرف تعارف عليه الناس و من حق الوالدين تاع الزوج يحضروا ختان حفيدهم ...اتقوا الله غدوا يكبروا اولادكم و يكويوكم كيما راكم تديروا...."تلك الايام نداولها بين الناس"...

[anissa90]

سبحان الله لماذا هذه الاتهمات للزوج ولا واحد فينا يعرف سبب و قصة كيفاش صرات يمكن الجدة رفضت اطهره عندها ويمكن وووووو هناك احتمالات كثيرة يمكن الزوج راه غالط كما يمكن الجدة راه غالطة

[2011selma]

3adhom lah9 yza3fo

[achwak.1993]

مادام زوجها راضي انتهى الأمر

[catia]

اخت اشواق المشكل كل المشكل في رضى هذ الزوج ال....... والزوجة التي يعجبها هذا الصنف من الرجال تتاكد من ان اللي باع والديه سيبيعها بارخص الاثمان

[ام ملاك.]

انا اللي مافهمتوش علاش باع والديه ؟؟؟
هذي مقولة بعض العضوات
يعني اذا ختن ابنو عند والدين زوجته ولا يبيع في اهلو ؟؟؟؟ واش من منطق يقول هكذا او اي قاعدة حكمتو عليهم
حرام عليكم للبيوت اسرار لوكان ماشافوش كاينة حاجة او ممكن اهل الزوج مش راضيين انهم ختنوهم او ممكن مش حابين يتعبو في كي يجوهم الناس يطبخو وينزفو
ولو ابنهم ماشافش بللي كاين حاجة فيها اللوش ماراحش يخلي مرتو تختن ولادها عند اهلها
هم اللي عارفين واش كاين بلا ماتقعدو تربحو العيب والسيئات من انتقادات ماليها حتى طعم وحتى انكم ماسمعتوش من الطرفين حكمتو على الرجل بللي باع والديه وديوث وووو بلا ماتعرفو القصة الحقيقية من وراء هذا التصرف
اتقوا الله فيما تكتبون ستكتب عليكم سيئة

[ايهان]

والله الوالدين مهما سواو يبقاو والدين عجبا كفاش يطهر ولادوا ومايقولش لوالديه والله كل العجب
البيوت اسرار ولكل ظروفه لكن كان يجب اخبار واستشارة والديه حتى ان اقام الحفل عند حماه مكن ظروفه بصح والديه لازم يعلموا
انا قريب صرالي موقف شبيه لولا تعقل الوالدة ربي حفظها
ولدت ابني بعملية قيصرية وكنت مريضة جدا وبحكم حماتي امراة كبيرة كنت نافس عند امي الله يجازيها مرض ابني في ايامه الاولى قال الطبيب لازم يطهر عاجلا وكون لقى الموافقة طهروا تم تم
رجع البيبي للدار اتصلت بزوجي واخبرته وزاد داه نفس اليوم عند طبيب اخر واكد الامر اتفقنا نختنوا الطفل ولحالتي الصحية مانقدرش حتى نوقف قالي نديه نطهروا وحدي ونجيبهولك عيط لبابه قالوا الطفل مريض رايح نختنوا ارواح انت وامي نديوه انا والله ماتولهت قلت عادي طفل مريض لازم يطهر لكن والدتي ووالدي رفضوا وقالولي درك تروحي لدارك وطهري ولدك في دار باباه ويحضروا اعمامو وجدودوا ومنبعد تولي وانا كنت ماكملتش سبعة ايام وكنت مريضة قال ابي تروحي يالوكان نديوك في سيارة الاسعاف تروحي يعني تروحي انا صح غاضني الحال بصح من بعد عرفت بلي كان عندهم الحق ووليت انا لي زعفانة علاه ..........بحكم نسكنوا كامل فوق بعضانا قال زوجي راح نختن الطفل لانه مريض عاجل غير اجل داروا حكاية واحد يقول بخيل ماش حاب يعرس واحد يقول جات من دارهم طهر هنا والديها ماتحملوش المسؤولية واحد غضبان ماشورناهش واح يقول ماقالوناش كون كسينا روحنا والاولاد وكل واحد يحكي حكاية دارولي الدمار حتى حكمتني لاطونسيون
راح جد الطفل وجدته وزوجي ووا وابي وامي والباقي والله كامل غضبانين واحد ماطلع وقال مبروك عليه
كي فاتت انا ماهدرتش بصح زوجي لام خاوتوا وهوما استعرفوا بالحق وقالوا ماعلاباناش بلي مريض.....يتمهبلوا......
المهم اصبح زوجي لي عندوا الحق تصوروا لوكان طهرتوا في بيت ابي ........يجي مندوب الامم الممتحدة وجامعة الدول العربية وايقدر حتى واحد يقنعهم بان الظرف هو اللي حكم بلي لازم يطهر .
على هدي ماشفناش ظروف اللي خلات الزوج يطهر ولادوا عند حماه مع انه كان لازم يخبر والديه قبل كل شيئ
وتبقى ارضاء الناس غاية لاتدرك

[سليلة ذات النطاقين]

السلام عليكم
هي قليلة تربية مع كل إحترامي وهو ديوث اللي ما فيه الخير في اهلو ما فيهش الخير فالناس
عيب عليهم ولو اهلها جاو ناس كانو يرفضو واش نقولو الله يهدينا

عندما قرات الرد تاكدت من صاحبه مرتين لاني لم اصدق ان هذا الكلام صادر منك

[ام البنوتة]

انا اللي مافهمتوش علاش باع والديه ؟؟؟
هذي مقولة بعض العضوات
يعني اذا ختن ابنو عند والدين زوجته ولا يبيع في اهلو ؟؟؟؟ واش من منطق يقول هكذا او اي قاعدة حكمتو عليهم
حرام عليكم للبيوت اسرار لوكان ماشافوش كاينة حاجة او ممكن اهل الزوج مش راضيين انهم ختنوهم او ممكن مش حابين يتعبو في كي يجوهم الناس يطبخو وينزفو
ولو ابنهم ماشافش بللي كاين حاجة فيها اللوش ماراحش يخلي مرتو تختن ولادها عند اهلها
هم اللي عارفين واش كاين بلا ماتقعدو تربحو العيب والسيئات من انتقادات ماليها حتى طعم وحتى انكم ماسمعتوش من الطرفين حكمتو على الرجل بللي باع والديه وديوث وووو بلا ماتعرفو القصة الحقيقية من وراء هذا التصرف
اتقوا الله فيما تكتبون ستكتب عليكم سيئة

يا اختي و الله شفت بعيني و حضرت و اكييد ماهدرتش من فراغ و احنا نسا و نعرفوا و الله لوكان مايدخلش الوسواس للراجل و الله ما يقبل هاذ الشيء و ليس الخبر كالمعاينة

[ام ملاك.]

يا اختي و الله شفت بعيني و حضرت و اكييد ماهدرتش من فراغ و احنا نسا و نعرفوا و الله لوكان مايدخلش الوسواس للراجل و الله ما يقبل هاذ الشيء و ليس الخبر كالمعاينة
يااختي ماقصدتكش انت بالذات قرات بعض الردود والله اندهشت يحكمو على قصة سمعوها من عضوة سمعتها من اخت الرجل اللي عاذ القصة بالذات ماتعنيناش ومانقدروش نحكمو فيها بما انها قصة ماتسمعتش من احد الطرفين
وعلى كل الرجل كان موافق عو الادرى واش كاين غي دار ماليه ووعلاش تصرف بهاذ الطريقة هو ومرتو برك اللي علابالهم
حتى اختو ماعندها مادخلها عندها كلام او لون تلاوح تحكي مع خوها مش تنشرو بين صحاباتها باش تطهر على اساس هي ملاك واخوها شيطان
ويمكن كل القصة مش هكذا صرات فيها بغض الملح والفلفل اللي تزادو من قبل
راني نحكي بحكم التجربة
قبل الحكم على اي قصة نسمعها لازم نعرفو مدى قرابة الانسان لتلك القصة يعني اللي راه فيها

[catia]

اختي ام ملاك لا ملح ولا فلفل وانظن بلي مهما عملوا والديه يبقاو والديه اوما شكيتش بلي عملو جريمة لا سمح الله ومهما كان انا حايرة في هذا الراجل اللي قاعد بين غاشي كبير غير باباه اويماه انا ما نقدرش نتصورها اذا انت تشوفي فيها حاجة تافهة انا اشوف فيها كارثة اجتماعية لانو راح ايجي نهار ايدير بوالديه اكثر من هكذا اما اخت الزوج راهي عمة لولاد يا اختي واش بيكم حابين تمحيو اهل الزوج ولا كيفاه

[سلواان]

وهل علمت أو علمنا بما وراء الأكمة ..لنحكم ؟؟؟؟

[lalib40]

روت لي زميلتي في العمل عن زوجة اخيها التي ختنت ولديها في بيت والدها ولم تخبر احدا من اهل زوجها مع العلم ان الزوج موجود وعلى علم ولم يخبر اهله الذين علموا بعد يومين او ثلاثة وصدموا من تصرفات ابنهم وزوجته ولم يتفوهوا بكلمة حفاظا على استقرار ابنهم وعائلته فما رايكم بصراحة,? مع العلم ان جدة الاولاد (لابيهم) تحبهم حبا شديدا



روت لي زميلتي في العمل عن اخيها الذي ختن وليدو في بيت والد زوجته ولم يخبر احدا من اهله الذين علموا بعد يومين او ثلاثة وصدموا من تصرفات ابنهم وزوجته ولم يتفوهوا بكلمة حفاظا على استقرار ابنهم وعائلته فما رايكم بصراحة,? مع العلم ان جدة الاولاد (لابيهم) تحبهم حبا شديدا

[ennie]

اختي ام ملاك لا ملح ولا فلفل وانظن بلي مهما عملوا والديه يبقاو والديه اوما شكيتش بلي عملو جريمة لا سمح الله ومهما كان انا حايرة في هذا الراجل اللي قاعد بين غاشي كبير غير باباه اويماه انا ما نقدرش نتصورها اذا انت تشوفي فيها حاجة تافهة انا اشوف فيها كارثة اجتماعية لانو راح ايجي نهار ايدير بوالديه اكثر من هكذا اما اخت الزوج راهي عمة لولاد يا اختي واش بيكم حابين تمحيو اهل الزوج ولا كيفاه

السلام عليكم

بارك الله فيك يا اختي و الله راني حايرة في بعض الردود و زيد تقولك المهم الزوج قابل , أترضون بزوج يهمل والدبه و ما يقدرهمش...:confused:كما قالت الأخت هده ماشي حاجة تافهة هده حقا كارثة:mad: و أنا سبق و قلت أني سمعت فتوى من مفتي في الراديو يقول لمتصلة سألت عن نفس المشكل أنه هدا الرجل عاق و لم يرد فهم التفاصيل بل زاد عن دلك أن نصح الرجل أن يسارع في طلب الرضا من والدته قبل فوات الأوان , يا أخوات هدا مفتي و ما قالش ربما هناك سبب خلاه ما يقولش لوالديه و ما قالش للمتصلة أنت ما دخليش روحك لأنك أخت الزوج....و أنتن ترين الأمر عادي...مهما كان السبب فهؤلاء والديه و رضاهما سيعود على الابن و زوجته بالربح و الخير و الهناء و الله دعوة خير من أم الزوج تحمي عائلته كلها و لكان دعاتو بالشر ما تفيدو لا مرتو لا و لادو لا نسابو بل ما تفيدو لا صلاتو لا قيامو الليل و لو عبد الله الدهر كله

أعتذر من المشرفين للمشاركة مرتين و لكن الأمر حز في قلبي و المني

[catia]

اخت ennie اشكرك على الرد الصائب واقول واكرر لايوجد سبب يجعل الزوج ينصاع لاوامر زوجته المعادية لوالديه مهما تكن الاسباب وربنا جل جلاله يقول لا تقل لهما اف واخواتنا يبالمنتدى يحاولن تتفيه ما قام به هذا العاصي الذي غيبهما عن حفل حضره كل من هب ودب الا اغلى الناس (والديه) اعلمن ان دمعة من عين امه او ابيه هي دعوة نافذة فيه وفي عائلته حتى وان لم يدعيان عليه وحينها لاتنفعه لا زوجته ولا هم يحزنون والله ما حز في نفسي كثيرا قول بعضهن المهم هو متفاهم مع زوجته يا اخوات يتفاهم معها في كل شيء الا والديه والديه والديه

[abb leila]

عفوا ردي لن يعجب الكثير

الراجل ووافق انو يختن وليدو عند نسابو

مش جريمة ياك

مش حرام ياك

خبر اهلو ماخبرهمش هداك شغلو العلاقة لي بيناتهم ربي يعلم بيها

المشاكل لي بيناتهم ربي يعلم بيها

كتر فينا غير القيل والقال واصدار الاحكام

ياو كل واحد يتلها بمشاكلو خير

سبحان الله العظيم ربي يهدينا وخلاص

قالك لمادا تاخر العرب والمسلمون مازال نسقسوا وعلاش