ممكن مساعدة في البشاميل من فضلكم ؟ [الأرشيف] - منتديات الجلفة لكل الجزائريين و العرب

سماهر

2014-09-26, 12:45

السلام عليكن

جربت البشاميل مرتيــــــــــــــــــــــــــــن :D فقط وما عاودتش :24:طعمه ما كانش بنين خلاص :(

ما هو سر البنة فيه؟ راني نشوف كامل لبنات يطيبوا أطباق ويقولوا أنها لذيـــــــــــــذة لكن نجي نطبق نحبس نقول

البشاميل يسمطهالي :confused: نتمنى إلي عندها وصفة لذيذة للبشاميل تكتبها بالتفصيل :D :mh31:

رضاك ياربي

2014-09-26, 13:03

بوضع 3 ملاعق من الزبدة في كسرول فوق النار ونتركها لتذوب بعدها نضيف 3 ملاعق من الفرينة ونبقى ونستمر في التقليب حتى تاخذ لون ذهبي في هاذا الوقت ضيفي 3اكواب من مرق الدجاج اذا لم يتوفر نضيف 3 اكواب حليب او المزج بينهما
نستمر في التقليب حتى تثقل الصلصة نبعدها من النار نضيف لها الملح والفلفل الابيض وجوزة الطيب
ثم نضيف كمية من الجبن المبشور وقطعتين من جبن المثلثات ونمزج الكل
حتى الحصول على صلصة ثقيلة نوعاما
والسر ديالها خليها تحمار شويا باش تعطيك ذوق بنين علاجال لوكان تخليها بيضاء طعمها عادي

سماهر

2014-09-26, 13:10

بوضع 3 ملاعق من الزبدة في كسرول فوق النار ونتركها لتذوب بعدها نضيف 3 ملاعق من الفرينة ونبقى ونستمر في التقليب حتى تاخذ لون ذهبي في هاذا الوقت ضيفي 3اكواب من مرق الدجاج اذا لم يتوفر نضيف 3 اكواب حليب او المزج بينهما
نستمر في التقليب حتى تثقل الصلصة نبعدها من النار نضيف لها الملح والفلفل الابيض وجوزة الطيب
ثم نضيف كمية من الجبن المبشور وقطعتين من جبن المثلثات ونمزج الكل
حتى الحصول على صلصة ثقيلة نوعاما
والسر ديالها خليها تحمار شويا باش تعطيك ذوق بنين علاجال لوكان تخليها بيضاء طعمها عادي

شكرا يا أختي بالنسبة للجبن هل ينفع أي جبن مبشور أم هناك جبن يكون بنين ؟

رضاك ياربي

2014-09-26, 13:15

اي جبن fromage gruyère يصلح لكن الاحسن جبن بارميزان
fromage parmesan ادا توفر عندك ادا لالا تقدري تستعملي اي جبن عادي

أم ضياء عبد الرحيم

2014-09-26, 13:16

مساء الخير اختي جربي بيشاميل الهام راهو روعة انا جربت العديد من الوصفات لكن زي تاع الهام مشفتش راهي هايلة
هذا رابط الموضوع هو تاع غراتان البطاطا بلاكريم فيرش جا هايل جربيه ميش راح تندمي
http://www.djelfa.info/vb/showthread.php?t=1622749

سماهر

2014-09-26, 13:21

اي جبن fromage gruyère يصلح لكن الاحسن جبن بارميزان
fromage parmesan ادا توفر عندك ادا لالا تقدري تستعملي اي جبن عادي

الف شكر ليك أختي الحنينة ربي يجازيك

سماهر

2014-09-26, 13:24

مساء الخير اختي جربي بيشاميل الهام راهو روعة انا جربت العديد من الوصفات لكن زي تاع الهام مشفتش راهي هايلة
هذا رابط الموضوع هو تاع غراتان البطاطا بلاكريم فيرش جا هايل جربيه ميش راح تندمي
http://www.djelfa.info/vb/showthread.php?t=1622749

شكرا على ردك الطيب أختي جيادا إن شاء الله راح نطبق كل نصيحة تحطوهالي :d:d:d

barodia

2014-09-26, 14:36

انا تان متجينيش قاع شابة

mimimouni

2014-09-26, 14:44

الطريقة تاع اختي رضاك ربي صحيحة ١٠٠/١٠٠٠ وبالنسب للفرماج البرميزان ما تلقايهش في بعض المناطق، ونصيحة جربي فرماج
le chef يجي هايل جربي ورديلنا الخبر

anaris

2014-09-26, 19:40

سلام اخني البيشاميل سرها الاول في التحماس الاول بين الزبدة والفرينة لازم تحركي مليح مليح حت يتغير لون الفرينة الى اللون الاشقر وهكدا تروح ريحة الفرينة والسر التاني في الاضافات لهي الجبن بكل انواعه انا مرات نخلط قداش من نوع ولكان متوفرة كرام فراش راح تعطيلك ذوق44444444444444444 والفلفل السود وجوزة الطيب وانا ساعات نزيدلها لاموتارد وايضا صفار بيضة الصفار باش جي شادة روحها ارجو اني افتك

no_r

2014-09-27, 02:47

انا تاني كانت ما تخرجليش بصح بعد ما طبقت تع الهاااام راني كل مرة نعاودها والله فتاتة ما تبقى في الصحن

السيدة كرمين

2014-09-27, 09:29

السلام عليكم اختي

البيشاميل من الصلصات لي تحتاج متابعة لأنها حساسة نعطيك طريقة تعلمتها خطرة من مشاهدة جيمي أوليفر لحق منذاك نهار مابدتلها

أولا في كسرونة على نار هادية وملعقة خشبية تحطي ملعقة زبدة تذوب تحطي عليها ملعقة فرينة وحركي تقريبا مدة دقيقتين

حتى يصبح لون الفرينة ذهبي تحكمي ربع لتر حليب تحطي بالشوية - هذا سر اوليفر - على الفرينة وتحركي ماتتخلعيش في حال تجمعت الفرينة

زيدي ديري لحليب وحركي مليح وبعدها حطي باقي لحليب وحركي مليح بالملعقة ضيفي ليها الملح وفرماج ذايب أو قطعة شاف قليل من الفلفل

الاسود وتحركي حتى تعقد شوي لأن فيه وصفات تكون جارية شوي وفيه وصفات خاصة المحاشي نحتاجوها تكون عاقدة يااااسر

وبهذا تكوني تحصلتي على البيشاميل جاهزة .

بالنسبة للاضافات

لما تتمكني منها وتولي معلمة ان شاء الله تظيفي الأجبان - لأنك تذوقتي كل واحد وتعرفي مع واه يخرج مع الوصفة-

و ايضا حسب الوصفات تضيفي وش تحبي ويتناسب مع المكونات ومع ما تحبه عايلتك كالكريمة الطازجة الثوم ،الدبشة او المعدنوس ...،

المقادير

ملعقة زبدة

ملعقة فرينة

ربع لتر حليب

قطعة فرماج شاف او علبة فرماج ذايب

ملح فلفل اسود

في حال اي استفسار رانا هنا اختي حتى تنجحي فيها