ساعدوني رجاءا في أقرب وقت و شكرا

[رملاك]

السلام عليكم

اخواني اريد مساعدة منكم فأنا جد محتارة

وجدت فرصة عمل لدي صيدلية عن طريق anem لكن عندا ذهبت للوكالة قالةلي بلي صاحب الصيدلية ميقدرش يديرك anem باسكو عندو عندو عدد محدد من الفرص لي يمنحها للعمال و هو مستخدم كامل الفرص

قالولي كاين حل اخر انك ديري cta على ما أظن و لي هي anem ماتمدليش 1500 دج كما هو معروف و انماتمدلي 1200 دج و صاحب الصيديلية

يزيدلي 600 ألف دج يعني نلحق لراتب 1800 دج للشهر و بلي هو لي سيولريني ماشي لانانم مع أني نولي مستفسدة من 2 عامين فقط من لانام ماشي كونتلرا تاع 3 سنوات هكذا قالولي

و كيما رحت لصاحب المحل قالي منزيدلك والوا أنا تدي غير 1200 لي مدوهالك هوما باسكو معندكش خبرة و راكي جاية تتعلمي

قولولي راني محتارة ندير مهاع هذي الكونترا و تما تروحلي فرصة لانام هرة أخرى و لا لا نزيد نسنا شوية

مع العلم أني نسنا في نتائج ماستر جامعة البليدة اذا قبلوني منخدمش و تاني راني حاتة 2 كونكور ناع مفتش رئيسي للغابات و بيولوجي من الدرجة الاولى في الصحة العمومية

نصيحة منكم جزاكم الله خيرا باسكو راني حايرة تاع الصح واش ندير

شكرا مسبقا

سلااااااااااااام.............

[abdou AMG]

السلام عليكم
اختى انا مرة كنت راح ندير كونترا تاع cta و كيما قلتي يخلصو 12000 دج و لي يوظفك يزيدك على الاقل 6000 دج
و هاذا راح تكتبيه في الكونترا
كما انهم قالولي عقد cta 3 سنوات و قابلة للتجديد
كي مدولي الكونترا مدولي 3 اوراق كل ورقة خاصة بسنة
و ماشي هو يسوريك
هو يحلص نسبة و لانام تخلص الباقي
نصيحتي ليك cta قادرة ديريها في اي وقت
يعني اصبري شويا و اذا ماكان والو ديريها
و بالنسبة للخلاص اهدري مع صاحب المحل قوليلو على الاقل ميخلصكش هاديك 6000 دج فقط 3 اشهر الاولى حتى تتعلمي
و بعدها يخلصك لأنوا من حقك
و صلي صلاة استخارة و الله ولي التوفيق
ارجوا نكون ساعدك ولو بالقليل
لا تنسينا من صالح دعاءك

[رملاك]

بارك الله فيك أخي و جاك الله خيرا

هو في الحقيقة قالي كي تتعلمي نزيدلك 600 لكن بعد 8 و لا 9 أشهر باسكو قالي ماشي كيما راكي دايرتها انت حاجة ساهلة تتعلمي تم تم

بوركت أخي و سأستخير لنو ما خاب من استخار كيما قلت و ربي يجيب لي فيه الخير ان شاء الله

ري يوفك و دعواتكم لي أيضا

سلام

[حميد.ص]

نصيحة من عندي ماتقبليش و اليكي الاسباب:

1- بائع في صيدلية عمل متوفر تقدري تديريه في اي وقت

2- كاين بعض المشاكل في الصيدلية و اهمها التعامل مع المدمنين

3- ثالثا 12000دج مش خلصة مليحة مقارنة بالخدمة في الصيدلية


زيدي اصبري و شوفي

ربي يعطيك الخير

[or123m]

الادماج عند الدولة احسن 3 سنوات تكون في تخصصك و لكي تستفييدي من شهادة العمل لان عليها نقاط في المسابقة كما انك ستستفيدين في حياتك المهنية من ا لخبرة ملاحظة استفسري جيدا عن الادارة اللتي تنوين العمل بها حتي لا تفاجئي بمشاكل لاحقا

[رملاك]

شكراااااا بارك الله فيكم على النصائح المقدمة

سأعمل بها ان شاء الله

[خولة الخنشلية]

اختي الخدمة في الصيدلية من اسهل الامور مادوخيش فيها خلاص اذا كثرتي 3 اشهر تتعلمي و تقدري مام تتعلمي بعض الامور قبل ما تبداي تخدمي فيها ..... كي لكلاسمون تاع الدوايات و اساس التسمية تاع كل فئة ... الخ
اذا شتي روحك تهزي فيساع و تتعلمي بسهولة غير اداي برك ....
و زيدي استخيري و ربي يوفقك :)