عجوزتي عندها كل اسراري

[anissa90]

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,

[مريم الصابرة]

السلام عليكم اختي
والله قريت مشكلتك وإسمحيلي نلومك وبعدها نتناقشو
انا مرانيش عايشة في بلاصتك ولكن من كلامك نقولك راكي غالطة
اولا اسرار داركم شكون يجيبهم إنت تحكيهم لراجلك وهو يحكي ليماه إنت علاه تحكي امور خوك او اختك علاه تقوليهم لراجلك واش دخلو في داركم ما تقوليلو ما يروح يحكي اسراركم
زيدي اختي هذي نتاع ما تروحيش فالعيد عند يماه هذي ماكانش منها عيب عليك إنت اخ
مي بأصلك معليش روحي وما تباتيش رجعي في نهارك روحي يا سيدي روطار ما تخدمي ما تنقي لانو ما يقدرش يجبرك تعاوني اهلو ولو هذا واجبك إنت اختي هدرت كل هذا ونسيتي امر واحد قلت راجلي حنين بزاف وراجلك يبغيك ماراكيش قادرة تتحملي اهلو في وجهو وزيدي ما راهمش عايشين معاك يعني كل واحد في دارو عامليهم بالمثل خباو عليك خبي عليهم اما عجوزتك تشكي شوفي اختي انا نقولك كلمتي ونتمنى ما تزعفيش مني
لو يماك عندها وليدها متزوج تطمع بيه يعطيها او لا اكيد ومش طمعة مجبور يمدلها ولو تخلص 10 ملاين للشهر هذي يماه أختي لو يمدلها مال الدنيا ما يرجع ربع من تعبها اختي انا نقولك هكذا لانو عندك طفل و وتمشي الدنيا وتولي بالعروسة ما تقدريش تخلي راجلك قاسي على يماه حرام عليك اموركم النسا خليهم بيناتكم شوفي عامليهم كيما يعاملوك خباو عليك خبي عليهم ما تقوليش واش عندك واش ما عندكش احكي مع زوجك نبهيهي امورك واخبارك ما يهدرهمش اما تحوسي طريقة وين تبعدي راجلك على يماه او تخليه قاسي او ما نعرف واش راكي غالطة والزعاف يديرلك هكذا إنعلي بليس
نتمنى ما تزعفيش من ردي لانو مارانيش حاباتك تدي دعاوي الشر

[جمعي البشاري]

النسا يحبوا المشاكل ..ويخلقوه بااتف الاشياء ........على حسب مافهمت من كلامك تحبين ان تعرفي كل شيء عنهم وبطريقة غير مباشرة تفضحينا نفسك ومايدور بينك وبين زوجك
انعلي بليس في دارك وحدك وكاين المشاكل مع العجوز // طبعا الام تخاف على ابنها من تصلط الزوجة وامور اخرى لهدا تحب تعرف كل شيء ..انت بينيلها العكس اهديلها هدايا عامليها كاامك ..وخصوصا في العيد ...اما الامور الخاصة باابناءها وبناتها المتزوجين وغير المتزوجين فهدا الامر لا يخصك ولا يعنيك بالعكس هو يريحك من القيل والقال .واهتمي بااطفالك ولازم تكوني رزينة في الكلام والحوار في الامور الجادة فقط

[هبة خير]

نفس كلام مريم الصابرة تحياتي

[anissa90]

اول حاجة منزعف من حتى كلام لتوجههلي لي انا اصلا طرحت مشكلتي للنقاش
على اسرار دارنا تع خويا رحل واختي عادي جات الهدر هاك كونا نحكوا انا مقلتش يحكي يماه حاجة تفها كيما هذه وحنا نروحوا درنا اسما خطرات يتلقى مع اخي و يحكي مع ابي ولكن تندعرت الان من جهتي ولكن بابا منقدرش نقولوا واش تهدر واش متقولش
اما تع العيد اذا حب يروح وحدوا الله اسهل انا نقعد في داري مش في دارنا
لانو ما يقدرش يجبرك تعاوني اهلو يماه تحمي دنيا بالعياط حتى هذاك العيد متحسيش به صرات العام لفات مرت لوسي
اخواتي ذكور والله والله يما ماتشوف حتى دورو منعدهم الحمد لله ابي كافي روحوا
ياختي باش نرجعوا خير ولدنا مش لازم بالمال هذا تفكير خطا تع اغلب العجايز و الجزائرين تع لازم يصرف عليها باش ارجع تعبهم كاين حلات تع الابناءيصرفوا على ولدهم ولكن ولدهيم مشتقين باش اشفوهم ولا يسمعوا اصواتهم اختي المهم حسن المعاملة ليهم و زيارتهم وانا لوكان كان عندي المال الكافي و لو حتى كانت عندنا دار خاصة مش كل عام نحوس على وين نكري نعيش و نعيشها
شكرا لمررك اختي

[anissa90]

النسا يحبوا المشاكل ..ويخلقوه بااتف الاشياء ........على حسب مافهمت من كلامك تحبين ان تعرفي كل شيء عنهم وبطريقة غير مباشرة تفضحينا نفسك ومايدور بينك وبين زوجك
انعلي بليس في دارك وحدك وكاين المشاكل مع العجوز // طبعا الام تخاف على ابنها من تصلط الزوجة وامور اخرى لهدا تحب تعرف كل شيء ..انت بينيلها العكس اهديلها هدايا عامليها كاامك ..وخصوصا في العيد ...اما الامور الخاصة باابناءها وبناتها المتزوجين وغير المتزوجين فهدا الامر لا يخصك ولا يعنيك بالعكس هو يريحك من القيل والقال .واهتمي بااطفالك ولازم تكوني رزينة في الكلام والحوار في الامور الجادة فقط

طبعا الام تخاف على ابنها من تصلط الزوجة اخي وهي( العجوزة )لماذا تسلط على زوجها في كل شئ? و بنتها يتسلطوا على ازواجهم? حلال عليهم و حرام علنا هذه انانية و غباء
اما عن نعرف كلش عنهم امرهم لا يهموني بتاتا هذا مثال مدتهملكوم بلي اسرارهم اخبهم

[مريم الصابرة]

اول حاجة منزعف من حتى كلام لتوجههلي لي انا اصلا طرحت مشكلتي للنقاش

السلام عليكم
شكرا لتقبلك الرد اختي
على اسرار دارنا تع خويا رحل واختي عادي جات الهدر هاك كونا نحكوا انا مقلتش يحكي يماه حاجة تفها كيما هذه وحنا نروحوا درنا اسما خطرات يتلقى مع اخي و يحكي مع ابي
نبهيه قوليلو أمور دارنا ما تحكيهاش اهدري معاه هذي ما فيها والو ولكن تندعرت الان من جهتي ولكن بابا منقدرش نقولوا واش تهدر واش متقولش لا اكيد راه وليد الدار وباباك او خوك يحكو قدامو نورمال ونورمالمو هو ما يعاودش الهدرة او يخرج أسرار مهما كانت صغيرة
اما تع العيد اذا حب يروح وحدوا الله اسهل انا نقعد في داري مش في دارنا راكي غالطة مي معليش إنت حرة ولكن هل زوجك ما يزعفش وتخليه يدي عليك نظرة واش موقفو قدام نيا خاوتو وخاوتو لما هو يروح وحدو إنت خمي في راجلك ماشي فيهم
لانو ما يقدرش يجبرك تعاوني اهلو يماه تحمي دنيا بالعياط حتى هذاك العيد متحسيش به صرات العام لفات
مرت لوسي
يا اختي راهم الحماوات اغلهم هكذا وهذا عيد فيه عياط وفيه ذراري يدابزو وفيه مناقرة ونهار ويفوت العيد تتصفي فيه القلوب ماشي تقنطي روحك فيه
اخواتي ذكور والله والله يما ماتشوف حتى دورو منعدهم الحمد لله ابي كافي روحوا
يا اختي ولو باباك كافي روحو نورماملو بلاما يقولهم اهلك يمدولهم اختي هذا واجب وهذا امر ربي طلبو
ياختي باش نرجعوا خير ولدنا مش لازم بالمال هذا تفكير خطا تع اغلب العجايز و الجزائرين تع لازم يصرف عليها باش ارجع تعبهم كاين حلات تع الابناءيصرفوا على ولدهم ولكن ولدهيم مشتقين باش اشفوهم ولا يسمعوا اصواتهم اختي المهم حسن المعاملة ليهم و زيارتهم وانا لوكان كان عندي المال الكافي و لو حتى كانت عندنا دار خاصة مش كل عام نحوس على وين نكري نعيش و نعيشها
شكرا لمررك اختي

راكي قلتيها بنفسك ماشي لازم المال لازم حسن المعاملة يا اختي نت راكي متقلقة من عجوزتك وهي بعيدة عليك يعني لو تعيش معاك كيفاه ما تقدريش تتحمليها وهل كاين واحد يرمي يماه تخيلي برك لو ما عندهاش وين تروح وبعقليتها هذي جات عاشت معاك إمالا تقوليلو ديها لدار العجزة لالا اختي لازم تكبري قلبك عارفة قلقاتك وممكن دخل روحها بزاف فيك وتحب تعرف كل شي لكن واش ديري هذي يماه ما عندك ما ديري إنت قادرة ما تروحيلهاش وما دوريش جهتها لكن إنك تقولي ماشي لازم يمدلها المال لالا راكي غالطة ربي يغضب عليه ولو عندها معليش هو يربح دعاوي الخير قد ما يمدلها ربي يعطيه الخير في صحتو ويحفظلو اولادو وإنت اكيد تحبي الخير لراجلك
واش نقولك الله يفرج عليك وما تقلقيش روحك وما توصليهاش بلأهلك لانو امر بسيط طولة بال منك برك تمشي الامور
شكرا

[الألماسة]

اختي الكريمة انتي بعيدة 400 كلم على عجوزتك و تقولي المشاكل؟
يا اختي واش راح يصير اذا كنتي معاها في دار واحدة؟
يا اختي اتقي مولاك و انعلي بليس
انا كنت معاهم في دار واحدة و ما نعرفش اسرارهم و ما يهمنيش نعرفها لانها ما تخصنيش
اذا انتي زوجك يحكي اسرار دارك كيما قلتي احكي معاه مباشرة و لكن
ان كانت اسرار واش شريتي و وين رحتي وووووو يا اختي هذي مش اسرار
و اذا على المصروف ما عندكش الحق تدخلي اصلا لانها امه و من حقو انو يصرف عليها
المهم انتي ما تخصك حتى حاجة
و عن الذهاب في العيد يا اختي الكريمة خافي ربي هذا عيد و انتم مش متخاصمين
و المسلمين لازم يتسامحوا و يزوروا بعض في الاعياد فما بالك ان كانت ام زوجك
انعلي بليس و روحي عيدي عن دار شيخك و اضحكي و العبي راكي في نعمه و ديري في بالك حاجة
ما يبقى غير العيب

[oum imane83]

انا من نفس راي الاخوات الماسة ومريم .....

علابالنا كامل كيفاش راهي العلاقة بين الكنة والعجوزة قليل بزاف وين تكون العلاقة مليحة بيناتهم .. لكن في غالب الحالات نار ديما شاعلة بيناتهم خاصة ادا كانة يسكنو مع بعض لان الكنة تحب تحس بقيمتها و حريتها وتكون في مملكتها الصغيرة و العجوز ثاني تحب تكون سيدة البيت الاولى كل شيء يكون تحت عينيها و تصرفها وفي داخلها ماتقبلش شخص اخر يقاسمها بيتها هدا الي يجعل الجو مكهرب بيناتهم
لكن كي تكون كل واحدة في دارها علاش تكون مشاكل ..كل واحدة عندا استقلاليتها وحرية التصرف كما تحب
شوفي اختي راكي في دا وحدك ديري واش تحبي تلبسي كما حبيتي .تاكلي كيما حبيتي اسرار البيت تبقى ديما بينك وبين راجلك ادا عندنا كامل هاد الشيء واش نزيدو نطلبو .... ..

وحتى تسمعي كلام ولا تصرفات ماشي مليحة طنشي ومادريش عليها كني دكية وتصرفي بحكمة ..خلي الاحترام والقدر بيناتكم و ماتقطعيش علاقتك بيهم و ماتخليش راجلك يكره امه راهي امه واحد مايعوض مكانتها .. وانت ادا رحتي ساعدتيها مافيها والو دير الخير في وجه ربي . .
تفكري برك انه كاين نساء الي يسكنو مع عجايزهم و كارهين مي وهكداك صابرين ..راكي في نعمة و ماتخليش الشيطان يخرب عليك حياتك