حب الشباب

[مشكلتي]

انا فتاة عدي حوالي 7سنوات وانا نعاني من حب الشباب عمري 17 كرهت روحي نهائيا وانا كل ليلة مع الكريمات والمشكل اني بيضاء ويبانو لي طراس وكي حبست الكريمات ورجعت نقرى للثانوية راكم علابالكم اللي يجي عاقب عنك يتبسم ويستشفى فيك عدت كل يوم روح نبكي هوما كامل وجوهم مرايات حتى الذراري وليت نتقلق بزاف وقلت منزيدش نروح نقرا سمعت بالدواء اسمو الكوراكني يشكرو فيه بزااف بصح مخاطر نتاعو كثر من الفوائد اللي يعرف واحد مجربو ولا جربو يفيدني الله يستركم ويعطيكم ما تتمناو راني مليت وكرهت روحي وليت ستنى غير في روحي وقتاش يجي غدوا و نكبر ونتهنى

[أناييس الربيع]

السلام عليكم ورحمة الله وبركاته أختي

تحدثتي ع كوراكني وقلتي شكروها لانك متبعة مثلنا المحرف

اسال المجرب ومتسالش الطبيب ولي أصل المثل اسال المجرب ومتنساش الطبيب

أ؟ختاه نصيحة لوجه الله أخطيك من الكريمات ومشتقاتها راهي غير تزيد عليك

كاين طبيب مختص في الامراض الجلدية بولاية سطيف

مكانش واحد راح ليه من أجل حب الشباب ومارجعش وجهو مراية

ولست هنا للتشهير بالطبيب لكن شهادة الجميع له بالكفاءة وأكيد الشفاء بيد ربي

واياك تفكري تحبسي قرايتك وأي معلومات واستفسار راني هنا

[* الحلم سكر *]

شوفي اختي العزيزة هو لازم يتداوى بمراقبة طبيب و مام تكبري انا مرت خويا قاتلي راح نهبل قالولها تتزوجي يروح راها ب 2 اولاد تباترك الله و مازال

و درك نحكيلك تجربتي بالتفصيل و نجاوبك على كوراكني
انا كان من سنوات طويلة و اكثر عام كنت اوللى جامعي تقول وجهي محروق رحت لطبيب جلد ساعدني الدواء مي تعرف العادة غير يرتاح نحبسو وحدنا و بحكم الدراسة ما عنديش بزاف وقت
المهم فاتت و بقى مرة يطلعلي مرة يروح العام اللي فات بعدما قلت تهنيت رجع بطريقة قلقتني درت * ارادة * و رحت للطبيب قالي لازم تكملي للاخير حتى و يبانلك راح لازم تكملي
3 اشهر تحسن وجهي بزاف و راح الحب مي كملت التراتمو باه نعالج اثار الحب و الحمد الله وجهي رحمة ربي

كوراكني مثلها مثل اغلب دواء حب الشباب في الاول تهيج الحب و يطلع بزاف حتى تقولي الطبيب وخذلي وجهي مي لا اداك هو العلاج و من بعد يبدا و يتحسن
هي قادرة تشيح الفم الوجه و كذا مي انا نقلك شو فيلك طبيب مختص و تبعي معاه انا كان كل شهر يبدلي استعمال الكريمات وصلت نستعمل 3 كريمات بما فيهم كوراكني كل ليلة واحدة

تبعي الطبيب للاخير و ما تفشليش و ربي يشافيك
أثقي في روحك ما تتعقدي ما والو ماراهمش يشوفو معاك انتي لي حاسة بيها .. و حتى كان يشوفو ماشي بالضرورة يشوفو مع الحب انتي لي بيدك تبيني نقطة ضعفك او تنسيها
ربي يوفقك

[moufid04250]

تساؤلي موجه الى اناييس الربيع
اريد اسم الطبيب الموجود في سطيف و اين اجد عيادته ...... و جزاكم الله كل خير.

[lola22]

سلااااااااامو انا الصراحة نغسل بصابون ايديال هاااايل
+++++++++++ كاين طبيب ملييييح بزااااااااااااف في خنشلة الناس كامل اتروح لعندوااا .. راهو قاري في حامعة فرنسا وعندي خبرة الله يبارك

[abouzahir]

السلام عليكم ورحمة الله وبركاته أختي

تحدثتي ع كوراكني وقلتي شكروها لانك متبعة مثلنا المحرف

اسال المجرب ومتسالش الطبيب ولي أصل المثل اسال المجرب ومتنساش الطبيب

أ؟ختاه نصيحة لوجه الله أخطيك من الكريمات ومشتقاتها راهي غير تزيد عليك

كاين طبيب مختص في الامراض الجلدية بولاية سطيف

مكانش واحد راح ليه من أجل حب الشباب ومارجعش وجهو مراية

ولست هنا للتشهير بالطبيب لكن شهادة الجميع له بالكفاءة وأكيد الشفاء بيد ربي

واياك تفكري تحبسي قرايتك وأي معلومات واستفسار راني هنا

من فضلك بنيتي...انا من سطيف...اعطينا اسم هذا الطبيب...

[hamza touazi]

اختيتوو شوفي انا مراحش نقولك ديري وديري مي دوكا كاين التاويل وخاصة لبنات تقدري ديري كريمات وكاين بزاف صوالح العسل مثلا ولا بزاف زيوت طبيعية ومتلطيش فالحب بزاف باش ميزيدش وعمرك لا تحشمي واحد مراه كامل كل واحد فاش ناقص الحمد لله نتي راكي بصحتك وكل شي ولمسكين عندو عظو ناقص او اي ي الحمد لله ربي يافيك ان اء الله متقلقي روحك راني حاس بيك والله

[naamane3]

توقفي عن اكل الدهون
الشحوم و جلود الدجاج وزيت الزيتون والزبدة
واعتزلي الصابون المصنوع من الدهون الحياوانية
وداومي على صابون الطرف كيما يقولو
وباذن الله سيتحسن حالك

[راية الاسلام1]

السلاام عليكم
يا اختي انا ساعطيك حلين
الاول: زياارة طبيب مختص في الامراض الجلدية
الثااني: الثقة في النفس، وفي ما اعطاكيه الله
موفقة

[salem1985]

انا اقول لك افضل حل هو استعمال الليمون والانقاص من الاغذية الدسمة واستعمال صابون و لابدا من ان تري انك الحمد لله فهناك معاقين ومكفوفين احمدي الله وربي يوفقك

[المنصور3]

مثلما قال الإخوة توقفي عن الأكل الذي يحوي الدسم ، و حاولي زيارة طبيب مختص هذا أفضل حل
المهم ثقي في نفسك ولا تكثري من النظر في المرآة لأنها تعطي صورة خاطئة تماما عن مظهرك غير ما يراه الناس إن شاء الله تشفين في أقرب وقت و اعلمي يا أخت أن هناك من هو أكثر مما ترينه في نفسك بكثير

[mimass]

اختي حب الشباب هو امر طبيعي لا تقلقي منه هو نتيجة عدة عوامل من بينها الهلرمونات وكثرة اكل الماكولات التي تحتوي دسم انصحك بماء الورد استخدميه كل ليلة وسترين الفرق كبير سينقص ظهور الحب ا واستخدمي منقوع القرنفل بودرا في الماء اغسلي وجهك بماءه مع تجنب منطقة العينين جربي وان شاء الله ستعطيك نتيجة

[anise2011]

تبعي الطبيب للاخير و ما تفشليش و ربي يشافيك

[knives66]

افففف واش ما عندكمش ثقة في روحكم واش تسمعوا لناس

انت غير حب برك خلاك تكرهي حياتك

انا مرة حكمني champignons (فطريات ) علبالك وليت نبان كي شغل واحد محروق

جلدي كل تقشر ونورمال نروح نقري ونضحك والله مراني جيبها في واحد

وكان عندي حب شباب ما عملتلو والوا راح وحدوا

وراني لباس عليا عليا اليوم


نصيحة ما تكثريش كريمات اخدمي بوحدة برك و إستعملي صابون طبيبي تلقايه في فرماسي

وروحي لطبيب الجلد أفضل من طبيب عام

وما تبقايش تبعي واش يقولوك ناس مكمش كل كيفيك ممكن هو صلحتلوا انت لا

راه كاين إختلاف في بشرة و بنية جسدية

[رونق البسمات]

اختي كانت تعاني حب الشباب حب كارثي لكن الان الحمد لله وجه تاعها صافي مرايا و هي عالجت عند طبيب بولاية تبسة
ان اردتي اختي يمكن ان اقدم لك العنوان حقا افادها و هو معروف
اختي عالجت كثيرا في قالمة و باتنة و الجزائر العاصمة لكن الدواء من هذا الطبيب جعل الله به شفاءا لها

[امراة استثنائية]

اياكي تستعملي اي نوع كريم

انا ايضا كنت هكذا واستعملت منضفات وكريم وصزابين واشياء كثيرة

لكن الحل هو ان اتركي بشرتك

ويجب عليكم الالتزام فقط ب

اغسلي وجهك كل يوم ان كانت بشرتك دهنية
ولا تستعملين اي نوع كريم او اي مستحضر
ولا تلمسين وحهك ويدك غير نضيفة ابد
ولا تمسحي وجهك بالمنشفة العادية الخشنة فقط الناعمة
لا تكثري من اكل الدهنيات

[مياسم الصمت]

السلام عليكم ورحمة الله وبركاته

الاخوة الأفاضل
وضع أرقام الهواتف وكل وسائل الاتصال عبر المشاركات مخالف لقوانين المنتدى نرجو فضلا الالتزام

يمكن ذلك مباشرة عن طريق الرسائل الخاصة ومن تعذر عليه ذلك فهناك التحويل عن طريق المشرفين

************************************************** **************************************************



الأخت صاحبة المشكلة نصيحة تابعي العلاج لدى مختص

لا تستعملي الكريمات بطريقة عشوائية فقد تزيد من تعقيد الأمر خاصة الدهنية منها

استعملي الصابون المضاد للبكتيريا الذي باع لدى الصيدليات اغسلي به يوميا ويمكنك الاستعانة عن تجربة بصابون الكبريت
لكن لا تغسلي به يوميا لأنه يجفف البشرة لكنه يقلل من افراز الدهون التي تسد مسامات البشرة وتسبب البثور

وان لم يتوفر استعملي الصابون العادي(( صابون الطرف او الحجرة كما يقال في بعض المناطق)) يخفف من تهيج البشرة


لكن لا تستعملي الصابون المعطر قد يسبب حساسية للبشرة

ما ذكرته لك هو عن تجربة

ربي يشفيك لكن اياك و التفريط في دراستك من اجل شيء مؤقت سيزول مع الوقت

[moufid04250]

اعطينا اسم الطبيب اللي في تبسة - بارك الله فيك

[May-nour]

حب الشباب لازملو الطبيب واخطيك من الخالوطات هادوك كامل
وواي طبيب تروحي عندو يعطيك نفس التراتمو ..........كاين دي بوماد كيما اير اكني ودفتيرين وكاين كاشي كيما curacne
و كور اكيني هدا فيه درجات 5 /10/20 على حساب درجة حب الشباب او الطبيب يبدالك بدرجة من بعد شهر يبدل حتى يروح
مالا انت متقلقي روحك ماوالو صح حب الشباب يحبط المورال مي لااااااااااااازم الطبيب سورتو ادا كان بززززززززاف
انا اختي وجها كان كارررررررررررررررررررثة وراحت للطبيب عطالها مع اللول لي بوماد مادارولها والو مي كي عطالها كوراكني 3 اشهر سبحان الله وجها ولى صافي
وهدا الدواء هو المليح كامل عندو بززززززاف اعراض سلبية كيما يقولو مي اختي مدارلها والو الحمد لله
مالا غير روحي للطبيب

[achwak.1993]

كوراكني صح مليح بصح كيما قلتي عندو مضاعفات
من الأحسن تروحي عند طبيب هو يحددلك مدة العلاج و شحال من بوات ما تشريش وحدك

[nature86]

السلام عليكم انا دهبت عند الطبيب و عطاني غير كاشي واحد dian35 و مشهور بزاف هدا الدواء