يوم رؤية الفتاة ؟؟

[Some1]

السلام عليكم
انا ذاهب مع شخص لرؤية فتاة و هي ابنة أخيه , ذاهب لوحدي أولا و ليس مع اهلي، قلت له ان اعجبتني و اعجب أهلها بي ارجع انا و اهلي.
لاني لا اعرفها و لا يعرفونني .انا و عمها فقط نعرف بعضنا.
هل هناك عيب في هذا ؟
هل يجب ان اخذ معي شيء (حلويات مثلا) ؟ وماذا تقترحون علي ؟
كشما تزيد تنصحوني ؟ واش نهدر ؟
.
.
.
.
.

تعديل :
المشكل تاع واش ندي تحل
انا قلت لعمها اني نجي وحدي برك في المرة الأولى لكان عجبتني اني نرجع مع العايلة .عمها ما قال والو يعني وافق
يخي ماهيش عيب ؟

[first first]

اولا نبداك بالساهلة اولا ولي مافيهاش اختلاف......نعم ماتدخلش بيديك فارغين...... ماعلاباليش واش لازم تدي .. الحلولى يقولو عليها دايما مليحة.
وتانيا انا تبانلي عادي كي تروح تشوفها اولا دون اهللك..لكن كيما اهلها عندهم راي فيك اهلك عندهم راي فيها وفي ماليها........تدي امك تاني مافيها والو.براكة.
ومع هدا ادا حبيت تروح وحدك .ماشي حرام.
مع اني شخصيا نشوف بلي تدخل انت تاني ماليك.....هوما تاني خليهم في الواجهة..حاجة مليحة...قال قال يتعارفو.كملت اللهم بارك .ماكملتش ماش رايحين تعيشو عندهم.
وفي الاخير نقولك .شوف يااخي لي يريحك ويخرج عليك
والله اعلم.

[حـــــــــــــــــوِيتَة]

حبذا لو أنك تأخذ الوالدة معك لكن بما انك بمفردك ممكن نوعين من الفاكهة وعصير انت وقدرتك ولا تكثر حتى لا تحرجهم ^_^ الله يسهلك أخي وتعجبك العروسة آمييييبن

['مــــــــــــرجان نينو']

سلام عليكم ورحمة الله .

من الاحسن ان تقل للوالدة اني ذاهب لرئية الفتاة . وذهب لوحدك باش ماتحرجش عائلتها وادي شوية فاكهة وعصير ا .

اذا عجباتك . ارسل اهلك لرؤيتها وولتعرف على العائلة.

وبعدين شوف راي عائلتك وقرر.

ربي يوفقك لما فيه خير انشاء الله .

[Some1]

انا ثاني معول ندي العايلة اذا عجبتني و اعجبتهم
الوالدة تاعي عمبلها

كشما تزيد تنصحوني ؟ واش نهدر ؟ اني علبالي بلي ذرك نتبكش خخخ

[آنثى آلمطر]

اخي من احسن تدي معاك بابااك ولاعمك
يكون واحد كبير باه عاسلة طفلة يقولو قدرنا


متروحش وحدك
ممكن يدو عليك نظرة ماشي مليحة

[حـــــــــــــــــوِيتَة]

انا ثاني معول ندي العايلة اذا عجبتني و اعجبتهم
الوالدة تاعي عمبلها

كشما تزيد تنصحوني ؟ واش نهدر ؟ اني علبالي بلي ذرك نتبكش خخخ

مادام نيتك صافية وناوي الحلال الهدرة اتجي وحدها اني نحكيلك على تجربة خطيبي جا وحدو وشبع هدرة وضحك مع أبي وخاوتي ومن بعد 15 يوم جا مع اهلو

['مــــــــــــرجان نينو']

خو راك قاصد لحلال ماتحيرش راه ربي معاك .

اعطيها بحطة زينة فح فحها بريحة .شوية كوراج . ادخل عادي . لوح سلام . عرف بروحك شوية وبسط الأمور.

وادخل في المفيد قلها راني ناوي لحلال . وجيت نشوف في الشوفة الشرعية .وراه كل شيء بالمكتوب . وتكلم واقعيا ماتزيد ماتنقص .

وفي الأخير قلها حنا ناس خير ورانا في دار خير ومايكون انشاء الله غير الخير.

[النجمة القطبية]

اخى الكريم
خذ يماك او خالتك او اي واحدة كبيرة واحدة فقط تكفي
وطبعا خذ معاك حلوى باتيسري وفاكهة
وشوفها عادى هذا من حقك واذا معجبتكش خلاص متعقدهاش
لكن اطرق الباب حسب الاصول مع الوالدة وباطا حلوى ما داو ما جابو
اما رايح وحدك ويديك فارغين وتشوف الطفلة شخصيا نشوفها مجاياش وكل واحد وكيفاه يشوف
موفق

[anise2011]

الله يسهلك أخي وتعجبك العروسة آمييييبن

[salem1985]

انا ارى ان العائلة كي تقدرها لازم تروح انت والوالدة وتم يعرفوا بالي كبرت بيهم وتدي معاك حاجة مثلا حلويات وفواكه حسب المستطاع ورائحة لاني ارى ان الرائحة هي احب هدية للنساء ودعي لينا ربي يوفقنا ونكملوا ثاني دينا

[Some1]

المكان بعيد

[مريم الصابرة]

السلام عليكم خويا
الف مبروك مسبقا من رأي إدي معاك يماك ما فيها والو زيارة عادية شوفها وتشوفك ومن بعد لما ترجعو للدار تشاورو كان عجبتكم عاود إتصل وحدد نهار للخطبة الرسمية ودي معاك باتيسري وشوي فاكهة عادي كانكم ضياف
ومن رأي عادي لو ما عجباتكش عادي لانكم راحين شوفو ماراهيش خطبة
اصلا ماجاياش تروح وحدك ويماك كاينة لالا من الأحسن تديها معاك
موفق

[محمد جديدي التبسي]

عادي تقدر تروح وحدك المرة الأولى وربما هذا أحسن في نظري حتى تتعرف على والد الفتاة وتعرف معلومات على عقليتهم وسمعتهم
ربي يفتح عليك

[Some1]

مارنيش خايف من الموافقة
انا راني منعرفش غي هادو الحوايج
مانيش حاب يقولو او مقدرناش و لا ماعندوش عايلة
اذا ماعوش عيب . انا نفضل نروح وحدي اولا

[ZACOYOUS41]

السلام عليكم
انا ذاهب مع شخص لرؤية فتاة و هي ابنة أخيه , ذاهب لوحدي أولا و ليس مع اهلي، قلت له ان اعجبتني و اعجب أهلها بي ارجع انا و اهلي.
لاني لا اعرفها و لا يعرفونني .انا و عمها فقط نعرف بعضنا.
هل هناك عيب في هذا ؟
هل يجب ان اخذ معي شيء (حلويات مثلا) ؟ وماذا تقترحون علي ؟
كشما تزيد تنصحوني ؟ واش نهدر ؟
.
.
.
.
.

تعديل :
المشكل تاع واش ندي تحل
انا قلت لعمها اني نجي وحدي برك في المرة الأولى لكان عجبتني اني نرجع مع العايلة .عمها ما قال والو يعني وافق
يخي ماهيش عيب ؟





انا أرفض رؤية الفتاة في البيت
تخيل يا أخي الكريم أنك ذهبت تغديتي و شربت القهوة و رأيت الفتاة و لم تعجبك

في حالة الإعجاب شئ ساهلة

أما في حالة عدم الإعجاب مشكل قد تفسد علاقتك بعمها

[Some1]

انا أرفض رؤية الفتاة في البيت
تخيل يا أخي الكريم أنك ذهبت تغديتي و شربت القهوة و رأيت الفتاة و لم تعجبك

في حالة الإعجاب شئ ساهلة

أما في حالة عدم الإعجاب مشكل قد تفسد علاقتك بعمها

ههههه
اذا لم تعجبني مافيها حتى مشكلة
و لا اذا لم اعجبها كيفكيف ماهوش عيب هذا حقها
وانا مع رؤية الفتاة في البيت و ضد الفكرة الي قولتيها .