عائلة زوجتي [الأرشيف] - منتديات الجلفة لكل الجزائريين و العرب

مشاهدة النسخة كاملة : عائلة زوجتي

مشكلتي

2014-09-24, 19:09

عندي شهرين من تزوجت

الحمد لله الحالة المادية جيده و بداري

نشرحلكم وضعيتي حتى تفهمو انا عندي بيت في عماره و مقابل لمنزل زوجتي كنت نجي للدار نطل عليها و نروح لبيت
العائلة حتى شفتها و تزوجنا و الحمد لله نعمه المراة

المشكل الان كل ما نرجع للدار لازم نلقى واحد من عايلتها بحكم انو جيران ما لقيتش راحتي نهائيا

انا منيش ضد عايلتها بالعكس سمحت لها تقعد معاهم او يجو عندي فقط كي منكونش في الدار

لكن الوضع زاد عن حدو كل شوي يطبطب عليا واحد نجي في الغدا كاين واحد يتغدى في العشا نفس الشيء

و صلت بيهم حتى يباتو معايا في الدار لانو عندي 2 كليماتيزور

و بحكم حالتي المادية الجيده و حالتهم المتوسطة ولات تبعثلهم الماكلة اتخيلو انا نجيب الفاكيه منا و هوما يجو يشاركوني فيها

قلت لها معجبنيش الحال هكا قاتلي ما نقدرش نحاوز دارنا و انا ثاني حشام و ما نقدرش نقلهم ما تجوش

راني نفكر نبيعها و نشري في بلاصه اخرى بصح نبيع نشري بدون سبب الاكيد الكل راح يتسائل

زرقـآء اليمآمـة

2014-09-24, 23:40

السلام عليكم
بما انك صارحت زوجتك وتحججت بانهم اهلها وذلك صحيح فهي لا تستطيع بصريح العبارة ان تقل لهم الا ياتوا عندها ..... وحتى انت تخجل منهم كذلك وهم ما حبوش يفهموا ارواحهم ....................... ومن حقك الشعور بذلك والحل هو الذي فكرت فيه ايها الاخ ... والاسباب كثيرة ............ وربي معاك

النجمة القطبية

2014-09-25, 00:44

اولا يا اخى ابارك لك على الزواج ربي يوفقك ويباركلك في زوجتك ودارك اللهم امين
ثانيا قالك فاما بنعمة ربك فحدث ولذلك احييك اخى انك اعترفت ان زوجتك ماشاء الله امراة صالحة وراك راضي عليها وراضية عليك ان شاء الله يعنى والحمد لله هى بداية جيدة وبالحمد تدوم النعم
حاولت نبدالك هذه البداية للتقليص من حجم المشكلة
يعنى نقولك ان المشكلة ماشي كبيرة باذن الله اذن متزيدلهاش حجم فوق حجمها لان اهم شئ في الحياة الزوجية رضا الطرفين والاتفاق بينهما وزيد الاستقلالية وانتم الحمد لله هذا متوفر ربي يبارك
الان الجزء الوحيد اللى منغص عليك حياتك ولا حياة دون مشاكل هى تدخل اهل الزوجة في حياتك وهذا منطق مدام ساكنين في نفس المنطقة
في البداية نقولك لازم عدم الاستعجال بالانتقال من بيتك
ثانيا حاول متكبرهاش في راسك وتوسع صدرك قدر المستطاع وهذا راح يحضرك للخطوة القادمة اللى راح نقولك عليها
الخطوة القادمة هى المواجهة
كيف
شوف هناك نقطتين اول نقطة تفرض وجودك امام زوجتك واستخدم حكمتك في ذلك يعنى دون عياط ومشاكل ووو لا تنغص على نفسك وتنكد عليك وعليها
انما اشرحلها باسلوب سلس مفهوم اثناء الحوار انك منزعج مما يحدث
بمعنى قل لها لست ضد انها تزور بيت اهلها او يزوروها لكن ماشي هكذا دايما ودون سابق انذار
هى تزور بيتهم في اوقات محددة كمثال نهاية الاسبوع او اسبوعين ولازم تلتزم بذلك
قلها ممنوع تفتح بابها في غيابك لاى مخلوق الا باذنك ولو بالهاتف وللضرورة القصوى وشدد في ذلك باش تفهم انك حازم في هذه الامور وتخاف على بيتها
النقطة الثانية تكون حازم مع اهلها كيف
يعنى متفتحش العين وتبان مرخوف وحشمان ومنعدم الشخصية حتى يطلعو فوق راسك
خليك شديد لكن بكل احترام وادب
يعنى عن طريق زوجتك هى تقوللهم زوجي ميحبنيش نحل الباب لاى مخلوق في غيابه ومحرس عليا وو
اذا شفت انو هذى الخطوات صعيبة عليك وحشمت من نسابك عندك حل اخر تدى زوجتك لبيتكم احيانا اثناء غيابك يعنى دار عجوزتها منها يتوانسو ومنها يتعودو اهلها على غيابها وميعرفوش مواعيد وجودها في البيت
اما اذا استحالت عليك كامل الطرق وكثرو عليك وانت شفت روحك متقدرش تتحمل ابتعد احسن وشوف بيت اخر اضمن لاستقرار بيتك ولراحتكما النفسية ولتجنب الخلافات والمشاكل
لكن في نفس الوقت راجع نفسك يا اخى اذا كانو يزوروها مرة على مرة وميكثروش وكانت ترسللهم مرة على مرة حلويات او فواكه وشفت روحك عايش في المعقول وقادر تصبر اعتبرها صدقة ومليحة ليك وتحمل في وجه زوجتك
المهم اهم شئ شوف طاقتك لا تحمل نفسك فوق طاقتها وحافظ على استقرار بيتك
موفق

bermad.abdelaziz

2014-09-25, 06:30

اصنع لنفسك شخصية

oumhana

2014-09-25, 10:25

السلام عليكم ورحمة الله وبركاته
اولا مبروك الزواج و إن شاء الله لعقوبة للذري الصالحة خويا روح غير بلعقل راك في أول الشوار بصح هذا ميمنعش باه تعلقى حل غير بالتي هي أحسن.متبيعش دارك خاطر متعرف واش راح تلقى كترحل بلاك تلقى نوع آخر من منغصات العيش تولي تقول واش اداني انا في رأيي تهدر مع زوجتك و فهمها بلي لازم هي توضع حد لهذه الزيارات المتعدده ولازم تورلها بلي مهوش عاجبك الحال .صح مذابينا نحسن للناس لي معندهمش بصح مشي على حساب خراب بيوتنا أنا نظن بلي هي من قوت راهي فرحانه بمستوى المعيشه تحب تزيخ شويه على أقاربها بغير قصد يعني تعرضهم وتحط الفاكيه وذيك و ذيك والناس معدتش تحشم والمسألهمرهيش رايحة تحبس هنا بلاك يولو يدوزنو القدره من عندها alorsإعملك همه وكن صريح و ضريف وابدا بزوجتك وهوما من بعد لكن حذاري بضرافة مشي بدواس .لا حول ولا قوة إلا بالله. قالك إذا لم تستحي فافعل ما شئت.

didoinps

2014-09-25, 10:26

يا أخي انت في خير كبير اعتبرهم فقراء واصلح نيتك واجعلها صدقة تخيل ان عائلتك فقيرة هل ترسل اليهم الأكل ام تغير السكن كبر قلبك وبارك الله فيك

loulou88

2014-09-25, 10:59

اخي لا تبسط يدك كل البسط ولا تجعلها مغلولة الى عنقك
فهمتني؟؟
استعمل ذكائك دون ان تجرح مشاعر زوجتك
مثلا مرا على مرا خرج زوجتك تتغدى برا ولا في المساءكيما قاتلك النجمة القطبية

عصـــام

2014-09-25, 12:04

أبارك لك تكملة نصف الدين مع المرأة التي إخترتها أنت ، ثانيا بخصوص الموضوع الذي طرحته ،،أعتقد تستطيع أن تخبر زوجتك بكل صراحة أن مجيئ عائلتها كل يوم يجعلك غير مرتاح في البيت ،،لأن الراحة النفسية لا تكتمل إلا بوجودك معها فقط ، ليس عيبا أن تكون هناك زيارة لأهلها مرة في 14 يوم ،،لكن أن تكون الزيارة لمجرد الزيارة فأقول لك كن حازما معها ولا تترك الأمور تفلت منك . والله الموفق .

naamane3

2014-09-25, 12:54

ناس بكري يقولو
بدل لمراح تستراح

سلواان

2014-09-25, 12:56

راني نفكر نبيعها و نشري في بلاصه اخرى بصح نبيع نشري بدون سبب الاكيد الكل راح يتسائل

السلام عليكم ...تقول ان الكل راح يتساءل لما تبيع وتشري ؟
أواه نتا طفرت فيك ..ويظهر لي أنه مكتوب عليك ممارسة دور الضحية طوال حياتك ..عيب عليك انت رجل اتخذ القرارات المناسبة في حياتك دونما توجس اراء الآخرين ..لاتظلم لاتتجاوز حدودك لكن قرر ما يناسب راحتك ...ولاشان لك بمن يتساءل ..أنت تضع نفسك داخل سجن وتقفل على نفسك ...
شوف .
لديك خيار من اثنين ..
إما تعود نفسك على الوضع الذي انت فيه وتتقبله وتروض نفسك على حبه والتمتع بها حتى ولو عدت ليلا متأخرا فوجدت مثلا أهل زوجتك يملأون الدار بحكم حاجتهم لسكنك ( جاءهم ضيوف فجأة مثلا ) ..يجب أن تتوجه الى اقرب فندق ..وتبيت فيه وحيدا شريدا وبطيبة نفس ..
وإما أن تبيع ولاتشتري دارا الا وتكون المسافة الفاصلة لايمكن عبورها الا عبر كراء سيارة اجرة وبالثمن الباهض..
أنا اقول ذلك فقط لأن وضع التردد الذي انت فيه ليس في صالح صحتك النفسية ...
وسيصييك مع الوقت بالتوتر والقلق وقد يؤدي بك الى التصرف بتشدد مع زوجتك فينقلب عيشكما جحيما ...وربي يعينك ..

TOFNINE

2014-09-25, 13:15

احسن حل لحالتك حتى ترتاح انت ولا تخسر جيرانك واحبابك قبل الزواج ونسابك من بعد الزواج
واشتترى بيت اوسع
ولا داعى لان تقدم مبررات لست ملزم بتبرير ما تفعله
وكلنا بشر ونبحث عن تغيير ظروف لحياتنا بحثا عن الاستقرار
والله يوفق فقط لا تجرح اهلها لانك ستجرحها هى ولن تنسى لك دلك ابتعد بطريقة لبقة

السيدة كرمين

2014-09-25, 13:17

السلام عليكم

مبروك زواجك

بالنسبة لمشكلتك طبيعي و بحكم قربك منهم يكونوا ديما عندك ولو كانو اهلك راح يعملوا نفس الشئ

ننصحك قبل مايطيح لقدر بينك وبينهم أو تصبح في مشاكل مع زوجتك او توصل لهجر بيتك لا

انك تبيع وتشري في مكان آخر و الاسباب كثيييييييييييرة كأنك لقيت منزل اكبر

احسن او ان الفرق المادي بين البيتين انت تحتاجوا

ربي يوفقك وحاول توسع خاطرك هذي المدة

bellaluna

2014-09-25, 15:37

loufa

2014-09-25, 16:15

هناك قريب لي عانى ممّا ذكرت و بعد كثرة تفكير وجد الحلّ :
يلبس "شورت" قصير جدّا صيف شتاء ربيع ليل أو نهار.. و يبقى في المنزل و كلّ شخص يجده في نفس الحالة لا يبقى أكثر من 5 دقائق و الان يعيش في أحسن حال

اعجبني هاذ الرد فكرة جيدة

لكن اعطيك رايي

انت راجل افرض شخصيتك واش هذا حشمت من زوجتك ام ماذا
اهدر معاها نورمال راكم رايحين تعيشوا عمر
قولها نبغي نلقا راحتي فداري والدخول والخروج كل وقت بزاف عليا انا مازالني عريس جديد
اما بخصوص الفاكهة لما تقولك اعطيتها دارنا قولنا. المرة الجاية قوليلؤ نجيبلك تعطيهمعادي مي اللي نجيب للدار خليها

واذا اردت تربح القدر احسن انك تبيع وترحل وماذابيك تقول لمرتك بهاذ الكلمة راني حب نبيع ونرحل ااني نبغي نلقا راحتي فداري لوكان عيني فلافامي راني سكنت مع اهلي
ربي يعين سلام

amine60

2014-09-25, 20:20

أسمحلي هاذو عائلة زوجتك و الله مايحشموا على عرضهم أنا منيش ضد الزيارة مي مشي ديما و الله غير عيب و كي شافوك حشام أيا لقاو راحتهم مليح
الحل يا أخي لازم تبطل شوية مالحشمة و تبدا تمعنيلهم بالشوية حتى يفيقوا لرواحهم

heureuse05

2014-09-25, 22:53

غير السكن و ﻻ حاجة ان تشرح ﻻحد ربي يسهل اخي

راية الاسلام1

2014-09-26, 15:51

السلاام عليكم
يا اخي احسن حل هو انك تغير مكاان سكنك
قوللهم الماء يقطر عليا من فووق
شوف سكن اقرب الى عملك
دير اي سبة المهم لاازم تبعد والا المشااكل رااح تكبر وراح تووصل لوقت ماتقدرش تصبر فيه وتصرا مشااكل بينك وبين زوجتك
موفق

hodahodahoda

2014-09-27, 10:23

انت رجل طيب اكيد تعامل عائلة زوجتك باحترام
تقول ان زوجتك طيبة و نعمة المراة
الحمد الله بارك الله لكما

تكلم مع زوجتك براحة و بهدوء
يجب ان تكون لكما حياة خاصة
و يجب ان يعلم اصهارك انهم تجاوزا الحدود نوعا ما دون قصد

زوجتك تكلم اهلها ان يخففوا ارجلهم قليلا

anise2011

2014-09-27, 10:54

ناس بكري يقولو
بدل لمراح تستراح

first first

2014-09-27, 14:33

اصبر راك جديد
هي فهمت بلي تقلق.........................دوكة بالشوية تلقى حل من عندها....قادرة توصي يماها تفهم خوتها.
ماتكبرهاش.........علابالك كون ماجاوش مقدرينك ومرتحينلك.والله واحد مايدخل دارك..والله يكون عندك مال قارون.................احمد ربي

wafwaf8471

2014-09-27, 14:51

ana ngolik khoya ghir ar7ale w khali halhom c nn matifrach maahom