المترشحين الأحرار 2015 ... ( نقاش )

[ai*cha]

السلام عليكم .. :mh92::mh92:
لكل المترشحين الأحرار .. لنتناقش في عدة جوانب منها :
- تنظيم الوقت
- أوقات المراجعة
- المواد التي ستركز فيها أكثر
- نقاط القوة . الضعف .................... :19::19:
:) كل واحد يجاوبنا ... :):34: شكرا :mh31:

[امل مشرق]

اختي انا ايضا اجتهدت كثيرا العام الماضي و كنت كن الاوائل ولكن للاسف مشيئة الله تحصلت على 13 في البكلوريا اظن انه لتفوق و الحصول على معدل عال يجب دراسة المواد العلمية مساء و حل اكبر عدد ممكن من التمارين و الاستيقاظ مبكرا للحفظ وعدم الاكثار من المراجع خاصة خاصة في مواد الحفظ ولا تنسي النوم مبكرا وكذلك الاهتمام بجميع المواد مهما كانت ولا تنسي وقت الراحة فهو اساس استمرارنا و تجديد طاقاتنا وفقك الله اختي

[ai*cha]

نعم .. شكرا أختي أنا أوافقك

[*masaa*]

متى وقت التسجيل

[ai*cha]

أختي كوني كثيرة التردد على السيباار .. التسجيل ربما في أكتوبر

[mimi-2014]

السلام عليكم
انا ساجمع بين دراسة الباك والجامعة لان اغلب اوقات الدراسة في الجامعة منقروش عشية
نقاط قوتي العلوم والفلسفة واللغة العربية والضعف الفيزياء والرياضيات
وساركز عليهم هوما لي هبطولي المعدل اذا حبيتي نتساعد

[seme]

سلام انا حرة ز نشالله باه نبلوكي العام لانني منقدرش نوفق بين الجامعة و الباك خاصة الواحد حاب يجيب معدل عالي نشالله لازم يركز في حاجة وحدة بالنسبة لي نقرا صبحا وعشيا و دخلت دروس خصوصية كان رياضيات درك راني في دوال العددية و فيزياء بعد العيد نشالله ندخل للوحدة 2 و العلوم نحل في تمارينات الوحدة 1 و 2 راني الحمد لله ماشيا و لازم الاحرار كامل يديرو وقت خاص بيهم و يلتزمو psk ماش ساهل باه تلتزم وحدك ...... بالتوفيق

[mimi-2014]

انا محبيتش نبلوكي العام لان اوقات الدراسة قلال اغلب الايام منقراش عشيا
مزال منبدا ندرس راهي تالفتلي باش نبدى اختي معليش تقوليلي كيفاش راكي تقري

[mafia03]

متى التسجيل للبكالوريا احرار وكم حقوق التسجيل علما اني لم انجح من قبل في البكالوريا

[My aim is paradise.]

انا محبيتش نبلوكي العام لان اوقات الدراسة قلال اغلب الايام منقراش عشيا
مزال منبدا ندرس راهي تالفتلي باش نبدى اختي معليش تقوليلي كيفاش راكي تقري

حتى انا قلت هكا لقيت اغلب الايام منقراش لعشية منبلوكيش نحاولو نوفقو بين الدراسة للجامعة و البلك ;)

[mimi-2014]

اختي ماهو تخصصك في الجامعة

[ai*cha]

و أنا ثان رايحة نبلوكي العام و نتفرغ للباك وحدوا .. بالنسبة لنقاط القوة عندي الرياضيات - العلوم - الاجتماعيات - الفلسفة .. ونقطة ظعفي الوحيدة هي الفيزياء سأتدرب عليها أكثر :) عن طريق حل الكثير من المواضيع .. بالنسبة لتنظيم الوقت سأقوم بحل كل يوم 6 تمارين يوميا في كل مادة علمية .. الاجتماعيات + الفرنسية + الانجليزية سأركز عليها في الفصل الأ"خير .... الفلسفة + الشريعة سأركز عنها من بداية السنة أدرسها مرة في الأسبوع
مــــــــــــــــــــــــــــــــــــــــــــاذا عــــــــــــــــنـكــم ؟؟

[seme]

انا بربي الشهر الجاي نبدا في التاريخ و انجليزية و عربية + فلسفة بانسبة للعلوم شرغعية نبدا في جانفي و la revesion ممكن اخر شهر جانفي كان سهل ربي

[ai*cha]

ان شااء الله بالتوفيق .. في الباك :) :)

[My aim is paradise.]

اختي ماهو تخصصك في الجامعة
رياضيات و اعلام الي وانت ?

[My aim is paradise.]

و أنا ثان رايحة نبلوكي العام و نتفرغ للباك وحدوا .. بالنسبة لنقاط القوة عندي الرياضيات - العلوم - الاجتماعيات - الفلسفة .. ونقطة ظعفي الوحيدة هي الفيزياء سأتدرب عليها أكثر :) عن طريق حل الكثير من المواضيع .. بالنسبة لتنظيم الوقت سأقوم بحل كل يوم 6 تمارين يوميا في كل مادة علمية .. الاجتماعيات + الفرنسية + الانجليزية سأركز عليها في الفصل الأ"خير .... الفلسفة + الشريعة سأركز عنها من بداية السنة أدرسها مرة في الأسبوع
مــــــــــــــــــــــــــــــــــــــــــــاذا عــــــــــــــــنـكــم ؟؟
نقطة قوتك الفلسفة و انا نقطة ضعفي ممكن تمديلي نصائح كيفاه ندي مليح في المادة ادي :( وشكرااا مقدما :)

[seme]

اه ختي واش المراجع لي تعتمدي عليهم

[selma07]

aicha momkin ta3tini fcb ida 3indik ok,

[selma07]

السلام عليكم .. :mh92::mh92:
لكل المترشحين الأحرار .. لنتناقش في عدة جوانب منها :
- تنظيم الوقت
- أوقات المراجعة
- المواد التي ستركز فيها أكثر
- نقاط القوة . الضعف .................... :19::19:
:) كل واحد يجاوبنا ... :):34: شكرا :mh31:


plz ida 3indik fcb a3tihouli ok meme ana je refaire mon bac :mh92:

[amoulette]

السلآم عليكم
انا تاني راني دايرة تخصص رياضيات و اعلام آلي
و مانيش حابة نبلوكي
واكثر حاجة مخوفتني هي الفلسفة (فالباك ديت 6)

[mimi-2014]

انا تخصصي علوم طبيعية
الفلسفة تحصلت على 13.5 صراحة كتبت المقالة وحدي بدون حفظ كانت عندي افكار وجمعتها واكثرت من الامثلة والاقوال
والصديقتي كتبت مقالة الاستاذ تحصلت على 8
اهم حاجة يكون تعبيرك

[piérre de lumiére]

انا تخصصي رياضيات واعلام الي وناوية نقرا في الجامعة ونعاود الباك تاني كشما عندكم برامج تع مراجعة ولا طرق

[مهدي نوميديا]

سلام
انا بروغرامي مهوش شارجي نقدر نوفق بين الدراسة في الجامعة والدراسة للباك
انا جيدة في الرياضيات والفيزياء مشكلتي الوحيدة العلوم رغم اني نحبها وديما نقراها الا اني بلا جدوى
اتمنى تعاونوني فيها وبالتوفيق للجميع

[mlimlou28]

سلام وعليكم أنا تخصص لغة انجليزية.....ورح نعاود الباك ان شاء الله ربي يوفقنا ويعطينا واش رانا متمنيين

[فريال العلمية]

السلام خواتاتي انا تاني راني حابة نعاود الباك حرة ان شاء الله مي انا نقرا بيولوجي و نعاودو لازم نتعاونو ان شاء الله باش نزيدو فالمعدل
انا نقاط الضعف نتاوعي الرياضيات و الفيزياء
نقاط القوة العلوم و الفلسفة و العربية ........
لازم نديرو وقت نبداو فيه ان شاء الله
رب معانا و ينجحنا

[ali1994k]

ربي يوفقكم ان شاء الله
انا عاودت الباك وراني نقرا طب ضرك والحمد لله

[شمس* الأصيل]

ربي يوفقكم ان شاء الله
انا عاودت الباك وراني نقرا طب ضرك والحمد لله

slt .............si ça ne vs déronge pas donnez moi ton fb .............je veux vs questionner

[ahmed-fort]

اطلبو من المشرف تثبيت الموضوع
لازم موضوع للاحرار 2015

انا راني راح نبلوكي و نقرا قد قد

هل صحيح مش كيف كيف التصحيح تاع الاحرار و تاع النظاميين

[sebagh]

السلام عليكم
انا المرة الثالثة ان شاء الله نقاط القوة العلوم والرياضيات والفيزياء ونقاط الضعف الفلسفة الادب العربي .
اي استفسار انا هنا

[seme]

اا لازم الاحرار من درك يبداو مايقعدوش ياخرو في بداية المراجعة و التحضير لازم لي حاب يعاود يعاود قد قد ولا يروح يشوف حاجة اخرى رابي يعاوناااا اه نفسي في معدل باهبني للمدارس العلياااا

[ai*cha]

نقطة قوتك الفلسفة و انا نقطة ضعفي ممكن تمديلي نصائح كيفاه ندي مليح في المادة ادي :( وشكرااا مقدما :)
أنا الفلسفة نفهمها ما نحفظش بزاف فقط نرسخ بعض المفاهيم الضرورية + اتباع المنهجية و توظيحها في و رقة الاجابة ... مع جمع الكثير من المقالات من أساتذة و صياغتها باسلوب جيد .. بالتوفيق
اه ختي واش المراجع لي تعتمدي عليهم
بزاااااف مراجع في جميع المواد :mh31: ابحث في مواضيعي تجد موضوع لي حاطة فيه كل مراجعي

[ai*cha]

aicha momkin ta3tini fcb ida 3indik ok,
عندي .. حوسي على Aicha Aicha كيما هاك تلقايني و اذا مالقيتيش قوليلي :mh92:

[ai*cha]

السلآم عليكم
انا تاني راني دايرة تخصص رياضيات و اعلام آلي
و مانيش حابة نبلوكي
واكثر حاجة مخوفتني هي الفلسفة (فالباك ديت 6)
بالتوفيق :mh31:
انا تخصصي علوم طبيعية
الفلسفة تحصلت على 13.5 صراحة كتبت المقالة وحدي بدون حفظ كانت عندي افكار وجمعتها واكثرت من الامثلة والاقوال
والصديقتي كتبت مقالة الاستاذ تحصلت على 8
اهم حاجة يكون تعبيرك
أوافقك الرأي :19::19:
انا تخصصي رياضيات واعلام الي وناوية نقرا في الجامعة ونعاود الباك تاني كشما عندكم برامج تع مراجعة ولا طرق
أنا رايحة نبلوكي العام منقدرش نفيدك ببرنامج معين .. يعني أنت مضطر توفق بين 2 حوايج بالتوفيق :19::19:
سلام
انا بروغرامي مهوش شارجي نقدر نوفق بين الدراسة في الجامعة والدراسة للباك
انا جيدة في الرياضيات والفيزياء مشكلتي الوحيدة العلوم رغم اني نحبها وديما نقراها الا اني بلا جدوى
اتمنى تعاونوني فيها وبالتوفيق للجميع
ربما المشكل في المنهجية .. حل تمارين بزاف بالتوفيق :mh92:
سلام وعليكم أنا تخصص لغة انجليزية.....ورح نعاود الباك ان شاء الله ربي يوفقنا ويعطينا واش رانا متمنيين
اااااااااااااااااااااااااااااااااااااااااااااااااا اااااامين أختي .. ان شاء الله :19::19:

[ai*cha]

السلام خواتاتي انا تاني راني حابة نعاود الباك حرة ان شاء الله مي انا نقرا بيولوجي و نعاودو لازم نتعاونو ان شاء الله باش نزيدو فالمعدل
انا نقاط الضعف نتاوعي الرياضيات و الفيزياء
نقاط القوة العلوم و الفلسفة و العربية ........
لازم نديرو وقت نبداو فيه ان شاء الله
رب معانا و ينجحنا


ان شاء الله ... بالتوفيق :19::19:
ربي يوفقكم ان شاء الله
انا عاودت الباك وراني نقرا طب ضرك والحمد لله
حنا العام الجاي ان شاء الله :19::rolleyes::)

[ai*cha]

أرجو تفاعل أكثر .. أسئلة أكثر + اقتراحات أكثر :)

[mimi-2014]

اختي عائشة الوقت راه يجري بديتي تقري ولا مزال

[ai*cha]

ايه أنا بديت نقرا :) و انت ؟؟؟

[mimi-2014]

انا مزال اختي باش بديتي اختي صراحة محتارة انصحيني

[My aim is paradise.]

حتا انا مازلت مبديتش نقراا راح تبداو لحفاظة من درك ?

[mimi-2014]

والله معلبالي اختي راني في حيرة واش نقرى واش نخلي شخممتي

[My aim is paradise.]

انا حايرين كل ملقيت باه نبدا :confused:

[mimi-2014]

انا ممكن نبدى بالرياضيات والفيزياء راني نقول مرا العيد ومش عارفة

[اريج اريج]

السلام عليكم ورحمة الله اخوتي في الله
بصراحة ياأختي عائشة عندي نفس الحالة نتاعك أنا ثاني رايحة نبلوكي العام ونعاود الباك و الطب حليفنا باذن الله لكن مازال مبديتش فأنا في طور الاستعداد النفسي لذا أود أن تكون لي صديقة تكون لي عونا وأنا لها عونا ايضا لذا أرجوا منك أن تزوديني عن بعض المعلومات عنك من أين انطلقتي وماهي مخططاتك ان شاء الله
تحياتي

[ai*cha]

انا مزال اختي باش بديتي اختي صراحة محتارة انصحيني
بالنسبة لي سأبدأ بالمواد العلمية ( علوم . فيزياء . رياضيات ) الأدب مع الفصل الثاني نحل مواضيع برك الاجتماعيات . الفرنسية الأنجليزية مع بداية شهر افريل تبقى الشريعة و الفلسفة ندرسهم مرة في الأسبوع :19::19::19::19:
حتا انا مازلت مبديتش نقراا راح تبداو لحفاظة من درك ?
لا مانيش رايحة نبدى من ضرك .. الان المواد العلمية برك
والله معلبالي اختي راني في حيرة واش نقرى واش نخلي شخممتي

انا حايرين كل ملقيت باه نبدا :confused:
ابدا بالمواد العلمية :19::19::19:
انا ممكن نبدى بالرياضيات والفيزياء راني نقول مرا العيد ومش عارفة
بالتوفيق :):):)
السلام عليكم ورحمة الله اخوتي في الله
بصراحة ياأختي عائشة عندي نفس الحالة نتاعك أنا ثاني رايحة نبلوكي العام ونعاود الباك و الطب حليفنا باذن الله لكن مازال مبديتش فأنا في طور الاستعداد النفسي لذا أود أن تكون لي صديقة تكون لي عونا وأنا لها عونا ايضا لذا أرجوا منك أن تزوديني عن بعض المعلومات عنك من أين انطلقتي وماهي مخططاتك ان شاء الله
تحياتي
نعم أنا هنا .. سأزودك بكل ما تحتاجين و نتعاونوا :19:

[trina]

سلام انا والله تعبت جماعة كل خطرة موضوع جديد ثبتولنا واحد ربي يعيشكم
المهم ..............و اخيرا لقيت ناس راح تبلوكي مانيش غير انا ..............انا شعبة علوم تجريبية ...عطاولي فرنسية ...........راح نبلوكي مخي مش راح يقدر يقرى 2 حوايج .............هدفي الصيدلة .. انا نقاط قوتي العلوم ....قريت عند استاذ في القمة او انا تكاسلت مع الاخير او المجال الاخير ماقريتوش خلاص هو و الاعصاب او خيرت الموضوع الثاني او انا عمبالي بلي ما وجدتهومش مليح او جبن 14.5 راني ندمانة او مانيش حابة نتفكر حلاص ............نقاط ضعفي الفيزياء لا علاقة و توترني بزاف ....او انا اكبر مشكل بعد الفيزياء العربية قريتها قد قد او جبت 8 والله حرت كيفته ندير معاها هي و مواد الحفاظة اني نحفظ مب ما نديش مليح الرياضيات متوسطة جبت 13 او كنت قادرة نجيب كثر مي مانعرفش واش صرالي حوايج تافهين غلطت فيهم ....راني خايفة عييت نظم وقتي او الكسل الكسل خايفة نضيع هاذ العام ثاني ............طلعولي المورال او قولولي كيفاه ندير

[trina]

انا اني بديت نقرى في الرياضيات او مازال مادخلتش للكور او الفيزياء ثاني مازلت مادخلتش ...............جماعة راكم كيفي ولا لا ان نقرى شوي برك او ممبعد نمل ...او نحبس خلاص نجيب يامات مانقراش .............بالاك كي ندخل للكور او نشوف الناس تقرى او كاين استاذ على راسي يتنحالي هاذ الملل و الكسل ...............عييت نظم وقتي هذه هي اكبر مشكلة عني .. نقرى واش ظهرلي او نحبس وقت ما ظهرلي او هك بعد درت العام اللي فات او بعدها لقيت روحي روطار على الغاشي كامل ..............عاونوني انا راح نبلوكي اي برنامج يصلحلي انا عييت ندير واحد .............عاونوني او مدولي برنامج نقرى بيه العام كامل

[trina]

ربي يوفقكم ان شاء الله
انا عاودت الباك وراني نقرا طب ضرك والحمد لله

خويا معليش نسقسيك نتا بلوكيت العام ولا لا الله يبارك و يوفقك والله نستعرف بيك عاودت او حققت حلمك انا ثاني حابة نحقق حلمي ... الصيدلة

[hamzagolf6]

انا مزال مابديتش نقرا ان شاء الله بعد العيد ندخل ليكور ونبلوكي العام
الكثير من الاساتذة نصحني بان لا ابدا الدراسة حاليا بقوة لان مباعد نفشلوو
حتى ديسمبر وتكون البداية قوية

[trina]

انا مزال مابديتش نقرا ان شاء الله بعد العيد ندخل ليكور ونبلوكي العام
الكثير من الاساتذة نصحني بان لا ابدا الدراسة حاليا بقوة لان مباعد نفشلوو
حتى ديسمبر وتكون البداية قوية

يعني حنا نورمال ماناش متأخرين ...مام ليكور بعد العيد خير ...راني كيفك بعد العيد نبلوكي او ندخل للكور .....ربي معانا

[volcanos]

السلام عليكم

أنا أفكر كذلك في إعادة البكالوريا للحصول على معدل أعلى إنشاء الله

أنا تخصص st من معي في هذا التخصص

برنامج هذه السنة مكثف و ليس لي وقت فراغ كبير لذا الرجاء المساعدة في تنظيم الوقت
كما أني أبحث عن دروس و تمارين لهذه السنة باللغة العربية الرجاء المساعدة

كان الله في عونك ما دمت في عون أخيك

[ai*cha]

سلام انا والله تعبت جماعة كل خطرة موضوع جديد ثبتولنا واحد ربي يعيشكم
المهم ..............و اخيرا لقيت ناس راح تبلوكي مانيش غير انا ..............انا شعبة علوم تجريبية ...عطاولي فرنسية ...........راح نبلوكي مخي مش راح يقدر يقرى 2 حوايج .............هدفي الصيدلة .. انا نقاط قوتي العلوم ....قريت عند استاذ في القمة او انا تكاسلت مع الاخير او المجال الاخير ماقريتوش خلاص هو و الاعصاب او خيرت الموضوع الثاني او انا عمبالي بلي ما وجدتهومش مليح او جبن 14.5 راني ندمانة او مانيش حابة نتفكر حلاص ............نقاط ضعفي الفيزياء لا علاقة و توترني بزاف ....او انا اكبر مشكل بعد الفيزياء العربية قريتها قد قد او جبت 8 والله حرت كيفته ندير معاها هي و مواد الحفاظة اني نحفظ مب ما نديش مليح الرياضيات متوسطة جبت 13 او كنت قادرة نجيب كثر مي مانعرفش واش صرالي حوايج تافهين غلطت فيهم ....راني خايفة عييت نظم وقتي او الكسل الكسل خايفة نضيع هاذ العام ثاني ............طلعولي المورال او قولولي كيفاه ندير
رانا كيف كيف أختي مام أنا خيرت الموضوع الثاني في العلوم و ديت 14.5 بالنسبة لنقطة ضعفي الوحيدة هي الفيزياء .. مدربتش على حل المواضيع مليح مع أني كنت فاهمة البرنامج 100 بالمئة ... أنا دخلت لي كوور و بدينا نقراو :19: وكل أستاذ وقتاش يبدا .. بالنسبة للكسل أنا ثاان أكبر كسولة و راني خايفة كيما نتيا من هاذ العام .. مي لازم نحاولوا عااادي و متنسايش عندنا تجربة من قبل ++ :):) اذا أردت نبقاو نحن الأرار في تواصل عبر هاذ الموضوع طوال العام ..

[ai*cha]

السلام عليكم

أنا أفكر كذلك في إعادة البكالوريا للحصول على معدل أعلى إنشاء الله

أنا تخصص st من معي في هذا التخصص

برنامج هذه السنة مكثف و ليس لي وقت فراغ كبير لذا الرجاء المساعدة في تنظيم الوقت
كما أني أبحث عن دروس و تمارين لهذه السنة باللغة العربية الرجاء المساعدة

كان الله في عونك ما دمت في عون أخيك

أنا ثان وجهت لهاذ التخصص :mh31: وفضلت نبلوكي العام .. مارانيش رايحة نقدر نوفق بيناهم .. كل واحد و واش يخرج عليه بالتوفيق :19:

[raoufnina]

Fantastic! Thank you!

[volcanos]

aicha moumkin fb svp ?

[trina]

رانا كيف كيف أختي مام أنا خيرت الموضوع الثاني في العلوم و ديت 14.5 بالنسبة لنقطة ضعفي الوحيدة هي الفيزياء .. مدربتش على حل المواضيع مليح مع أني كنت فاهمة البرنامج 100 بالمئة ... أنا دخلت لي كوور و بدينا نقراو :19: وكل أستاذ وقتاش يبدا .. بالنسبة للكسل أنا ثاان أكبر كسولة و راني خايفة كيما نتيا من هاذ العام .. مي لازم نحاولوا عااادي و متنسايش عندنا تجربة من قبل ++ :):) اذا أردت نبقاو نحن الأرار في تواصل عبر هاذ الموضوع طوال العام ..

slm hanouna ih loukan ntabtou had lmawdo3 ou nb9aw 3la itissal 3am kaml

[seme]

aicha b3athetélk invt accepte moi sitepléé

[فريال العلمية]

سلام خاوتي خواتاتي والله غيرلا خوفتوني انا رح نقرا بيولوجي و نعاود الباك مي طحت في جدول توقيت مليح 3ايام منقراش و عندي وقت فراغ ان شاء الله رب معانا
مي قولولي زعما نقدر نوفق بين الزوج كاين لي قالولي انو البروغرام نتاع بيولوجيا تقريبا يشبه لتاع الباك
انصحوني خاوتي تعيشو

[ai*cha]

aicha moumkin fb svp ?
mon fb : Aicha Aicha
aicha b3athetélk invt accepte moi sitepléé
أختي ماوصلنيش الطلب :confused::confused::confused: عاودي حاولي
هاذي هي صورتي الشخصية
http://im51.gulfup.com/959Wff.jpg

[ai*cha]

slm hanouna ih loukan ntabtou had lmawdo3 ou nb9aw 3la itissal 3am kaml
ايه .. :):) ان شاء الله يثبتوه :19:

[ai*cha]

سلام خاوتي خواتاتي والله غيرلا خوفتوني انا رح نقرا بيولوجي و نعاود الباك مي طحت في جدول توقيت مليح 3ايام منقراش و عندي وقت فراغ ان شاء الله رب معانا
مي قولولي زعما نقدر نوفق بين الزوج كاين لي قالولي انو البروغرام نتاع بيولوجيا تقريبا يشبه لتاع الباك
انصحوني خاوتي تعيشو


أنا فضلت نبلوكي العام و نعاود :19: اذا شفت روحك قادر توفق بيناتهم بالتوفيق ..

[seme]

mknch :( momkn 3mla option myalgokch nes kol :(

[minina2601]

قولولي كيفاش ندير بعد ما نسجل فالانترنت بارك الله فيكم

[trina]

bdaw tasjilat ta3 bac 2015

[محمدي احمد 1995]

السلام عليكم اخوتي الكرام انا طالب جامعي اختصاص رياضيات واعلام الي للتلاميد اللدين سيوقفون عامهم لا اضن ان هدا القرار جيد والله اعلم فليس مستحيلا التوفيق بين الجامعة والبكالوريا لان تقريبا هناك اتصال بين الاثنين في كلتا الاحوال ربي يوفقكم اخوتي ويحقق اهدافكم

بالنسبة لنقاط ضعفي فهي الميكانيك في الفيزياء وقوتي هيا الرياضيات واما عن المواد فلن اهمل ولا مادة واما عن البرنامج فليس لدي برنامج في اوقات فراغي ادرس اي مادة بالتوفيق انتضر اقتراحتكم للبرنامج المناسب