أبي لا يتحدث معي

[مشكلتي]

السلام عليكم و رحمة الله وبركاته أنا فتاة عمري 28 سنة أعمل منذ 5 سنوات أعطي أبي كل شهر أكثر من ثلث الشهرية مع العلم أن الباقي يروح كامل على الدار أنه 30 سنة من الزواج مادار والو أنا لي نعدل في الدار و أنا لي نشري حوايج لدار أنا لي نمد لماما تتكسا ,,,,,,, المهم المرة لخرة سلفت 15 مليون باه نعدل الدار كالعادة كي وصل الوقت لي نسلك فيه قالي اعطيني دراهم قتلو منفدرش لازم نخلص الدين قالي سواردي أنا نديهم و منحوسش نفهم و دوركا راهو ميهدرش معايا
عندي خويا 27 سنة خدام عند روحو و الله ما يشري والو ياكل برا كيما يحب يشري ساعة ب 5 ملاين يشري القش الغالي....... يهدر معاه نورمال و ما يقولوش اعطيني بسيف
بابا خدام الحمد الله كان ما يخدمش بصح راهو خدام من بديت نخدم هو خدام و الله نسخف على البنات كي يديو ف الذهب و انا نخدم في خدمة الرجال بصح نقول على جال ماما حياتها كاملة و هي سخغانة على دار زي تاع الناس
قولولي واش ندير نمدلو وفرات

[مياسم الصمت]

السلام عليكم ورحمة الله وبركاته

للأسف أختي الكريمة هناك بعض البعض العائلات مسيطر عليها عقلية التفكير الذكوري

يعني دائما الولد الذكر هو كل شيء وكأن الفتاة في تلك العائلة وجدت فقط لخدمة الذكور منهم

أنا أنكر واجبك اتجاه عائلتك من حسن الطاعة و المساعدة


لكن ليس لدرجة أن تتغلب على بعض الآباء تلك الأنانية المطقة اتجاه بناتهم

اللوم لا يقع على أخيك فتفكيره ككل الشباب عامة

لكن اللوم على والدك ثم عليك أيضا

أجل عليك أيضا لأنك أنت من عودت والدك على روح الاتكالية عليك فنسي مسؤولياته الأسرية وأهملها ليوكلها اليك جملة وتفصيلا خاصة أنه ليس بحاجتك

أؤكد لا أنكر عليك مساعدتك لأهلك لكن بالمقابل لا تضغطي على نفسك وتعيشي الحرمان

ثم اللوم عليك أيضا حتى وان كانت والدتك كما قلت تتمنى سكنا لائقا كما تاع الناس على حسب قولك فلما ترهقي نفسك بحمل لا تستطيعين تحمله كان بامكان السكن الانتظار الى حين توفير المال اللازم له لا الاستدانة من اجل ذلك

اسألي نفسك
كيف كان حال والدك قبل عملك هل كان محتاجا لك

لتعرفي أنك أنت من عودته على ذلك و ربما من أول راتب تقاضيته

نصيحتي لك كوني قوية و احزمي امرك في هذا الموقف لا تعطي والدك شيئا خاصة وانت مدانة

وعذرا على قولي تلك أنانية منه خاصة انه غير محتاج

ثم شيء آخر ابدئي تدريجيا في فك هذا الحصار الخانق عنك ولا تعودي ولدك باستمرار على انتظار موعد راتبك ليسألك راتبه كذلك

امك نعم اهتمي بها خاصة ان كان لا يمنحها ما تحتاج لكن والدك عوديه أن لا يتكل عليك وطبعا لا انكر ان تساعديه وقت الحاجة

حتى أمك لتأخذ جانبا معك في التأثير على والدك لتطلب منه توفير متطلبات البيت ويتحمل ممسؤوليت في البيت وهو رب العائلة وليس محتاج خاصة

أكيد سينزعج ويغضب ويثور لكن مع الوقت يتعود
صدقيني عزيزتي الامر يحتاج منك موقفا فقط

مثلا كوني جريئة :) وبعد سداد دينك اخرجي واشتري لنفسك ما تشتهين لك ولامك ولاخوتك الصغار حين يسأل عن حقه في راتبك قولي صرفته كله وانتهى الامر

ذكرتني وانا أكتب لك هذه الأسطر بقصة فتاة أعرفها عن مقربة و كانت زميلة لي في العمل منذ وقت مضى
تقدم لخطبتها شاب لا بأس به ماديا وتمت الخطبة وتلك الأمور المعتادة

ثم بعد ذلك في جلسة مع والدها بكل وقاحة لا ادري من أين تأتيهم قال لوالدها بالنسبة لراتب ابنتك سنتقاسمه أنا وأنت مناصفة كل شهر
تصوري الموقف مناصفة وهي العاملة رغم ان والدها كان يتحمل مسؤوليته
كانت تحكي و تضحك من قهرها على ذلك الموقف خاصة ان الخطبة تمت ثم شاء الله ان تفسخ الخطبة لأمر آخر

أسأل الله أن يرزقك الزوج الصالح الذي يحمل عنك ثقل المسؤولية

سلام

[عبد الله 22]

السلام عليكم ربما الكثير من البنات تعاني مثلك، صبرا جميل والله المستعان، عليك تغيير طريقة على المدى البعيد ،لأن هذه الثقافة المنتشرة بيننا إذا وجدنا من يتحمل المسؤولية فأكيد سنتخلى عن واجباتنا ، من جهة اخرى ارجوا أن يوفقك الله بزواج برجل صالح يغنيك عن العمل ومتاعبه

[منال100]

اصبري اني أدعو لك من أعماق قلبي أن يرزقك بزوج يعوضك ما فاتك الله معك أكثري من قراءة القرآن سيهديك الله الى مافيه الخير
فالوالدان طاعتهما واجبة وانت فتاة مطيعة ان شاء الله يفرج عليك

[salem1985]

ربي يصبرك اختي رغم اني لا اشجع والدك على فعله لكن اقول لك اياك ان تخطئ لان الوالدين هم الذين لا يعوضون فاذا رحلوا لا بديل لك عنهم سايسيهم وربحي دعوة الخير خير من الدنيا وما فيها

[ابتسام smile &hope]

الدين تتحاسبي عليه لوكن تتوفاي يسلكو دينك ولا ينساوه جاوبي تعرفي راييي

[كلنا راحلون]

والديك نجاة ونجاح

[lina200]

"ولا تقل لهما أف ولا تنهرهما و قل لهما قولا كريما"
لا تنسي اختي نحن في ايام اقسم الله بهم " والفجر و ليالٍ عشر ". يعني لا يتكلم معك شوي كبيره
تقبل الله منكم و منا
أضافه فقط هل ممكن ولادتك تتدخل او إنسان اخر يكون رزين
ربي يفتح عليك

[عائشة07]

يا اختي الوالدين عزاز وما يتعوضوش اكسبي رضاهم بكل الوسائل مادام في مرضات الله اما المال يروح ويجي وخوك هدا ماراهش قايم بمسؤليتو ومايساعدش باباه على هم الدنيا انصحوه يتقي الله يمكن باباك شهريتو ماتكفيهش والمعيشة راه غالية ماتقتصرش على صالون شباب ولا ديكور راه اكل وشرب وفاتورات الغاز والماء وكهرباء ونت والطبيب ومدارس وزيد .....الله يكون في عونو مسكين ساعديه وربي يجازيك وعمرك ما راح تندمي الي ساعدتي باباك لكن تندمي ادا كان العكس و رضى الوالدين خير من الذهب
والانسان يتسلف الدراهم اذا كان مضطر حاجة ضرورية مشي على كماليات ياختي ويعيش على حسابو وربي يوفقك

[أنور الزناتي]

السلام عليكم
الحاجة اللي أنا ما فهمتهاش و كان من المفروض أنك تخبرينا بيها: واش يدير والدك بالدراهم اللي تمديهالو؟ هل يصرفهم على الدار؟ أو يصرفهم على نفسو ؟ أو يقوم بادخارهم؟ إذا كان ما يصرفش على خاوتك و ما يمدش لأمك باش تتكسى و ما يعمّرش الدار إذن واش يدير بالدراهم اللي قاعدة تمدّيلو هاذ المدة كاملة؟ والله هذا الأمر محير.
المهم، أنا ننصحك مبدئيا أنّك تحاولي ترضّي والدك بأيّ طريقة، لأن غضب أحد الوالدين أو كليهما مجلبة لغضب الله إن كان غضبهما في غير معصية. و حاولي كذلك أنك تشجعي أمك باش تحكي معاه و تقنعو أنك أنت ثاني من حقك تتمتعي بدراهمك و تعملي بيهم واش تحبّي. كان الله في عونك لسداد دينك و كذا إرضاء والدك.
تحيتي

[ام يوسف 2737]

شوفي يا اختي الدراهم يجو و يروحو و الوالدين ما كاش كيفهم
وحتى لو كان باباك ما يبينلكش تاكدي بلي راه يدعيلك بدعوة الخير كل ما تتفكريه بنصيب دراهم
الدراهم كيما يقولو هما وسخ الدنيا و سبب الفتنة بصح رضى والديك هو الباقي
روحي صالحي باباك مهما كان قاسي و اعطيه نصيبه كيما العادة و تاكدي رايح ربي يعاونك في تسديد الدين من حيث لا تحتسبين
انا لو كان ابي يحيا من جديد نعطيه حياتي الا طلبها واش جاب للدراهم

[sa78sa]

رضيهم بالقليل حتى لا تبكي اذا لم تعدي ترينهم

[ندرومة49]

مياسم الصمت فسدتيهاااااااااااااااااا خلااااص لو كان غير مهدرتيش اففففففففففف منك

المهم

أختي تحملي دلك من أجل شيئ واحد وهو بابي الجنة ورضاية الله أولا طبعا سيفتح الله عليك ماشاء المهم احتسبيها عندا لله وأخلصي قولي في نفسك يااا رب إني أفعل هذا من أجل رضاك يااارب وستنجحين في دنياك وآخراك ودعائك سيتقبل بإذن الله ....أكيد صعب ماتعيشيه لكنه امتحان من الله فاثبتي فاثبتي الحياة لا تسوى بدون أب الحياة لا تسوة لا تسوى لا تسوى الأب غالي ونعطيه ما أريد الأب رغم كل شيئ هو أبوك تعب من أجلك ما تعب رضاه من رضى الرب تمنياتي لك بالتوفيق

[راية الاسلام1]

السلاام عليكم
لم افهم صرااحة راي البعض: والد هو جنتك، طااعة الواالدين...؟؟؟
نعم كلنا نعرف حديث: أنت ومالك لابيك لكن ليس لهذه الدرجة؟
البنت لم تفعل شيئا حراااما، وقضاء الدين أولى في مثل هذه الاموور
نصيحتي اختي الغاالية اسالي امام المسجد او اي مفتي يفتيك في هذا الامر
ولاا تتبعي راي العاامة
ربي يرزقك بالزوج الصاالح

[نورالهدى بيولوجيست]

السلاام عليكم
لم افهم صرااحة راي البعض: والد هو جنتك، طااعة الواالدين...؟؟؟
نعم كلنا نعرف حديث: أنت ومالك لابيك لكن ليس لهذه الدرجة؟
البنت لم تفعل شيئا حراااما، وقضاء الدين أولى في مثل هذه الاموور
نصيحتي اختي الغاالية اسالي امام المسجد او اي مفتي يفتيك في هذا الامر
ولاا تتبعي راي العاامة
ربي يرزقك بالزوج الصاالح

ابداي بدينك سلكيه و فهميه اكيد يعذرك و راكي اسلفتي للمصلحة العامة اكيد ;)

ربي ييسرلك امورك و برافو انو مالك يروح لاسعاد اهلك هذاك هو الصح :19: