لباسها الفاضح

[مشكلتي]

السلام عليكم

مشكلتي عويصة جدااا ولم اجد حل مناسب
قلت نسقسيكم ربما نلقى حل

انا شاب في الثلاثينات من العمر نسكن في عمارة
( شرينا شقة جديدة يعني حنا سكان جدد في العمارة )

وعندنا جيران مقابلينا الباب للباب

ومشكلتي مع بنت الجيران
حيث انني مرة على مرة لما نكون صاعد للشقة تاعنا نلقاها في وجهي تسيق في الدروج وتسيق قدام دارهم ومرات تغسل الملابس تماك لان المكان واسع

المشكل انها تخرج بفستان ( قندورة ) تاع الدار فاضحة

رغم انها لما تخرج للشارع للدراسة مثلا تخرج محجبة ولباسها مستور

بدون مانشرح بزااف لانكم فهمتوني

المهم انا مرات نهبط راسي ونغض البصر وندخل لدارنا ومرات نلقاها تشوف معايا وانا نحشم ونقوللها مساء الخير او صباح الخير ونروح ..

وهي تبقى تضحك معاي ... وفي كل مرة تزيد تتمادى



هي عندها خوتها رجالة وكبار و يشوفوها ويخلوها نورمال تخرج هكداك

راني خائف نغلط معاها



لم اجد حل لمشكلتي كيف اتصرف معها ؟؟ وابعد بلاها علي

من عنده نصيحة لا يبخل علي

اخوووكم في الله - ع -

[knives66]

بيع شقة وإشري في بلاصة أخري

هذم باين كرهين منها حبين زوجوها انت دير روحك ما شفتش

وما تقولش نغلط معها الى اذا كانت عندك نية رد بالك

[مؤمنة بالله]

يا اخي دير روحك ماشفتهاش
واياك تغلط وتهدر معاها
يمكن راهي حابة تستفزك باش تهدر معاها
وتوقعك فيما لا يحمد عقباه
قادر تجي تنصحها تقولهم راه يعاكس فيا
ويمكن تتبلاك في اي حاجة
ما تهدرش معاها خلاص
وانهى عن المنكر بقلبك
ويكفيك مشاكل
ياخي غض بصرك وخلاص وربي معاك
الله يهديهم

[مراد سابقا6]

سبحان الله فهمني برك

كيفاش راك خائف تغلط معاها

أن هذي مفهمتهاش

ومبعد تلصقوها في الشيطان

الشيطان حاشاه

أنت أشتهت نفسه تلك الفتاة وفي قرارت نفسك الآن تريد أن تفعل ما تفعل

يجب أن تكون صريحا مع نفسك

هل ترضى لأختك ان يمر عليها الجار ويتكلم معها ويتمادي معها

أنا انصحك نصيحة لوجه الله

توقف عن الكلام معها نهائيا ومتزيدش تشوف معاها

وانت علاه راك تشوف معاها

تحوس على المعصية

إذا بقيت توقع فيها

ومبعد الفضائح والسجون والتبهديل

راك متعرف النساء يا اخي

والله يلوحوك في واد سحيق حذار

[hamza18]

خويا ديرها كي اختك الشيطان راهو يوسوسلك بلاك تغلط و توقع في الفخ تاعوا ولكان بغيتها ديها في الحلال اطلب ايدها

[التـــــــــــــــــــائهة]

حتى السلام مكاش .........
قول لامك و لا اختك اهدرو معاها و لا مع امها لان هاد الجيل ينفع معاه التبهديلة في كل وقت

[minina2601]

ننصحك قول لللوالدة تاعك تهدر معاها او تهدر مع الوالدة تاعها وتفهمها وحتى تفادى القاء السلام عليها واستعن بالدعاء والصلاة في وقتها وربي يهدينا
سبحان الله اللهم لا تاخذنا بما فعل السفهاء منا

[thamourth]

هههههههههه ما تسمعش بيها.............يو نورمال ا صحيبي..........

[الزمان 03]

يأخي علها تقولها صبح الخير أو مساء الخير أصلا حتى تفكر في هذه الافكار

[المنصور3]

يا اخي دير روحك ماشفتهاش
واياك تغلط وتهدر معاها
يمكن راهي حابة تستفزك باش تهدر معاها
وتوقعك فيما لا يحمد عقباه
قادر تجي تنصحها تقولهم راه يعاكس فيا
ويمكن تتبلاك في اي حاجة
ما تهدرش معاها خلاص
وانهى عن المنكر بقلبك
ويكفيك مشاكل
ياخي غض بصرك وخلاص وربي معاك
الله يهديهم
يا أخي مثلما قالت الأخت احذر قد توقعك في مشكل كبير مادام أنها لا تستحي من إخوتها ولا غيرهم لا تسلم عليها

[anise2011]

يا اخي دير روحك ماشفتهاش
واياك تغلط وتهدر معاها
يمكن راهي حابة تستفزك باش تهدر معاها
وتوقعك فيما لا يحمد عقباه

[fella111]

السلام عليكم

مشكلتي عويصة جدااا ولم اجد حل مناسب
قلت نسقسيكم ربما نلقى حل

انا شاب في الثلاثينات من العمر نسكن في عمارة
( شرينا شقة جديدة يعني حنا سكان جدد في العمارة )

وعندنا جيران مقابلينا الباب للباب

ومشكلتي مع بنت الجيران
حيث انني مرة على مرة لما نكون صاعد للشقة تاعنا نلقاها في وجهي تسيق في الدروج وتسيق قدام دارهم ومرات تغسل الملابس تماك لان المكان واسع

المشكل انها تخرج بفستان ( قندورة ) تاع الدار فاضحة

رغم انها لما تخرج للشارع للدراسة مثلا تخرج محجبة ولباسها مستور

بدون مانشرح بزااف لانكم فهمتوني

المهم انا مرات نهبط راسي ونغض البصر وندخل لدارنا ومرات نلقاها تشوف معايا وانا نحشم ونقوللها مساء الخير او صباح الخير ونروح ..

وهي تبقى تضحك معاي ... وفي كل مرة تزيد تتمادى



هي عندها خوتها رجالة وكبار و يشوفوها ويخلوها نورمال تخرج هكداك

راني خائف نغلط معاها



لم اجد حل لمشكلتي كيف اتصرف معها ؟؟ وابعد بلاها علي

من عنده نصيحة لا يبخل علي

اخوووكم في الله - ع -


و انت علاه تقوللها صباح الخير او صباح الشر .......رد بالك راك تعطيها في الضوء الاخضر
على العموم الطفلة باينة حاطاتك في راسها حابة تبينلك مفاتنها و انها فحلة .......يعني حابة تتزوج كيما قالولك الاخوة قبلي ......................استغرب بعض الفتيات كيف تاتيهم الجراة .او الوقاحة ان صح التعبير لاتباع اساليب حقيرة من اجل الزواج..............
نصيحة غض بصرك او تزوجها و استرها .او تزوج غيرها و الا لن تسلك و ريحها و ريحنا :1::1::1: ....................

[نورسين.داية]

السلام عليكم

هي أصلا هذا ما كانت تنتظره كلمة صباح الخير أو مساء الخير ...........و أنت وقعت في الفخ ....و قلت صباح الخير بكل بساطة

الحل غير توقيت دخولك و خروجك ........لأنه كما يبدو أن التوقيت الزمني لعملية التنظيف المنزلي توافق مع توقيت خروجك و دخولك سبحان الله شوف الصدفة ..............ههههه بالتلي غض بصرك و تجاهلها و السلام

و صدقني راها ما تتهني حتى تحصلك معاها ............................خلات عليك (هذه النوعية معروفة جدا و صبرها طويل جدا )

[houssem zizou]

ويقول العبد الصالح لما دعته امرأة إلى الزنى
وقد تبرجت له تبرجت له تبرجت فاحشا : ويحك أأبيع جنة
عرضها السماوات و الأرض بما بين فخضيك
إني إذا لا أقدر النظر !

[صامهد]

يا اخي اتفاداها كي تسمع الصوت في الدروج ماتكملش تطاع او زيد هادي راها تحوس عليك باينة بلي تبقى اطل او تعس فيك وقتاش اجي باش تخرج تقابلك او بلعاني راهي تلبس هكداك باش تغلظ او تتمادا معاها يا اخي استغفر مولاك او بالاك تغلط راك قلت عندها خاوتها او ويدا لحقت للتم ربي يستر

ربي ان شاء الله يبعدها عليك

[nourab]

لو كنت مشرفا على هدا المنتدى ما تركتك تكتب مثل هدا الكلام الدي لا يقال اصلا في هدا المنتدى كان عليك معالجة المشكل لوحدك .

[فارس وجواد]

السلام عليكم :
أخي الظاهر من كلامك و وصفك للباس تلك الفتاة بالفاضح , الواضح أنك تمعنت كثيرا , و عمرت عينيك مليح كما يقال ,
في رأيك ماذا تريدنا ان نقول لك , مثلا نقولوا لك , إذهب إلى إخوتها , و قل لهم أن أختكم لما تكون تسيق تلبس لباس منزلي فاضح , و أنا لما نكون مار عليها , و نتمعن مليح في لباسها نفتن , فمن فضلكم قولوا لها لا تلبسي كذا و كذا , فأقل كلمة سيقولونها لك :" واش دخلك ", هذا إن لم يكن رد فعل آخر .
أخي الكريم , أين هو غض البصر الذي أنت مطالب به ,
هي صحيح لم تستح , و الحديث يقول :" إذا لم تستح فافعل ما شئت " , و لكن ليس معنى هذا تتدخل في شؤونها و شؤون إخوتها ,
أنت مطالب فقط بغض البصر , و تجنب الكلام و الضحك معها ,
فما فهمته من كلامك , أنك كلما مررت بها , تقوم بتمرير سكانير عليها , و تختمه بصباح الخير أو مساء الخير , مع ضحكة صفراء ,
ثم تأتي و تلقي اللوم على تلك الفتاة , إذا هي لم تستر نفسها , فاسترها أنت بطريقة غير مباشرة ,
و إذا هي لم تستحي فعليك أنت بغض بصرك , و لا دخل لك في شؤونها , لأنك ببساطة لو غضضت بصرك , لما وصلت إلى هذه الحالة .

[knives66]

لو كنت مشرفا على هدا المنتدى ما تركتك تكتب مثل هدا الكلام الدي لا يقال اصلا في هدا المنتدى كان عليك معالجة المشكل لوحدك .
حمد الله انك لست مشرف

كل شيئ في نظركم حرام ما نعرف واحد واش يربح منكم

حتي نصح حبين تقطعوه على ناس

[lina200]

غض البصر للشيخ مشاري الخراز

معلومات مذهلة عن ثمار غض البصر

أ.د.محمد راتب النابلسي - غض البصر - 16-27

اكتب العنوان في اليوتيوب ان شاء الله نكون أفدتك

[امينة 1991]

اظن ان الحل الانسب يتمثل في زواجك من غيرها وهكذا تنحيك من بالها وتتخبا في دارهم وانت تولي تدخل للبيت وتخرج منو بسهولة , ولاتنسى الاستغفار والدعاء والصلاة والذكر وقراءة القران لانهم يصرفون عنك وساوس الشيطان ويجعلون نفسك مطمئنة .

[first first]

هبط راساك وحل الباب وادخل....وعلاش تقولها صباح الخير؟؟؟ هدا واش لازم دير انت
واش لازم دير هي؟؟؟ طبعا تلبس على الاقل حاجة مستورة وولاتغسل وهي حاطة خمار ساتر.مي الله غالب ..ارواح انت وفهمها؟

يااخي احيانا جيران مند عشرين او 25 سنة بينهم كل الاحترام ولايقولون لبعضهم صباح الخير..رغم انهم يشوفو بعضهم زي الاخوة.وهادي كانت في حينا ....يعني ماهيش في عمر جدتك حتى تظراف معاها وتقول صباح الخير.
ونقلك حاجة.لبنات كي يشوفو واحد شابح روحو وصعيب مايتلاحوش ليه وتسماطلهم الحالة .يعني انت العبها سوريو يااخي لاشتات ماكش سوريو.
وبلاماننسى قادرة تكون والله مامعبرت اصلا وانما طبعها هكدا.ماتفهمش في االحرمة والحشمة وناقص شوية وعي....يعنيانت واعي وعقلك راهو في رااسك.ماتخليش الشيان يلعب بيك ويخرط عليك
بالتوفيق................وبارك الله فيك على اهتمامك وخوفك على ان تقع فيما لايرضي الله.

[عفاف عفة]

السلام عليكم ......آآآ سفة على هدا الرد .....مي خويا ماتغلط معاها ماوالو بويسك هي رخيصة وما تتستاهلش .....وثاني نتا ماتقيمهاش ماتقولها ني صباح الخير ني والو روح في طريقك وكي تحس روحك رح تغلط إستغفر ربك وماتكونش ضعيف ......في أمان الله

[salem1985]

اخي لابدا ان تكون حازما معها وثق ان لم تعرها اهتماما ستلقى نفسها تدور في حلقة مفقودة وترحل ربي ينجيك اخي من كيدهن

[عصفور الجنة]

يا اخي متقيمهاش وعلاه تشوف فيها اصلا مر عليها وكانك لم ترها لا صباح الخير لا مساء الخير علاه تحشم منها
وهذه هي العلاقات صباح الخير والمرة الجاية واش حوالك ......نيتها باينة وانت دير ربي دايما بين عينك وادعي اللهم اغنني بحلالك عن حرامك
ومن الافضل متدخلش فيها وتقول لخاوتها لان التهنة توجه اليك وبكل بساطه تطلع انت الغالط