بليز بنات ساعدوني محتارة

[رملاك]

سلااااااااااام بنات

كيف الاحوال ان شاء الله تكونو كامل بخير

المهم راني حاصلة واش نطيب هذا غداء هذا عشاء و كرهت الروتين تاع الاطباق المعتادة

حابة طبخات جدد يدخلو في القائمة تاع الاطباق تاع دارنا من فضلكم كل وحدة تدخل تحطلي بع من الاطباق لي مجربتهم و مالفة ديرهم في سائر الايام

و بارك الله فيكم

سلاااااااااااااام

[خيط الروح]

السلام عليكم


هاذي و صفة من عندي لكن ماصورتهاش
الجاج بالموتارد والكريم فراش

بصل مقطع en lamelles (شرائح رقاق) تقليه في الزيت وشوية زبدة

تزيدي الجاج

تملحي + فلفل لكحل + الزعيترة +وريقات رند
تقلي شوية
تزيدي مغرف مليحة موتارد
ثم تضيفي الماء .. ماتكثريش بزاف .. قيس مايكمل يطيب الجاج وتبقى لصوص

انا ندير الشومبينيو ومرات كي مايكونش ما نديرش

وفي الاخير ندير الكريم فراش ونخليها تزيد شوية فوق النار ..
(في الحقيقة انا نحب نكمللها الطياب في الفور باش يحمار الجاج.. بصح كي نكون مزروبة ماندخلهاش)

ونحطها مع خضرة سوتي (بطاطا .. لوبيا خضرا.. زرودية..)
او بطاطا فريت ... وزوجي يحبها بالروز

ان شاء الله نكون قدرت نوصلك الطريقة

بالتوفيق

و شوفي هاذ الموضوع لام حمزة ربي يبارك فيها

الى ام اسيد1 وكل وحدة حاصلة واش الطيب ‏(موضوع متعدد الصفحات 1 2 3 ... الصفحة الأخيرة)


و هذه وصفة للاخت الهام انا جربتها وجاتني رووعة ماشاء الله
بطاطا بلاكرام فراش رووووووووووووعة للضياف ‏(موضوع متعدد الصفحات 1 2 3 ... الصفحة الأخيرة)