راني غير نبكي

[مشكلتي]

إخوتي راني مغتاظة بزااااااااااااف والسؤال كون جيتو في بلاصتي واش رايحين ديرو
كنت مريضة بزاف بالشقيقةو هذاك النهار قرر زوجي يعرض صاحبو وأستاذو لأنو يحضر في الماستار وبغا مناقشات بيناتهم تكون في الدار ورغم مرضي درتله عرضة هايلة
قبل المغرب هو كان في الخارج وأنا ما عنديش الوحدات في الهاتف باش نعيطله وفوق ما كانت الشقيقة مهبلتني احتجيت لأمر ضروري بزاف تحتاجه أي إمرأة ولأنو الضياف قراب يجو ولازم نكمل مع الكوزينة لجأت لجارتي وطلبت من ابنها يشريلي
الزوج لما رجع لقا ولد الجارة شرالي زعف وأنا عييت نفهم فيه لأن الأمر لي احتاجيته ما يسحقش نأجله بديت نطلب منه السماح وجلست عند رجليه نطلب منه السماح ومن قوة غضبه ضربني برجله لفمي حتى الدم بقى يسيل وحسيت وكأنو شي حاجة سقطت على راسي من قوة إصطكاك أسناني بسبب الضربة
إهانتو كانت لي كبيرة______ مريضة بالشقيقة اللي ما تحبش الحس بزاف ورغم هذا بقيت نوجدلو في العرضة بقيت غير نبكي
هو لما جا الأستاذ نتاعو بقى غير يشكر في وقالو ما حسبتش عندك مرا تتقن الطياب قاع هكا وحمرتلو وجهو قدام صحابو
هو في هاذ اللحظة جا قبل راسي وبدا يطلب مني السماح بصح أنا وان سامحته ظاهريا ما قدرتش ننسى لأنو ما رفقش بيا وزيد أهاني كثر لما ضربني برجليه وأنا قاعدة نطلب منه السماح ولي فهمت ممكن والله أعلم هو أنو زعف لما حسب أني بالحمل وبعدها لما لقا ولد الجارة شرالي هاذوك الأمور خاب أمله وأنا واش ذنبي قولولي ؟؟؟؟؟؟؟

[نورسين.داية]

السلام عليكم

بالنسبة لكي أين هو المشكل ؟

الإشكال في خلافك معه ....؟؟؟
أم مسألة ضربه لكي بوحشية و همجية .......؟؟؟؟

عزيزتي وجب أن تختاري أي من السؤالين وجب حله .......بشكل جدري ...................

عزيزتي وجب أن تركزي في معنى : إذا أكرمت الكريم ملكته و إذا أكرمت اللئيم تمرد .........

[" أبو عبود"]

ماستر ويضربك برجله على فمك؟ ولو كان دكتوراه كفاش؟ هذا دليل ان التعلم والشهادات ليس لها اي قيمة. والدي لم يدخل مدرسة بدوي جلف ولم يحدث أ ضرب أمي لا بيده ولا بغيرها. صراحة فركة يضربك برجله تجعنلي اكاد انفجر ولو ان لي أخت أو بنت ويحدث معها هذا اقسم بالله اضربه في السوق واام الناس حتى اجلعه عبرة.
الامر إليك، إذا كنت قاردة على تحمل ذلك ونسيان الامر خصوصا وانه اعتذر فهذا من حسن حظك.

[zahra96]

ربي يهدي الاوضاع بيناتكم

[zahra viva]

اختي باه وصل وضربك برجلو معناها حتى طيحتي بروحك بزاف نتمنى تتعلمي من هذه الحادثة
و الزوجة اذا طلبت السماح من زوجها مشي عيب بالعكس حاجة زينة
بصح اعرفي كيفاش تتطلبي السماح

[salem1985]

السلام والله اظن ان الامر يرجع الى ان بعض الناس سواء رجال ولا نساء لايملكون التحكم في النفس عند الغضب انا رايت حالات ولدي الوالدة ربي يطول في عمرها انها عندما تغضب تضربك باي حاجة امامها حتى ولو كان سكين او حجر ولكن الان وقد اصبحت جدة لا تطيق حتى سماع بكاء طفل المهم الاناس لابدا وان يضع النقاط على الاحرف ولابدا من ان يكون هناك صرامة حتى لايتمادى كل منهم في الظلم ربي يوفق اختي

[knives66]

حتي الحيوان وما يديرش حجة كيما هذي وانت غالطة بزاف كي سمحتيه

يخي عيباد يخي رجلتهم غير على نساهم كي يخرجوا من دار يولوا كي دجاج

و من بعد يفرغوا عشهم غير نساهم ووللادهم

غلطتي غلطة كبيرة كي سامحتيه ما يستهلش

------------------------------------

[عباس الجزائري]

يا الاخ إذا لم تصبر المرأة على زوجها و لم يصبر الزوج على زوجته فأي حياة هذه ,,,,,,,, إصبري و إحتسبي الأجر عند الجبار

[*نـــور*]

لا اعرف ما اقول صراحة
ربي يهديه و يفرج عليك
و يرزقك ذرية صالحة

[قمر السلام]

كيفاش قعدتي عند رجليه وبديتي تتوسليلووو ؟؟؟؟؟؟؟؟؟؟؟؟؟؟؟؟؟؟؟؟؟؟
يا ختي مادامك راكي تركعيلو ا اكيد رح يهينك خلي عندك شوية كرامة
الركوع لربي

[سآجدْ للهْ]

ماستر زعمة زعمة
+ضربك برجلو
انا ما نقبلهآش جملة وتفصيلا الصرآحة
ولكن بما أنو تصلحت الامور بيناتكم أجبديلو على الموضوع وما لازمش يكررها ولا تولي حاجة اخرى

[نقاء روح]

اولا ربي يفرج عليك اختي ويشفيك من مرض الشقسقة

ثانيا ما عساني ان اقول

تعجبت بشدة من تصرف زوجك
المهم ربي يهدي لحوال بيناتكم
تفاهموا بالعقلية وقوليلي انو جرحك بزاااااااف
كيما راعاش مرضك وزيد شغلك لضيافوا
وربي يهديه زوجك

[نارينا]

لم ركعت عند رجله وطلبت السماح ؟؟ لأجل ماذا ؟؟ أنت لم تخطيء أصلا .....المهم حتى وان تيقن أنك لست حاملا فذلك ليس بالمبرر لما فعل ....المهم رجع وقبل رأسك أفضل من أن يكمل في اهانتك أكثر ...حياتك وأنت تعرفين كيف تسيرينها ...بالمناسبة أفهميه مرة أخرى أن الاولاد رزق من الله ولا يدري أحد متى يسوق الله رزقه ...مخافة أي اعتداء عنيف قادم لقدر الله

[اسعى لرضى الله]

يا اختي شوفي مكانش اللي ميغلطش متكبريش الموضوع هو صح غلط ونورمالمون ميضربكش بالطريقة هدي بصح من الافضل تسمحيلو خاصة انو جا وطلب السماح مي احكي معاه انو غاضاتك كي ضربك وبلي هد الامور معاتش يعيدها احكي معاه مشي تداقي معاه وديري مشكل ممكن حتى توصلي الطلاق الشيطان ماذابيه تخربي دارك وتطلقي

[hamza18]

لو اني جيت في بلاصتك مانسامحوش لاني ضد الضرب

[cokis katerina]

المسامح كريم. انا تاني راجلي مايحبش حتى جارة تدخل عليا ولكن الهاتف ضروري هنا لوكان قلتهاله وزيد تاني دليتي روحك معاه لوكان كملتي شغلك وخليتيه مشنف راجل بصفة عامة يبغي المرا قوية الشخصية ميبغيهاش مدلولا كيما النساء الشوارع وماقلتيناش هادا ولد جارتك كبير ولا صغير ؟؟؟؟؟؟

[midou2583]

سلام الله عليكم
يااختي والله ارى ان هذه الحادثة بسيطة جدا جدا وايا منا ممكن تحدث له
فلا داعي لتضخيم الامور وجعلها جناية كما رد بعض الاخوة

فانت نظرت الى جانب الركلة فقط وتناسيت كل المودة التي كانت بينكما فبمجرد انه ضربكي جاء الشيطان وضخم لك الامر والهدف هو زعزعة العلاقة بينكما

وانا شخصيا ارى انه انسان متخلق وطيب معك الى اقصى الدرجات فلا تمحي كل ماضيه بمجرد خطأ صدر منه

فالحياة الزوجية كالخيط الرفيع اذا جدبه اليه فاتركي انت واذا جذبته انت فليتركه هو حتى لا ينقطع

وتاكذي انه يحبك جدا جدا وضربه اياك الا عن غيرة وعرض عندما وجد رجل اجنبي عليك امام المنزل فلم يتحكم في اعصابه
خاصة اذا كانقد تعرض لضغوطات في يومه وعندما راى هذه الحادثة انفجر، فاعذريه

وفي الاخير لا تنسي فقد طلب السماح منك وهذا اسلوب راقي ودليل على اعترافه بخطأ التصرف
لذلك فنصيحة مني اليك لا تضخمي الامور واحمد الله على كل شيء واي امر "صغريه يصغار تكبريه يكبار"

وربي يرزقكم بالذرية الصالحة ويكمل حياتكم بالخير والهنا


.

[زايدي أمحمد]

السلام عليكم ورحمة الله وبركاته
اختي أولا احمدي الله حمدا كبيرا ان رغم المشاكل وطريقة الاهانة الا انه اعترف بخطأه وهذا شئ ايجابيي
ثانيا ايتها الاخت الفاضلة الانسان عندما يغضب كل واحد يعبر عن غضبه
لكن في غضبه ارى شئ ايجابي انه يحبك ولا يريد احد ان يراك غيره
ثالثا ايتها الاخت الله عز وجل كرم المرأة صحيح عليها تطيع زوجها لكن لها كرامتها لايجب ان تبوسي رجله لتطلبي منو السماح هناك الف طريقة لطلب صفح بدون اهانة نفسك مدامك اهنت نفسك اكيد يهينك
اتمنى كل الخير ياسيدتي
انا ارى هذه المشكل جزء من الحياة واختبارا لك لتكتسبي خبرة لبقية مشوارك في حياتك يااختي انا ارى الامور كلها حاليا بخير
اتمنى لك حيتة سعيدة والسلام عليكم

[nawel zed]

اختي ربي يكون في عونك و يصلح الاحوال
زوجك غلط الضرب عمرو ما كان حل لكن ارواحي انتي و فهميهالهم خاصة العقلية الجزائرية على ابسط الاشياء يجرو للضرب معظم الزوجات راهي تتضرب الا الفئة القليييلة هاذي عند الفارغة عقولهم علامة رجولة تحملي و اصبري و ما تكبريش الموضوع لكن فوتي مدة كي تكونوا ملاح في 2 اجبدي الموضوع بطريقة مليحة و فهميه بلي ما يزيدش يعاودها و كي نغلط قولو فهمني راني عندي عقل و نفهم و كون انت في بلاصتي واش دير مدام تزوجتي لازم تتحملي مي في حالة حكيتي تفاهمتوا عاودها هنا بلغ السيل الزبى

[المنصور3]

يا أخت الله يسامح زوجك على ما فعل ، المهم تعلمين أن الغضب يعمي كثيرا حتى لا يعلم المرء ما يقول وما يفعل وهو من الشيطان الذي ينفخ في الإنسان الغاضب حتى يوصله إلى فعل مالا يحمد وهذا ما حصل لزوجك حيث ربط بين عدم وجود حمل و إحساس بعدم مصارحته بذلك .
يا أخت احتسبي أجرك عند الله و سامحيه بعد أن اعتذر منك ولا تتركي فرصة للشيطان حتى يفرق بينكما ووالله إنه هدفه منذ أن وسوس لزوجك حتى يضربك ، أعيدي فتح الموضوع بشكل عادي دون غضب عسى أن يتدارك زوجك الوضع ولا يكرره

[الألماسة]

هو غلط و انتي سامحتيه
وين راه المشكل دوك؟
ماقدرتيش تنساي الاهانة؟
صح واعرة بزااااااااااااااااااااف
معليش كبري خاطرك لكن انتي غلطتي كي ركعتي عند رجليه و طلبتي سماح
لانو من حقك تشري المناشف لانها ضرورية جداااااااااااااااااااا
ننصحك بلاك تزيدي تحبطي عند رجليه لانه ما يستاهلش
انساي اختي و كبري خاطرك