راني هبلت

[مشكلتي]

السلام عليكم ::: منين نبدا لكم قصتي أنا تزوجت براجل حسبته راجل ونص في البداية عشنا في بيتهم في غرفة وبحكم الحجاب كان مانعني نهائيا نطيب ولا نغسل ولا ندير أي حاجة وأنا وليت ما ناكلش بسباب شفت روحي علة مع أني في بيتنا كنت شاطرة ومعروفة بالطياب ناهيك عن عاداتهم لي تختلف نهائيا عن دارنا معليش صبرت وقلت ماعليش
وبسبب مشاكل كون نحكيهالكم ما رايحينش تصدقوني
المهم كرالي في دار مجرد غرفة في السطح لا حمام أكرمكم الله ولا شيئ وباش نتوضأ للصلاة نضطر نلبس حجابي ونروح لدارهم لاخاطرش ماعندي حتى مرفق ونهار لي تصب الأمطار كلي راني برا الغرفة تسيل من كل جوايه ومع هذا صبرت وقلت ماعليش وهنا بدات المشاكل لأجل أتفه المشاكل ولا يضربني السيد ولما يشوفني نبكي يبكي ويطلب مني السماح وأنا نسامح بحكم عدة إعتبارات أني زوجي وأني بعيدة على دارنا مسافة كبيرة بزاف ووو
أمه كانت تتدخل بزاف وصلت يا ناس أنا وفي هاذ السكنة طلبت منو يشري العيد الكبير وانا رفضت لأنو مستحيل نعيد وأنا ما عنديش حتى حمام لقضاء الحاجة ربي يعزكم ورغم ذلك شراه وتصرفو فيه دارهم كيما يحبو وأنا بقيت هذاك النهار وحدي لاخاطرش لما لقاني لابسة خمار وجبة زعف وخرجني من دراهم وزاد ضربني لاني في رايه رايح خوه يشوفني وديت نهاري كامل نبكي بعد ضرب شديد منه
بعت كامل ذهبي وبنا غرفة صغيرة في قطعة أرضية نتاعه وتحت الضغوطات سكنا فيها هاذ الغرفة طوب فقط مافيها حتى شيئ وكنت طيب على طابونة برك والفئران قاسمة معاي المعيشة نرقد وأنا خايفة حتى باب ماكانش في هاذ الغرفة وظروفي الله لا يوريكم وقلت ماعليش نصبر لكن هو ما قدرش ظروفي ولى يضربني بزاف ودايمن الضياف يجيبهوم ومستحملة ونقول ماعليش وصل وين بغا يدير عرضة نتاع ثلاثين شخص وأنا طيب على طابونة وغرفة واحدة ولما قلت لأمه قاتلي الفحلة لي تفرح راجلها قتلها ايه بصح وينهم الإمكانيات ؟؟؟؟؟؟؟؟
السيد فهم سكوتي ضعف وتمادى وصل وين بدا يلم يشري لوطو وأنا يا ناس الغرفة اللي فيها ما فيهاش حتى باب يسترني ؟؟؟؟؟؟
أنا راني رايحة نهبل وخلاص مرضت من راسي كل يوم نعاني منه قوليلي يرحم بابكم
السيد إمكانياته كبيره راه مهندس ومستوى دكتوراة وراسه يابس اللي في راسه يديره
واش ندير دبرو عليا .....

[loulou88]

السلام عليكم
انا متأكدة من ان كل من قرأ مشكلتك يريد لكي حلا ولكن عجزوا عن المساعدة
لان ببساطة الحل هو الصبر واهم حل يجب ان يتغير زوجك نحو الافضل
اختي ان كان لديكي والد او شخص لديه وقار وحكمة يجب ان يتدخل

[وسام المؤمنة]

لا حول ولا قوة الا بالله الله يكون فالعون

[امال مارية]

ربي يفرج عليك في القريب العاجل. يارك الله فيك على كل م تحملته

[khawla MI]

انا هنا ما لقيت ما نقولك اختي من غير نسمعلك و ندعيلك ان شاء الله ربي يفرج عليك ، زيدي اصبري و كان نشوفو من الجهة الايجابية كنتي ساكنة مع عجوزك و ماكنتيش تفرحي لا فماكلة و لا ف شراب مبعد خرجتي من عندها معتاها ريحتي من مشكل على الأقل ، و دوكا صح بالاك ما كيش مريحة بصح راكي عايشة وحدك بلا مشاكل العجوز و السلايف اللي ما يكملوش لهنا لازم نحبسو باه نيريحو و نقولو الحمد لله ، مبعد نروحو لمشكل زوجك الي يضربك بصح ما قلتيناش علاش؟ وشنو هي السبة ؟ ادا الأرض ارضكم حاولي تقنعيه انتي و لا اي واحد تعرفي الي يسمعلو الكلام يقولو لي دارك أولى ،

و ربي يقدملك لي فيه الخير يا أختي ، و والله و الله غير من كثرة ما هاد المشاكل راهم يفوتو عليا صباح و عشية انا ما شكيتش راح ندير الدار :( و كان اتشوفي بنات واحدوخرين بلاك عايشين اسوآ منك بصح بالصبر و بالمحبة كل شي يجوز ،

[loufa]

ربي يفرج عليك تالمت كثيرا لكن
يابنتي للصبر حدود اين هم اهلك من كل هذا الا يعلمون بما يجري لك

[salem1985]

لابدا من الصرامة وان يكون لكل حقوق واجبات ربي يصبرك اختي بصح لازم توقفي بباه وامه الى جانبك ومن بعد تسهال ليك الامور

[*نـــور*]

لا اله الا الله
ما هذا
اكره الرجل الذي يضرب زوجته خصوصا لما تكون مطيعة
يا رب فرج عنها يا رب
لم اجد ما اقول

[naamane3]

الحل انك تحطيلو عقلو في راسو
ولازمو يترك هاد المباهات
ويلتفت لك ولضروريات حياتك
(ناس اغبياء وحمقى )
اتسعيني بالصبر والصلاة وكثرة الاستغفار

[hamza18]

لو كنت في مكانك لما صبرت يوما ليس بسب المعيشة او الحجاب ولكن بسب الضرب ولكن في النهاية اقول لك الصبر مفتاح الفرج

[نارينا]

يعني لم الزواج اصلا ان كانت هذه هي النتيجة؟؟ ثم كيف لمهندس متحصل على دكتوراه ان يعيش في ظل هذه الظروف المزرية ؟؟ ماذا يفعل ب راتبه ان كنتم لا تتوفرون حتى على حمام؟؟

[نقاء روح]

الله المستعان
اختي اقولها بصراحة كاين رجال بزاف كشوفوا سكوت وصبر زوجاتهم على اخطائهم يحسابوا خلاص مالقاتش وين تاكل الكسرة كيما نقولوها
اختي لا شرعا ولا عرفا يجوز له معاملتك هكذا
احي لوالديك خليهم يديرولوا حل
والله تعجبت بابا ماكانش ويبغي يشري سيارة ؟؟؟؟؟؟؟؟؟؟؟؟؟

ربي يهديه ويفرج عليك اصبري وما تسكتيش على حقك راهو تمادى

[nawel zed]

ربي يفرج عليك و يهديه هنا لازم غير الناس الكبار تتدخل تفريها ظلم علاه عليك كون مش قادر صح نقلك اصبري يفرجها ربي مي يشري سيااارة و انتوما في الميزيرية العقل ما يتقبلهاش الله يهديييييييييييي

[زايدي أمحمد]

السلام عليكم
أيتها الأخت الفاضلة أولا عليك بصبر ودعاء الى الله عزو وجل لعل وعسى ان يهديه الرب
عليك الاخت الفاضلة ان تتحدثي مع امه وتحكي ظروفك
عليك صبر لمدة فان هذا الرجل لم بصلح نفسه فاانت تعلمي مااريد قوله لك وهي ابغض الحلال عند الله
لان الم{اة مكرمة عند الله فكيف لا يكرمها الزوج فان لم يكرمها فعليها ان تبقى في بيت والديها
السلام عليكم

[jissi]

السلام عليكم ::: منين نبدا لكم قصتي أنا تزوجت براجل حسبته راجل ونص في البداية عشنا في بيتهم في غرفة وبحكم الحجاب كان مانعني نهائيا نطيب ولا نغسل ولا ندير أي حاجة وأنا وليت ما ناكلش بسباب شفت روحي علة مع أني في بيتنا كنت شاطرة ومعروفة بالطياب ناهيك عن عاداتهم لي تختلف نهائيا عن دارنا معليش صبرت وقلت ماعليش
وبسبب مشاكل كون نحكيهالكم ما رايحينش تصدقوني
المهم كرالي في دار مجرد غرفة في السطح لا حمام أكرمكم الله ولا شيئ وباش نتوضأ للصلاة نضطر نلبس حجابي ونروح لدارهم لاخاطرش ماعندي حتى مرفق ونهار لي تصب الأمطار كلي راني برا الغرفة تسيل من كل جوايه ومع هذا صبرت وقلت ماعليش وهنا بدات المشاكل لأجل أتفه المشاكل ولا يضربني السيد ولما يشوفني نبكي يبكي ويطلب مني السماح وأنا نسامح بحكم عدة إعتبارات أني زوجي وأني بعيدة على دارنا مسافة كبيرة بزاف ووو
أمه كانت تتدخل بزاف وصلت يا ناس أنا وفي هاذ السكنة طلبت منو يشري العيد الكبير وانا رفضت لأنو مستحيل نعيد وأنا ما عنديش حتى حمام لقضاء الحاجة ربي يعزكم ورغم ذلك شراه وتصرفو فيه دارهم كيما يحبو وأنا بقيت هذاك النهار وحدي لاخاطرش لما لقاني لابسة خمار وجبة زعف وخرجني من دراهم وزاد ضربني لاني في رايه رايح خوه يشوفني وديت نهاري كامل نبكي بعد ضرب شديد منه
بعت كامل ذهبي وبنا غرفة صغيرة في قطعة أرضية نتاعه وتحت الضغوطات سكنا فيها هاذ الغرفة طوب فقط مافيها حتى شيئ وكنت طيب على طابونة برك والفئران قاسمة معاي المعيشة نرقد وأنا خايفة حتى باب ماكانش في هاذ الغرفة وظروفي الله لا يوريكم وقلت ماعليش نصبر لكن هو ما قدرش ظروفي ولى يضربني بزاف ودايمن الضياف يجيبهوم ومستحملة ونقول ماعليش وصل وين بغا يدير عرضة نتاع ثلاثين شخص وأنا طيب على طابونة وغرفة واحدة ولما قلت لأمه قاتلي الفحلة لي تفرح راجلها قتلها ايه بصح وينهم الإمكانيات ؟؟؟؟؟؟؟؟
السيد فهم سكوتي ضعف وتمادى وصل وين بدا يلم يشري لوطو وأنا يا ناس الغرفة اللي فيها ما فيهاش حتى باب يسترني ؟؟؟؟؟؟
أنا راني رايحة نهبل وخلاص مرضت من راسي كل يوم نعاني منه قوليلي يرحم بابكم
السيد إمكانياته كبيره راه مهندس ومستوى دكتوراة وراسه يابس اللي في راسه يديره
واش ندير دبرو عليا .....

لا حول ولا قوة الا بالله الله يكون فالعون يا أختي
هذا هو المستوى التعليمي الذي تشترطه بعض الفتيات

[الجواهر]

ربي يفرج عليك اختي
بصح لازم تفكري شوية هو عايش معاك في تلك الغرفة يني قابل على روحو امالا هو مستحيل يبدل رايه اما السيارة فالرجال تقريبا يحبون السيارات حتى كون يسكن في كوخ قصديري

[أم أمة الله الجزائرية]

أعانك الله

[المنصور3]

لا حول ولا قوة إلا بالله
حقا شيء عجيب كيف يأتي رجل بامرأة من أهلها ليرهقها و يذلها و يضربها و يحرمها من أدنى حقوقها هل يرضاها لأخته أو ابنته
يا أخت استشيري أهلك إن لم يكن لهم علم عسى أن يتوصلوا لحل معه

[hamza touazi]

;والله كارثة اين هم اهلك اختي اين هم اقرابائك ربي يكون معاك ختي والله هدا راجل كارثة في عوظ مايبني لمرتو ولولادو دار تسترهم يحوس على الكماليات ربي يهديه ختي حاولي دخلي داركم او واحد من الاهل الكبار يحطوه فالامر الواقع ويفهموه بالتي هي احسن والله ربي يعطءك الصبر ماتسمحيلوش يظربك كوني قوية والله

[jihanne]

مهندس ومستوى دكتوراة وحالتكم هكذا؟؟

عندكم كونكسيو؟


ربي يفرج عليكم

[راية الاسلام1]

السلاام عليكم
ومازلت صاابرة لحد اليوم؟؟
نستعرف بيك والله
أختي لم لم تحكي معاناتك لاهلك؟؟ اليوم كاين البورتابل، الانترنت...
اين دور اهلك؟؟؟
يا اختي هذا زوااج، والزوااج اللي فيه الذل ليس بزوااج...
انا ننصحك مادامك ماعندكش ولااد اجبدي رووحك احسن... لانو الزوج حين يصل الى ضرب زوجته يسقط الاحتراام
اياك ثم اياك ثم اياك ان تجبري نفسك على حيااة لا تريدينها لانك تخاافين كلاام الناااس
صدقيني انت لست ظاالمة وربي معاااك
اكثري الاستغفاار والدعاااء

[اسم مرا]

ربي يفرج عليك