اريد حلا مع خطيبي

[jiji17]

اريد حلا مع خطيبي (http://www.hayah.cc/forum/t149319.html)


انا نموت على خطيبي (http://www.hayah.cc/forum/t149319.html) وهو ثاني متفهمين في كلش والحمد الله بصح مرات تجيه اي مشكلة ميهدرش معايا في الهاتف وقلي كي تعود عندي مشكلة منحبش نهدر مع (http://www.hayah.cc/forum/t149319.html) اي حد ختان انا نحلو ونبعثلو مساجات وكاني انا لمتشاجرة معاها وانا فيسع نتقلق اذا مهدرش معايا
صرتلي مرتين بصح قتلو اذا عاودتها ثالث مرة منتفهموش وقلي لا لا منعودهاش ورجعنا عادي نحكو ونضحكو كي العادة حتان البارح الصباح بعثتلو مرتين مردش علي ومبعد سكر بورتابلو دقيت دقيت والو وعلى الزوج بعثتلو مساج قتلو افتح بورتابلك فتحو ه و يدير رنفوا ميسكروش وكي بعثتلو كوبة علي ومبعد قعدت نبكي حت جفو دموعي وكرهت حياتي وكان تشاجرة معاها معليهش حرقلي قلبي

قولولي كفاها نتعامل معاها ربي يخليكم

[*سندوسة*]

نفس المشكل مع خطيبي الاول تقولي فوطو كوبي

بصح انا فسخت خطوبتي مانقدرش نعيش مع انسان لا يشاركني تفاصيل حياته

موفقة اختي

[" أبو عبود"]

بسيطة انسيه لانك مزال مش زوجته وكي يولي رالجك احكمي فيه. وصراحة هكذا راكي تحللي على روحك. ديري قيمة لروحك. ما تعيطلوش ما تبعثلوش انسي انه موجود. وكي يتصل بيك ما ترفديش من اول مرة وكي يقلك قوليلو نسيته سيلونسيو. شوية شوية رايح يولي غير موجود في حياتك. هذي ما رفدش عليك او ما كلمكش صار فيك هاك ولو كان يزوج ويخليك واش يصرالك؟ اسمحيلي بصح هذه هي الحقيقة. ما عندناش وقت نضيعوه من اعمارنا على ناس ما درلناش قيمة.

[الألماسة]

يا اختي نصيحة من مجربة
طبقي الشرع ما تحكي معاه ما تعيطيلو
و ماطوليش الخطبة
خلي الرجال يهدرو و اذا قادر يتزوج اوك
اذا ناوي يطول الخطبة ربي يجيبلو من جهة اخرى
ماطوليش الخطبة يا اختي نصيحة مني

[جمعي البشاري]

الهاتف هو سبب المشاكل
اما الحكايات خليها بعد الزواج احسن
وثقي في نفسك ////كل شيء بالمكتوب لي فيها خير يجيبها ربي ///
بين الخطبة والزواج ..التحدث يكون في احترام الطرفين لبعضهما وفي امور الجادة فقط
خليك بعيدة عن هده الشكليات واهتمي بنفسك واعمالك
وايضا في طاعة الله وقراءة القرآن

[lola22]

انتي اللي خليتيه يدير كما هك
خلييييييييييييييييييييه دبر راسو ما يعيطلكش وضرك يجيه نهااار ويفهم وحدوا ....
ديري روحك كلي ما علابالك

[محبة الله الجزائرية]

نقولك حاجة انا نكره حاجة و اسمها قلة من قيمة انا منحبش نطيح من قيمتي و اللي ما دارلي حساب نخليه

اللي محسبليش قيمتي ما نحكي معاه و ما نقيمو هزي من قيمتك حنونتي و اخطيك منو

[كلنا راحلون]

ديرو مشاكل وبعدها ارجوووك انا ولية انا مسكينة اقول لخطيبك برااافو تفنن في تعذيبها ههههه صنف من الرجال بعد ما تسقط خطيبتو او زوجتو في حبو يمارس عليها كل انواع تعذيب نفسي برافوووووو لخطيبك وزواج سعيد ...ما تخافيش ماراح يتخلى عليك وماديريش مشاكل

[Jack-Sparow]

السلام عليكم و رحمة الله
هذا أكبر مشكل يقع فيه الشباب و الشابات في هذا العصر و هو أنهم يظنون أن بعد الخطوبة تحل لك الفتاة ...؟؟

أختي الكريمة الخطوبة ليست إلا فترة وجيزة للتعارف بين الخطيبين و عائلتهما ...في إطار الشرع ..و لا يجوز للخاطب أن يكلم خطيبته بدون علم و حظور أحد من أهلها ...
و الخطوبة فترة حساسة و يكثر فيها الشك و سوء الظن ..و هذا ما يسبب كثرة المشاكل بين الخطيبين ...فأي كلمة يقولها الشاب أو تقولها البنت يحسب لها ألف حساب .. أختي الفاضلة أنصحك بأن تجتنبي الكلام الكثير مع خطيبك لأنه ليس بينكما ميثاق بعد ...ويمكن في أي لحظة أن تفسخ خطوبتكما ..و أنت بكثرة كلامك معه لا يزيدك إلا تعلقا به ...
وفقنا الله إلى ما فيه الخير و السعادة