حماتي دمرتني

[عاشقة سكون الليل]

السلام عليكم اخوتي انا راح نحكيلكم قصتي و ارجو منكم ان ترشدوني لطريق الصح

انا عندي سنتين زواج اعيش مع عائلة زوجي ........زوجي و من في البيت كلهم يحبونني الا حماتي ...... دائما طيشلي و

لمعاني حتان توصلت في احد المرات انها تضربني و انا بالحمل و زوجي مادار والو على جالي...قلت خلي نصبر بلاك

تتعدل معايا .......مرضت بعينها و لات ماتشوفش خلاص و رغم ما درتلي هزيتها احسن من بناتها .......بصح كي رتاحت

دورك زادت ولات ديرلي فالمشاكل من جديد.......واحد النهار روحت طيشت لكوش تاع ولدي في لابوبال راحت هزاتوا و

طيشاتوا في غرفة النوم تاعي ....قاتلي علاه طيشي فيه و الناس تشوفو ...شوفي بلاصة اخرى طيشيه فيه....قتلها مالا

نخبيه في القردروب .....و دخلت لغرفة نومي و خبطت الباب جات هي حلت الباب و دفلت عليا و حكمتني من شعري و

قاتلي نمسح بيك الارض.......وليت تغششت هزيت ولدي ورحت لدارنا و زوجي كان ماكانش فالدار ........دورك زوجي

مايكلمنيش و مايسقسيش على ولدوا مع ان علابالو بلي ام هي لقاعدة دير فالمشاكل كان ديما يقولي اصبري برك

على جالي........بصح دورك كي ضربتني ام و رحت لدار بابا قالي مادامك خرجتي من الدار يعني انت لي درتي


المشكلة.......فوق هدا قاتلهم حماتي بلي انا ليضربتاه و بسقت عليها......حسبي الله و نعم الوكيل

[nawel zed]

اختي ربي يكون في عونك و يصلح الاحوال ان شاء الله غلطتي كي خرجتي بدون اذنوا هنا من كنتي مظلومة وليتي ظالمة ربي يهدي النفوس راجلك ما يقدر يغضب اموو ما يقدر يجي في صفك بين نارين و حنا النساء مشاكلنا ما تحبسش كون كي شفتيها تسبب راكي تسايريها مش عيب والا ضعف لا قدر و تربية و تمديلها ديما الوجه الطيب حتى كي تهدر اسكتي كيما تعاملك رديلها العكس بالخير مع الوقت تشوفها في روحها تمل و تتبدل الحياة الزوجية صعيبة لازملها صبر

[هيام الريحان]

ربي يصبرك يقولك التمس لاخيك77 عذرا بالاكش راجلك راه يبنيلك ولا راه يحوس على الكراء انتي اصبري وخليها على ربي وصلي وادعي وقومي الليل وهذا راجلك يجي النهار ويجي يديك من دار باباك ماتخميش بزاف تلقايه متوحشك ومتوحش وليدو بصح خايف من امو ومتمني يشوف وليدو يكبر ان شاء الله يكبر في عزكم ويولي راجل وتزوجوه وتشوفوا ولاد ولادو قولى اميييييييييييييييييييييين

[الألماسة]

اختي الكريمة
انتي غلطتي كي رديتي عليها و زدتي غلطتي كي خرجتي وحدك من دارك
لو ستنيتي زوجك و حكيتو و تفاهمتو و اذا ماكانش تفاهم هو يديك لداركم
معليش اختي اصبري شوي و ربي يفرج عليك و علينا
لا حول و لا قوة الا بالله

[hodayena]

اختي ربي يفرج عليك لكن خطاك كي خرجتي من الدار وحد هذا واش راهم العجايز تع دوكا يحوسو كون استنيتي حتى الزوج يجي وهو يقرر يا يديك يا يحل المشكل مع امو

[عاشقة سكون الليل]

اختي ربي يكون في عونك و يصلح الاحوال ان شاء الله غلطتي كي خرجتي بدون اذنوا هنا من كنتي مظلومة وليتي ظالمة ربي يهدي النفوس راجلك ما يقدر يغضب اموو ما يقدر يجي في صفك بين نارين و حنا النساء مشاكلنا ما تحبسش كون كي شفتيها تسبب راكي تسايريها مش عيب والا ضعف لا قدر و تربية و تمديلها ديما الوجه الطيب حتى كي تهدر اسكتي كيما تعاملك رديلها العكس بالخير مع الوقت تشوفها في روحها تمل و تتبدل الحياة الزوجية صعيبة لازملها صبر




و الله اختي عاملتها بكل انواع الطيبة و كي طيشلي الهدرة و لله نخبي في قلبي و نسكت ....حماتي انسانة ظالمة

يقدر عليها غير ربي شكرا اختي

[" أبو عبود"]

قد تكوني اخطات كي خرجت بدون إذن زوجك لكن الانسان لديه قدرة تحمل. نقلك راكي مزال لاباس عليك وماكنش شيء يستاهل انك تقلقي روحك. حتى عبارة " حماتي دمرتني" مش مقبولة منك. هي راهي في ارذل العمر ورايحة للقبر وانت ما شاء الله عليك مزال في اول حياتك. توكلي على ربي صلي وادعي. خلي باباك يهدر مع زوجك ويطلب سكن انفرادي لان هذا حقك خصوصا في ظل الظروف مثل هذي. واذا حب يرجعك تشرطي عليه امه ما تكون عندك معاها اي علاقة.

[نارينا]

انت امانة عندهم ومالاترضاه لابنتها يجب ان لاتفعله بك ربي يهديها وللصبر حدود ,,,,يعني ان تكون هناك ملاسنات بين الكنة والحماة هذا شيء وارد لكن ان تصل لحد الضرب والاهانة الجسدية هنا يجب ان تتوقف

[halouma tita]

كيفاه تضربك يعني مكان حتى واحد في الدار ل سلك مكان لا خو زوجك ولا باباه ولا حتى سلفتك يعني حماتك لازملها واحد يهدر معاها ويردها لعقلها
لازم واحد يدخل من أهلك ( باباك ) وزوجك تاني لازم يجي مع الصح
وربي يهديها حماتك

[أم شروفة]

اااااااااااااااه الكوش راه داير مشاكل أنا كذلك يقولولي ما ترميهش.لكن اختك ذكيه ولن أترك مجرد عجوز تدمرلي حياتي .فنرميه داخل لابوبال من تحت كامل حتى ما يبانش .وكي يتكلمو نبتسم وهكذا تستمر الحياة.إذا رجعتي تعلمي ماااااتروديش .شكروك ابتسمي ذموك ابتسمي .و عقبي حياتك ابتسامات كاذبةولا انسى كلمي زوجك في الهاتف ووضحيلو وش صرا.أكيد لو يسمع باللي أنتي ضربتي أمه مستحيل ترجعي للدار

[أم عبد الكريم]

ربي يفرج عليك و يهدي هذه الحماة المتسلطة و بغيت نقولك انك غلطتي كي خرجتي من دارك في غياب زوجك و بدون اذنه حاولي تصلحي الموقف و الحماة هذي اتبعي معاها سياسة التجاهل هكا رح ترتاحي من تكسار الراس مع راجلك

[hodayena]

اه اختي تفكرت انا في الحقيقة عندي بوبال في شمبرتي يعني نلم صاشي ونخرج كل يوم قبل النوم نفرغ لابوبال ومعنديش الريحة كامل في الشمبرة ونعقد مليح علابالي بلي تقلب يعني اشري بوبال وتتهناي اتصلي بزوجك وحلي المشكل وقبل ما تولي اشري بوبال صغيرة تع شنابر يديرو 150 دج وفرات وقولي لراجل يخرج الصاشي قبل النوم وفرات وربي يهدي سرك

[ام محمد معاد]

الله يفرج همك .انا نانيش ساكنة هعاها وما سلكتش من خبثها
الله يقدرك يجو يخطبونا بوجه ومين يوصلونا يورولنا الوجه الاصلي.
يا اختي ما تخربيش دارك بيدك وتخليها تفرح كي وصلت لمرادها باه تخرجك من الدار لعفسي على قلبك ورفدي ولدك وولي لدارك وديري بوبال في الشومبرا ومين يخرج راجلك عطيه يرميها.
بعد ي على الشر و غني له

[geologie]

ربي يصبرك تأكدي ربي لا ينسا أحد ربي يجيبلك التفريج

[سلواان]

راجلك ما يقدر يغضب اموو ما يقدر يجي في صفك

لي تعليق على هاذ العبارة ..لست اريد للزوجة تصعيد الموقف لا أبدا..
وماذا لو غضبت الأم ؟ طاح السما على الأرض ؟
يعني برأيك يقبل الظلم من أجل ارضاء أمه ؟
والله عجيب أمر مجتمعنا ...ماذا لو كلم أمه واوضح لها ان الظلم ظلمات يوم القيامة ..لماذا يسكت عليها ؟
أليس ذلك يزيد في طغيانها وجبروتها ..ليس عيبا ان يواجه الإبن أو البنت الأم بالحق طبعا مع التزام الأدب في مخاطبتها ..
ألهذه الدرجة يكون الخشية من الله ..؟
ثم أين في شرعنا ما يمنعنا من قول الحق للوالدين ؟ لا أبدا ..الله سبحانه وتعالى أمرنا الإحسان للوالدين .وطاعاتهما في المعروف وليس في المنكر ..
هذه الأم ترتكب المنكر ولما لم تجد من يتصدى لها تمادت ..قال يا فرعون واش فرعنك قالهم واحد ما ردني ..
ليس بعيدا أن تذهب هذه الأم وقد سبقنها كثيرات الى تطليق تلك الزوجة المسكينة ..اذا لم يقف ذلك الإبن ليثبت لأمه أمه أنه لايمكنه أن يكون نصيرا للظلم ..والله يا إخوة لأمرنا يدعو للإستغراب فلاتعاليم ديننا السمحة التزمنا بها ولا الضوابط التي تحكم العلاقات في المجتمعات الأوروبية ..المتحضرة عملنا بها ..
إنها حالة من التدري لاسابق لها ...الظلم مستشر في مجتمعنا الذي يدعي الإسلام والمحافظة ..وحالة من الصمت سائدة لدى كثير من العائلات حيث تتجرع فيها الضحايا مرارة القهر والإذلال من طرف من يُفترض أنهم حماة لهم . ..فقط لأجل تجنب الفضيحة والعيب .صاحبة المشكلة ..عليها أن تعيد حساباتها من جديد وتبحث عن طرق وسبل تستطيع من خلالها تحسيس زوجها لتحول دوره من دور المتفرج الى دور الشاعر بمعاناتها فتوقظ فيه داعي نصرتها ومؤازرتها ..اضافة الى محاولة تقويم سلوك أم زوجها بالعقل والمداراة ..حفاظا على استقرارها في دار زوجه فإنه والله لهناك من الرجال من لايكلف نفسه أمر الحفاظ على زوجته فيكفي أن تكون امه متذمرة من زوجته ليكون له مبررا البحث عن امرأة اخرى مطيعة ذليلة لأمه ..

[ام اميمة الجميلة]

السلام عليكم ورحمة الله تعالي وبركاته
عجوزتك حماتك يمات راجلك الكرش لجابت الراجل لي جبتي منه اولادك
احتارميها احتارميها احتارميها
لوكان يماك ضرباتك تتقبليها لو كان يماك لسباتك ماتروديلهاش لو كان يماك ل..............................
علاش نتقبلو كلش من يماتنا ونتحملوهم عادي وكتولي في عجايزنا مانتقبلو والو منهم
عجوزتك=يماك بلاك يغلطوك ويقولولك ماهيش يماك
شوفي يل اختي ديري مليح في بالك بلي كامل نموتو وندو معانا واش درنا هذه الدنيا فانيا
طيعي عجوزتك وطلبي منها السماح وبوسيلها راسها ويديها
راحا تكبري في عين راجلك واهلك يفتخروا بيك
اذا سباتك قوليلها صحيتي واذا ضرباتك قوليلها يما وضربتني واذا.......قوليلها يبقاو غير دعاوي الخير
وربي معاك

[ام البنوتة]

السلام عليكم ورحمة الله تعالي وبركاته
عجوزتك حماتك يمات راجلك الكرش لجابت الراجل لي جبتي منه اولادك
احتارميها احتارميها احتارميها
لوكان يماك ضرباتك تتقبليها لو كان يماك لسباتك ماتروديلهاش لو كان يماك ل..............................
علاش نتقبلو كلش من يماتنا ونتحملوهم عادي وكتولي في عجايزنا مانتقبلو والو منهم
عجوزتك=يماك بلاك يغلطوك ويقولولك ماهيش يماك
شوفي يل اختي ديري مليح في بالك بلي كامل نموتو وندو معانا واش درنا هذه الدنيا فانيا
طيعي عجوزتك وطلبي منها السماح وبوسيلها راسها ويديها
راحا تكبري في عين راجلك واهلك يفتخروا بيك
اذا سباتك قوليلها صحيتي واذا ضرباتك قوليلها يما وضربتني واذا.......قوليلها يبقاو غير دعاوي الخير
وربي معاك



مثالية ليس لها حد او شبيه..

[اياد حياتي]

هههه هذه كامل مكانش منها يما وضربتني شحال عندها يما ومضربتنيش وكي ضربتني على جال صلاحاتي وتحبني وترجع تعانقني وتقولي انا نحوس على مصلحتك بصح هذه راهي ذل فيها يا حنونة انا والله حرت يقول هي تسيئلك وانت قابليها بالاحسان والله غير مليحة خطونا من مثالية كون جات فيك صح تهدر معاها بالهداوة وتعليش صوتها بصح كل في حدودو قالت بلي رفدتها كي كانت مريضة ومبعد كي بدات مليحة ولات لطبايعها هذه ربي دارلها سبة باش تبطل طبايعها بصح..... اختي نقولك ربي يفرج عليك وانتي غلطتي غلطة كبيرة كي خرجت بدون اذن راجلك كون خليتيه حتى جا للدار ما تعرفيش واش قاتلو انا نقولك ما تلوميهش قولي للباباك يعيطلو وجي عندكم وتفاهمو ويهدو الامور وما دام عجوزتك مهيش وحدها خليه يديرلك دارك وحدك وربي معاك

[أمنية غفران]

ربي يفرج عليك أختي و على كل ولية مغبونة........... لا حول و لا قوة الا بالله

[naamane3]

ارجعي لدارك واستسمحي زوجك
اما بخصوص هذه العجوز
فاقهريها باذكار الصباح والمساء
فان لها مفعول كبير

[salsila]

ام اميمة الجميلة يالك من طيبة حنون لو كنت عرفتك من قبل لاخدتك زوجة اخي يا اختي بركايك من هاد الامور ياو كامل كيف كيف زعمة انت تظربك حماتك وتقعدي نورمال تروحي طيحي فوق راسها وتبوسيها وتقوليلها امي حبيبيتي عندك الحق ضربيني وسبيني انا لي منسواش
ان كانت لك حماة اتمنى ان تضربك وتشتمك حتى نرى ردت فعلت ان لم تضربيها بالمثل
كفان من هدا يانساء لي مجربش ميهدرش واصلا لعجوز تحب كيما بنتها مستحيل وانت تحبيها كيما يماك من سبع المستحيلات قد يكون الاحترام بينكم متبادل والحب متبادل لكن لدرجة البنت والام لا ولا والف لالالالا
اما للمراة التي كتبت المشكلة اقول لك اخظاة عندما غادرت المنزل لا تغادريه واتصلي باهلك هم ياتون اليك مثلا ابوك وعمك كبار ويدييرو لجماعة مع راجلك ويلا عندك شيخك واخوان راجلك ايلا راهم كبار
اختي ارجعي الى منزلك واياك والمغادرة حتى وان تشاجرت مع زوجك غرفة النوم ولا تغادريها انا لست متزوجة لكن توجد امراة كبيرة وصاتني قالتلي جامي تخرجي من دار راجلك والا الغرفة حتى وان هو من طلب هدا لا تخرجي ادا اراد هو فليخرج اما انت فلا
اوصيك يا اختي بكثرة الاستغفار فهي تزيل الهم وتفتح الاقفال عسى زوجك يستقل بمنزل لوحدكم والله على كل شيئ قدير وعندما تبدا عجوزتك بالشجار او زوجك اقراي سورة الكوثر وعن تجربة فهي تمنع الشجار
وفقي الله وحماك من كل سوء واعتدر عن الاطالة

[كاميلا]

لازم تدخل والديك والله ونشوف عجوزة بنتي ضربتها غير نروح ليها نبردها بطريحة تاع كلاب نمدولهم بنات باش يضربوهم حثالة هاذوا كون طاحت في وحدة تاع شارع تسطرها بطريحة صباح وعشية وتعاودلها التربية كي يطيحوا في العاقلين يلقاو رايهم
اختي لازم والديك يكون لهم موقف

[كاميلا]

السلام عليكم ورحمة الله تعالي وبركاته
عجوزتك حماتك يمات راجلك الكرش لجابت الراجل لي جبتي منه اولادك
احتارميها احتارميها احتارميها
لوكان يماك ضرباتك تتقبليها لو كان يماك لسباتك ماتروديلهاش لو كان يماك ل..............................
علاش نتقبلو كلش من يماتنا ونتحملوهم عادي وكتولي في عجايزنا مانتقبلو والو منهم
عجوزتك=يماك بلاك يغلطوك ويقولولك ماهيش يماك
شوفي يل اختي ديري مليح في بالك بلي كامل نموتو وندو معانا واش درنا هذه الدنيا فانيا
طيعي عجوزتك وطلبي منها السماح وبوسيلها راسها ويديها
راحا تكبري في عين راجلك واهلك يفتخروا بيك
اذا سباتك قوليلها صحيتي واذا ضرباتك قوليلها يما وضربتني واذا.......قوليلها يبقاو غير دعاوي الخير
وربي معاك




انت عمبلك بلاصتك ماشي هنا راكي ملاك طاح من السما نقولك حاجة ياو فاقو اللي كيفك اللي طيح البق والذل والمهانة
شكون قالك امها ............والله ماراهي امها وماجابتهاش من كرشها علابيها تهين فيها
شكون قالك تسبها معليش ....من اخلاق المسلم الابتسام في وجه اخيه فمابالك سب وشتم
شكون قالك من حقها تضربها ........لادين ولاشرع ولا تقاليد ولاعرف يقبل هذا حتى الحيوان وذنوب تضربيهم
وشكون قالك لازم تحمل الاهانات والسب نقولك حاجة باللي كيفك خلات الدنيا قال يا فرعون شكون اللي فرعنك قال العبيد تاعي
هي خلقت من كرش امها حرة ام تظنين انها في عصر الجواري امه مالكتها واهداتها لودها؟
كي تجي تنصحي انصحي بالعقل نهار تشوفي بنتك تضربها عجوزتها داك النهار تفكري هدرتي الهدرة ساهلة في ليستاع يا بنتي واحد مايقبل على ولاده شيء كيما هذا
طيحتوا علينا البق
قاتلك الكرش اللي جابت راجلك على جالتك علاش هي كي جابته للدنيا نواته على هاد العروسة والا دارته هبة ليها حتى راهي مدايرة مزية عليها.؟ كثر خير ربي اللي يرزق العباد

[جزائرية و افتخر آسية]

عليك بالدعاء و الاستغفار وقيام الليل يصرفها ربي
ربي ايفرج عليك

[ام امجد14]

لا لا حبيبتى صاحبة الموضوع الى قلتيه نصفو صحيح و نصفو خااااااااااطى
العجوز عامليها تماااااااااااما مثل امك لكن خط احمممر عمرك ما تنساى انها عجوزتك كيما قال الgaورى تعامل كان البيت بيتك لكن لا تنسى ان البيت بيتى
يعنى تحترميها تقدريها ما تردلهاش الكلام حتى و لو اخطات فى حقك وووووووووووووو كل الصفات الجميلة التى نتحلى بها مع معاملتنا مع امهاتنا


لكن عمممممممرك ما تحكى احلامك و طموحاتك و مشاريعك و سعادتك الزوجية ووووووووووو لعجوزتك هدا من الغباء

عمرك ما تحسيها انك تعرفى كاامل اسرار وليدها وين دخل وين خرج وين راح وين رايح يروح وووووووووووو هدا من الغباء ايضا

لااازم الدكاء الاجتماعى نتسلحو بيه مع تعاملنا مع العجايز

[dalila setif]

لا حول و لا قوة الا بالله العلي العظيم

حسبي الله وحده نعم الوكيل

[7anine 87]

ربي يفرج علييييييك لختى

[Dinho]

السلام عليكم ورحمة الله تعالي وبركاته
عجوزتك حماتك يمات راجلك الكرش لجابت الراجل لي جبتي منه اولادك
احتارميها احتارميها احتارميها
لوكان يماك ضرباتك تتقبليها لو كان يماك لسباتك ماتروديلهاش لو كان يماك ل..............................
علاش نتقبلو كلش من يماتنا ونتحملوهم عادي وكتولي في عجايزنا مانتقبلو والو منهم
عجوزتك=يماك بلاك يغلطوك ويقولولك ماهيش يماك
شوفي يل اختي ديري مليح في بالك بلي كامل نموتو وندو معانا واش درنا هذه الدنيا فانيا
طيعي عجوزتك وطلبي منها السماح وبوسيلها راسها ويديها
راحا تكبري في عين راجلك واهلك يفتخروا بيك
اذا سباتك قوليلها صحيتي واذا ضرباتك قوليلها يما وضربتني واذا.......قوليلها يبقاو غير دعاوي الخير
وربي معاك



سبحان الله

كنت أعتقد ان هذا النوع من النساء انقرض من مدة طويلة

بارك الله فيك أختي وان كان الكلام خرج بنية صادقة ولا تدعين المتالية فقط هنا في المنتدى

اقول لك الله يرحم الوالدين لي جابوك

[first first]

واش نقدر نقولك؟
يااختي الله يفرج عليك ويعطيك العقل قبل الصبر.
مناه بالعقل اتفهي المشاكل وتلقاي حلول وتفكري في صلاحك.........والصبر تاني لازمك مناه ساعات لعقل يحبس امام تصرف بعض العباد
المهم اختي لعزيزة.....كي ترجعي لدارك بريبي ان شاء الله ...الله يسترك........سقسيلنا عجوزك المصونة..قوليلها برك كي ماطيشيش لاكوش في لابوبال ويد طيشيها.

خلي نديوها معلومة.......بلاك حنا مانفهموش؟؟؟
انا الحقيقة علابالي بلي لاكوش دير الريحة ...سورتو لاعادت لابوبال في كوزينة .هنا الوضع يولي شوية ماش مقبول..........................بلاك لازم ديري بوبال خاصة بلي كوش؟؟؟ ولا ساشي ديري فيه لاكوش واغلقيه مليح ومن بعد ديريه في لابوبال.

هي الحقيقة الطريقة تاعها ماتخليش الانسان يسمعها ويدير برايها.......مي علابالك.....................انتي الطريقة دركة راكي حفضتيها وشبعتي منها.......وبلاك صعيبة باش تبدبها...............وربما تبداك بالعياط مناه علابالها بلي انتي ديما متعجبكش هدرتها.
انت حاولي كل مرة ديرلك ملاحظة حاولي تفهمي واش لازم ..وادا لقيتيها تخرط .....قولي هيه وطنشي وخلاص.
بلاكي تقولي راني وحدي.............................والله بزاف لي كيفك................انا بنت خالي صرالها مشكل على عضمة...............وتالمو لحكاية تافهة نسيتها .تفكرت غير العنوان.

كبري عقلك........................مي الضرب بلاك لازم فيه هدرة.

[oum imane83]

مارنيش نشجع العرايس على عجايزهم مي كل واحدة وليها قيمتها ...الام يجب على اولادها الاحسان اليها طاعتها فيما ليس فيه معصية احترامها والزوجة ايضا لها مكانتها وهيبتها واحترامها .. والزوج له دور كبير لازم يكون فطن ودكي ويعرف كيفاش يسير االامور مايضلم اي واحدة فيهم
والعروس والكنة لازم يكون الاحترام على الاقل بيناتهم مام مايتحابوش على الاقل يسعاو ويعملو مجهود لتفادي المشاكل .. و حنا للاسف في مجتمعنا مند القدم لعروسة هي الي تعاني الامرين من جهة قهر و حكم السيطرة من طرف اهل زوجها و يحملوها فوق طاقتها ومسحو كامل شخصيتها وكيانها كانسان ويعاملوها وكانها عبدة وجارية عندهم خاصة عجوزتها و زوجها الي يقعد كمتفرج لظلم اهله دون حراك من جهة اخرى
وحتى تعادو على مباديئ ديننا باسم الاعراف .. الشرع لم يلزم المراة بخدمة اهل زوجها او العيش معهم في سقف واحد بل العكس اكرمها وعطالها احقية العيش في بيت مستقل المهم انها تحترم روحها وتقادرهم وتعاملهم بالحسنى وادا حبت مثلا تخدم و لا تعاونهم هاد يعتبر كرم منها وتؤجر عليه ....


خلاص ملينا من سماع عجوزتك راهي يماك ... لو جات مليحة والله نحطها فوق راسي مي ادا كانت واعرة وانانية وتسعى لخراب بيتي هنا مانقطعش صلتي بيها لكن نتفادها قدر المستطاع ومانخلاطهاش بزاف مانسمع الي يجرحني ما نسمعها الي يغضبها ومانقول راهي كيماماما ا لان امي نسيبها تعزو بزاف تقادرو و تحشم منه و مادخلش روحها في حياتنا وماتطمعش في ولا في شهؤيتي ياك هي الي تعبت وربات وكبرت ومن حقها ثاني نردها تهبها مي ام الزوج تقعد ديما تطمع في وليدها ....

وقتاش تتبدل عقلية مجتمعنا ... ونعطيو لكل حقه..

المثالية شيء والواقع شيء اخر في بعض الاحيان ة تتحتم عليك دير حوايج ماشي ملاح مراكش مقتنع بيهم غير باش يديرولك قيمة وترد اعتبارك ... يقولو الكلام الحلو والفعل المليح يلين القلوب كالهدايا و مي هدا ماينفعش في جميع الحالات مع الشخص الي عنده قلب و حنية اكيد رايح تجني ثمارها مي كي تكون عجوزة قلبها مليء بالحقد بالعكس تعتبر هدا ضعف و تزيد تعفس وتحاول تسيطر اكثر...

[الجنة الجنة]

ربي يكون في عونك اكثري من الاستغفار