تسجيل الدخول

مشاهدة النسخة كاملة : طلب وصفة

arridj
2014-09-21, 17:41
السالم عليكم لدي كمية كبيرة من التفاح ولم اجد وصفات سهلة وغير مكلفةفهل عندكم حلة’
sofiane2075
2014-09-21, 18:18
و عليكم السلام و رحمة الله و بركاته

اختي ديري معجون و تارت التفاح بالغجينة المورقة
ام عبد الله 22
2014-09-21, 18:30
شوفي أختي بما أن عندك كمية كبيرة ديري التفاح بالسيرو.
ديري على النار 1 لتر ماء + 400غ سكر و شوية فاني كي يبدايغلي رمي معه حوالي 12 حبة تفاح تكون منقية من القشرة و مقسومة على أربعة أو أكثر وزيدي عصير 3 حبات قارص و خليه يخلي 10 حتى 12 دقيقة و طفي عليه وخلي يبرد تقدري تاكليه مكان الديسير أو تعمري به تاغتولات أو تزيني به لي تارت.
ام عبد الله 22
2014-09-21, 18:43
نزيدك واحدة أخرى
نقي الكمية إلي تحبي من التفاح و قطعيها طراف صغار (دي) أو مكعبات و ديريهم في مقلة و ضيفي شوية زبدة و شوية سكر وشوية عصير القارص و خليهم يتعسلو شوية من بعد ديريهم في إناء آخر و ضيفي لهم الخليط التالي ضربي بيضات + شوية كرام فراش + شوية نشا + فاني +مبشور القارص + السكر حسب الذوق و حطي الكل في مول وديريه في الكوشة يطيب.
أنا دايما نديرهم لكن المقادير نديرهم عيني مزاني والوصفتين يجو لذاذ.
أم ياسين الزهراء
2014-09-21, 19:41
هدي هايلة
http://www.djelfa.info/vb/showthread.php?t=1421211
sara lora
2014-09-22, 13:04
شوفي اختي رايحة نمدلك وصفة شفتها في فتافيت عند الاسترالي كريس بصح والله هايلة وكاش نهار نعاود نديرها ونحطها في المنتدى
تحضري بات بريزي عادية باينة تعرفيها
وتجيبي تفحات تنظفيهم مليح بعد لي تنزعي القشرة
وتحطيهم في مقلاة مع عود قرفة وسكر الكمية ادا حطيتي 4 تفاحات ديري معاهم 150سكر ولا زيدي حسب الدوق و كمية من الزبدة 100غ وغطيهم مدة 7 دفقط حتى يتقلى ما تخليهش بزاف
درك نفهمك كيفاش طيبيها جيبي بلا بصح مايكونش كبير بزاف نتاع باقلاوة كيما هذا
https://encrypted-tbn1.gstatic.com/images?q=tbn:ANd9GcRFZFeBn5672X8ZKOVWQlbH1yaXIn8T1 e2oj_5FSxxMUUZB7DeL8w (http://www.google.dz/url?sa=i&rct=j&q=&esrc=s&source=images&cd=&cad=rja&uact=8&docid=Ver9Xozdn-G6iM&tbnid=4_Td6XAmxoaJvM:&ved=0CAcQjRw&url=http%3A%2F%2Fforums.fatakat.com%2Fthread551578 3&ei=6A4gVMG7FJTvaN-ggtgF&bvm=bv.75775273,d.d2s&psig=AFQjCNGtJceurPh0pjXirRBg4YBEuBv7xg&ust=1411473442458040)
سخني الفن نتاعك لمدة 10 د 180 درجة
جيبي هداك الخليط وظيفيله الفانيلا وحطيه هو الاول في المول باينة كل حبة تكون مقطعة على نصفين نسيت ماقلتهالكش ولا زم يكون معاها صوص ( هديك تساعد في الطياب)
وفوقها ورقي البات بريزي لي تكوني درتيها في الثلاجة سمك رقيق 0.7 سم وغطي بيها المول من الفوق مليح كي شغل رايحة تديري المنيوم ودخليها الفرن ومن بعد خرجيها وقلبيها
دوق ما نقولك والله كيما قال شيف تنفع كا تحلية في عشاء رومنسي
جربيها ورديلي الخبر