حلويات العيد [الأرشيف] - منتديات الجلفة لكل الجزائريين و العرب

kawtherrmalak

2014-09-20, 17:18

عيد الاضحى المبارك لم يبقى له الكثير على الرغم انه مخصص للحم والتفنن في طبخه باحلى الاطباق هه الا انو لايغنى على الحراير تجهيز الذ الحلويات لاستقبال الضيوف فارجو من كل وحدة تشاركنا بافكارها وخاصة الي عندها ناس دارها يجيبولها حقها تع العيد (نقصد المخطوبات) نتمنى تفاعلكن وتشجيعتكن

ويناروز

2014-09-20, 20:50

اهلا اختي تقصدين نقولو واش رايحين نديرو ههههههههه
عيد مبارك ان شاء الله

kawtherrmalak

2014-09-20, 23:56

اكيد حبيبتي و نتمنى نلقا تفاعل
وانت علاواش راكي ناويا

kawtherrmalak

2014-09-21, 17:24

نتوما تفشلو الواحد كانت عندي طاقة بش ندير مواضيع لكن الان مندنش لانو كل مندير موضوع ماكاش لرهو مهتم حتى هد انا حبيت مساعدتكم لي بشندير حاجة جديدة وشابة لكن لا حياة لمن تنادي اسفة على هدا الكلام لكن غادتني عمري

ام سراج وملاك

2014-09-21, 18:35

اختي متقلقيش روحك وعلاه تغيضك روحك مكان حتى مشكل انا وحدة من الناس ملي لحق العيد وانا نخمم خطراه خويا عاقد ولازم نديو العيد لمرتو عجبوني قطوات راني نخمم بلاكش نديرهم اعطيني رايك والاخوات ثاني ونتعاونو باش نشطو موضوعك لحد الان خيرت هاذم قاطو عشاق الشمس لينا 11 وصفات حراير واش طيبتي و غروبية ام محمد تاج ايضا وصابلي على شكل عين ونتمنى انك تنضمي لشلتنا ونتعرفو عليك مليح وعلى طيابك بالنسبة لروابط هاهم

قاطو عشاق الشمس تلقايه في الاخير لينا11
http://www.djelfa.info/vb/showthread.php?t=1362108&page=86

غروبية ام محمد نتاج في الاخير

http://www.djelfa.info/vb/showthread.php?t=1362108&page=76

صابلي هاذي الصورة نتاعو

http://im58.gulfup.com/nQFZvH.jpg

هاذا اذا مبدلتش راي ومزال نزيد كشما ندير زيدو حطو اقتراحكم بلاكش نعندكم

الأمنيات

2014-09-21, 18:50

انا حلويات عيد الاضحى ما نديرش بزاف هاد العام معوله ان شاء الله على مقروض والصابلي فقط

طالبة الجامعة

2014-09-21, 19:09

انا حابة نجرب كعك النقاش ان شاء الله

روضة من رياض الجنة

2014-09-21, 19:11

لزم تصبري شوية انا هدا وين شفت الموضوع

اما بالنسبة للعيد هنا موالف نعملوا كعك العائلة كامل تحبه ونزيدوا صابلي ونوع فيه العام الماضي عملت صابلي بالعسل ورمدته في القوفريط واخر بالفلان لكن مصورتهمش وكاين صابلي بالنسكافي والكرمال ورني حطيته في المنتدي هدا الرابط http://www.djelfa.info/vb/showthread.php?t=1574220

مرام 1987

2014-09-21, 19:11

ياسلاااااام جبتيلنا العيد يجري ربي يبارك فيك
حنا والله ما زلنا ما خممناش قيه بصح على الأغلب نديرو الكروكي ولا الصابلي والمقروض للضياف لي يجو يطلو عليا بعد العيد presque الرجال ما ياكلوش معنفقين هههههه
وليا انا أكيييييد يا نشري القاتو من برا sans gluten ولا يخدموهلي في الدار إن شاء الله
وكل عام وانتم بألف خير تعيدو وتزيدو إن شاء الله
ربي يجيبو علينا بالصحة والراحة والهنا إن شاء الله

أم ياسين الزهراء

2014-09-21, 19:11

العيد الكبير مانديرش القواطو ادا كتب ربي ندير كعك النقاش والصابلي برك

ام فضيلة

2014-09-21, 19:11

شكرا اختي على الموضوع اناما نعيدش في داري لاني بعيدة راح نروح لاهلي نخدملهم ومن باعدنروح لدار شيخي تاني نخدملهم باسكو نعيد عندهم
معولةفي دارنا نخدملهم قاطو نتاع السيار وتشاراك مسكر ومقروط الكوشة وكشما نزيد مازال نخمم ان شاء الله .....اما عند عجوزتي الانواع ماتتبدلش كا كل عيد بقلاوة +السيار +اصابع بالجلجلان+ المشوك +حلوة الطابع

ام اريام

2014-09-21, 21:14

انشاء الله يلحق علينا العيد بالصحة والهنا .ككل دار في العيد الكبير ما نكثروش الحلويات انا في بالي سنيوة بقلاوة وصابلي ومقروط وكشما نزيد قاطو ما يطيبش ما زال ما خممتش واش ندير .اما لي عندهم عرايس لازمهم يخمو على الاقل اربع انواع .وربي يهنينا اجمعين .وشكرا اختي على الموضوع .

kawtherrmalak

2014-09-21, 22:29

شكرا لكن جميعا هدا وين طلعلي مورال هه لانكن نورتو موضوعي المتواضع انا دايما في المتابعة
انا معنديش بزاف ملي خطبوني وراني برك انا ماما منتكلش لا علا نسا خاوتي لاعلى ختي لان كل وحدة وين تسكن وانا نقرا فلازم مندك وانا نخمم ونوجد علابالكم لازم كلشي جديد وتوب لان عجوزتي تحب كلشي بالطبع هه ولكن مني جزيل الشكر

tokio hotel

2014-09-22, 07:53

انا راح ندير مقروط و قاطو نيسلى و بوسو و عرايش راح تقولو واش بيها هادى عيد اللحم وهى داخلتها غير قاطو
ما ما رايحة لفرنسا من بعد العيد مباشرة نبعتهم لاولاد خويا كل واحد فيهم يحب نوع

tokio hotel

2014-09-22, 08:01

انا راح ندير مقروط و قاطو نيسلى و بوسو و عرايش راح تقولو واش بيها هادى عيد اللحم وهى داخلتها غير قاطو
ما ما رايحة لفرنسا من بعد العيد مباشرة نبعتهم لاولاد خويا كل واحد فيهم يحب نوع

أم هبوبة

2014-09-22, 08:53

سمحينا اختي هدا و شفت الموضوع
العيد الكبيير ما ندريش القاطة بزاف و ادا درت غير باش نديه لدارنا تعرفي الدار الكبيرة و يجوها الناس
قلت ان شاء الله ندير صابلي باللوز ايفلي لام اماني و تشارك بالبيمو و معمول بالتمر و قاطو الكبريس

kawtherrmalak

2014-09-22, 10:29

شكرا لكن على المشاركة لكن ممكن الوصفة تع المعمول وتشاراك البيمو
انا راني حابة ان شاء الله ندير بقلاوة بعجينة الفيلو والبنيون بالشيكولا واساور بالطلية وكريات الثلج والنوقة وربطة لعنق مع لتاي وليكورني بالعجينة المورقة بلحم العيد ههه والفرماج وش رايكم يعمرو العين ولا كاش منبدل اعطوني رايكم

ام سراج وملاك

2014-09-22, 15:33

شكرا لكن على المشاركة لكن ممكن الوصفة تع المعمول وتشاراك البيمو
انا راني حابة ان شاء الله ندير بقلاوة بعجينة الفيلو والبنيون بالشيكولا واساور بالطلية وكريات الثلج والنوقة وربطة لعنق مع لتاي وليكورني بالعجينة المورقة بلحم العيد ههه والفرماج وش رايكم يعمرو العين ولا كاش منبدل اعطوني رايكم

ضك نحوسلك على رابط المعمول والتشاراك اختي قاطوات لي خممتي فيهم ملاح علابالي لازم تنوعي خطراه يجيبولك عيدك دار راجلك وتعمريلهم صينية باهية يديوها معاهم ولازم يشكروك ويفرحو بعروستهم ربي يكملك اختي بالف خير اختي ضك نزيد نخمم معاك انا ثاني عندي مشكل لازم نديو القاطو لمرت خويا لازم نخممو من ضك قبل ميلحق الحال ونلقاو رواحنا مدرنا والو انشاء الله يزدو لبنات يعاونوك ليا عودة انشاء الله في موضوعك

kawtherrmalak

2014-09-22, 16:51

شكرا لك اخت ام سراج وملاك كيما اسم بنت اخي انا لسمييتها هه المهم هو وحيد والديه ويماه شاطرة بزاف ملا لازم عروستها تكون شاطرة وتبان حاجتها بالطبع قدام ناسهم عماتو وخالاتو لان قالتلي انا معنديش لبنات وانت دك تولي بنتي وتحمريلي وجهي
المهم انا خممت انو ندير حلوى خاصة للنسا وحلوى خاصةبالرجال يعني في نوع او2 واش رايكم

ام فضيلة

2014-09-22, 21:01

ربي يكملك بالخير اختي ويهنيك ويسعدكوتحمري وجهك قدام عجوزتك الانواع الي خممتي فيهم ملاح ربي يعاونك

kawtherrmalak

2014-09-23, 16:23

شكرا لكن اخواتي
مقلتوليش وش رايكم ندير نوع خاص بالرجال ونوع خاص بالنسا وتانيك ممكن تقولولي ممكن نديرلهم لحم مشوي او اي بلا يدوه معاهم وانا تبانلي بزاف ومكاش منها هه لان مرت اخي قالتلي ولات عادة ادا ميقعدوش يتعشاو لازم يديو عشاتهم

نونة 90

2014-09-23, 17:37

سمحينا اختي هدا و شفت الموضوع
العيد الكبيير ما ندريش القاطة بزاف و ادا درت غير باش نديه لدارنا تعرفي الدار الكبيرة و يجوها الناس
قلت ان شاء الله ندير صابلي باللوز ايفلي لام اماني و تشارك بالبيمو و معمول بالتمر و قاطو الكبريس
الاخت ممكن تعطيني وصفة القاطو تع الكابريس وان كان موجود هنا اعطيني الرابط-+

ام سراج وملاك

2014-09-24, 10:26

شكرا لك اخت ام سراج وملاك كيما اسم بنت اخي انا لسمييتها هه المهم هو وحيد والديه ويماه شاطرة بزاف ملا لازم عروستها تكون شاطرة وتبان حاجتها بالطبع قدام ناسهم عماتو وخالاتو لان قالتلي انا معنديش لبنات وانت دك تولي بنتي وتحمريلي وجهي
المهم انا خممت انو ندير حلوى خاصة للنسا وحلوى خاصةبالرجال يعني في نوع او2 واش رايكم

صباح الخير اسمحيلي ليوم برك وين دخلت دخلت لموضوعك بلا مزية اختي انشاء الله نعاونوك ونستفادو حنا ثاني اختي علاه تكلفي روحك بزاف وديري نوع لرجالة ونوع لنساء دريلهم مع بعضاهم وديري انواع لي قلتي عليهم فرد ضربة واشري صينية تكون مليحة نتاع جوتابل انا لي شريتها لعروستنا تهبل مغلفة بالموسلين وتتربط وكبيرة نعمرهالها نتي ثاني ديري كونتيتي كبيرة عمري صينية مديهالهم وديري كل نوع في صحونة لرجالة ونساء مع القهوة اذا حابة تعرضيهم للعشا ولا لغدا كيما حبيتي اختي حنا صراحة ريحين على قهوة برك كيما في العيد الصغير حطولنا عصير وقهوة مع قطوات كل واحد في صحونة ومبعد حطولنا ديسار في هاذا العيد رايحة تعرض خويا وحدو برك نتي اذا معرضتيهمش حطيلهم ديسار واقليولهم شوي لحم باش يذوقو ملحكم الروابط نكمل شغالاتي ونولي نحطهملكم نتاع البيمو والمعمول مع نتاع الكابريس للاخت نونة ضك نحطلك ثاني بعض الصور نتاعحلويات عجبوني بلاكش ديري كيما انا

raboha

2014-09-24, 11:59

هذا قاطويا للعيد الصغير ممكن تدي منو كاش فكرة
http://im53.gulfup.com/DSK7h4.jpg
و أنا و الله مزال مقررت واش ندير بصح راني معولة اليوم نخير
أنا منحبش نعاود الأنواع اللي درتهم و إذا عاودت نخطف 3 أنواع برك
بصح الأنواع اللي يحبوهم دارنا و ميستغناوش عليها هوما البقلاوة+ الصابلي + الطابع + كورني مقليين + الجلجلانية هذو لازم يتحطو

kawtherrmalak

2014-09-24, 13:16

شكرا لك او سراج وملاك انا طفلة تاخد اراي وندير كيما قلتيلي لان انت شخص غريب عليا ومتعرفينيش ونصايحك راهم في محلهم مشي كيما لي يعرفوني راهم يهدروا وخلاص مهمهش الضغط الي راني فيه ويقولو علاش متشاوريناش المهم اناتبانلي مجاياش يعردوه وحدوا
والى الاخت ربوحة شكرا لك وممكن نسقسيك هدوك تع شيكولا ليبوشي والطلية جاتك طرية انا سمعت بالطلية تع الحليب مي انا منعرفهاش

ام سراج وملاك

2014-09-24, 14:19

راني عدت كيما وعدتكم قاطو الكابريس

http://www.djelfa.info/vb/showthread.php?t=1605102

قاطو معمول

http://www.djelfa.info/vb/showthread.php?t=1434324

http://www.djelfa.info/vb/showthread.php?t=1343724

http://www.djelfa.info/vb/showthread.php?t=878530&highlight=%CD%E1%E6%C9+%C7%E1%E3%DA%E3%E6%E1

http://omrami44.blogspot.com/2013/11/blog-post_2174.html

وهاذا قاطو النمر دارتو ام ساجد يجي في طابع المعمول

http://www.djelfa.info/vb/showthread.php?t=1633329

قاطو بالبيمو لحفيظة

http://www.djelfa.info/vb/showthread.php?t=1578229

وهاذم بالبيمو نتاوعي

http://www.djelfa.info/vb/showthread.php?t=1450676

http://www.djelfa.info/vb/showthread.php?t=1485514

كاين الوصفة هاذي نتاعي نتاع قاطو ديريه بالبيمو ولا بالشيكولا انا مدايرتو بالبيمو تلقايه في الاخير

http://www.djelfa.info/vb/showthread.php?t=1362108&page=85

ام سراج وملاك

2014-09-24, 14:36

وهاذا الرابط فيه وصفات قاطو هايلين بلاكش تبدلي رايك وديري منهم

http://www.djelfa.info/vb/showthread.php?t=1381368

انا عجبوني هاذم فيزوج بلاكش نديرهم لكتب رابي قوليلي واش رايك

http://im79.gulfup.com/CTTxCK.jpg

http://im53.gulfup.com/NKoc9V.jpg

كوكا بنت الحاج

2014-09-24, 14:40

سلام اختي ام سراج رايحة ندير صابلي و بقلاوة ومقروط ممكن تقوليلي واش يديرو للعروسة احنا عدنا عروس ومعرفتش واش ندرلها

ام سراج وملاك

2014-09-24, 15:01

سلام اختي ام سراج رايحة ندير صابلي و بقلاوة ومقروط ممكن تقوليلي واش يديرو للعروسة احنا عدنا عروس ومعرفتش واش ندرلها

اختي بالنسبة للقاطو لحد الان راني محيرة شوي خيرت رسمي زوج قطوات للفوق وقاطو دوار الشمس لينا 11 وبقلاوة ولازم السمانة الجاية انشاء الله نبدا حنا نديو رجل نتاع لحم مجمولة وصينية نتاع قاطو متحوفة انا نشتي ندير صينية نتاع جوتابل باهية ونخلهالهم باش منكلفش الناس ويقلبوهالي معمرة ههههههههه بالنسبة للبسة حنا نمدولها صوارد وهي تشري وحدها وطبعا ديسار نشريوه

kawtherrmalak

2014-09-24, 17:44

يعطيك اصحة اختي ام سراج وملاك انا في اللويك اند نديير ميناج الكبير وسمانة اللجاية نبدا الحلوى راني اعتمدت البقلاوة بعجينة الفيلو و راني حابة نديرالعجينة المورقة و نخببيها في الكونجييلاتور زعما تقعد مليحة انا منيش مدارية نخبيها وكريات الثلج ودوك نزيد نشوف واش مدتيلي اسمحيلي مي حبييت نزيد نتعبك شوي ممكن تشوفي موضوعي في قسم العرائس وتجهيزتهن محتاجة رايك

kawtherrmalak

2014-09-27, 16:27

سمعت بالطلية تع الحليب ممكن الي عندها الوصفة ومضمونة تمدها ليي وايضا العجينة المورقة تندار في الكونجيلاتور تبقى جديدة محتاجة رايكم بسرعة وينك يا ام سراج وملاك ويالبنات حمرولي وجهي

ام سراج وملاك

2014-09-27, 23:21

سمعت بالطلية تع الحليب ممكن الي عندها الوصفة ومضمونة تمدها ليي وايضا العجينة المورقة تندار في الكونجيلاتور تبقى جديدة محتاجة رايكم بسرعة وينك يا ام سراج وملاك ويالبنات حمرولي وجهي

اسمحيلي حبيبتي كوثرملاك راني مدوخة هاذي ليامات نوجد في القاطو وصوام بالنسبة لطلية لحليب هاهو رابط بصح اختي منكذبش عليك مجربتهاش اما العجينة المورقة ميسرالها والو تبقالك جديدة راني مجربتها من قبل اما بالنسبة لسؤالك في قسم العرائس وصلاتك رسالتي ولالا

رابط الطلية

http://www.djelfa.info/vb/showthread.php?t=1052474

kawtherrmalak

2014-09-30, 22:43

شكرا لك ام سراج وملاك رغم كل اشغالك عطيتني من وقتك بارك الله فيك
وعلى الطلية ادا مكيش مجربتها خلينا ادا في الطلية العادية وليلة العيد ان شاء الله ندير العجينة المورقة ونخبيها وعلى رسالتك وصلتني شكرا لك وراني جاوبتك في الموضوع