هاجس اعادة البكالوريا... خدعونا - المدرسة العليا للاعلام الالي بسيدي بلعباس - [الأرشيف]

مشاهدة النسخة كاملة : هاجس اعادة البكالوريا... خدعونا - المدرسة العليا للاعلام الالي بسيدي بلعباس -

أسير الطموح

2014-09-20, 16:04

السلام عليكم

لا اعرف كيف ابدا كلامي ... فانا حقا في قمة الحيرة و الاحباط

تحصلت على بكالوريا 2014 و كان حلمي المدرسة العليا للاعلام الالي وتم توجيهي الى المدرسة العليا للاعلام الالي بسيدي بلعباس فرحت كثيرا لانه اخيرا سادرس ما احببت دوما ....

كنت متشوقا كثيرا للدخول المدرسي يوم 13 سبتمبر 2014 حضرت كل حقائبي واتجهت نحو ولاية سيدي بلعباس مسرورا و متحمسا لاني اعتقدت وكما يعلم الجميع ان المدرسة جديدة وكل شيئ سيكون في المستوى .....

لكن الفاجعة لما اعطونا الغرف لم اصدق عيناي .... اقسم ان الحيوان لا يستطيع العيش فيها ... كانت مليئة بفضلات الحياوانات لدرجة لا يمكنك ايجاد مكان تضع فيه رجليك ... و الماطلات مليئة بالاوساخ و الدماء و شعر بشري و لايمكنكم تصور الرائحة الموجودة في الداخل كما ان النوافذ مكسورة و الباب يمكنك فتحها بمجرد دفعها بكتفك و الجدران في قمة القذارة ....... فهل هذه حقا مدرسة عليا ؟؟؟؟؟؟؟؟؟؟

كما ان المدرسة ليست جديدة كما اخبرونا بل هي قديمة ولم يكتمل اعادة ترميمها في قرية بعيدة عن المدرسة ولا تحتوي على اجهزة كمبيوتر ولا حتى الانترنت ..................... فهل هذه حقا مدرسة عليا للاعلام الالي ؟؟؟؟

ولهذا .......

انا افكر في اعادة البكالوريا من اجل الحصول على الطب لاني كرهت الاعلام الالي كليا بعد الذي شاهدته !!!!!!!!!!!!!!!!!

لكن انا في حيرة ... هل اختار تخصص اخر واعيد البكالوريا ام اتفرغ فقط لها ؟

فماذا تقترحون علي ؟؟؟؟؟

سارق الأحزان

2014-09-20, 16:17

نعم ربما يكون التخصص جيدا لكن الظروف المحيطة
وخاصة انو اول عام تجعل كل شيء سيئا
طبعا مسؤوليينا يدزو برك جات في بالهم فكرة يدرو زريبة كاقامة عادي

بخصوص ماذا تفعل اخي ان كانت لك رغبة في الطب وتعرف ان ظروفها احسن ومتاكد من تحصيل المعدل فانا اول المؤييدين
وان لم يكن لك ذلك فانصحك بالصبر وتكمل عامك مهما كان

اميرة بكلمتي

2014-09-20, 16:29

والله انا في حيرة ماذا اقول لك’؟
اخي اذا كان المعدل الذي تحصلت عليه اعلى من معدل الطب فلما لا تقوم بالتحويل لكن لا انصحك بدراسة هذا التخصص و اعادة البكلوريا لانك لن توفق بين الاثنين فكل منهما يحتاج دراسة مكثفة اعانك الله اخي في محنتك هاذي هي بلادنا واش تحب

maloukjaja

2014-09-20, 17:15

ربي معاك اخي

سآجدْ للهْ

2014-09-20, 17:20

الحل هو ان تتفرغ لحلمك

نجوم المستقبل

2014-09-20, 17:40

أخي اذا كان معدلك يأهلك بأن تدرس طب
يمكنك التحويل في العام القادم ببكالوريا نتاعك بدون اعاده بكالوريا اخرى

والله الموفق

mbi-ilyes

2014-09-20, 18:49

اعمل رياضيات و اعلام الي

hana95

2014-09-20, 21:24

ya khoya dir salat istikhara psk rak 3labalk medecine mawelatch kima 9bel momkin tsib rohak f linformatique w lmath khir

غنوة الجزائرية

2014-09-20, 21:52

من وجهة نظري تخصص الطب أحسن بكثير من الإعلام الألي
وربي يوفقك أخي وجزاك الله الف خير

عفاف عفة

2014-09-20, 22:24

السلام عليكم ...
وش بيك خويا ماتكونش ضعيف لدرجة انك تتخلى على الحلم تاعك(اسفة على هدا التعبير) علابالك هديك الشومبرة تقدر تنيطواييها وترممها تشري باس للباب زجاج للنافدة وهكدا هدا اكيد راح يكلفك المال مي ماشي راح يكلفك عااااااام من حياتك كي تعاود الباك وتاكد ماراحش تكون عندك نفس الارادة والاقبال على الباك كيما المرة الاولى والطب راح تقرا 7سنين طوييييلة وزيد عامين التخصص وزيد وزيد ......اصبر هاذاك ماكان ....ماتنساش حلمك*_* .....بالتوفيق اخي .....في أمان الله

oosaisdo

2014-09-20, 22:28

اتجه الى العاصمة فان بها جامعات لاباس بها عكس الغرب الميت

وائل الجزائري

2014-09-21, 14:30

نفس الحلم :p
لكن المدرسة العليا للاعلام الالي بالجزائر العاصمة مش تاع سيدي بلعباس ، و معدل القبول يتكلم :)
,,,
المهم يا خويا مادام وصلت للحلم نتاعك اعمل المستحيل بش تكملو ، كيما قالت الاخت ، الغرفة تقدر تنقيها و الباب تصلحو كي هوا كي النافذة على حسابك الخاص
فتحقيق حلمك يستحق هذه التضحيات اخي :) و انا شخصيا بالنسبة لي الاعلام الالي عندو مستقبل افضل من الطب ، خاصة للمبدعين لي يحبو هذا الاختصاص و يقدرو يبدعو فيه :)
_________________
انا شخصيا وجهت لاعلام الي قسنطينةفي منطقة وش نقولك ربي يستر ، المافيا السرقة كلش كاين حتى في الاقامة ،، بصح لازم تصر الله غالب

islambazita

2014-09-21, 15:53

هذا حال اقاماتنا انصحك بعدم التخلي عن حلمك

حية بذكر الله

2014-09-24, 08:35

السلام عليكم

انا لا انصحك باعادة البكالوريا او لا

انصحك فقط بصلاة الاستخارة

بالتوفيق

حية بذكر الله

2014-09-24, 08:36

ملاحظة

الغرفة ليست سببا مقنعا فبالامكان تنظيفها وتغيير القفل

فاتي الاليساوية

2014-09-25, 14:42

bonne chance khouya

samar1993

2014-09-25, 16:05

اخي
لقد فتحت مداارس الشبه الطبي و تقدر تسجل و راح تطون ان شاء الله ناجح بما ان معدلك كبير
شد بي الشبه الطبي هاد العام و ماتضيعش و عاولد الباك حر
و ربي يوووفقك و يعطيك ما تتمنى
االله يسسهل للجميع
و السسلام عليكم

UVL 07

2014-09-25, 20:31

algerie pr tjrs

2014-09-26, 23:11

UVL 07 Khoyàà Yaah Matchofelhaach howà 3ambalo yjibolo Milka w maroja f la chambre
3ambalo hotel 5 étoile mahoch mwaleef
9oli wech dert fihà f L'ito ?!

UVL 07

2014-09-27, 09:08

UVL 07 Khoyàà Yaah Matchofelhaach howà 3ambalo yjibolo Milka w maroja f la chambre
3ambalo hotel 5 étoile mahoch mwaleef
9oli wech dert fihà f L'ito ?!

قبلوني ياوجه الخير

aymen.dz

2014-09-27, 10:58

السلام عليكم

انا تاني لقيت غرف سيئة في اقامة عنابة

خدمت الغرفة و صبغتها و كل شيء الان الحمد لله

موفق

algerie pr tjrs

2014-09-27, 22:49

Hmd'lh Khoyà Weech Mliiihà Temà 3ejbatek ?!

عفاف عفة

2014-09-27, 23:20

بففففففففف
راك عارف وش راك تقول خويا؟
راك عارف بلي الاقامة زيغود يوسف 1000 سرير احسن اقامة في بلعباس ؟؟
انا مشي من بلعباس ولا راني ندافع بسبب جهوي انا نقول رأي بصراحة وموضوعية
انا تاني راني فالاقامة بصح صيدلة مشي اعلام الي
احنا دخلنا موراكم بسمانة مالا قريت معاكم لي كوور الاولين مدرج جديد مدرسة مرممة استاذة من اعلى مستوى
اولا النقل كاين صباح وعشية
وساكن باطل هاذي تكفيك باش تبلع فمك وتاكل باطل
المهم خويا طلع مستواك هاذ الهدرة قادرين يدفعوك بيها للمحاكمة

السلام عليكم .....
خويا ماشي هكدا ....صح الاقامات في جميع الجامعات في دزاير كارثة ...ومش يعني السكن مجاني وهادوك لحوايج يسكتونا ....ومن حق أي طالب يديفوندي على حقو ...حنا طلبة والطالب مستواه مايهبطش بش يسكن عام كامل في شومبرة تشبه للكهف ....مع احترامي خويا للرأي تاعك
في أمان الله

عفاف عفة

2014-09-27, 23:21

السلام عليكم

انا تاني لقيت غرف سيئة في اقامة عنابة

خدمت الغرفة و صبغتها و كل شيء الان الحمد لله

موفق

عملت مليح خويا .....

nadia nada

2014-09-27, 23:45

من غير المعقول ولا من المنطقي ان تتخلى عن حلم عشت لاجله كل ثانية من ثواني حياتك ولاي سبب كان ... فماذا لو كان سبب تخليك عنه سبب لا يستحق ان يقف عاقئا في طريقك ... كن انت واياك ان تنحني واجعل من المشاكل التي تلتقيك قصصا مسلية تزيل بها الملل الناتج عن ترسبات الايام بالتحدي والاصرار على ما تريده وتسعى اليه في حياتك
اقترح اخي ان تواصل مسيرتك وترمم الغرفة وتجتهد منذ بداية العام ..اما ان كان ميولك للطب اكبر من ميولك لإعلام الآلي فاقترح ان تعيد البكالوريا
موفق ان شاء الله

عباس الجزائري

2014-09-28, 17:28

صلاة الاستخارة والدعاء

ghost_4d

2014-09-29, 23:32

هذا مشي عذر ,,

Cre@tor

2015-02-28, 20:51

أنا راني نقرا فالمدرسة اللي راك تحكي عليها والإقامة كامل صبناها كيما راك تقول بصح لازم عليك تنقيها وتشري لوازم باه كي تدخل ليها تريح أنت مقدرتش تصبر بلخف بلوكيت العام، وصح رانا نقراو في جامعة قديمة بصح هادي ماشي حاجا جديدة دايمن يقولو يديروا ومايديروش ... المهم الأساتذة اللي يقرونا كامل في المستوى ومعروفين فجامعة سيدي بلعباس، امالا ماتحطمش احلام الناس بهاد الموضوع تاعك... أنت فاشل

Abdelmounim

2015-06-27, 11:18

بعد أن دخلت المدرسة العليا للإعلام الآلي و درست فيها قررت أن لا أترك من خلفي ليعاني ما عانيته قبل التسجيل فيها فلقد توجهت إلى المجهول و أنا أعلم ذلك.

لذا ما إن جاءت العطلة حتى قمت بفتح مدونة ووضعت فيها كل ما أعرف عن المدرسة بالتفصيل الممل و آراء من درسوا فيها و الأسئلة المختلفة ,

و الحمد لله أتممت هذا العمل و هو الآن بين أيديكم

من اليوم فصاعد ستجد كل ما تحتاج عن ESI

لذا أنصحك بقراءة هذا الموضوع كاملا

المدرسة الوطنية العليا للإعلام الآلي: طموحات وتحديات (http://mounaimb.blogspot.com/2015/06/blog-post_24.html)