لا اطيق امي

[مشكلتي]

بداية اريد ان انوه ان امي هي اغلى شخص عندي لكنها تحطمني تدريجيا انا فتاة ابلغ من العمر 16 سنة عائلتني خراب في خراب والدي يريد التخلص منا نهائيا لا يهتم بامرانا ولا يحسسني انه ابي نهائيا انا البنت الكبيرةوهو ايضا معيش امي في جحيم لكني انا من يدفع الثمن فمنذ حوالي ثلاث سنوات اصبحت شبه مجنونة بسبب تصرفاتها كنت فتاة طبيعية مثلي مثل غيري فجاة نلقاها تدعي علي صباح وعشية وتمرضك بالهدرة اذا شافت حاجة متخد متش كيما تخمم هي تدي وحد الساعة وهي تهدر وتعاير حتى يعود قلبك يوجع و منريحش الا اذا رجعنا نقراو الناس تفرح بعطلة الصيف اما نا والله كي تجي نولي في حا لة ميعلم بيها غير ربي انا ديما نقلها متدعيش علي واش غلطتي بصح هي تحب تقامرني متريحش الا اذا شافتني دايخة من القلقة وديما هكذا .المشكل راني كل مرة ملاحظة روحي تحكمني قنطة كثر من المرة اللي فاتت واش ذنبي انا نجي لدنيتي مريضة ولا تفسدها علي دنيا واخرة وليت نجادلها كي تلومني على حوايج والله تافهة ميش ولات تتلاح ليا تضربني وانا والله ديما صابرة خوفا من ربي بصح والله غير ساعات من الغيظ نولي نهدر ونعيط الحي كامل يسمعني نندب وياما بيتتني ليالي نبكي من القنطة نجيو نرقدو تجي عند راسي وتبدا حسبي الله ونعم الوكيل حتى نعود نندب ونوح هي تريح وتولي في قمة السعادة بابا يا ناس اللي داير فيها المنكر واللله مكانش نهار سمعتها دعات عليه ضركا راني وليت منلاويش اي واحد يقولي كلمة نتقلق ثم ثم قولولي كيفاش رايحة نواجه المجتمع ؟ انا والله قلت منزيدش نهدر معاهاعلى خاطر هي محطمتني محطمتني واش راحلي فيها والله منحتاجها وديما راني نقول كي نكبر نبعد عليها نهائيا لا داعي تقولولي راكي مراهقة وهاذيك الحوايج لاني منيش عايشة حياة طبيعية لو كان تجيو تعيشو نهار معانا والله غير تحكموا الشارع راني مذكرتش الاهوال الاخرى اللي رانا فيها لكن انو يجيك الشر من امك بزاااااااف اذا عندكم اي حلول كيفاش نتعامل معاها قولولي ولا نبهوني ممكن راني غالطة وادعيولي ربي يصلح حوالنا ويثبتني ويحفظني

[ana-howa]

امك للاسف راها تعاني من الوالد و ماراهيش حاسة بروحها راهي هازة حمل و تفرغ في واحد اخر
اصبري و احكي معاها باللين و اغتنمي وقت تكون فيه هادئة و احكي بالعقل و قوليلها انا واش ذنبي و بينيلها لي راكي تعبانة
ربي يفرج عليكم يا رب

[لؤلؤة الرحمان]

السلام عليكم ورحمة الله

الله يهديها ويحنن قلبها عليك حنونتي .........ومهما كان حبيبتي هاذي امك وهي باب من ابواب الجنة فلازم عليك تصبري معاها وتحسني معاملتها ولاتعقيها مهما فعلت معاك واتمنى منك تعذريها فربما تصرفات ابوك معاها هيا التي اوصلتها الى هذه الحالة يعني زعاف باباك كامل تفرغو فيك ........وصدقيني حنونتي متاكدة بلي راهي تحبك وتخاف عليك ولكن يوجد هناك سبب اوصلها الى هذه الحالة فلازم عليك تحني عليها وتحسسيها انها كل شئ في حياتك ..........المهم حبيبة نقصي من عصبيتك وخليك هادئة واكثري من الاستغفار والدعاء لها في كل صلاه حتى يفرجها ربي عليك وعلى يماك ............وفي الاخيرة حنونتي الي لازم تعرفيه انو مكاش احن من قلب الام مهما اظهرت قسوتها لك فعليك ان تكوني باره بها وان لا تعصي لها امر
وربي يرزقك الزوج الصالح الي يعوضلك حنانها .

[اسم مرا]

حسنيعونها باباك هو سبة نتاع يماك ربي يكون في عونك و عونها

[عفّة]

السلام عليكم ورحمة الله وبركاته

حياك الله أخية
أفهم ما تشعرين به .. لا أقول أعيش نفس ما تعيشين
ولكن طلريقة تفكري تخاف طريقة تفكير أمي ..و الله المستعان

هذا في الفكر [ فحتما كل شيء سيكون عكسك ]

لاعلينــــــــــا

أخيتي في الله .. الأم ثم الأم فالأم .. مهما دعت عليك وشتمتك و سبتك [ فقد عانيت هطولها وألفتهـــا ] ولكن هي أمك

عليك أن تعلمي أن دعاء أمك غير مستجاب .. فهو يستجاب حينما تعصينها في أمر هو طاعة لربك .. ذريها تريّح نفسها بهذا فهي لا تجد إلا هذه الطريقة .. وأسعيفها أيضا لأنها هي أيضا تعاني من أبيك


أذكر أن دعاء أمك غير مستجاب ~ أولا : عليك بالدعاء والدعاء ثم الدعاء .. وثانيا : ترفقي بأمك قدر الإمكان . لا تحسسيها أنها وحدها في الحياة
ثالثا : عامليها بلين و لطافة .. فالله من فوق سبع سموات [ يعلم أنك تبرين أمك ] .. فلن يضيعك

رابعا : عندما تكون في حالة من الهدوء حاولي أن تتقربي لها بالكلام الناصح الغير المباشر بأن الله إنما يبتلي ليطهر عبده من الذنوب وإما أنه يحبه .. فأكثر الناس ابتلاءا هم الأنبياء

خامسا : وأنت .. لما الصرآخ !! ولما النديب ! هذا ليس بحل أيا اخية .. استعيني بالله واصبري فالله سيجزي عبده إذ صبر ..


أما أبيك .. فالدعاء له .. وحاولي أيضا التقرب له
ثم عليك بــ [ الدراسة ]
وأسال الله أن يرفق بحالك وبحال أمك و ابيك

[عبد الله 22]

السلام علي عليكم تأكدي ان امك تتقطع حزن مما أنت وهي فيه وان دمعتك قبل أن تنزل على خدك تنزل لتحطم قلبها لكن صبرها على أبوك من أجلك انت وانت فقط الله يلطف بكم

[hamza18]

الصبر ثم الصبر يااختي فلن تعيشي كل ايام حياتك مع امك فهدا بسب ابوك فهي تصب غضبها عليك

[رقة الحياة]

او لا حبيبتي اسال الله العظيم بجميع اسمائه الحسنى و صفاته العلى ان يفرج همك و ييسر امرك كله و يشرح صدرك بما يسرك ...
ثانيا اوصيك بالصبر ثم الصبر ثم الصبر ....و الدعاء في الصلاة و خصوصا عند القلق توضئي وضوءك للصلاة و صل صلاة الحاجة لانك مضطرة و دعاء الضطر مستجاب باذن الله ...
حبيبتي ....هل جربتي رقية نفسك فلعلها المشاكل التي تعانين منها سببها الحسد او السحر ؟؟؟

[الماسة النادرة]

شوفي اختي علبالي بلي هدرتي مراحش تعجبك لكن معليش استحمليني شوية ok شوفي هذا اموضوع الي كتبتيه الان وانتي عندك 16 سنة لوكان نوريهولك بعد عشر سنين صدقيني رح تردي بموضوع وتسميه لا اطيق الحياة بدون امي شوفي الام عمرها ماتب الشر لولادها ابدا ونقولك تجربتي انا الان حامل تعرفي احساس الامومة لايضاها بلا متشوفيه تحبيه وزيد نهار تتزوجي وتروحي لديار الناس تم تعرفي قيمة داركم ويماك واش تدير ساعفيها راه الهم والمشاكل يطيحو بنادم لكن عمرهم ما ينحو فطرة ربي وهي حب الامومة فهمتيني اختي معليش يماك تعيط وتدعي وانتي ادعيلها في صلاتك باش ربي يهديها فهمتي لانو صدقيني ونهار تكبري تعرفي قيمة هدرتي شوفي كل مانكبرو نقدرو والدينا ونخافو نفقدوهم وانا نتمنى تتزوجي وتشوفي شحال صعيب متشوفيش يماك كل يوم ونتمنى تحملي و تحسي بعذاب الام في الحمل ونتمنى تولدي وتشوفي بلي عمرك مراح تجربي الم كثمن الولادة وتحملي وليدك بين يديك وتشوفي بلي مكاش فرحة قد فرحة الام بولدها

[النجمة القطبية]

يا اختى واضح انو امك تعانى من ضغوط وحالة قلق وعدم استقرار هو اللى مسببلها هذى الحالة
وبما انها مستحيل تفرغ في باباك فانتى الشخص الوحيد اللى تقدر تفرغ فيه
صدقينى على الاغلب هى متعرفش سبب معاملتها لك وممكن حتى هي كارهة لهذه المعاملة
ربما لانك انثى مثلها تضغط عليك باش تولى مثالية باش متعانيش كيفها مستقبلا
حبيبتى اعذري جهلها هذى طريقتها الله غالب ونقولك بزااااف امهات هكا يعتقدو انو هذى هى طريقة التربية الصحيحة خاصة انو شريحة كبيرة منهن مقراوش وبالتالى يتعلمو طرق التربية بناء على تجاربهم حتى لو كانت خاطئة
في كل الاحوال نقولك اعذريها وحننى قلبك عليها وحاولى متسمعيش دعائها ولا تلقي بالا لكلامها قولى برك نعم وماعليه علابالى صعيبة لكن معندك حتى حل
هذى امك
حبيبتي عندك اجر عظيم لقاء صبرك وكلما صبرتى اصبحتى اقوى واكثر قدرة على مواجهة المجتمع وليس العكس تخيلى اذا كنتى واثقة في نفسك رغم كلام امك
وقدرتى تصبري فما بالك بالمجتمع
ربي معاك واستعينى بالصلاة والدعاء

[عبدُ الله.]

عندك غير الصبر والصبر والصبر ماكانش انسان في هذي الدنيا معندوش مشاكل والمشاكل درجات والدنيا في حد ذاتها مركبة على المشاكل ومستحيل نعيشو بلا مشاكل وماتقوليش بلي المشكل تاعك كبير على خاطر كل انسان عندو مشاكل يحسب بلي المشكل تاعو هو أكبر مشكل في الدنيا ... وبالاك المشاكل الجاية أعظم وين علابالك وش مخبيلك مكتوبك أصبري ربي قال -ان بعد العسر يسرا- مهما يكو هذي يماك وهذاك باباك وهذا الضغط لي خلاهم هكا ... ونصيحتي ليك أنك تصبري وتضخميش المشكل فعقل الانسان يستطيع تضخيم أو احتوا المشاكل ...يعني كلش بيدك ماتخليش الوسواس يزيد فيها ...

نتمنالك الهنا والمستقبل الوعد وربي يهدي أمة محمد صلى الله عليه وسلم

[دعاء المحبوبة]

يا الحبيبة احمدي ربي ان عندك أم ومازالها عايشة غيرك يتمنى خيال أم
عندي إخوة صغار لا يذكرون من أمي ـ رحمها الله ـ شيئا، حتى أني سمعتهم مرة يتكلمون قالت أصغرهم: حابة نجرب نعيش مع أمي ونشوف الحياة معها كيفاش تكون.
وأنا أقول لك جربي غمضي عينيك وتخيلي حياتك من غير أمك كيف، (وتأكدي مهما كانت سلبياتها يظل تواجدها رائع، وفقدها مريع وله مرارة والله لن يحس بها إلا مجرب... وأتمنى أن تستدركي تصرفاتك معها وحاولي ارضاءها بكل الطرق، وتذكري أن الدنيا زائلة ما هي إلا أيام وتمضي، قد لا يجمعنا حتى نفس التراب)

[salem1985]

السلام عليكم اختي ربي يفرج عليك تعرفي ان الضغوطات واش تولد غير الانفجار صبري اختي وطلبي ربي يرزقك زوج ولد حلال الي ينسيك في همك اما انت خطرة على خطرة وبعدي عليها خطرة روحي لخالتك ولا عمتك ولا خالك وعمك المهم باتي عندهم والى بعاد ريحي ايام رايح تحس بالاهمية انتاعك اما القساوة فانا لا الوم امك انها الظروف يااختي كي تكون في موقف صعيب ورافد هم تقسو بلا ماتشعر انا كان ابي بعيد علينا وامي هي الي تكفلت بكل شئ من التربية الى غيرها حيث كانت تمثل دور الام والاب ولكن كنت اراها قاسية جدا معنا حيث انها عندما تزعف ترمي اي شئ في يدها عليك وقد اصبتني عدة مرات وتعرضت لعدة جروح ولكن كانت احب الناس اليها والان لا تستطيع ان تنام دون سماع صوتي لانها كونتني على يديها وتفتخر بانها ربت ابنها كما تحب الحمد لله رغم القساوة راني راجل وين تحطني نعيش ونتحمل كل مسؤولياتي والحمد لله الدنيا كامل نهار وربي يفرج

[max2arab]

هذي مرحلة و تفوت بإذن الله,ربي كتبلك تتحملي والديك مهما كانوا ونتي راهو عندك الحل وراه بين يديك ؛هو النجاح في الدراسة لأنها سلاحك الوحيد بالنجاح تاعك راح تفرجي على أمك في الزمن القريب, وأنت حاولي ماتكثريش معاها الكلام وما تديش دعوة الشر كي هي تتقلق أنت روحي توضي وصلي وأقري القرآن الكريم راه يحسك بالراحة .أنصحك أنك تصاحبي أمك و لحلحيلها و كلخيلها شوية وما تعاسريهاش قاتلك كحلة قوليلها إيه كحلة هي اللي فيها يكفيها.شكرا.؟

[الصديق قروف]

ربي يصبرك
الي حكيتيه راه بزاف يوجع القلب

[amine60]

أصبري حتى يفرج عليك ربي و تتزوجي و تبداي حياة جديدة

[راضية بقدر الله]

تحلي بالصبر واستعيني بالله ووسعي بالك معاها خليها تسب و تدعي على روحها حاولي بعدي عليها كي تكون متقلقة من باباك و شغلي روحك بكاش خدمة و الله المشاكل مع الوالدين كي راكي تحكي كاين بزاف و الحل لو ادخلي أحد أفراد العائلة جدك ,جداك ,خالتك توقعها شوية باه ماتبقاش تفرغ غضبها عليك ركزي على قرايتك و على مستقبلك و ربي يهدينا كامل

[OM AYA]

ما عندك حتى حل غير الدعاااء و الدعاااء ثو قرايتك مخرجك الوحيد من الازمة لازم تقراي لابعد الحدود لازم تولي تقعدي وترقدي بالقرايه و تاكلي وتتنفسي بيها لانها هي راح تخرجك من الضغط
وكي يجيوك الخطابة ما تتسرعيش خمي مليح وخيري انسان صالح مش تتزوجي من اجل الزواج برك ولا باه تهربي من داركم

[hamza touazi]

ربي يكون معاك ويعطيك الصبر اختي في النهاية هادي يماك مسكينة هي تانم ظرووف كبيرة عليها وملقاتش فيمن تفرغ زعافها ومكا لي يحبلك الخير اكثر منها زيد يعني الشارع راح يكون رحمة انساي هاد الشيئ حاولي تحكمي امك بهدووء وتفاهمو غير بلعقل قال يما انا بنتك متدعيش عليا اصبري ربي يهدي بابا ودعولو احكي معاها بالعقلية ختي بلاك حابة تحسنك وترجعك مرا تعرفي كفاش تواجهي النااس يماك يماك يماك ثم ابوك كما قالها الرسول صلى الله عليه وسلم الام عمرها لاتكره ولادها هادي كبدة فقدت الحوار غائب في بيتكم وحاولو تصلو وترقوو وربي يرجعكم ملمومين ختي كي بكري شدة وتزول

[hamza touazi]

ربي يكون معاك ويعطيك الصبر اختي في النهاية هادي يماك مسكينة هي تان ظرووف كبيرة عليها وملقاتش فيمن تفرغ زعافها ومكاش لي يحبلك الخير اكثر منها زيد يعني الشارع راح يكون رحمة انساي هاد الشيئ حاولي تحكمي امك بهدووء وتفاهمو غير بلعقل قال يما انا بنتك متدعيش عليا اصبري ربي يهدي بابا ودعولو احكي معاها بالعقلية ختي بلاك حابة تحسنك وترجعك مرا تعرفي كفاش تواجهي النااس يماك يماك يماك ثم ابوك كما قالها الرسول صلى الله عليه وسلم الام عمرها لاتكره ولادها هادي كبدة فقدت الحوار غائب في بيتكم وحاولو تصلو وترقوو وربي يرجعكم ملمومين ختي كي بكري شدة وتزول

[angel crystal]

ربي يهديها و يهدي ماما ثاني باسكو محسوب دايرتلي كيما هكذا ’’’’’’’’’’’’’’’’’’’’’’’’’’

[nilly]

Machi kamal omahate yhabo wladhome wkayane ltfraq bine wladha tfadal wahd 3la okhre w

lwaldine homa sababe inhiraf awlad omba3d tji lbayaa

basah hadi omak mahma kan rabby wasna 3lihome
anti sghira matrmiche la jeunesse nta3ak f lbire

ro7i kray w stamt3i b7yatak w ki tbda ymak thdar diri ydik f wdnik w bdli la chambre w sali rak3atayne

ra7 yji waqte w yamak tandam id raki tkray tqray diri interne w bati f lmsside bah tray7i ro7ak min lmachakil

moshekiltak s3iba sghira w hmome danya tay7a 3lik

chofi id haba nssa3dak ktbili message f prive w ndir wach nkdar 3lih nssa3dak
rabby ykoun m3ak
matmardiche ro7akkima koltlak