5 كلمات تُكلف الزوجة 5 اشهر مقاطعة من زوجها [الأرشيف] - منتديات الجلفة لكل الجزائريين و العرب

السي محمد

2014-09-19, 19:28

السلام عليكم

لدي صديق 29 سنة متزوج ( لا ادري إن كان لفظ متزوج يصف حالته فعلاً) زوجته 27 سنة

يحكيلي قصته بتأثر و حُزن شديد

خرج ذات يوم مع زوجته للتسوق

مرّعليهما شُرطيان يمشين في الطريق ( عادي )

فقالت الزوجة لزوجها ( صديقي) : شوف البوليسي هذاك شحال شباب ( انظر للشرطي كم هُو وسيم)

يحكيلي صديقي انه من يومها لم يكلمها اكثر من 30 ثانية متواصلة

يعني السلام عليكم ...و عليكم السلام ..... صباح الخير ...مساء الخير ... وش نجيب ...وش تحتاجو... جيب الحليب و الخبز ... جيب كذا جيب كذا..... شكون عندنا ... و كلام امام الاهل فقط ...

هي حاولت كم من مرة ان تكلمه و تُصلح الوضع ...لكنه يرفض...يرفض ان يتجاوز تلك النقطة

القصة هاذي حدثت قبل 5 اشهر ...حاولت نصيحته و تغيير رأيه

ولكنه يقول : مادام البوليسي عاجبها...تطلب الطلاق و تتزوج بيه..

.و مادام انا مش عاجبها علاه تقبل بيا من الاصل؟؟؟

هو لا يريد التطليق من طرفه و لكنه لن يمانع إذا طلبت

...ولكنها تعتبر الامر زلة لسان و غلطة و يجب ان تصبر لعل الله يجعل لها مخرج

منذ 5 اشهر

لا كلام ككل الازواج و لا معاشرة و لا شيء

يدخل ياكل يشرب يرقد في مكان مستقل عنها...و فقط

ما رأيكم ؟؟؟ و هل من حل لهذا المُشكل ؟؟؟

*سندوسة*

2014-09-19, 19:31

الله يهديهم ويصلح احوالهم

وربي يقدرهم ويفوتو هاد المرحلة

hodayena

2014-09-19, 19:54

هي صح غلطت مي ماشي لهد الدرجة 5 اشهر عقاب كبير انصحو يعيد التفكير جيدا والله مرة زوجة قالي على هيام تاع حريم الشلطان جمالها خلاب قتلو كي جمالها خلاب كنت تتزوج بيها ماشي بيا ودرت وخليتو
ابقى وراه وحاول تصلح بيناتهم بكل الطرق حتى لوكان تدي امام بينك وبنهم يكون صالح ويعرف يهدر وربما تصلح الامور هي زلة لسان والله المسعان

هبة خير

2014-09-19, 20:32

واعرة بزاف الكلام قدام زوجها بصح ما توصلش للطلاق حاولو معاه واستعينو بامام اوشيخ والله يهديه خراب البيوت صعيب وزلة اللسان وين توصل

loufa

2014-09-19, 21:22

السلام عليكم
بارك الله فيك لانك تحاول الصلح بينهم
هي صحيح كلمة لن تعجب اي رجل ولكنها زلة لسان ولو انه عملها حفلة نتاع زوج دقايق وتفوت على الاقل يكون خرج اللي في قلبو وهي ماتزيدش تعاود

هي الان تعلم حسب مافهمت بان زوجها زعف تحاول ترضيه وتعتذر وتقنعو بانها مجرد غلطة غير مقصودة وهو ايضا لازم يفهمها حتى ماتعاودهاش
يبدو انهم عرسان جدد مادارش عليهم العام

اخي واصل محاولة الصلح لعلك تكسب اجرا

ام النجمين

2014-09-19, 22:52

ربي يهديهم ويصلح حالهم خليك محضر خير وهذي راها تعاقبت 5 شهور خلاص يفوتها هو ثاني قادر يغلط ربي يهدينا

أم شروفة

2014-09-19, 22:53

حقيقة اخطأت خطأ كبير.لكن كان من واجبه ينبهها ويقوللها هادي المرة جوزتها والمرة الجاية راكي تشوفي .وفي نفس اللحظة يقضي على المشكل لماذا 5 اشهر كلها .هي ربما لاتدري ما سبب هاذا الجفاء.ربي يهدي الأحوال

زرقـآء اليمآمـة

2014-09-19, 23:23

السلام عليكم
يا الهي ! كم هي جريئة ........... صديقك هذا جُرح في كرامته وعنده الحق في مقاطعته لها وعنده الحق يغضب منها فهي اخطات خطا جسيم وفتحت على نفسها باب يصعب غلقه ....... ولاننا مسلمون وجب ان نقف وقفة ناصح لا محرض .......... والسؤال المطروح الم يحاول صديقك التكلم معها مستفسرا ؟ او مؤنبا ؟ او بحثا عن حل معها ؟ ربي يهديهم ويصلح ما بينهما ............. الله المستعان

عبد الله 22

2014-09-20, 12:22

السلام عليكم ربما جرح لن يندمل حاول معه بما انه صديق لعل الله يجعل الخير على يدك، بالتوفيق

" أبو عبود"

2014-09-20, 13:40

هذا ليس خطأ فحسب هذه كارثة. والله لو كنت مكانه لطلقتها في تلك اللحظة. يعني وفي وجه زوجها قالت له هذا والشرطي بعيد عنها، ماذا لو التقت الشرطي هذا وهي لوحدها؟؟؟؟؟ تصرف كهذا ليس فيه أي علاج ولا تصحيح.

achwak.1993

2014-09-20, 17:34

ربي يصلح حالهم واضح أنها زلة لسان فقط حاول إقناعه يا أخي
إن أبغض الحلال عند الله الطلاق

achwak.1993

2014-09-20, 17:36

ربي يصلح حالهم واضح أنها زلة لسان فقط حاول إقناعه يا أخي
إن أبغض الحلال عند الله الطلاق

السي محمد

2014-09-20, 20:34

السلام عليكم شكرا لكم اخوتي و اخواتي

لقد حاولت و حاولت و لكن لن انجح بكل صراحة

لاني اصلا مش مقتنع بان يسامحها

غريبة و قاسية تلك الكلمات

كيفاش مع راجلها تخزر في رجُل آخر و تزيد تقولها و ما تحشمش؟؟؟

ربي يصلح احوالهم و احوالنا

هبة خير

2014-09-20, 21:11

مادام ماقبلش اخي يسامحها يطلقها وما يخليهاش معذبة هاكا خمس شهور بزاف وهو هاجرها اما يصارحها ويفرغ كلشي والا ما قدرش يسامحها باش يعاشرها وعنده الحق يطلق يكحل يابيض

فجرالحرية

2014-09-20, 21:32

ليس لهذه الدرجة يبدو أن الرجل كان يبحث عن الفرصة التي تكون سببا في أن تطلب الطلاق ليطلقها ولا يخسر شيئا
والدليل أنه لا يريد أن يطلقها حتى تطلب هي
والا فلماذا لم يطلقها مباشرة مادام أن كلامها لم يعجبه

abdouillizi

2014-09-20, 21:45

أخطأت و أرادت التوبة فعليه أن يسامحها ,الله يغفر أعظم الذنوب و هذا لا يغفر لو حاسب الرجال نساءهم مثل هذا الرجل لما بقيت أسرة على وجه الأرض واصل النصيحة

فجرالحرية

2014-09-20, 21:45

اميرة الابتسامة

2014-09-21, 13:51

لدرجة الطلاق !!!! عجيب أمر الرجال

صح المرأة أخطأت بصح ماش حق عليه يخليها معلقة هكذا .. كان قادر يأنبها ويفرغ واش في قلبوا ... واذا طلبت السماح ..المسامح كريم

ربما هي اعتادت ع التعليق عند الخروج مالا يلقنها درس واذا ماش حابة تنحي من طبيعتها هذاك الوقت يطلق ميشي مخلي البئر بغطاه وهي في دار باباها قاعدة وكلام الناس مايرحمش هذا الوقت

ربي يصلح الأحوال

راضية بقدر الله

2014-09-21, 14:42

واالله شيء مؤسف و مؤلم بصح ربي سبحانو يغفر ويسامح و الله يصلح احوالهم واحوالنا

knives66

2014-09-21, 14:55

والله صعيب به تحدد بلي كانت تتمسخر ولا تهدر صح

هو تأثر ومن حقوا وباين عليه من نوع لما يرجعش

هو صح كلام ما يتقالش والحق عليها ويلزم تزرب وتصحح غلطتها

" أبو عبود"

2014-09-21, 15:56

سحابة مسافرة

2014-09-21, 18:51

هي غلطت من دون نقاش مكانش لازم تقولها او حتى تفكر في هاد الشي او حتى تخزر في الرجل
لكن صاحبك تاني اخطا اذا كان لا يستطيع ان يسامحها علاه هاد المدة كل ساكت ...يلم لها الكبار و يفهمهم و يخرجو بحل
السكوت ليس حل

yildiz

2014-09-21, 18:58

السلام عليكم
وللأسف معه حق في ردة فعله وإن كان بالغ نوعا ما في المدة .. لكن معه حق
وكيف لإمرأة متزوجة تنظر لرجل آخر وتراه جميلا بل وتفصح عن ذلك و لمن ؟ لزوجها ؟؟؟؟؟؟!!!!!!!!!!!!!!!!!!!!!
حقيقة أمر صعب جدا أن لا يحمد المرء نعم الله عليه
ولكن إذا كانت هاته المرأة - هداها الله - نادمة فعلا و واعية لسوء ما فعلته أظن أنه من طيب أصل الزوج و كرم أخلاقه أن يسامحها و يرجع إليها
فلربما مدة الهجر والعقاب كانت كافية لها ...والله اعلم
ربي يصلح حالهما و يعودو احسن مما كانا عليه إن شاء الله

*ام عبد الكريم*

2014-09-21, 20:39

لا حول و لا قوة الا بالله كيف لامراة متزوجة تنظر باعجاب الى رجل اخر هذه خيانة العين و تفصح باعجابها و تريد من زوجها ان يسكت هذا غير ممعقول و علاه اصلا تخزر في الرجال مهيش مقتنعة بزوجها حتى من باب الاخلاق اذا كانو المتزوجات يتصرفو هكا واش نقولو على العازبات - في رائ يجلس مع زوجتو و ينقشو الموضوع بجدية و هو ثاني الخصام لا يحل المشاكل لا بد من الحوار و التفاهم و العفو عند المقدرة و لعلا هذه الزوجة حفظت درس لن تنساه فلا بد يا اخي ان تكمل نصحك له ربي يهديهم و يصلحهم على بعض ان شاء الله تحياتي

ام اميمة الجميلة

2014-09-22, 09:22

يبدو أن الرجل كان يبحث عن السبب الذي يجعل زوجته تطلب هي الطلاق حتى لا يخسر شيئا
والدليل قلت انه لم يطلقها وانه ينتظر ان تطلب الطلاق
لو أنه كما يدعي أنه لم يعجبه كلامها لطلقها في حينها
ومهما يكن هذا ليس سببا مقنعا ليعاملها بهذا الأسلوب القاسي موت بطيء
وانما عليه ان يتخذ موقفا نهائيا وينهي الموضوع اما أن يبين لها أن هذا الكلام ما أعجبه ولا ينبغي أن تعيده ولوكان مزحا أو يطلقها ويتحمل أعباء الطلاق

السلام عليكم ورحمة الله تعالي وبركاته
ان ابغض الحلال عند الله الطلاق
واش بيكم واش بيكم انا نحترم زوجة كيما هذه لانها تعيش مع زوجها بصراحة معناها ماتخبي عليه والو
اي حاجة تشوفها او ديرها تحكيها لزوجها والدليل قالت واش في قلبها بلا ماتخمم
اعطوني اية في القران تطلق بيها المراة لمجرد عبرة عن ما شافت اتقوا الله اتقوا الله
هذا الزوج كان يحوس علي السبة باه يطلقها هذا ماكان
ماتروحوش معاه بعيد
الاسلام نصيحة ودين يسر وليس عسر
هذه الزوجة لوكان جات ماشي مليحة لوكان طلبت الطلاق من الشهر الاول راهي صبرت صبرت صبرت وماطلبتش الطلاق
من زوج كيما هذا
ادعوا ربي يصلح الاحوال بيناتهم

" أبو عبود"

2014-09-22, 09:44

إذا تركها سياتي اليوم ليجد الشرطي في بيته هذا هو التفسير الوحيد.

nawel zed

2014-09-22, 10:07

هي غلطت صح الرجل مش كيما المرا كون هيا ممكن تبكي تصرخ يغيضها الحال لكن مش لدرجة 5 اشهر كم من امراة كل يوم تتهان بطريقة غير مباشرة من امراة شافها برا شافها في التلفاز..........الخ هو زودها المشاكل ما تتحلش بكثرة الحديث او قلتو الانسان كل يغلط و تجي منوا هفوات و زلات لسان مي لازم المفاهمة و تصحيح الاخطاء باه يكملوا المسيرة

HDTV

2014-09-22, 10:30

تستاهل أكثر قليلة تربية وحياء
ان لم تستحي فاصنع ما شئت

الألماسة

2014-09-22, 11:13

" أبو عبود"

2014-09-22, 11:34

هي غلطت أكيد لكن نظن انها اخذت العقاب
انا صراتلي مع راجلي في اليوم 9 من زواجنا
كنا نتفرجو في فيلم و قالي حاجة على الممثلة (ما نقدرش نقولها)
غاضتني عمري و بكيييييييييت و زعفت منو لكن هو رجع يبرر انها كلمات طلعت بعفوية
لكن و الله الهدرة تجرح
يعني صديقك من حقو واش عمل لانو راجل
لكن حاول تصلح الامور بينهم أكيد هي زلة لسان
ربي يصلح الامور بينهم

هههههههههه حدث معي امر كهذا لما كنت متزوجا، طلبت مني زوجتي ان اتفرج معها مسلسلا تركيا ولم اكن افعل واصرت علي لانها لا تحب ان تتفرج لوحدها. كنت اتفرج على مضض فانا لا اشاهد غلا الرسوم المتحركة أو الافالم الوثائقية. راحت تقارن اممثلات هذه جميلة هذه اجمل هذه احلى. وعن قصد قلت لها كل اللواتي ذكرت أجمل منهم هذه واشرت غلى ممثلة لديها دور ثانوي. قالت لي : هذه؟ ونست الموضوع بعد 8 اهشر قالت لي : هاي هي الممثلة التي تحبها ههههههههههههههه ضحكت كثيرا ثم قلت لها : أنا احبها؟ قالت لي: نعم انسيت ما قتل؟ ههههههههههههه صدقوني يا جماعة لم يكن الامر إلا مزحة ثم هل يعقل وعمري 38 سنة واعيش في الصحراء ان افرك في حب ممثصلة تركية ههههههههه عجيب امر النساء.

الألماسة

2014-09-22, 11:47

هههههههههه حدث معي امر كهذا لما كنت متزوجا، طلبت مني زوجتي ان اتفرج معها مسلسلا تركيا ولم اكن افعل واصرت علي لانها لا تحب ان تتفرج لوحدها. كنت اتفرج على مضض فانا لا اشاهد غلا الرسوم المتحركة أو الافالم الوثائقية. راحت تقارن اممثلات هذه جميلة هذه اجمل هذه احلى. وعن قصد قلت لها كل اللواتي ذكرت أجمل منهم هذه واشرت غلى ممثلة لديها دور ثانوي. قالت لي : هذه؟ ونست الموضوع بعد 8 اهشر قالت لي : هاي هي الممثلة التي تحبها ههههههههههههههه ضحكت كثيرا ثم قلت لها : أنا احبها؟ قالت لي: نعم انسيت ما قتل؟ ههههههههههههه صدقوني يا جماعة لم يكن الامر إلا مزحة ثم هل يعقل وعمري 38 سنة واعيش في الصحراء ان افرك في حب ممثصلة تركية ههههههههه عجيب امر النساء.

اها يا سي خويا ابو عبود
انتم كي تغلطو معليش؟

الحياة فرصة

2014-09-22, 11:49

يا عباد الله في وجهو تقل له كلام كيما هاذا؟ يعني لو اكن راهي تلاقات مع الشرطي وحدها واش رايحة تقول وواش رايح يكون؟ وزيدو هو ولى في نظرها قرد؟ والله الطلاق قليل عليها. كي ما عطالهاش طريحة قدام الناس وبهدلها راه دار انجاز.

انت راك انسان غير سوي كيفاه قاتلو هذاك شباب اولتها انت انها كون ج ات وحدها تحكي معاه ننصحك ماتتزوجش لانو مرتك رايح تهبلها بالشك اما اذا راك متزوج خلات عليها

الحياة فرصة

2014-09-22, 11:56

والله الزوجة هاذي قالت كلمة عادية جدا فرضا كانت تمشي معاه فاتت وحدة وراحت عيينيه معاها وتمعن في النظر اليها واذا سالاتو على السبب قالها شابة يا ترى هل تفعل مافعله زميلك الله يهديه والله يكون في عونها

" أبو عبود"

2014-09-22, 12:45

حواء 19

2014-09-22, 15:07

انا في رئيي انها صح غلطت بصح كي يطلب العبد من ربي باه يسامحو ربي يسمحلو بصح هو وين يبان قدام ربي حتى صاحبك يا اخي راهو قرطها و بزاف ربي يهديه برك هادا مالا كي تعيش معاه هادي المغبونة تقعد غير تعس في فمها وش يهدر و واش يقول هادا الفم يهدر المليحة و اللي ماشي مليحة انا عندي فيها ماشي معيشة كون ما عجبهاش زوجها ما تزوجش بيه حقو حكمها عطاها طريحة مليحة و ما تنساهاش عمرها اكل نحا بيها الزعاف و ولاو لبعداهم و خلاص و شكرا

HDTV

2014-09-22, 16:01

ليس من الرجولة أن ينظر رجل إلى امرأة لا تحل له وهذا امر مفروغ منه اما ان يقول لها انها جميلة ويثني عليها اماما زوجته فهذا ظلم كبير. انا والحمد لله اعرف حدودي ولكني اضع كرامتي وكبريائي وغروري ورجولتي فوق كل شيء. زوجتي تعبر عن اعجابها برجل ثم اسكت؟ في رأيك اذهب واحضره لها كي اكون رجلا من وجهة نظرك؟ الديوث من يقبل هذا.

بارك الله فيك الاخ عبود

ورد في الحديث عن ابن عمر رضي الله عنه أن الرسول صلى الله عليه وسلم قال: ( ثلاثة لا ينظر الله إليهم يوم القيامة العاق لوالديه والمرأة المترجلة والديوث)
والديوث هو الذي يرى المنكر في أهله ثم يسكت ولا ينكره
قال النبي صلى الله عليه وسلم : لا يدخل الجنة ديوث قالوا : مالديوث يارسول الله قال : الذي يقر الخبث في أهله
وقال العلماء:
الديوث هو الذي يرى المنكر في أهله ثم يسكت ولا ينكره
والديوث هو الذي يرضى على أهله السوء والفحشاء والوقوع في الدنس
والديوث الذي لا غيرةَ له على أهل بيته

حـــــــــــــــــوِيتَة

2014-09-24, 19:18

لا حول ولاقوة إلا بالله
علاه هذا الشي كامل كون جات عزيزة عليه ما يعاديهاش هذي المدة الله يهديهم آمين
وهي لازم عليه تلقى طريقة ترضيه بيها
ربي يسهل وتصالحهم

السي محمد

2014-09-24, 20:02

لا حول ولاقوة إلا بالله
علاه هذا الشي كامل كون جات عزيزة عليه ما يعاديهاش هذي المدة الله يهديهم آمين
وهي لازم عليه تلقى طريقة ترضيه بيها
ربي يسهل وتصالحهم

بالعكس

على قَدر المحبة يكون العَتب و الغضب

حـــــــــــــــــوِيتَة

2014-09-24, 20:07

بالعكس

على قَدر المحبة يكون العَتب و الغضب

والله يا أخي أن تعيش تحت سقف واحد مع شريك العمر وهو بهذا الجفاء والعناد وان تصل للطلاق فما أعظمه من حب !!!!!!!

'القعقاع 23'

2014-09-25, 11:11

ربما كان الشرطى وسيما حقا !! و أوسم من زوجها ...لكن ليس معناه أنها تحبه !! فالحب لا يكون للشخص الوسيم فقط...

الشرطى وسيم لكنها تحب زوجها الدى هو أقل وسامة من الشرطى.

لكن لا ينبغى أن تقول أمام زوجها بأن الشرطى وسيم...لا يليق. فهده المرأة
1- اما أن تكون عاهرة بكل ما تحمله الكلمة من معنى ,وزوجها أعلم بها .. فيجب أن يطلقها و لا يتردد
2- و اما أن تكون جاهلة فهى لا تقصد ما تقول ..فيجب على زوجها أن يتعقل و يعلمها و يعالج المشكل

تحياتى

جمعي البشاري

2014-09-25, 11:59

ورااه غظ البصر ..كل هدا بسبب المسلسلات التركية والهندية ربي يهديكم ويهدينا الى صراط المستقيم
++++
على حسب مافهمت يوجد فرق كبير في المستوى بين الزوجين ..لازم يوضع نقاط على الحرووف ويفهمها مايجوز لها ويهديلها كتب في مايخص الحياة الزوجية ..واعتقد انها فترة كافية لعقابهاا..ومناسبة العيد الاضحى يطوي الصفحة ويبدا من جديد

نسائم الهدى

2014-09-25, 20:12

السلام عليكم اخي محمد

يا اخي صاحبك هدا راه الله يبارك صبوووووووور لاقصى حد

انا لوكان يقولي زوجي شوفي هديك شحال شابة انحيلو عينيه ولا نعميه

و هو لوكان نقولو شوف هداك شحال شباب؟؟؟

ياااااا ويلي والله غير يحفرلي عند رجليا و يدفني فالمكان وين واقفة

انا تصور!؟!؟!؟!؟!؟

مرة قلتلو على واحد الشيف يجي في قناة سميرة اسمه // فارس جيدي //

قلتلو :

شوف ما شاء الله عليه انا هدا الشيف دون الاخرين تعجبني طريقة الشرح ديالو تحسو واحد من العايلة

دون مقدمات راح قطع الكهرباء على الغرفة /حنا عندنا كل غرفة عندها قاطع وحدها /

و جا دخل فالفراش و رقد و كنا في فصل الشتاء هو يحمل السخانة و يحمل البرد عندو نورمال

مي انا بت ليل طول نفيبري و الثلج يطيح برا

و ما حكاش معايا ثلاث ايام و من داك النهار ممنوع نشوف هداك الشيف مي قدامو برك كي ما يكونش نتفرج نورمال

و زوجة صديقك ما بذلتش مجهود باش ترضيه لوكان جات مرا و فحلة ما يقدرش يبعد عليها زوجها كتر من اسبوع على الاكتر

و ممكن ما صابتش مسكينة اللي يفهمها و يوريلها صلاحها و يعلمها كيفاش ترضي زوجها

انا لوكان جيت نعرفها ما يزيدش على ثلاث ايام تصيبو يمشي و ينظر فالسما و يضحك وحدو

مي الله غالب ما نعرفهاش

ربي يجيب الخير و يهدي سرهم و يريح بالهم يااااااا رب

سلام

نسائم الهدى

2014-09-25, 20:28

لا حول ولاقوة إلا بالله
علاه هذا الشي كامل كون جات عزيزة عليه ما يعاديهاش هذي المدة الله يهديهم آمين
وهي لازم عليه تلقى طريقة ترضيه بيها
ربي يسهل وتصالحهم

لالا اختي اسمحيلي

مي في هدي راكي غااااالطة بالبزاف

مثلا انا شحال من مرة يديرها وليد عمي ولا وليد عمتي و يقولي :// شوفي هديك الله يبارك شحال شابة //

نقولو :// ايا احشم و دور راسك الاولى لك و الثانية عليك //

انصحه و لكن لا اغضب

مي لوكان يديرها زوجي و يقولي شوفي هديك شحال شابة و الله غير نكرهو في حياتو و فالنهار اللي بدا يشوف فيه

فهمتيني اختي؟؟؟

العتب على قدر المحبة كيما يقولو ناس زمان

اللي تحبيه هو اللي تغيري عليه اما اللي ما عندوش مكان في قلبك ما يهمكش كي يطيح في لزرق

و زيد ما هيش جاست وحدة تقول لراجلها شوف هداك شحال شباب

روووووح آسيدي شافت واحد زين و عجبها مع انو نورمالمو ما تمشيش مع زوجها او حتى وحدها و تشوف فالرجال

مي كومام نقولو العين ما عليها زرب شافتو زين و اعجبها تخليها في قلبها و تبلع فمها

ماشي تقول للسيد شوف شحال زين كلي راهي مع صاحبتها موش زوجها

مي هدي كااااااااامل مالدسارة الزايدة و عدم ترك مساحة احترام بين الزوجين

عذرا اختي على التعقيب

ارجو ان لا يزعجك او يغضبك ردي

و سلام

hodahodahoda

2014-09-26, 12:11

المراة غلطت
لكن لعلها تقصد ان الشرطي يليق عليه لباسه الرسمي
رغم انه كلام علط
اظن لو كان عندها قصد و نية لا تبدي رايها امامه
5 اشهر مبالغة
صديقك للاسف عنده وسواس النساء
المفروض نحن من فينا الشك و الظن

*أم كوثر*

2014-09-26, 12:49

السلام عليكم
مادام باقي معها الى هذا اليوم فالسبب ليس تلك الكلمات بل ربما لخوفه من تبعات الطلاق من نفقة ووووو
لانه ومع احترامي لشخصه من يغضب الى هذه الدرجة لن يصبر مدة 5 اشهر على هذا الحال كان طلقها في لحظتها
اما وان مرت 5 اشهر اظن ان الزوجة تأدبت وعرفت قيمة خطأها
والمفروض
جلسة مصالحة بينهما تكفي بان تعيد المياه الى مجاريها
لن اقول ان ماحدث هيّن ولكن كل بني آدم خطاء.

حـــــــــــــــــوِيتَة

2014-09-26, 13:18

لالا اختي اسمحيلي

مي في هدي راكي غااااالطة بالبزاف

مثلا انا شحال من مرة يديرها وليد عمي ولا وليد عمتي و يقولي :// شوفي هديك الله يبارك شحال شابة //

نقولو :// ايا احشم و دور راسك الاولى لك و الثانية عليك //

انصحه و لكن لا اغضب

مي لوكان يديرها زوجي و يقولي شوفي هديك شحال شابة و الله غير نكرهو في حياتو و فالنهار اللي بدا يشوف فيه

فهمتيني اختي؟؟؟

العتب على قدر المحبة كيما يقولو ناس زمان

اللي تحبيه هو اللي تغيري عليه اما اللي ما عندوش مكان في قلبك ما يهمكش كي يطيح في لزرق

و زيد ما هيش جاست وحدة تقول لراجلها شوف هداك شحال شباب

روووووح آسيدي شافت واحد زين و عجبها مع انو نورمالمو ما تمشيش مع زوجها او حتى وحدها و تشوف فالرجال

مي كومام نقولو العين ما عليها زرب شافتو زين و اعجبها تخليها في قلبها و تبلع فمها

ماشي تقول للسيد شوف شحال زين كلي راهي مع صاحبتها موش زوجها

مي هدي كااااااااامل مالدسارة الزايدة و عدم ترك مساحة احترام بين الزوجين

عذرا اختي على التعقيب

ارجو ان لا يزعجك او يغضبك ردي

و سلام

بالعكس فرحتيني بالتعقيب هانتي رآه ضرك قلبك ورديتي عليا^_^ تتخيلي راجل يعاديك 5 أشهر كامل .واش بيه عايش مع يهودية!!!!! كي غاضو الحال كون طلقها ها يكون راجل وما يقعد يتكسل عليها أو مرتو ماشي عاجباتو من قبل الي يحب يسامح ولا غير يعاتب!!!
ياريت صاحب الموضوع كي يحدث جديد يقوللنا

catia

2014-09-26, 13:53

اخي الكريم
لا احد يقبل ان تتغزل زوجته باي كان امامه او في غيابه فصديقك معذور ولكن الحل ليس بهذه المقاطعة اما ان يطلقها ويرتاح وترتاح هي اويصفح عنها بشروط وان كنت ادرك ان الشك تغلغل الى قلبه ولن يثق بها مستقبلا

7anine 87

2014-09-26, 14:53

مش ساهلة مي ربي يصلح الاحوال لى معجبنيش غير الوجه الصحيح لزوجتو هو تصرف الزوج يعنى ليغير على عرضو وما يحملش يطلق فى اديك الساعة اما انو مايحبش يطلق مى كون هى تطلب يطلق هادى معجبتنيش يعنى دخلت فيها حسابات مابعد الطلاق وهدى مايديرهاش راجل فحل اسمحلى خويا هو كان امام خيارين وقتها يا الانفصال لميتمناه حتى واحد يا يعاقبها مى يوضع سقف للعقوبة مش يخيلى المجال مفتوح لانو هكا هو تانى قاعد يخسر المراة غلطت وغلطة غلطة كبيرة مى العفو عند المقدرة فضيلة كبيرة ومش اى واحد يقدر يديرها انصحو خويا وماتملش وتخيل انو هدى المرا قريبتك اشفق عليها عمبالك خمسة شهر واش معنتها واللله ماهى ساهلة ربي يهدينا اجمعين وان شاء الله تصفى القلوب وترجع الامور لنصابها

نسائم الهدى

2014-09-26, 15:20

بالعكس فرحتيني بالتعقيب هانتي رآه ضرك قلبك ورديتي عليا^_^ تتخيلي راجل يعاديك 5 أشهر كامل .واش بيه عايش مع يهودية!!!!! كي غاضو الحال كون طلقها ها يكون راجل وما يقعد يتكسل عليها أو مرتو ماشي عاجباتو من قبل الي يحب يسامح ولا غير يعاتب!!!
ياريت صاحب الموضوع كي يحدث جديد يقوللنا

بارك الله فيك اختي

ربي يحفظك

مي بيناتنا؟

كيما يقولو السوريين

// هالرجال براسو موال بدو يغنيه، بس يا ريتو يغنيه ع بكييير //

سلام

السي محمد

2014-09-26, 20:16

السلام عليكم شكرا على الاهتمام

صاحب المشكلة شاهد الردود كلها و هناك امل في الصلح

خصوصا مع اقتراب عيد الاضحى

hodayena

2014-09-26, 21:16

السلام عليكم شكرا على الاهتمام

صاحب المشكلة شاهد الردود كلها و هناك امل في الصلح

خصوصا مع اقتراب عيد الاضحى

الحمد لله الي هداه الله
قول بلي قبل ماتحاسب انسان او تعاقبو بهذه القساوة حط نفسك في بلاصتها تعيش مع انسان تحت سقف واحد ومعاديك يا اخي راننا بعاد وعيينا خليك داخل الدار ربي يصلح حوالهم ويهدي سرهم انشاء الله

زَكَرِيَّاْءُ

2014-09-26, 21:29

الصلح أولى ، وجلَّ من لا يخطئ والإنسان لابدَّ أن يعفوا ويصفح قبل أن يقدم على أي فعل قد يندم عليه في المستقبل

وما دام أنَّ المشكلة هينة وبسيطة وتعتبر زلَّة لسان ولن تتكرر بإذن الله تعالى فعليه أن يحافظ على زوجه وبيته ولا يفرط بهما

أسأل الله أن يهدي القلوب والنفوس للحق المبين ، وأن يجمع الشمل ، وأن يصلح حال كل بيت مسلم.

حـــــــــــــــــوِيتَة

2014-09-26, 23:22

السلام عليكم شكرا على الاهتمام

صاحب المشكلة شاهد الردود كلها و هناك امل في الصلح

خصوصا مع اقتراب عيد الاضحى

اللهم آمين ربي يصلح بينهم

bass_inf

2014-09-27, 13:07

حرام عليه اللي يعمله في مرته
اما امساك بمعروف او التسريح باحسان
والله يربح ذنوبها و لانها منعها العيش بقربه كاي زوجين او يطلقها ممكن يتزوجها اخر يعوضها
هي غلطت لكن اول درجات العقاب هي العضه ماشي الهجر لمده 5 اشهر
( واللاتي تخافون نشوزهن فعظوهن واهجروهن في المضاجع واضربوهن، فإن أطعنكم فلا تبغوا عليهن سبيلا...*)
كي دارت تصرف ما عجبكش اول شي عضها و فهمها غلطها و اذا كررتها اهجر وللهجر قوانين كما قالوها العلماء
و بعدها الضرب
حرام عليه
ولا احد يعقب على تصرف الزوجه لانها تتصرف بعفويه مطلقه و كل واحد وطبعه او ممكن ارادت ان تستثير غيرته او انها كانت تمزح معه او انها صغير في العمر ولا تعي عاقبه تصرفها هذا او انها لها السبب اخر
لذلك من المفروض ان يناقشها في الامر و يفتح المشكل معها و يرى سبب تصرفها و قولها هكذا
زوجها اساء التصرف في اول مشكل لم يتحمل المسؤوليه ابدا في حل المشكل او مناقشته .. يؤسفني ان ارى رجال تتصرف بدون وعي وكانه طفل صغير عندما يغضب يبتعد و لا يراعي حقوق الامانه التي بيد يديه و يهرب من المشكل
وبما انك اخي نشرت الموضوع فهذا ردي امانه توصله لصاحب المشكل عله يهتدي و يحسم امره او يعفو
فال تعالى (وان تعفو وتصفحو وتغفرو فان الله غفور رحيم )
( إن من أبغض الحلال إلى الله الطلاق )

علي الطاعني

2014-09-28, 20:11

الييك هذه القصة
خرج الجبيب المصطفى صلى اله عليه وسلم بعد ان اصيب بارق ليدعو لاصحاب البقيع وكان عند امنا عائشة رضي الله عنها وما ان عاد يجد الباب موصدا وتأبى امنا عائشة ان تفتح ظنا منها انه كان عند احدى امهاتنا زوجاته .
اما صاحبنا فكان يكفي ان تاخذ طريحة خفيفة ومن بعد يتصالحا والصلح خير

optimism

2014-09-28, 23:02

السلام عليكم
قبل ماارى التعليق الاخير لصاحب الموضوع ,,,,,,قلت,,,,,ياريت يقراو اصحاب مشكل الردود ,,,,,,,,,,حتى يروا ,,,,,,,,,,جوانب كثيرة ,,,,,,,يكتشفوا اختلاف الاراء
ليس هناك خطا مطلق ,,,,,,,,,,,وصح مطلق
بحق هذه الايام المباركة ,,,,,,,ان شاء الله,,,,,,الصلح وكل الخير

ayaamira666

2014-09-28, 23:15

هادا الرجل بالغ بزاف االمراة لم يكن قصدها اكيد راح تلقى الشرطي جميل و انيق في بدلة الشرطة و عبرت على رايها يعني ماهدرتهاش لعامة الناس بل لشرطي

kakita22

2014-09-29, 18:22

السلام عليكم ورحمة الله تعالي وبركاته
ان ابغض الحلال عند الله الطلاق
واش بيكم واش بيكم انا نحترم زوجة كيما هذه لانها تعيش مع زوجها بصراحة معناها ماتخبي عليه والو
اي حاجة تشوفها او ديرها تحكيها لزوجها والدليل قالت واش في قلبها بلا ماتخمم
اعطوني اية في القران تطلق بيها المراة لمجرد عبرة عن ما شافت اتقوا الله اتقوا الله
هذا الزوج كان يحوس علي السبة باه يطلقها هذا ماكان
ماتروحوش معاه بعيد
الاسلام نصيحة ودين يسر وليس عسر
هذه الزوجة لوكان جات ماشي مليحة لوكان طلبت الطلاق من الشهر الاول راهي صبرت صبرت صبرت وماطلبتش الطلاق
من زوج كيما هذا
ادعوا ربي يصلح الاحوال بيناتهم

ouiii c vrai ayhawas 3la saba c tt

slimane111

2014-10-02, 08:51

واعلاش مخرجها معاه للسوووووووووووووووق
خليها في البيت بزاف عليها
المراة من بيتها لقبرها .... هل توافقوني الراي

السي محمد

2014-10-02, 18:20

واعلاش مخرجها معاه للسوووووووووووووووق
خليها في البيت بزاف عليها
المراة من بيتها لقبرها .... هل توافقوني الراي

اوافقك اكيد

:19::19:

sara2014

2014-10-02, 19:12

سلام عليكم يا بني انسان
اولا كان عليه ان يكتفي هو بالشراء ولم يكن هناك داعي لرفقته الا لضرورة
الخطا الاول خطاه
نعم لا توجد دياثة والحمد لله مازال رجال
الانسان يخطا يا بني البشر حلال عليكم حرام عليهم والله المستعان نعم هي امراة اخطات والخطا الاول والاخير خطاه لانه هو من فتح لها المجال لقول هذا فلو نظرة هيبة واحترام منه تتوقف لوحدها اتقوا الله يا من يقذف في بنات الناس والطلاق والطلاق ولا ادري ماذا لا حول ولا قوة الا بالله اما عن ذاك الصديق خطاه منذ البدايو وهي ايضا فليادبها بطريقته وليخبرها ما يجول في خاطره لعلها تدرك خطاها ولا تكرره الكمال لله

abdelhamid24

2014-10-02, 21:00

السلام عليكم
المراة لازم تفرق بين الجد و المزح مع زوجها
بالنسبة لي اذا المراة اعتادت ذكر سيرة امراة امام زوجها فهي تهين نفسها و اذا جابت سيرة راجل فهي تهين زوجها
بالنسبة لهذه القصة تلك المزحة هي القطرة التي افاضت الكاس. الظاهر انها ليست المرة الاولى الي يحس فيها الراجل ياستهزاء الزوجة .والا كان فوتها عادي.
الانسان يحس ويعرف اللي يحبو بحق.و الكارثة اذا شككت في حب الطرف الاخر
الراجل لازم يكبر عقله مع النسا تاع هذا الوقت.المراة ضعيفة و التجاهل ماهوش كل الحل. والحب والاحترام ما يجيش بالسيف
المحافظة على البيت اصعب من بنائه

ما نيش متزوج -ادعولي في هذه الايام المباركة بالزوجة الصالحة تكون شرطية مرور حياتي

slimane111

2014-10-05, 20:34

مبروووووووووووووووووك عليك حبيبنا الشرطية

لمسة L

2014-10-06, 15:59

اخي الكريم ، انا ايضا حدث لي هذا الموقف مرتين
المرة الاولى كنا نتفرج على مسرحية و في خضم الضحك قلت له ان هذه المقولة تنطبق على زميل لي في العمل فانزعج و مر علي اسبوع كئيب و عندها شككت في سبب انزعاجه قم مرة اخرى باستفزازه فزاد غضبه

حاولت و حاولت و حاولت لكن بعد 10 ايام و بينما نحن في الطريق الى العمل اختلس النظر الى فتاة مر بنا و بعدها اخذ يتقفى اثرها عندها لومته على تصرفه هذا الذي منذ ان تزوجته يستغل كل الفرص للنظر الى الاخريات

و انا عندما اخطات لم يرد ان يغفر لي بعدها تناقشنا حول الموضوع و اكدت له ان نية كانت صافية
فكما نغفر لكم ايها الرجال عليكم ان تراجعو انفسكم و تحاولو ان تغفرو زلات اللسان
اخي ،قل لصديقك ان يتذكر كم من مرة سامحته على جرح كرامتها و ايذاء مشاعرها

aya911

2014-10-07, 01:17

زبدة ذايبة

2014-10-10, 15:34

ليس دياثة أن يتقبل رجل انبهار زوجته بجمال و حسن رجل أخر و ليست خيانة ان يعجب رجل بجمال واخلاق امراة اخرى. مادام لم يقدموا على الخطوة القاتلة (الاتصال)
رجال و نساء أخر زمن، يخرج معاها يدورو في وسط الرجال ولبنات و مبعد الي تعجبه حاجة و يقولها تنعد خيانة و دياثة الله يلعن هذا الزمان و ناسو

الحمد لله والصلاة والسلام على رسول الله وعلى آله وصحبه، أما بعـد:
أخرج الإمام مسلم في صحيحه عن أبي هريرة أن النبي صلى الله عليه وسلم قال: لا تسبوا الدهر فإن الله هو الدهر.

ورواه البخاري بلفظ: يسب بنو آدم الدهر وأنا الدهر بيدي الليل والنهار.

ولاتلعني المسلمين فترتد عليك اللعنة فلله الحمد الأمة فيها من الصالحين وفيها من الغيورين والغيورات على دينهم مالا تتوقعين أن يكون فتق الله في خلق الله . ولاتصبي علينا لعناتك فتبوئي بها لوحدك

زبدة ذايبة

2014-10-10, 15:44

وددت يا أخي ياصحاب الموضوع لو أن صديقك هذا كان أكثر رجولة مما وجدته عليه

وددت لو أنه قام بضربها أو حتى تهديدها حتى لاتكرر مافعلت مرة أخرى وحتى تعرف حدود بيتها وحدود زوجها.

أنتم تتجرعون ثمار التسيب والإهمال من الوالدين في التربية فالأخلاق المنحلة واللامبالاة من الوالدين هي سبب نشوء الفتاة على هذا النحو.

قد تكون زوجته من النوع الذي تعود على الحديث مع صديقاتها بهذا الأسلوب -على فرض أن الزوجة من أسرة محافظة ومتدينة- أو قد تكون نشأتها على الحرية والتفسخ فكيف يطالبها بالاحترام وبتقديره وهي لاتعرف معناهما. (فاقد الشيء لايعطيه).

كان الأجدر به والأولى أن يكون حازما معها لاأن ينتظر منها أن تطلب الطلاق
كان الأجدر به أن يعقد أمره ويخط حدود بيته وأسرته لأنه هو الحصن المنيع.

كيف لي بزوج يخبئ رأسه بين ذراعيه ويخبئ لسانه ولايستطيع حتى أن يظهر لها خطئها.

لنفرض أن زوجته مريضة ألن يعالجها ؟ أم يتركها فريسة للمرض.

أرجو أن يعيد صديقك نظره في قوامته لأنه حتى وإن طلقها فسيجد الزوجة الجديدة لها أخطاؤها وسيطلقها هي الأخرى.

ووالله ماتجرأت زوجته على مدح رجل آخر إلا لأنها تعرف أنه شخص سلبي وبقد لنا ذلك

]ماهكذا تدار البيوت يا أخي فالمرأة في أمس الحاجة لرجل قوي "يضربني ويضرب عليا[/color]

soliel d'or

2014-10-10, 17:49

السلام عليكم ورحمة الله وبركاته ..

لا حول ولا قوة إلا بالله ..

الكلمة كانت صعبة جدا و لا يمكن للطرف الآخر تقبلها بكل هذه البساطة ..

و تستطيع أن تدخل الخنجر و تقول آسف لكن ربما الجرح لن يبرح مكانه

وقد وصانا العليم القدير : " وقل للمومنات يغضضن من أبصارهن ... "

لذلك يجب على المرأة أن تلتزم بشرعها ، و المرأة ليس لديها إلا زوجها قرة عينها

وجنتها و نارها .. يجب أن تتصف بالحكمة في التصرف ... ،

و الاخطاء تقع ... حاول اقناعه بطوي هذه الصفحة و فتح صفحة جديدة ..

و ليعتبر تلك الايام التي قاطعها فيها مجرد عقوبة و يعودوا لحياتهم العادية

ببساطة ان الطلاق ليس مفتاح ... و ان يستمر في هذه الحالة لن يتغير شيء

وربما قد يؤثر و ينعكس عليه سلبا ...

على كل اتمنى ان يجعل الله له مخرجا و يتجاوزا هذه الازمة ..

وفق الله الجميع ..

mounaminou

2014-10-11, 13:31

chakhssya ghariba jiddan ......3lah mafrach l mochkil hada sur place.....ndon lmochkil fih tani .... 3ah mayajahch w bayan lghadab ta3o .......rabi yehdih w yehdiha ( hya tani matghadch el bassar tzid tdir f les commentaire

سارة الهاشمي

2014-10-13, 14:55

مشكووووووووووووووووووووووووووووووووور

life is life

2014-10-15, 15:54

نسا تاع اليوم بهلولات "" مع احتراماتي للجميع

كاين لي ما تعرف لا تهدر لا تعبر و كاين لي يبانلها هاد شي زعاقة و تمسخير يعني تضحك بهذا الاسلوب

على كل حال ربي يصلح لحوال و ان ابغض الحلال عند الله الطلاق
رغم انها لم تجد التصرف اطلااااااااااقا الا ان الامر لا يستحق الطلاق

و لكنه يحتاج الى حزم يعني الرد المباشرة

تمة كان يرد عليها يقوللها اذا هاك نطلقك و تزوجي بيه مادام يقول هاد الشي في الخفاء كان يقولهلها بشكل مباشر و تهديد مباشر

يعني موش واحد يعمر قلبه و يخلي حاجة في قلبو لهاد الفترة كلها

الله يهدي الجميع و السلام

هبوب

2014-10-15, 19:31

هذا درس وعبرة لكل متزوجة يجب تجاو أن هذي الاحطاء الصغيرة في كلماتها و الكبيرة في مقاصدها

biti

2014-10-17, 19:13

كان اولى بيه يعطيها طريحة و يزعف 10ايام و انتهي
مس 5 اشهر هدا زواج مشي لعب

slimane111

2014-10-21, 09:54

هدا حب اكبر الموضووووووووووووووووع فقط

lamsate hanan

2014-10-21, 11:46

و علاش ما نلوموش الراجل كي يقول لمرته شوفي هادي كي دايرة ولا عندها لاطاي شابة و لا عينيها شابين
ولا هوما حلال عليهم و حنا حرام

زرقـآء اليمآمـة

2014-10-21, 15:39

السلام عليكم ............. اخبرنا عن صديقك هل الحالة صافية لبن مع الزوجة ام الغيوم لم تنقشع بعد ؟؟

السي محمد

2014-10-23, 19:42

السلام عليكم

المشكل حُل و عادت المياه لمجاريها

ولكن كما يقول....مازال في القلب غُصة

عسى ان تزول بمرور الزمن

الحلم الجميل

2014-10-23, 20:21

ايا الحمد لله
العقاب بطول قطع العشرة بين الزوجين غير مستحب و له عواقب

..غادي يتعقد من اسلاك الشرطة و زيد هاد الايام راهم يهدروا غير عليهم في التلفزة
هههههه نضحك برك
ربي يطيب بيناتهم الا اني احس انه شئ فقد بيناتهم

samira135

2014-10-24, 11:24

هي صح غلطت لكن هو بالغ ياسر 5 أشهر كامل و حاب يطلق !!!!!!!!!

ام ملاك.

2014-10-24, 14:03

موضوع حساس لكن مايوصلش للطلاق كان يعيط عليها وفرات ديجا راه عاقبها بما فيه كفاية
ربي يهديهم

ام ملاك.

2014-10-24, 14:09

السلام عليكم

المشكل حُل و عادت المياه لمجاريها

ولكن كما يقول....مازال في القلب غُصة

عسى ان تزول بمرور الزمن

الحمدلله بلعقل ينسى ولا يخلفهالها هههه:d

الألماسة

2014-10-24, 16:23

الحمد لله
ربي يوفقهم

nihad khawrzmi

2014-10-25, 16:08

صاااار يحوسها هيا طلقو مع انو هوا لي باغي طلاق ماشي هيا مع احتراماتي ليك هذا طماع

الزهرة عثمان

2014-10-27, 10:47

الحل ممكن لهذا المشكل ان تظهر له الشيئ الذي احبه فيك والذي يثبث له مامدى حبكي له وهو الشخص الوحيد الذي لا يمكن لي ان اغيره بشخص اخر

أم محمد كرم

2014-10-27, 14:20

ربما هو رجل مهمل في نفسه و زوجته تحب الرجل المهندم و المكستم
و لكن هذا لا يمنع أنها تكلمت بلا ما توزن كلامها و يبدو أن عقلها خفيف لازم عليه يحاول يربيها و هذا المدة كافية و وافية خاصة أنها استعرفت و يحاول ينسى ممكن هي كلماتو بكل عفوية و لكنها غلطة كبيرة و تزعل صح بصح لازم يولي ليها لاعاد شاريها و يثبتلها بلي هو ثاني راجل و شباب ههههه
ربي يصلح أحوالنا أجمعين