حائرة في أمر خطوبتي ساعدوني تابع 3

[مشكلتي]

السلام عليكم
أنا صاحبة هذه المشكلة:
http://www.djelfa.info/vb/showthread.php?t=1672631
وهذه:
http://www.djelfa.info/vb/showthread.php?t=1673024
حبيت نوضح قالي راني قابل خدمتك ونزيد نسقسي ماما قتلو معليش والي فيها الخير ربي يجيبها ومن بعد وحنا نحكو قالي راني خايف تقول لا لا هنا حسيت بلي ما يقدرش يتخد قراراتو الشخصية وحدو وغضيت النظر وقلت معليش و في اليوم الثاني عيطتلي ختو قاتلي راها تقولك ماما الخدمة أنسايها بهذا اللفظ وقاتلك راها داري كبيرة وما تقدريش عليها اذا كنت خدامة بصراحة حسيت بلي رايحة نكون فام دو ميناج عندهم . سكتت وقلتلها اوك من بعد نردلكم الخبر وانا هكذا حتى عيطلي قالي نوفرلك كل شي وما تخدميش الله غالب ما نقدرش نقول ل ماما تخدم ومن فضلك فكري وما تزربيش وزدت سمعت بلي يماه تتحكم في كل شي على هذا خفت تكون غير هيا الي تحكم لوكان نتزوج بيه وخاصة عندي صديقة تطلقت قبل أسبوع بعد شهر من زواجها فقط وذلك من تسلط ام زوجها و قراراتها الظالمة علما ان زوجها يحبها جدا فما رأيكم هل أنا صائبة في قرار فسخ خطوبتي علما أنه جاء بعد تشاوري مع أهلي
وبارك الله فيكم
جمعة مباركة

[jissi]

ربي يعوض عليك

[الصديق قروف]

و خطيبك هدا مزال ميديرش دارو وحدو

[○•ميسون•○]

هاذا راح يتعبك في المستقبل غير اخطيك منهم ما تضيعيش حياتك معاه الزواج عمر و ليس يوم

لي ما عندوش راي اقراي عليه السلام

كاين شحال من وحدة نعرفها تطلقت بسبب ام زوجها

[سجود نور الايمان]

لم لفهم ما دخل الام في عملك’؟
هذا امر ما يفرحش بزاف لو كان هو وحدو لي ما حبش تخدمي عادي و لكن امو شوي يا اختي
ربي يجيبلك لي فيه الخير

[amine60]

هذا انسان عندو شخصية ضعيفة جدا و حاجة مليحة الواحد يطيع والديه و لكن مشي لهاذ الدرجة

[حواء 19]

استخيري ما خاب من استخار

[papino]

نصيحة ادعي ربي و اشترطي دارك وحدك اذا كان خدام و خذي مشورة والديك

[AMINA ORANAIS]

اختي انصحك بالاستخارة
قادرة نقولك افسخي الخطوبة على جال امه وقادرة نقولك على جاله متبطليش
استخيري لي فيه خير ربي يجيبه ان شاء الله

[hamza18]

سلام اخطيك منوا ومتفكريش في واحد كيما هو واحد طلب يد اختي نفس العقلية_ابن مماه_ لابات عليه والحمد لله ابعتلها ربي واحد كانت تتمناه

[biti]

بسيطة قوليلو انا تا ني ماما قالتلي بطلي و اخدمي ومننجمش نفولها لالا و فرات

[DJ-aminoo]

ظهر امور اخرى .. ردت الاخت عليك ..هذا خطأ منو من المفروض هو لي يردلك سواءا ايجابيا او سلبيا

مشكلتك بسيطة جدا اسألي نفسك

في حالة مشكل ما في العائلة هل تقدرو تخرجو بداركم وحدكم ؟ يعنى تروحو تكريو سكن ؟
اذا نعم اقبلي الزواج اذا لا يا اختى متغامريش

[ام جواهر]

[size="6"المفروض حكاية الخدمة خاصةبيكم انتوما في زوج. وعن تجربة راح تعاني انتي و كذلك في المستقبل لانو ضعيف الشخصية مثل ورق الشجر. الهواء الي يجيه يطيروا حتى لو كان يموت عليك حذاري. حذاري. ثم حذاريsize]

[ام جواهر]

[size="6"المفروض حكاية الخدمة خاصةبيكم انتوما في زوج. وعن تجربة راح تعاني انتي و كذلك اولادك في المستقبل لانو ضعيف الشخصية مثل ورق الشجر. الهواء الي يجيه يطيروا حتى لو كان يموت عليك حذاري. حذاري. ثم حذاريsize]

[ضيف الله1]

صلي صلاة الاستخارة ويظهر لك الخيط الابيض من الاسود ان شاء الله
ما خاب من استخار
وشاور المخلوقين-مشاورة من يعرفونهم اواقارب لكم قريبين منهم-

[sa78sa]

هاذا راح يتعبك في المستقبل غير اخطيك منهم ما تضيعيش حياتك معاه الزواج عمر و ليس يوم
فعلا اختي ميسون
وأنا لدي جزء من هذا غير ان بعدزوجي في عمله صعب تاثيره عليه أنصحك بمثلها ابتعدي خيرا الحب لا يسمن ولا يغني من جوع حبه لك كماء في الغربال الرجل الذي لا يقول لا في امر يتعلق بك فأكيد انه لن يقول لها لاء في المستقبل وماذام اهلك معك قولي لا ولا تخافي
اي إمرأة تنازلت من الأول ستطلين تتنازلين بلا كلمة شكرا
ربي يرزقك بما تتمنيه وربي يحميك

[salem1985]

الزواج راه عمر وزيد الصبر موش العمر كامل فكري مليح والى لقيتي بالي امو متحكم في كل شئ غير اخطيك لانو المراة تتعامل بالعاطفة والغيرة عندها بزاف وقادرة تطلقي على جال غيرتها لانو اي ام تشوف بالي الابن انتاعها ضاع منها بعد الزواج وتفكر كيف يرجع ليها ربي يصبرك اختي

[nouv-mariée]

ربي وش قاعد يدير ، علاه تشاوري في العباد ،
صلي لربي و ادعي ، ديري استخارة و استغفري ، اكثري من الاستغفار ، ادعي في الثلث الاخير من الليل

هذه حياة ثانية ، مش لازم تتسرعي و تقبلي ولا ترفضي ،، شدي في ربي ، هو اللي يبينلك الطريق الصحيح

[bougara088]

يماه قلتلك متخدميش هدا ماشي راجل انوش اخطيك منو

[عطر الجوري]

Ahsen karar welah tmararlk ichtek rabi hanak menhom w matendmich sadkini

[anissa90]

نصيحتي اليوم خير من غدوا اخطيك قبل مايطيح الفاس في الراس ما تقوليش بعد الزواج نبدلوا

[biologie2001]

لن اكدب عليك لو كنت مكانك لفسخت الخطوبة ..... من المفروض هده امور تتفاهمو عليها انت و هو و هو من يملي شروطه عليك و العكس كدلك .. و ليس شروط امه .هدا عديم الشخصية .... و من خلال ما قلت هدوا راهم باغيين فام دو ميناج ماشي عروسة لابنهم..

[ام رقية74]

ليس الحب كل شىء اختي ..حتى لو وجد مع الايام وكثرة المشاكل راح يروح و يولد مكانه حقد و كره
اختي طاعة الوالدين و احترامهم في كفة ..و شخصية الرجل و وفرض قراراته في كفة
انا نقولك تبعي راي والديك ما راح تندمي ابدا

[fifib05]

akhtak rajala bezaf

[عبدُ الله.]

اذا كان هذا الراجل عاقل وماخصو والو وراح يتهلى فيك من الناحية المادية ويفرلك كلشي علاه تخدمي ... ومادامو راضي هو بالخدمة راح يجي نهار ويخليك تخدمي لأنه بعد الزواج راح تتبدل عقليتو واذا كان لباس بيه راح يديرلك دارك في أقل من عامين بع الزواج كونك هانية ... بالتوفيق وربي يسهلك انشاء الله

[OM AYA]

نظن المشكل مش في الخدمة بحد ذاتها لان اي امراة عاقلة تلقى راجل يحبها وقادر يوفرلها كل شيئ و يحتويها و يحسسها انها كل شيئ عندو راح تسمح في كلش غير باه ترضيه
لكن في حالتك راكي معاه في حالة اللاامان في تهديد مستمر لان هذا الانسان رغم صفاتو الايجابية عندو نقطة ضعف اللي هي امه رغم انه من المفروض في الحالة الطبيعية الام مصدر قوة و سند
لكن لو في يوم من الايام صرا سوء تفاهم بينك وبين امه --- وواكيد راح يصرا بما انك راح تسكني في بيت اهله هذا البيت مش ملكك ملك امه هي صاحبة النهي فيه طبعا حقها-- هل لما يكون عندك الحق يقدر هذا الانسان يحكم يماه على جنب وو يقوللها من فضلكك امي توقفي ؟
هل هذا الشخص يحضى بالاحترام او تقدير من امه تخليها تسمع لابنها و تراجع نفسها لما تغلط ؟
هل هذا الشخص عنده امكانيات انه يوفرلك مسكن مستقل بالمستقبل القريب؟
اذا توفر السكن هل ستسمح الام بترك ابنها؟
والاهم انت ومدى مرونتك وتكيفك مع مختلف الاحتمالات مهما كانت الاجابة
هل ستتقبلين وترضين بما تامرك به

[fadilasor]

الباب اللي يجيك منو ريح سدو واستريح